Իրանում մեկ օրում գրանցված երկրորդ երկրաշարժը զգացվել է նաև ... ՀԱՍԱՐԱԿՈՒԹՅՈՒՆ
«Զվարթնոց» օդանավակայանում վտանգավոր ոչինչ չի հայտնաբերվել. ... ՀԱՍԱՐԱԿՈՒԹՅՈՒՆ
Ջերմաստիճանը շարունակում է բարձրանալ. Առաջիկա 5 օրերի եղանակ... ՀԱՍԱՐԱԿՈՒԹՅՈՒՆ
ՏԵՍԱՆՅՈՒԹ. «Զվարթնոց»-ում իրականացվում են ռումբի որոնողական ... ՎԻԴԵՈ
«Սնիկերս», «Մարս», «Էմ ընդ Էմս»-ը՝ մինչև 260 դրամ. թանկացում... ՏՆՏԵՍՈՒԹՅՈՒՆ
Երևան, 24.Փետրվար,
00
:
00
:
00
Փոխարժեք
478.65
$
560.79
Քաղավիացիայի կոմիտեն հայտարարություն է տարածել Տարածքը տրամադրվել է Հայաստան վերադարձած մեր հայրենակիցներին. Ճոպանուղու տնօրինություն Փաշինյանը քաղաքացիներին հրավիրում է մասնակցելու Մարտի 1-ի զոհերին նվիրված երթին Նախիջևանը հայտնվել է շրջափակման մեջ Փետրվարի 17-23-ը գրանցվել է 280 դեպք, որից 135-ը՝ արտակարգ. ԱԻՆ Ոստիկաններին ծեծի ենթարկած 2 նույնասեռականներից մեկը համաներումով ազատ է արձակվել. Երևանի քաղաքապետարանը յուրօրինակ նվեր է պատրաստել կանանց միջազգային օրվա համար Բաքվում երկու մարդ Է հոսպիտալացվել կորոնավիրուսի կասկածանքով Իրանի հետ Հայաստանի սահմանն իրականում այդպես էլ չի փակվել. Էդմոն Մարուքյան Մեղրի-Երեւան ճանապարհի Լիճք գյուղի հատվածը քարաթափման հետեւանքով դարձել է միակողմանի երթեւեկելի Շահնազար գյուղի մոտ ջրամբարի միլիոնավոր սատկած ձկներ են հայտնաբերվել ԱԻՆ-ը հրապարակել է Տավուշի մարզում ողբերգական վթարից մահացածների անունները Ոստիկանությունը տեսանյութ է հրապարակել Էջմիածնում կատարված սպանության դեպքից 37 ավտովթար՝ երեք օրում. զոհվել է երկու, վիրավորվել՝ 57 մարդ Դիեգո Սիմեոնեն՝ «Բավարիայի» գլխավոր մարզիչի թեկնածու Զոդի կամրջի վրա տեղի ունեցած վթարի գործով առաջին դատական նիստը հետաձգվեց․ տուժողի իրավահաջորդները բորբոքված են Շմոլ գազից թունավորում Մալաթիա-Սեբաստիայում. Հիվանդանոց է տեղափոխվել 5 անձ, որից մեկը 2 տարեկան երեխա է

Քոչարյանի մեղադրանքը չի առնչվում նրա գործառութային անձեռնմխելիությանը. դատախազ

Past.am

Սահմանադրական դատարանի որոշման ուժով Ռոբերտ Քոչարյանին ազատ արձակելու հիմքեր չկան։ Այս մասին այսօր՝ սեպտեմբերի 12–ին Երևանի ընդհանուր իրավասության դատարանի Շենգավիթի նստավայրում հայտարարեց Քոչարյանի և մյուսների գործով մեղադրող, Երևան քաղաքի դատախազ Գևորգ Բաղդասարյանը՝ միջնորդելով դատարանին մերժել պաշտպանական կողմի՝ Քոչարյանին անհապաղ ազատ արձակելու միջնորդությունը։

Գևորգ Բաղդասարյանի խոսքով՝ պաշտպանական կողմի միջնորդությունը, համաձայն որի, պետք է Ռոբերտ Քոչարյանին անհապաղ ազատ արձակել կալանքից, չի բխում Սահմանադրական դատարանի որոշման տրամաբանությունից։

Դատախազը, անդրադառնալով պաշտոնաթող նախագահի գործառության անձեռնմխելիության վերաբերյալ առկա իրավակարգավորումներին,  նշեց, որ Սահմանադրական դատարանն ընդամենը փաստել է, որ սահմանված չէ հատուկ ընթացակարգ, որի շրջանակներում ինքնուրույն եւ առանձին քննարկման առարկա պետք է դառնա եւ որոշվի այն հարցը, թե արդյոք մեղսագրվող գործողությունները կապված են նախագահի կարգավիճակի հետ։

Այսինքն ըստ մեղադրողի՝  պաշտոնաթող նախագահի գործառութային անձեռնմխելիության առկայության հարցը պետք է գնահատվի եւ լուծվի քրեադատավարական ընդհանուր կարգավորումների շրջանակներում՝ մինչդատական վարույթում քննիչի կամ դատախազի, իսկ դատական վարույթներում՝ դատարանի կողմից։

«Այս գործով քննիչները, դատախազները, դատարանները բազմիցս անդրադարձել են պաշտոնաթող նախագահի անձեռնմխելիության հարցին և դրան տվել համապատասխան գնահատական։ Պաշտոնաթող նախագահին չեն մեղսագրվում գործողություններ, որոնք բխում են նրա կարգավիճակից։ Ռոբերտ Քոչարյանին առաջադրված մեղադրանքը չի առնչվում նրա գործառութային անձեռնմխելիությանը, այսինքն նրան մեղսագրվող արարքները չեն կարող դիտվել որպես նախագահի կարգավիճակից բխող, հետևաբար ՍԴ որոշման ուժով Քոչարյանին ազատ արձակելու հիմքեր առկա չեն»,– ասաց նա։

Ավելի վաղ հայտնել ենք, որ սեպտեմբերի 4–ին ՍԴ–ն մասնակի բավարարեց ՀՀ երկրորդ նախագահ Ռոբերտ Քոչարյանի դիմումը։ Բարձր դատարանը արձանագրեց, որ Քրեական դատավարության օրենսգրքի 35-րդ հոդվածի 2–րդ մասում նշված քրեական հետապնդումը բացառող հանգամանքների թվում անձեռնմխելիությանը վերաբերող կարգավորում առկա չէ, ինչը հակասահմանադրական է։ Այս որոշումից հետո Քոչարյանի պաշտպանները միջնորդեցին առաջին ատյանի դատարանին՝ ՍԴ որոշման հիմքով անհապաղ ազատ արձակել  երկրորդ նախագահին։

website by Sargssyan