Կրկնապատկվել են նախատեսվող տուժանքների գումարային չափերը ՀԱՍԱՐԱԿՈՒԹՅՈՒՆ
ՊԱՏՄՈՒԹՅԱՆ ԱՅՍ ՕՐԸ (2 ՀՈՒՆԻՍԻ). Ո՞վ է եղել աշ­խար­հում ամե­ն... ՀԱՍԱՐԱԿՈՒԹՅՈՒՆ
«Ֆիլ­մա­շա­րը կյան­քի ենք կո­չել մեր հե­րոս­նե­րին ապ­րեց­նե... ՀԱՐՑԱԶՐՈՒՅՑ
«Ան­հա­տը ցան­կա­ցած աշ­խա­տան­քի մեջ սի­րո մաս­նիկ է դնում» ՀԱՐՑԱԶՐՈՒՅՑ
Գույ­քա­հար­կի նե­գա­տիվ էֆեկ­տը և իշ­խա­նու­թյուն­նե­րի ան­... ՎԵՐԼՈՒԾԱԿԱՆ
Երևան, 03.Հունիս,
00
:
00
:
00
Փոխարժեք
478.65
$
560.79
COVID-19-ով վարակված 5 օրական փոքրիկը համալսարանական լավագույն մասնագետների ապահով ձեռքերում է․ ԵՊԲՀ ռեկտոր (տեսանյութ) «Բարսելոնայի» հինգ ֆուտբոլիստ և երկու մարզիչ հիվանդ են կորոնավիրուսով Որոնք են Հայաստանին ավիացիոն «սև ցուցակ» գցելու որոշման հիմնական չորս վնասները․ ներկայացնում է Արմեն Աշոտյանը Հակաճգնաժամային կառավարություն՝ ազգային համաձայնության, համերաշխության օրակարգով Դեռևս Կառավարության ձևավորման օրերին էր Գ.Ծառուկյանն ասում, որ կարևոր պաշտոններում պետք է նշանակվեն փորձառություն ունեցող մասնագետները Ինչ ասում էր Գագիկ Ծառուկյանը տարիներ առաջ, ոմանք այսօր են նոր միայն հասկացել Վանաձորի «Գլորիա» ֆաբրիկան պարետի որոշմամբ վաղը առավոտվանից կփակվի 72 ժամով. վարչապետ Սյունիքում կորոնավիրուսի 89 հաստատված դեպք կա. 24 անսիմպտոմ հիվանդ մեկուսացված է տանը Նիկոլ Փաշինյանը երկու տարբերակ է առաջարկում Պետք է հետևենք հակահամաճարակային կանոններին ամենակոշտ և ամենաչոր ձևով. Փաշինյան Հունիսի 7-ին կիրականացվի Կիև-Երևան չարտերային թռիչքը Հերթական աննախադեպը՝ Նիկոլ Փաշինյանի շնորհիվ. Արմեն Աշոտյան ԱՄՆ-ի Լաս Վեգաս քաղաքում բողոքի ցույցի մասնակից է մահացել (տեսանյութ) ՀՀ ԶՈւ ԳՇ պետն այցելել է զորամաս Հայկական ավիաընկերություններին արգելել են թռչել դեպի Եվրոպա Ուհանում հայտնաբերվել է կորոնավիրուսի 300 ասիմպտոմ կրող․ Ռիա Նովոստի «Մեր գործունեությունը զրոյից ենք սկսում». X-Factor, «Դեպի Եվրատեսիլ» նախագծերից Տյոմը ակումբներում այլևս չերգելու պատճառի և նոր բենդի մասին Կողմնապահություն նախկին փորձառու կադրերի նկատմամբ. պարգևավճարներ են շռայլել աշխատակազմին` դիտավորությամբ բաց թողնելով նախկին կադրերին. Նարեկ Թադևոսյանը՝ քաղաքապետարանից հեռանալու մասին Ռուբեն Սարգսյանը նշանակվել է Աշխատանքի և սոցիալական հարցերի նախարարի առաջին տեղակալ Պարետի որոշմամբ փակվում են սննդի կետեր Փեթակում և Գումի շուկայում

«Իշ­խա­նու­թյու­նը վե­րա­փոխ­ման մասշ­տա­բա­յին գոր­ծըն­թաց չսկսեց, այլ գնաց եղա­ծը կար­կա­տե­լու ճա­նա­պար­հով»

Առաջին հայացքից զուտ բնապահպանական կամ իրավական թվացող հարցերը հանգեցրին մի իրավիճակի, երբ նույն հարցերն այսօր արդեն բացառապես քաղաքական տիրույթում են: Եվ այս շրջանակում հնչում են հարցադրումներ թե՛ իշխանության պատասխանատվության, թե՛ որոշումներ կայացնելու անկարողության և թե՛ հնարավոր ճգնաժամի վտանգի մասին:

Քաղաքագետ Հայկ Սուքիասյանն այս պահին դեռ ճգնաժամի վտանգ չի տեսնում, բայց միաժամանակ շեշտում է, որ դեպի ճգնաժամ տանող ճանապարհ կա: «Այս պահին ստագնացիա է՝ կանգնած վիճակ, որն ընդհանրապես հակասում է հեղափոխության տրամաբանությանը: Եվ եթե այն պահպանվի ու շարունակվի, ապա հետընթաց ալիք է լինելու՝ դեպի ճգնաժամ: Այս իրավիճակն առաջին հերթին սուբյեկտիվ է, որի ուղիղ պատասխանատուն հեղափոխական քաղաքական ղեկավարությունն է:

Նույն Ամուլսարի խնդիրն ի սկզբանե հենց քաղաքական հարց է եղել: Մենք գիտենք, որ մեր երկրի ազգային ունեցվածքը՝ ընդերքը, կողոպտվում է, և այստեղ խոսքը զուտ միայն Ամուլսարի մասին չէ: Վաղը կամ մյուս օրը կարող է պարզվել, որ, ենթադրենք, տասը հանքի պայմանագիր պետք է կնքեն: Ի՞նչ է, իշխանությունը նախկինում ընդունված օրենսդրության «լեշը» քաշելու է հետհեղափոխական շրջան ու ասելու է՝ գիտե՞ք, այս օրենքի տառով ես Հայաստանում չե՞մ կարող շարունակել հեղափոխությունը:

Բայց չէ՞ որ գործ ունենք ազգային ունեցվածքի հետ, և խոսքը, օրինակ, Չինաստանից բերված մի ապրանքի մասին չէ, ինչի դեմ բողոքում է ժողովուրդը: Սա ժողովրդի ազգային ունեցվածքն է, որին նա իրավունք ունի տեր կանգնելու: Հանքը կողոպտվում է, իսկ իշխանությունն ինչ-որ բացատրություն է տալիս, խոսում օրենքի տառի, ստորակետի, կետի մասին:

Բայց կա ժողովրդի պահանջ, ու եթե այս պահին իշխանությունը հակադրվում է այդ պահանջին՝ առաջանում է ճգնաժամ: Հիմա երբեմն խոսում են այն մասին, թե ինչ-որ ուժեր կօգտվեն այս իրավիճակից: Ի՞նչ խնդիր՝ թող իշխանությունը մնա հեղափոխության իդեալների հետ, մյուսներն էլ չօգտվեն իրավիճակից: Բայց իշխանությունն այս պահին, կարծես թե, նահանջում է այդ իդեալներից»,-«Փաստի» հետ զրույցում ասաց քաղաքագետը՝ նկատելով, որ այս ամենի հետևանքը ճգնաժամն է լինելու, որը ձնագնդի էֆեկտով անընդհատ մեծանալու է:

«Պարբերաբար խնդիրներ են առաջանում ու մարդկանց մոտ կամաց-կամաց հիասթափություն, ինչպես նաև հարցեր են առաջանում: Օրինակ՝ գործող իշխանությունն ինչո՞ւ չընդունեց օրենք, որով պետք է բացահայտվեին հանքերի իրական սեփականատերերի անունները: Ժողովուրդն իրավունք ունի, չէ՞, իմանալ, թե իր ազգային ունեցվածքի տերն ով է: Իշխանությունը թող կանգնի ու հոդաբաշխ ձևով բացատրի, թե ինչո՞ւ այդ օրենքը չընդունեց:

Առհասարակ հեղափոխությունը նաև հրապարակայնություն է ենթադրում: Ամեն ինչ պարզ ու բաց պետք է լինի, որ ժողովուրդն իմանա, թե Հայաստանի հետ ինչ է կատարվել, բայց հիմա այս մարդիկ փակում են ինֆորմացիոն ճանապարհը:

Իշխանությունը ժողովրդի ներկայացուցիչն է, ժողովրդի շահերն արտահայտողը:

Հիմա ժողովուրդն ունի շահ, և այս իշխանությունն այդ շահը չի արտահայտում, այսինքն՝ ժողովրդի ու իշխանության մեջ կա հակասություն: Այդուհանդերձ, պարզ է, որ ժողովուրդը չի պարտվելու: Կարծում եմ՝ Ամուլսարի հարցում գործող քաղաքական իշխանությունը նահանջելու է՝ վերադառնալով հեղափոխության պահանջների հուն:

Այլ տարբերակ չկա»,-ընդգծեց նա՝ շեշտելով, որ հակառակ պարագայում նախկին շրջանին բնորոշ իրականություն ենք վերադառնալու:

Հայկ Սուքիասյանը խոսեց այն գործոնների մասին, որոնք հանգեցրին այն դրությանը, որում հիմա հայտնվել է իշխանությունը:

«Կարող եմ նաև պնդել, որ իշխանությունը Հայաստանի վերափոխման մասշտաբային գործընթաց չսկսեց, իշխանությունը գնաց եղածը «դզել-փչելու», կարկատելու գործընթացի ճանապարհով: Հեղափոխական գործընթացի փոխարեն իշխանությունը մերկանտիլ, մանր քայլերով ու նախկին օրենսդրությամբ գնացել է Հայաստանը, իբրև թե, վերափոխելու գործընթացի ուղիով:

Բայց պարզ է, որ ժողովրդի պահանջը շատ ավելի մեծ է, և իշխանությունը չի հասցնում այդ պահանջը բավարարել: Այո, ինչոր բաներ իշխանությանը հաջողվել է իրականացնել, բայց դրանք ընդհանուր տրամաբանության մեջ, մեծ հաշվով, Հայաստանին կյանք չեն տալիս»,-շեշտեց մեր զրուցակիցը՝ նշելով, որ նախկին օրենսդրության ոգու շրջանակներում նոր Հայաստանը կառավարելու քաղաքականությունը սխալ է ու անհեթեթ:

«Մեծ հաշվով, իշխանության քաղաքականությունն ու ժողովրդի պահանջն իրար չեն համընկնում և այս պահին հակադրության մեջ են»,-շեշտեց քաղաքագետը:

Շարունակելով իշխանության և հասարակության պահանջների թեման, դիտարկելով իշխանության կողմից ներկայացվող իրավիճակը, մյուս կողմից՝ մարդկանց պահանջները, Հ. Սուքիասյանը նկատեց.

«Օրինակ՝ չեղած տնտեսության վրա մեկ տոկոս աճն ի՞նչ է տալիս: Իշխանությունը կարող է գոռալ, ասել, թե թոշակ է ավելացրել, բայց նախկինում՝ 10, իսկ հիմա 12 հազար դրամ ստացող մարդուն դա ի՞նչ է տալու: Այսինքն, այս մարդիկ, նախորդ շրջանի պես, թվերի ու տոկոսների վրա բլեֆ են անում: Ի՞նչ է, ժողովուրդը հեղափոխությունն արեց, որ 5000-ի փոխարեն 6000 դրամ թոշակ ստանա, իսկ իշխանությունը ողջ ժողովրդի վրա «մուննաթ» գա, մի ցուցանիշ գրի ու ասի՝ բարձրացրե՞լ եմ: 

Իրականում հեղափոխությունը հեղափոխական ձևով կյանքը փոխելու գործընթաց է: Մի հայտնի, կեսկատակ պատմություն կա՝ ԱՄՆ-ի և Տաջիկստանի տնտեսության մասին: ԱՄՆ-ը հայտարարում է, որ տրակտորի արտադրության մեջ 1 տոկոս աճ է գրանցել, ու խոսքը մի քանի տասնյակ հազարավոր տրակտորների մասին էր:

Տաջիկստանն էլ հայտարարում է, որ տրակտորի արտադրության մեջ 300 տոկոս աճ ունի, որը, ի տարբերություն ԱՄՆ-ի, մինչ այդ մեկ տրակտոր ուներ ու խոսքն այս անգամ 300 տրակտորի մասին էր: Ինչո՞ւ հիշեցի. հիմա այս մարդիկ թվերի վրա բլեֆ են անում, ինչը նախկին իշխանության որդեգրած քաղաքականությունն էր:

Պարզ է, որ ինչոր տեղաշարժեր կան, բայց դրանք, մեծ հաշվով, եղանակ չեն փոխում: Իշխանությունը պետք է գնա նախկին տնտեսական կարգը փոփոխելու ճանապարհով: Այդ ճանապարհով, այնուամենայնիվ, չի գնում ու հանդիպում է ժողովրդի օբյեկտիվ բողոքին»:

Հայկ Սուքիասյանն ընդգծեց, որ այսօր կան գործընթացներ, որոնք հակասում են ժողովրդի շահերին, և գործող քաղաքական իշխանությունը պետք է բացատրի՝ ինչո՞ւ է ժողովրդի շահերի դեմ գնում:

«Այս իրավիճակը տանելու է իշխանության լեգիտիմության անկման, ինչն արդեն կա: Սա մեկ մարդու լեգիտիմության վրա ստեղծված իշխանություն է, և այդ մարդու լեգիտիմությունը կամաց-կամաց անկում է ապրելու:

Իսկ ի՞նչ է լինելու հետո: Թող բացատրություններ չտան ու ասեն՝ գիտեք, նախկինները կօգտվեն իրավիճակից: Դուք մի արեք՝ թող նախկինները չօգտվեն, ի՞նչ խնդիր կա»,-եզրափակեց քաղաքագետը:

ԱՆՆԱ ԲԱԴԱԼՅԱՆ

website by Sargssyan