Արցախում ավարտվել է ՏԻՄ ընտրությունների քվեարկությունը
ՄԻՋԱԶԳԱՅԻՆ
Արցախում ավարտվել են ՏԻՄ ընտրությունների քվեարկությունը։ ժամը 20.00-ի դրությամբ բոլոր ընտրատեղամասերը փակվել են, սկսվել է ձայների հաշվարկը։
Արցախի տարածքային ընտրական հանձնաժողովներից ստացված տվյալների համաձայն` ժամը 17.00-ի դրությամբ ընտրություններին մասնակցել է 57 հազար 443 ընտրող:
Ստեփանակերտի քաղաքապետի թեկնածուները հինգն են՝ ինքնառաջադրված Դավիթ Սարգսյան, Արմեն Հակոբյան, Գրիգորի Սահակյան, Արեգ Ավագյան եւ «Ինքնություն եւ միասնություն» կուսակցության կողմից առաջադրված Արայիկ Ավանեսյան:
Դավիթ Սարգսյանը գործարար է, «Քոնսալթ ֆինանս գրուպ» ՍՊ ընկերության տնօրենը եւ Արցախի Քիք-բոքսինգի ֆեդերացիայի նախագահը, Արմեն Հակոբյանը Ստեփանակերտի փոխքաղաքապետն է, Գրիգորի Սահակյանը «Հայկազովի» նախկին հրամանատարն է, 27 տարվա դաշտային հրամանատար, Արեգ Ավագյանը «Արցախգազ» ՓԲԸ Գազատրանսպորտային համակարգի շահագործման ծառայության պետն է, Արայիկ Ավանեսյանը «Ինքնություն եւ միասնություն» կուսակցության համահիմնադիրներից է։