Այսօր «Մարտակերտի փրկիչ»-ը կդառնար 30 տարեկան (տեսանյութ)
Սահմանին կանգնած մեր տղերքին անփորձանք ծառայություն ու բարի ... ՀԱՍԱՐԱԿՈՒԹՅՈՒՆ
Հայաստանը ցավակցել է Թուրքիային ավերիչ երկրաշարժի կապակցությ... ՔԱՂԱՔԱԿԱՆ
Սպաներին հորդորում ենք զերծ մնալ շանտաժի միջոցով իրենց իրավո... ԲԼՈԳ
Արմավիրի մարզում սահմանային անցակետի փշալարերի տակով անցած 2... ՀԱՍԱՐԱԿՈՒԹՅՈՒՆ
Երևան, 29.Հունվար,
00
:
00
:
00
Փոխարժեք
478.65
$
560.79

Բոլոր ընտրությունները մեր երկրին բերում են փառք ու պատիվ. Բակո Սահակյան

Past.am

Բոլոր ընտրությունները մեր երկրին բերում են փառք ու պատիվ, բացառություն չեն լինելու այս ընտրությունները։ Այս մասին այսօր՝ սեպտեմբերի 8-ին, լրագրողների հետ զրույցում ասաց Արցախի նախագահ Բակո Սահակյանը՝ խոսելով Արցախում ընթացող ՏԻՄ ընտրությունների մասին։ 

«Ավելի քան համոզված եմ, որ մենք՝ որպես ժողովրդավարության ուղին բռնած երկիր, արձանագրելու ենք մեր հերթական հաջողությունը, ցանկացած ընտրություն հնարավորություն է մեր երկրի առաջընթացը ապահովելու համար, եւ ես, բնականաբար, քվեարկել եմ մեր երկրի առաջընթացի համար»,–նշեց նա:

ԱՀ նախագահի խոսքով՝ հետեւել է թեկնածուների քարոզարշավին եւ իր տպավորությամբ թեկնածուները հիմնականում պատկերացում ունեն քաղաքի խնդիրների մասին։

«Մեր քաղաքը ոչ միայն կերպարանափոխվել է, այլեւ այս տարիների ընթացքում ստացել է նոր եռանդ, կարծում եմ՝ նոր քաղաքապետն ու նոր քաղաքապետարանը պետք է ունակ լինի այս զարգացման դինամիկան ապահովելու եւ ստեղծելու լրացուցիչ պայմաններ քաղաքի զարգացման եւ շենացման համար»,–ասաց նա։

Բակո Սահակյանը, սակայն շեշտում է՝ չպետք է բավարարվել նախորդ ժամանակաշրջանում կատարված աշխատանքով, ապա շեշտում է՝ քաղաքը մի կենդանի օրգանիզմ է, որը միշտ պահանջում է ավելին անել, քան արվել է։

«Ես սիրում եմ Ստեփանակերտը ու պատասխանատուների հետ այս տարիների ընթացքում փորձել եմ քաղաքին հաղորդելայն ներուժը, որը, իբրեւ մայրաքաղաք, կսնի ոչ միայն ստեփանակերտցիներին, այլեւ ամբողջ երկիրը»:

Նշենք, որ քվեարկության Բակո Սահակյանը եկել էր կնոջ հետ։

Հիշեցնենք, որ Արցախի 228 համայնքում այսօր ՏԻՄ ընտրություններ են։ Առաջադրվել է համայնքի ղեկավարի 415 եւ ավագանու անդամի 2573 թեկնածու։

Ստեփանակերտի քաղաքապետի պաշտոնում առաջադրվել է 5 թեկնածու՝ Դավիթ Սարգսյան, Արայիկ Ավանեսյան, Արմեն Հակոբյան, Արեգ Ավագյան, եւ Գրիգորի Սահակյան:

Դիտորդական առաքելություն իրականացնելու համար հավատարմագրվել է 400-ից ավել դիտորդ:

 

website by Sargssyan