ՊԱՏՄՈՒԹՅԱՆ ԱՅՍ ՕՐԸ (3 ՀՈՒԼԻՍԻ). Հա­յաս­տա­նի ֆուտ­բո­լի ֆե­դ... ՀԱՍԱՐԱԿՈՒԹՅՈՒՆ
Քա­ղա­քա­կա­նու­թյան ոլորտն արա­տա­վոր­վում է փո­խա­դարձ թշն... ՎԵՐԼՈՒԾԱԿԱՆ
Աշ­խա­տանք գտնե­լու հե­ռան­կա­րը գրե­թե զրո­յա­կան է ՀԱՍԱՐԱԿՈՒԹՅՈՒՆ
«Կա­րող է ունե­նանք շատ լավ փաս­տա­թուղթ, խնդիրն իրա­կա­նա­ց... ՀԱՐՑԱԶՐՈՒՅՑ
«Պետք է սո­վո­րենք ճիշտ վե­րա­բեր­վել թե՛ սե­փա­կա­նու­թյան ... ՀԱՐՑԱԶՐՈՒՅՑ
Երևան, 04.Հուլիս,
00
:
00
:
00
Փոխարժեք
478.65
$
560.79
ԱԱԾ բարձրաստիճան պաշտոնյաներ են դիմում գրել «Ժողովուրդ». Խառնաշփոթ՝ ՊՈԱԿ-ի շուրջ. ում է ցանկանում ղեկավար նշանակել Արայիկ Հարությունյանը Ցուցում ա տրված ամեն գնով ձերբակալել ինձ. Արա, մինչև հիմա չհասկացա՞ք, որ ես չեմ վախենում. Գեւորգ Պետրոսյան Ոստիկանապետի ուշագրավ նախաձեռնությունը Ոսկու գինն աճել է, պլատինինը՝ նվազել. թանկարժեք մետաղների գները՝ ըստ NYMEX-ի Գագիկ Ծառուկյանի շնորհավորական ուղերձը՝ Բելառուսի հանրապետության Անկախության օրվա առթիվ Ցուցանիշով հետ ենք և՛ Վրաստանից, և՛ Ադրբեջանից Նավթի գներն աճել են «Հայոց Եկեղեցու պատմություն» առարկան վտանգված է․ Արմեն Աշոտյան Սահմանադրական դատարանի արդեն նախկին անդամներն իրավունք չունեն մուտք գործելու ՍԴ վարչական շենք. ՀՀ ոստիկանություն Մարուքյանը դիմել է ԱՄՆ Կոնգրեսի անդամներին Գտնում ենք, որ Գույքահարկի մասին օրենքի թեման պետք է դառնա հանրային քննարկման առարկա․ Հրանտ Թոխատյան Ի՞նչ է նշանակում Արմեն Սարգսյանի հայտարարությունը, թե՝ չի ստորագրելու «ՍԴ-ի մասին» օրենքի փոփոխությունների նախագիծը․ «Հրապարակ» Նախարար Պապիկյանն ընդունել է Իրանի նորանշանակ դեսպան Աբբաս Զոհուրիին «Իմ քայլում» շատերը շոկի մեջ են հայտնվում, երբ Նիկոլ Փաշինյանը խմբակցության նիստում ամենավերջին հայհոյանքներն է հնչեցնում․ «Իրատես» Գազ չի լինելու

Իշ­խա­նու­թյու­նը դժվա­րին իրա­վի­ճա­կում է հայտն­վել. դիրքերի թուլացման ու վարկանիշի անկման «ուրվականը»

Վարչապետ Նիկոլ Փաշինյանը, ուղիղ եթերում «Զրույց քաղաքացու հետ» ձևաչափով անդրադառնալով Ամուլսարի ոսկու հանքի շահագործման խնդրին, ընդգծել էր, որ կառավարությունը կողմնակից է հանքավայրի շահագործմանը: Ըստ վարչապետի, չկա հանքի շահագործումն արգելելու որևէ հիմնավորում, և խնդրի շուրջ ստեղծված իրավիճակում իրենք որոշակի ազդակներ ունեն, որ եթե իրավիճակը ճշգրիտ չկառավարեն, ապա դա կարող է հանգեցնել Հայաստանի վարկանիշի նվազեցման, ինչը կազդի վարկերի տոկոսների վրա:

Ուշագրավ է, որ վարչապետն այսպիսի հայտարարություններով է հանդես գալիս օրերս «Լիդիան» ընկերության ղեկավարության հետ հանդիպումից հետո: Սա հուշում է այն մասին, որ եթե կառավարությունը մտադիր էր հանքի շահագործման հարցի վերջնական լուծումը ինչքան հնարավոր է հետաձգել, ապա «Լիդիան» ընկերությունը պահանջել է կառավարությունից առանց ժամանակ կորցնելու վերջնականապես հստակեցնել դիրքորոշումը հանքի շահագործման հարցում և զգուշացրել, որ շահագործման արգելքի դեպքում իրենք դատական գործընթաց են սկսելու, որը հանգեցնելու է Հայաստանի միջազգային իմիջի նվազմանը՝ իր բացասական հետևանքներով հանդերձ:

Փաստորեն Ամուլսարի հարցում Փաշինյանը հայտնվել է դժվարին իրավիճակում, քանի որ նժարի մի կողմում դրված է Հայաստանի միջազգային տնտեսական վարկանիշը, որի անկումը ոչ միայն բացասական հետևանքներ է ունենալու մեր տնտեսության համար, այլև ուղիղ հարվածելու է նաև Փաշինյանի վարկանիշին, իսկ մյուս կողմում ջերմուկցիների և բնապահպանների դիմադրությունն է, որը դժվար է լինելու կոտրել առանց իշխանության նկատմամբ դժգոհություններ հարուցելու:

Եվ կառավարությունն ընտրել է հանքը շահագործելու դիրքորոշումը, որին հասնելու համար ջերմուկցիները պետք է տային իրենց համաձայնությունը՝ բացելով դեպի հանք տանող ճանապարհը:

Դրա համար էլ վարչապետը հանդես է եկել Ամուլսարի հանք տանող ճանապարհներն ապաշրջափակելու հորդորով: Սակայն, ինչպես երևում է ջերմուկցիների և բնապահպանների արձագանքից, նրանք մտադիր չեն զիջել իրենց դիրքերը:

Սա թերևս իշխանափոխությունից հետո առաջին կարևոր իրադարձությունն է, երբ հասարակության որոշակի մասը բացահայտ հակադրվում է վարչապետի հրապարակային կոչին: Եվ այստեղ հարց է ծագում՝ եթե ջերմուկցիները չեն բացում հանքի ճանապարհը, ապա այդ դեպքում ի՞նչ գործողությունների է գնալու կառավարությունը:

Կա մի քանի տարբերակ: Տարբերակներից մեկն այն է, որ կառավարությունը կփորձի գործի դնել ոստիկանական ուժերը և բացել հանք տանող ճանապարհը, որը, ամենայն հավանականությամբ, հանգեցնելու է բողոքի ալիքի ավելի ստվարացման:

Առավել ևս, որ այսօր բողոքի ակցիաներ են սկսվելու:

Մյուս տարբերակն այն է, որ կառավարությունը փորձի մի փոքր ևս ժամանակ շահել՝ մանավանդ, որ վարչապետը բնապահպանական տեսչական մարմնին հանձնարարական է տվել Ամուլսարում սկսել ստուգումներ՝ պարզելու մի շարք հարցերի պատասխաններ, և այդ ընթացքում նոսրացնել բողոքավորների շարքերը:

Կառավարության գործողությունների հաջորդ տարբերակն էլ այն է, որ հանդիպելով լուրջ դիմադրության՝ հետքայլ կատարի՝ փորձելով «Լիդիան» ընկերության ներկայացուցիչներին համոզել, որ չգնան դատարան՝ հանքի շահագործումը որոշակի ժամանակով հետաձգելու պայմանով:

Այս տարբերակներից յուրաքանչ յուրի դեպքում էլ կառավարությունը վարկանիշի կորուստ է ունենալու, սակայն դժվար է ասել, թե արդյոք վարչապետին կհաջողվի դուրս գալ նվազագույն կորուստներով: Ավելին՝ արդեն խոսակցություններ կան այն մասին, որ հանքը շահագործելու կառավարության որոշումը ճաքեր է առաջացնելու իշխանության ներսում, քանի որ իշխանական պատգամավորներից շատերը շարունակում են դեմ լինել հանքի շահագործմանը:

Եվ շատ հավանական է, որ տեղի ունեցող պրոցեսների արդյունքում Փաշինյանն աջակցություն ստանա միայն իրեն հավատարիմ փոքրաթիվ յուրայինների կողմից, ինչն անպատճառ հանգեցնելու է կառավարության դիրքերի թուլացման:

ԱՐԹՈՒՐ ԿԱՐԱՊԵՏՅԱՆ

website by Sargssyan