Ճիշտն կլիներ՝ Վանեցյանը հասցներ կալանավորել Փաշինյանին. Արամ... ՔԱՂԱՔԱԿԱՆ
Ռոբերտ Քոչարյանը կմնա կալանքի տակ ՔԱՂԱՔԱԿԱՆ
Դատարանը հրապարակում է ՀՀ երկրորդ նախագահի խափանման միջոցի վ... ՔԱՂԱՔԱԿԱՆ
Ռոբերտ Քոչարյանն այսօր ազատ կարձակվի ՔԱՂԱՔԱԿԱՆ
«Ճի՞շտ եմ հասկանում, որ ԱԺ խմբակցություններից մեկը ՍԴ նախագա... ԲԼՈԳ
Երևան, 17.Սեպտեմբեր,
00
:
00
:
00
Փոխարժեք
478.65
$
560.79
Երևանում վարորդը Niva-ով մխրճվել է երգիչ Գրիգոր Աղախանյանի Range Rover-ի մեջ. Range Rover-ն էլ բախվել է BMW-ին. Shamshyan.com ՀՀ արտգործնախարարն ու Լատվիայի փոխվարչապետը քննարկել են համագործակցության հեռանկարները Օձուն-Այգեհատ ավտճանապարհին ընթացող Opel-ի հետևի դռնից ուղևորը վայր է ընկել. նա հոսպիտալացվել է. Shamshyan.com Իրանական միջուկային համաձայնագրին վերադարձը Մերձավոր Արեւելքում լարվածությունը լիցքաթափելու միջոց է «Բարսելոնան» նոր պայմանագիր կառաջարկի Ֆատիին Նրանք այս լուսանկարը տեղադրեցին համացանցում` չնկատելով, որ դրա վրայի մի դետալը մատնում էր նրանց սեռական կյանքի այլասերություններից մեկը Արմավիրի մարզի Տալվորիկ համայնքի ղեկավարը ապօրինություններ է արել՝ համայնքին պատճառելով էական վնաս. ոստիկանություն (տեսանյութ) Ռուս պատգամավորը հանձնաժողովի նիստից հետո մահացել է Աշտարակի մոտ բախվել են Mercedes-ն ու Волга-ն. կա 1 զոհ, 3 տուժած. Shamshyan.com Իշխանության կողմնակիցները երթ իրականացրին դեպի Մյասնիկյանի արձան Ներքին Գետաշենի տոնավաճառում 18-ամյա երիտասարդը դանակով հարվածել է 12-ամյա պատանու Սուրեն Ասատրյանը՝ Արտաշատի ավագանու թեկնածու Վանաձորի մսի շուկայում իրավիճակն ամբողջությամբ վերահսկվում է. ՍԱՏՄ

Կրքեր Սար­դա­րա­պա­տի հե­րո­սա­մար­տի հու­շա­հա­մա­լիրի տնօ­րե­նի պաշ­տո­նի հա­մար անց­կաց­վող մրցույ­թի շուրջ

Ազգագրագետ Խորեն Գրիգորյանն ասում է՝ այսօր մեր երկրում ունենք գլխավոր խնդիր, այն է՝ պահպանել օրենքները, որոնք գրվել են տարիներ շարունակ: Նա շեշտում է, որ չնայած արդեն 10 օրից ավելի է, ինչ հայտարարվել է «Սարդարապատի հերոսամարտի հուշահամալիր, հայոց ազգագրության և ազատագրական պայքարի պատմության ազգային թանգարան» ՊՈԱԿ-ի տնօրենի թափուր պաշտոնի համար մրցույթ, սակայն դրա մասին տեղեկատվություն գրեթե որևէ տեղ հնարավոր չէ գտնել:
 
«Հեղափոխություն իրականացրեցինք այն պատճառով, որ օրենքները չէին պահպանվում, իսկ այդ պարագայում առաջ էր գալիս խնդիր՝ կոռուպցիա:
 
Ըստ ՊՈԱԿ-ների մասին օրենքի՝ մրցույթի հայտարարությունը պետք է անընդհատ թարմացվի, ինչը չի արվել: Մրցույթը հայտարարվել է օգոստոսի 28-ից, այն տեղադրվել է ՊՆ կայքում:
 
Մեկ այլ հարց է, թե ինչու է թանգարանը գտնվում պաշտպանության նախարարության, ոչ թե մշակութային քաղաքականություն որոշող գերատեսչության կազմում: Ինչևէ:
 
Օրենքի համաձայն՝ մրցույթի հայտարարությունը նախարարությունը ոչ թե պետք է իր կայքում հրապարակեր, այլ փոխանցեր զանգվածային լրատվության միջոցներին, որոնք հնգօրյա պարբերականությամբ այն անընդհատ տեղադրեին:
 
Օգոստոսի 28-ից մինչ օրս այդ հայտարարությունը որևէ տեղ չեմ տեսել:
 
Այն գտել եմ ՊՆ-ի կայքէջի արխիվում: Թանգարանի ֆեյսբուքյան էջում կարող եք տեսնել, թե թանգարանում աշխատանքի քանի հրավեր կա, բայց տնօրենի մրցույթի հայտարարությունն այստեղ չեք գտնի:
 
Արդյոք չեն խախտվե՞լ մասնակցության հավասարության նորմերը: Սրանք խնդիրներ են, որոնք պետք է պատասխաններ ստանան: 
 
Ուզում ենք պետություն կերտել, որի մեջ որևէ մեկը չպետք է իրեն օրենքից վեր դասի»,-«Փաստի» հետ զրույցում ասում է Գրիգորյանը, որը թանգարանում աշխատել է շուրջ վեց տարի:
 
Նա մի քանի հարց է բարձրացնում, որոնք ուղղված են թանգարանի տնօրինությանը, մասնավորապես, թե ե՞րբ է վերջին անգամ եղել հիմնական ցուցադրության փոփոխություն, թանգարանն ազգագրական բնույթի որևէ տպագրություն ունեցե՞լ է, թե՞ ոչ, ի՞նչ քաղաքականություն է վարվում թանգարանը զարգացնելու ուղղությամբ, մեկ տարվա կտրվածքով թանգարանն այցելուների թվի ա՞ճ, թե՞ նվազում ունի:
 
Գրիգորյանին հարց եմ ուղղում՝ նրա կարծիքով, տնօրենի պաշտոնի համար անցկացվող մրցույթի մասին տեղակատվությունն ինչո՞ւ չի տարածվել: Այս հարցում նա ունի իր կարծիքը: «Ունեմ անձնական կարծիք այդ առումով. ցանկանում են նույն մարդուն արդեն երրորդ անգամ նշանակել տնօրենի պաշտոնում:
 
Բացի այն փաստից, որ մրցույթի անցկացումը թաքցվում է, այլ հիմնավորումներ չունեմ, և դա որպես հարյուր տոկոսանոց ճշմարտություն չեմ կարող նշել: Ունեմ կապեր թանգարանի մտահոգ աշխատակիցների հետ:
 
Ինձ հասել է տեղեկություն, որ մրցույթի հարցաշարը ներդրվում է թանգարանի տնօրենի կողմից: Եթե կազմվում է թանգարանի տնօրենի կողմից որպես 12 տարվա աշխատանքների, թոհ ու բոհի միջով անցած կազմակերպիչ-տնօրեն, հրաշալի է, բայց սա մրցակցության խախտում է, եթե ինքը մասնակցի մրցույթին:
 
Իմ կարծիքով՝ արդեն իսկ ապօրինությունը կա, ֆիքսված է, որևէ տեղ չկա հայտարարություն, որ լինելու է մրցույթ: 
 
Արդեն իսկ խախտվել են մրցույթի հավասար լինելու պայմանները, այսինքն՝ չի կարելի սա որպես հիմք վերցնել և մրցույթ անցկացնել»,-եզրափակում է Խորեն Գրիգորյանը:
 
«Փաստը» հարցի վերաբերյալ պարզաբանում ստացավ նաև Կարեն Արիստակեսյանից, որն այս պահին թանգարանի տնօրենի ժամանակավոր պաշտոնակատարն է:
 
Արիստակեսյանը նշում է՝ կոնկրետ այս դեպքում տնօրենի պաշտոնի համար հայտարարվում է մրցույթ, որին կարող է մասնակցել յուրաքանչյուրը: «Եթե մարդիկ չեն գալիս մրցույթին և բամբասում են, նշանակում է, որ պատրաստ չեն մրցելու:
 
Չեմ ուզում իջնել այդ մարդկանց մակարդակին: Մրցույթի համար հայտարարված են ժամկետներ, այն կազմակերպում է լիազոր մարմինը: Կա մրցույթի կարգ, որը հաստատված է պաշտպանության նախարարի հրամանով:
 
Մրցույթի հայտարարությունը որևէ մեկը չի թաքցնում, բոլորը շահագրգիռ են, որ մարդիկ մասնակցեն, այն արդար անցկացվի և հաղթի արժանավորը, այդ թվում և ես:
 
Այս տարիների ընթացքում, երբ տնօրեն եմ եղել, Սարդարապատում բավականին գործ եմ կատարել: Դա տեսանելի է այն մարդկանց համար, որոնք կուրությամբ չեն տառապում: Եթե մարդը 12 տարի առաջ եղել է Սարդարապատում և հիմա էլ այցելի, ապա տարբերությունը կտեսնի:
 
Կառչած չեմ այդ աթոռից: Անգամ չեմ դիմել մրցույթին, դեռ ժամանակ կա, իսկ մարդիկ արդեն աղմուկ են բարձրացնում իրենց անզորությունը դրսևորելով: Նրանք թանգարանագիտության և ազգագրության հետ ընդհանրապես կապ չունեն:
 
Հրավիրում եմ բաց և թափանցիկ մրցույթի, որին հետևելու է կառավարության ներկայացուցիչը, ՀԿ-ների ներկայացուցիչներ: Ինչպե՞ս եք պատկերացնում՝ կարո՞ղ եմ գրել մի շարք իրավական ակտերի նախագծերից բխող հարցաշարեր: Իհարկե, չեմ կարող:
 
Դա կազմելու, փորձաքննություն անցնելու խնդիր ունի»,ասում է Արիստակեսյանը:
 
Նա նշում է՝ մրցույթին մասնակցել ցանկացողն ուղղակի պետք է տիրապետի օրենսդրությանը: «Համակարգիչը և՛ բանավոր, և՛ գրավոր հարցերն ընտրում է պատահականության սկզբունքով: Եթե մասնակիցը հաղթահարում է այդ երկու փուլը, պետք է ներկայացնի իր հայեցակարգը:
 
Մասնակիցները պետք է թանգարանագիտության հիմունքներ սովորեն, հասկանան ժամանակակից թանգարաններն ինչի համար են, ինչ խնդիրներ ու գործառույթներ ունեն:
 
Զանգում են, հարցնում՝ ինչո՞ւ է թանգարանը քիչ միջոցառում անում:
 
Թանգարանն իր դերակատարությունն ունի մարզի տարածքում և համահայաստանյան սոցիալ-մշակութային տիրույթում, և այս խնդիրները դրված են թանգարանի կանոնադրության մեջ»,-եզրափակում է Արիստակեսյանը:
 
ԼՈՒՍԻՆԵ ԱՌԱՔԵԼՅԱՆ
website by Sargssyan