Եկամուտներ, դրամական միջոցներ ու նոր ավտոմեքենա. Հրազդանի ք... ՀԱՍԱՐԱԿՈՒԹՅՈՒՆ
Փաշինյանը Վալերիյ Օսիպյանին աշխատանքից ազատելու առաջարկ է նե... ՔԱՂԱՔԱԿԱՆ
«Գյու­ղատն­տե­սու­թյան ոլոր­տում ներ­կա­յիս կա­ռա­վա­րու­թյա... ՀԱՐՑԱԶՐՈՒՅՑ
Եր­կա­րա­ժամ­կետ ծրագր­ման բա­ցա­կա­յու­թյուն ու անու­շադ­րո... ՀԱՐՑԱԶՐՈՒՅՑ
Արման Սարգսյանը՝ ոստիկանապետի պաշտոնակատար ՀԱՍԱՐԱԿՈՒԹՅՈՒՆ
Երևան, 18.Սեպտեմբեր,
00
:
00
:
00
Փոխարժեք
478.65
$
560.79
Եկամուտներ, դրամական միջոցներ ու նոր ավտոմեքենա. Հրազդանի քաղաքապետի ունեցվածքը Փաշինյանը Վալերիյ Օսիպյանին աշխատանքից ազատելու առաջարկ է ներկայացրել Արմեն Սարգսյանին «Գյու­ղատն­տե­սու­թյան ոլոր­տում ներ­կա­յիս կա­ռա­վա­րու­թյան գոր­ծու­նե­ու­թյունն ան­բա­վա­րար ենք գնա­հա­տում» Չեմպիոնների լիգա. օրվա խաղերը Եր­կա­րա­ժամ­կետ ծրագր­ման բա­ցա­կա­յու­թյուն ու անու­շադ­րու­թյան մատն­ված ար­տա­քին քա­ղա­քա­կան մի­ջա­վայր Արման Սարգսյանը՝ ոստիկանապետի պաշտոնակատար «Մինչ այժմ Երև­ա­նի հետ կապ­ված լու­ծում­նե­րը եղել են իրա­վի­ճա­կա­յին» Իշ­խա­նու­թյուն­նե­րի հա­մար առաջ­նա­յի­նը քա­ղա­քա­կան ամ­բի­ցի­ա­ներն են Ի՞նչ պետք է աս­վեր, որ չաս­վեց.ջան­քերն ան­հա­մե­մատ շատ պի­տի լի­նեն Նոր որոշում. Օսիպյանը կհեռանա «Իշ­խա­նու­թյու­նը ծու­ղա­կի մեջ է. իրենք իրենց քա­րոզ­չու­թյան տակ են մնա­ցել» Էլի վերադառնում ենք «մեր դեմ խաղ չկա»-ի՞ Աղվան Գառնիկիչին կձերբակալե՞ն. ՀՔԾ-ում չեն մեկնաբանում Մար­զե­րից են բե­րել դա­տա­րան­նե­րի մոտ

Արցախի «Արդարություն» կուսակցությունն իշխանություններին կրկին կոչ է անում քաղաքական կամք դրսևորել

Past.am

Արցախի «Արդարություն» կուսակցությունը Արցախում իրական համակարգային փոփոխություններ իրականացնելու նպատակով բազմիցս հանդես է եկել տարբեր առաջարկություններով: Սակայն ներկայիս քաղաքական կառավարման համակարգը թույլ է տալիս գործող իշխանություններին ոչ միայն նման առաջարկներին չանրադառնալու, այլև ընդհանրապես անուշադրության մատնելու:

 

Այնուամենայնիվ, ունենալով մեծ պատասխանատվություն մեր հասարակության առջև, կուսակցությունը կոչ է անում ներկայիս իշխանություններին փոխել իրենց որդեգրած «անուշադրության մատնելու» քաղաքականությունը և քաղաքական կամք դրսևորել անդրադառնալու մեր հերթական առաջարկություններին:

 

Քաղաքական մրցակցությունը բնականորեն պետք է ծավալվի խորհրդարանական մեծամասնության և փոքրամասնության՝ ընդդիմության միջև: Վերջինս պետք է իրապես դառնա այլընտրանքային գաղափարներ և քաղաքական օրակարգ ձևավորող քաղաքական բևեռ, այլապես եթե ընդդիմությունը շարունակի մնալ լոկ ձևականի և բողոքողի դաշտում, չկարողանա ներազդել քաղաքական որոշումների վրա, ապա մենք կունենանք միաբևեռ քաղաքական համակարգ, որն արագորեն կվերաճի միահեծան իշխանության՝ նախագահի գլխավորությամբ, ինչի ականատեսն ենք այսօր:

 

ԱՀ Ազգային ժողովի հարգելի պատգամավորներ, առաջարկում ենք Ձեզ, մինչև 2020 թվականի համապետական ընտրությունները, հանդես գալ օրենսդրական նախաձեռնություններով, որոնց արդյունքում ընդդիմությանը կվերապահվի սահմանադրական ինստիտուտի կարգավիճակ, և կընդլայնվի նրա լիազորությունները:

 

1. Օրենքով ամրագրել քաղաքական փոքրամասնությանը պատկանող պատգամավորների նվազագույն թիվ` ոչ պակաս, քան Ազգային ժողովի պատգամավորների ընդհանուր թվի 1/3-ը: Խորհրդարանական ընդդիմությանը վերապահելով սահմանադրական կարգավիճակ՝ իշխանությունն իր վրա որոշակի պարտականություն է վերցնում ապահովել ընդդիմության երաշխավորված ներկայություն խորհրդարանում:

 

2. Ավելացնել հիմնարար բնույթ ունեցող սահմանադրական օրենքների թիվը, որոնց ընդունման կամ փոփոխման համար անհրաժեշտ է ավելի բարդ ընթացակարգ` պատգամավորների ընդհանուր թվի առնվազն 3/5-ի «կողմ» ձայները (Ընտրական օրենսգիրք, Ազգային ժողովի կանոնակարգ-օրենք, Կուսակցությունների, Հանրաքվեի, Գերագույն դատարանի, Դատախազության, Հաշվեքննիչ պալատի և Մարդու իրավունքների պաշտպանի մասին օրենքներ, Դատական օրենսգիրք և այլն):

 

3. Ազգային ժողովի փոխնախագահին ընտրել ընդդիմության կազմից: Ընդդիմության ներկայացուցիչը, դառնալով Ազգային ժողովի նախագահի տեղակալ, հնարավորություն է ստանում, հատկապես նիստերը վարելու ժամանակ, հետևել օրենսդրական գործընթացի և խորհրդարանական մյուս ընթացակարգերի օրինականությանը, ընդդիմության իրավունքների բնականոն իրացմանը:

 

4. Ֆինանսաբյուջետային հանձնաժողովի նախագահին և Հաշվեքննիչ պալատի ղեկավարին ընտրել ըննդիմության կազմից: Ընդդիմությանը պետք է տալ սեփական արդյունավետությունը բարձրացնելու և քաղաքական գործոն դառնալու երաշխիքներ և հնարավորություն: Որպեսզի դրանք գործեն, հարկավոր է համապատասխան սահմանադրական և օրենսդրական փոփոխություններ:

 

website by Sargssyan