Ռուսաստանը 4 տարով զրկվեց միջազգային մրցաշարերի, նաև Օլիմպիա... ՍՊՈՐՏ
ՀԱՊԿ երկրների ԶՈՒ ԳՇ պետերը դեկտեմբերի 13-ին քննարկելու են ռ... ՔԱՂԱՔԱԿԱՆ
Արմավիրի քաղաքապետը դատապարտել է Նժդեհի հուշատախտակի նկատմամ... ՄԻՋԱԶԳԱՅԻՆ
Թուրքիան Հայոց ցեղասպանությունը ժխտող պետական կայք է ստեղծել ՄԻՋԱԶԳԱՅԻՆ
ԱԺ-ն առաջին ընթերցմամբ ընդունեց զինծառայողին ինքնասպանության... ՔԱՂԱՔԱԿԱՆ
Երևան, 09.Դեկտեմբեր,
00
:
00
:
00
Փոխարժեք
478.65
$
560.79
Ընտրություններից ուղիղ մեկ տարի անց, ո՞ր խոստումները մնացին անկատար Հարյուրամյակի ամենացուրտ դեկտեմբերը...Հարգելի մրսկաններ, բա որ նման բան լիներ դուք ի՞նչ էիք անելու. Սուրենյան Ոչ տաղանդավոր գյումրեցի կա՞...Արմեն Սարգսյան Իմ հայկական անունը եղել է Միքայել, ես եռարյուն եմ՝ ունեմ ռուսական, հայկական եւ լեհական արյուն. Պիոտրովսկի ՀՀ ՊՆ, ԶՈւ և ԶՈւ ԳՇ վարչությունների ներկայացուցիչները մասնակցել են ՆԱՏՕ-ի Բրունսումի փորձագիտական խմբի դասընթացին Ռուսաստանը 4 տարով զրկվեց միջազգային մրցաշարերի, նաև Օլիմպիական խաղերի մասնակցելուց Վերաքննիչը հրապարակում է Քոչարյանի գործով դատավորի ինքնաբացարկի վերաբերյալ որոշումը. Ուղիղ «Սուրբ Գրիգոր Լուսավորչի բժիշկները փրկել են գետնանուշից խեղդվող 1,5 տարեկան տղայի կյանքը Ծխելու արգելքը ՔԿՀ-ների վրա չի տարածվի. Առողջապահության փոխնախարար Հայ ընթերցողին է ներկայացվել Շառլ Ազնավուրի «Մեղմ շշուկով» գիրքը Արման Սարոյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր ՀԱՊԿ երկրների ԶՈՒ ԳՇ պետերը դեկտեմբերի 13-ին քննարկելու են ռազմական համագործակցության հարցեր ԲԴԽ նախագահը ներկայացրել է նորանշանակ դատավորներին Սերժ Սարգսյանը կկանչվի հարցաքննության. Անդրանիկ Քոչարյան

Մենք վտան­գի առաջ ենք. թվե­րով կե­րակ­րե­լը կա­րող է մի­այն մեկ կամ եր­կու օր­վա էֆեկտ ունե­նա

Վիճակագրական տվյալների պակաս հասարակությունը դարձյալ չունի: Վերջին օրինակը գնաճի վերաբերյալ ցուցանիշներն են, որոնք, սովորության համաձայն, հրապարակել է նաև վարչապետ Նիկոլ Փաշինյանը: 

ՀՀ-ում, ըստ վիճակագրական կոմիտեի, սպառողական շուկայում 12-ամսյա գնաճը (2019թ. հուլիսը 2018թ. հուլիսի նկատմամբ) կազմել է 1.7%, իսկ նախորդ ամսվա նկատմամբ արձանագրվել է 1.9% գնանկում:
 
Մինչ անդրադառնալը բուն ցուցանիշներին, տնտեսագետ Վարդան Բոստանջյանը «Փաստի» հետ զրույցում նկատում է. «Երկրում թե՛ քաղաքական, թե՛ տնտեսական առումով տխուր վիճակ ունենք:
 
Ես դադարել եմ զարմանալ առանձին ցուցանիշներ ներկայացնելու դրսևորումներից, գնաճի հետ կապված նկարագրության մասով ևս չեմ զարմանում: Պատճառը պարզ է. նախ՝ վիճակագրական կոմիտեի հրապարակած ցուցանիշներին ես չեմ վստահում:
 
Երկրորդ՝ եթե անգամ այդ թվերն արտացոլեն իրականությունը, ապա դրանք առանձին բնույթ են կրում: Այսինքն, գրեթե առնչություն չունեն ընդհանուր տնտեսական զարգացման հետ: Ես բոլոր ցուցանիշներն իրար հետ վերցրած եմ ասում, որ իսկապես տխուր իրավիճակ է:
 
Մասնավորապես, նույն կոմիտեի կողմից հրապարակված ցուցանիշներով՝ ներդրումները հինգ անգամ պակասել են: Մենք առանց այն էլ ներդրումներ չունեինք, իսկ հինգ անգամ պակասելը նշանակում է, որ երկրում ընդհանրապես որևէ տնտեսական զարգացում չկա»:
 
Ինչ վերաբերում է կոնկրետ գնաճին, տնտեսագետը նշում է. «Փոքր գնաճի մասին, լինի 1,9, թե՝ 1,7 տոկոս, կարող են բարձրաձայնել ու այդ ցուցանիշով ուրախանալ մարդիկ, որոնք մասնագետներ չեն, ինչպես նաև առնչություն չունեն իրականության հետ:
 
Մասնագիտական առումով, փոքր գնաճը, ըստ էության, ավելի պարզ լեզվով ասած, նշանակում է տնտեսության կանգառ:
 
Ցանկացած տնտեսության զարգացում առաջին հերթին պայմանավորված է նաև գնաճով: Իսկ գնաճը մի ինստիտուտ է, որը մեր պարագայում սահմանում է Կենտրոնական բանկը:
 
 ԿԲ-ն յուրաքանչյուր տարվա բյուջեին կից փաստաթղթում սահմանում է 4 տոկոս գնաճ, գումարած՝ 1,5 տոկոս տատանում:
 
յսինքն, այդ թվից ավելի ներքև արձանագրված ցուցանիշը նշանակում է, որ տնտեսությունը չի աշխատում»:
 
Վ. Բոստանջյանը ընդգծեց, որ տնտեսության մեջ նման տխուր վիճակի առկայության պարագայում ինչ-որ թվերի մեջ մխրճվելը անօգուտ գործ է: «Տնտեսական ակտիվության ցուցանիշի մասին են հորջորջում, բայց այն, ըստ էության, կեղծ ցուցանիշ է, որը չի արտացոլում տնտեսության իրական վիճակը:
 
Բոլոր պարագաներում երևույթը, ինչի մասին մենք խոսում ենք, որոշակի վերապահումներով, ինչ-որ տեղ նման է հունական առասպելաբանության մեջ գոյություն ունեցող «սիզիփոսյան աշխատանքին»:
 
Այսինքն, աշխատանք, որը անօգուտ է ու անհեռանկար: Տնտեսության ամբողջ զարգացումը չափագրվում է նրանով, թե մենք համախառն ներքին արդյունքի աճ ունե՞նք, թե՞ ոչ:
 
Ու խոսքը մեխանիկական աճի մասին չէ: ՀՀ-ի պարագայում փոքր շրջանառության դեպքում հնարավոր է նաև որոշակի աճ ցույց տալ, բայց մեր երկրին տնտեսական որակական աճ է պետք, ինչը, ցավոք, չունենք»,-նշեց տնտեսագետը՝ ընդգծելով, որ այս պահին չի տեսնում նաև կառավարության հստակ որոշումներ:
 
«Չեմ տեսնում ոչ թե նրա համար, որ կարճատես եմ, այլ պարզապես տեսնում եմ, որ ամենապարզ հարցերի դեպքում անգամ գոյություն ունի ոչ պրոֆեսիոնալիզմ:
 
Ցցուն օրինակը Ամուլսարի շահագործման խնդիրն է, երբ սուղ հնարավորություններ ունեցող պետությունից ինչ-որ մեկին 400 հազար դոլար են տալիս, որ գնահատական տա, բայց պարզվում է, որ այդ գնահատականը, համենայն դեպս, մինչ այս պահը, որևէ մեկին չէր բավարարում: 
 
Եթե նման ձևով որոշումներ են ընդունվում, ուրեմն, պետք է ցավալ նման երկրի համար: Կարելի է զանազան՝ իրավական, քաղաքական, տնտեսական հիմքեր գտնել, բայց հիմքերը պետք է զուգորդել մեր երկրի քաղաքացիների ու պետության շահերի հետ:
 
Խոշոր առումով, քաղաքացին կոչված է ապրելու, աշխատելու, եկամուտ ունենալու և բարելավելու իր բարեկեցությունը՝ թեկուզ փոքր արդյունքներով:
 
Սա ցանկացած երկրի զարգացման հիմքում ընկած ամենահասարակ նպատակն է: Ու եթե նման բոլոր նպատակները վտանգված են, ապա այդ նպատակների հիմքում որևէ այլ հիմք չի կարելի դնել»,-նշեց տնտեսագետը՝ հավելելով, որ կա վտանգավոր մի խնդիր:
 
«Իրականությունը չպատկերացնելը դեռ մի կերպ կարելի է տանել: Բայց գիտե՞ք անտանելին որն է. երբ զգացվում է, որ իրենք երբեք էլ չեն պատկերացնի այն: Տեսանելի չէ, որ գոնե վաղը կարող են պատկերացնել, որովհետև մեկուկես տարին պետություն կառավարելու համար քիչ ժամանակահատված չէ:
 
Եթե մինչև հիմա երկրի կառավարման, զարգացման շարունակության մասով գոնե փոքր միտումներ չեն արձանագրվել, նշանակում է՝ մենք վտանգի առաջ ենք:
 
Մեծ հաշվով, մարդկանց թվերով ու սուտ օդով կերակրելը կարող է մեկ, երկու օրվա էֆեկտ ունենալ, բայց երկար՝ երբեք»,-եզրափակեց տնտեսագետը:
 
ԱՆՆԱ ԲԱԴԱԼՅԱՆ
website by Sargssyan