Նվեր­նե­րից՝ ծա­ռա­տունկ.ինչ­պե՞ս ենք «դի­մա­վո­րում» նո­րա­... ՄԻՋԱԶԳԱՅԻՆ
Պատ­մա­կան աղ­բյուր­նե­րը խո­սում են պարս­կա­կան ծագ­ման մա­... ՄԻՋԱԶԳԱՅԻՆ
«Ըն­դուն­վում են օրենք­ներ, որոնք միտ­ված են վա­րորդ­նե­րի ի... ՀԱՍԱՐԱԿՈՒԹՅՈՒՆ
«Ռիս­կը մեծ չէ». սպաս­վե­լիք թան­կա­ցում­նե­րի, տնտե­սա­կան ... ՀԱՐՑԱԶՐՈՒՅՑ
Թե ինչ­պես պարտ­վե­լով՝ փոր­ձե­ցին խու­սա­փել պար­տու­թյու­նից ՎԵՐԼՈՒԾԱԿԱՆ
Երևան, 11.Դեկտեմբեր,
00
:
00
:
00
Փոխարժեք
478.65
$
560.79
Թմրամիջոցների ապօրինի շրջանառության համար մեղադրանք է առաջադրվել 56-ամյա տղամարդուն. ՔԿ Եվրոն եւ ռուբլին թանկացել են Ակցիա Վճռաբեկի դիմաց. հարազատները պահանջում են արդարացնել սպանության օժանդակման մեջ մեղադրվողին Պատմության մեջ առաջին անգամ ամանորյա ուղերձը հեռարձակվելու է Հանրապետության հրապարակից՝ ուղիղ եթերում․ քաղաքապետարան Մեսսիի դեմ խաղալը դժվար էր. Մխիթարյանը պատասխանել է երեխաների հարցերին (լուսանկարներ) 600 մլն դրամը Հայաստանի ապագայի ապահովման համար այնքան էլ մեծ գումար չէ. «Իմ քայլը» Դատախազությունը մերժել է Սերժ Սարգսյանի պաշտպանի բողոքը Կուզեի տղամարդու «ժամանակակից տեսակ»-ը մրցակցության մեջ չլիներ կնոջ հետ. Լիլի Հովեր Վիճաբանություն թիվ 114 դպրոցում. դանակահարել են 11-րդ դասարանցու ՊՆ զորակոչային եւ զորահավաքային համալրման ծառայության պետ է նշանակվել Հեքիաթային քաղաք, ամանորյա տոնավաճառ, տոնական համերգ. Ամանորը Երևանում ԱԱԾ-ն նոր բացահայտում է արել ՀՀ Զինված ուժերում մարզական ակումբ կբացվի. քննարկումներ խորհրդարանական հանձնաժողովում ՀՀ երկրորդ նախագահի գրասենյակը Ռոբերտ Քոչարյանի անունից ցավակցական հեռագիր է հղել Յուրի Լուժկովի ընտանիքին Եթե քծնել իմանայի, կքծնեի ժամանակին գործող իշխանություններին. Արայիկ Հարությունյան

Արժեհամակարգերի խարխլումն ու առարկայացող վտանգները

Ժամանակակից աշխարհում հատկապես քաղաքականության մեջ տեղեկատվականհաղորդակցական գործընթացներում հաճախ կիրառվում են ոչ թե առանձին հնարքներ, այլ հատուկ մանիպուլ յատիվ տեխնոլոգիաներ: Մանիպուլ յացիան թաքնված ազդեցություն է, որի փաստը չպետք է նկատվի մանիպուլ յացիայի օբյեկտի կողմից:

Այսօր ՀՀ քաղաքական թատերաբեմում կատարողներն են, իսկ առաջնորդներն ու կազմակերպիչները հասարակության լայն շերտերի համար առայժմ անտեսանելի են` ստվերում են: Տարիներ շարունակ համարվել է, որ պետությունն ու ազգային հիմնարար արժեքները առաջնային դիրքերում են, իսկ կարգախոսները, ինչպես ամեն տեղ ու միշտ, դարձյալ շատ ստանդարտ ու մաշված էին` կոռուպցիայի դեմ պայքար, ժողովրդավարության հաստատում, մարդու իրավունքների պաշտպանություն, իրավահավասարություն և իրավունքի գերակայություն, արդարություն:

Համաձայնեք, որ լավ բառեր են, չէ՞... Բայց...

Իրականում այս կարգախոսներով և ամբողջ ընթացքում առանձնակի հետևողականությամբ և ուժգնությամբ հարձակման էին ենթարկվում ազգային արժեքներն ու պետության անվտանգությունը ապահովող ոլորտներն ու գործիչները:

Իրականում չկար հակազդող ուժ (որը նախորդ իշխանության գիտակցված, թե անգիտակից մեծ բացթողումն էր), և այս ամենի հետևանքով հասարակությունը, առանց ընկալելու իրողությունները, արդեն գտնվելով «ալտերնատիվ իրականության» տիրույթում, ի թիվս այլ բաների, սկսեց կասկածի տակ դնել ոչ միայն իր կողմից ընդունելի, հայրենասեր, վաստակաշատ գործիչների ու պրոֆեսիոնալների ավանդը, այլ նաև իր իսկ համար դարեր ի վեր հիմնարար համարվող բարձրագույն արժեքները` ազգությունը, կրոնը, պետությունը, հայրենիքը, ընտանիքը, բանակը, մշակույթը, կրթությունը, ազնվությունը, արդարությունը, իրավունքը, պարկեշտությունը:

Պետք է հաշվի առնել նաև, որ երբ երկրում ամեն ինչ կայուն ու խաղաղ է, երկիրը, արագ, թե դանդաղ, զարգանում ու կառուցվում է, և առերևույթ առկա չէ ազգային արժեքների և պետական ինստիտուտների ոտնահարում, ապա իշխանության և հասարակության մեջ բթանում է պետության և ազգային արժեքների նկատմամբ հնարավոր ոտնձգությունները հեռվից զգալու և դրանց դիմակայելու` բնատուր, ազգային իմունիտետը:

Վերջին երեսուն տարվա ժամանակագրությունը եթե դիտարկենք, ապա կնկատենք, որ այն արթնանում է միայն այն պահին, երբ առերևույթ ի հայտ են գալիս այդ վտանգները: Առաջին անգամ` 1992-93-ին, երկրորդ` 1996-1998-ին, և վերջին օրինակը աչքներիս առաջ է:

Իրականում այդ վտանգը անընդհատ և ամենուր առկա է այնքան ժամանակ, քանի դեռ աշխարհում գոյություն ունեն կենտրոններ, որոնք, իրենց շահերը հետապնդելով, պատրաստ են ոտնահարել ամեն ազգայինն ու մարդկայինը: Երկրներում տիրող իրավիճակից է կախված դրանց ակտիվանալը, ի հայտ գալը:

Եթե երկիրը, իր ներքին թերություններով հանդերձ, նորմալ կամ արագ զարգանում է, և պետական ինստիտուտները, կառույցները պատշաճ կերպով իրականացնում են իրենց գործառույթները, ապա այդ վտանգները, այսինքն` հակազգային ու հակապետական բջիջները, թույլ են և թաքնված:

Ցանկացած երկրի համեմատաբար դանդաղ զարգացման, և դրան զուգահեռ` համապատասխան պետական կառույցների կողմից իրենց գործառույթների ոչ պատշաճ իրականացման պայմաններում նշված հակաազգային և հակապետական կառույցներն աստիճանաբար ուժեղանում են:

Իրավիճակն աղետալի է դառնում այն ժամանակ, երբ այդ հակաազգային ու հակապետական տարրերը այս կամ այն կերպ ստանձնում են իշխանության դերը և տնօրինում են կառավարման լծակները: 

Այդպիսի իրավիճակը անհապաղ չշտկելու դեպքում արդեն հաջորդ քայլով անթաքույց ձգտում են տվ յալ երկրի բնակչությանը վերածել ապազգային, անհայրենիք, անմշակույթ, խեղաթյուրված պատմությամբ, անբնական սեռի և անհավատ պարզագույն կենսաբանական զանգվածի` իր բոլոր ավերիչ ու կործանիչ հետևանքներով

 ԱՆԴՐԱՆԻԿ ՀԱՐՈՒԹՅՈՒՆՅԱՆ

 

website by Sargssyan