Լանզարոտի կոնվենցիայի շուրջ հետագա հանրային քննարկումների ար... ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (29 ՄԱՅԻՍԻ). Ան­կար­գու­թյուն­նե­րի հե­տև... ՀԱՍԱՐԱԿՈՒԹՅՈՒՆ
Կորցնում ենք, կորցնում, բայց այդպես էլ չենք խրատվում ՀԱՍԱՐԱԿՈՒԹՅՈՒՆ
«Սե­րը ժա­ռան­գել եմ մայ­րի­կիցս». պահ­պա­նե­լով ժա­նյակա­գո... ՀԱՐՑԱԶՐՈՒՅՑ
«Ակա­նա­տես չենք եղել որևէ փաս­տաթղ­թի, որը կքար­տե­զագ­րի Հ... ՀԱՐՑԱԶՐՈՒՅՑ
Երևան, 31.Մայիս,
00
:
00
:
00
Փոխարժեք
478.65
$
560.79
Հայաստանում տեղումներ չեն սպասվում, եղանակը կշոգի ևս 2-4 աստիճանով Արթուր Վանեցյանի ղեկավարած կուսակցությունն ընդդմիադիր գործունեություն է ծավալելու Նիկոլ Փաշինյանը գեներալ Կարապետյանին գաղտնի գործուղել է ՌԴ՝ մաքսանենգ ծխախոտի հետ կապված սկանդալը ծածկադմփոց անելու համար Ոստիկանության անակնկալ շրջայցերը մայրաքաղաքի տարբեր շրջաններում (վիդեո) Գագիկ Ծառուկյանը մշտապես նվիրված է եղել իր ժողովրդին «Սաղ Սերժնա մեղավոր» պարզունակ իշխանական կռուտիտները հերթական անգամ փուչիկ են․ Աշոտյան Գնալով պետական կոռուպցիայի նմանվող գործարքների՝ հիմա այս իշխանությունը փորձում է բյուջեն լցնել` ֆինանսապես կեղեքելով ողջ հասարակությանը․ Հայկ Մարտիրոսյանը՝ համընդհանուր հարկային հայտարարագրի մասին Մենք հիմա փակուղու մեջ ենք և գնալով վիճակը ծանրանալու է. Ստեփան Դանիելյան Հայաստանում կորոնավիրուսով վարակվածների թիվը մեկ օրում աճել է 355-ով՝ հասնելով 9282-ի Պաշտոնյաների՝ շաբաթվա ամենասկանդալային գրառումները Նիկոլ Փաշինյանը ձեռք է բերել 1970-ականներին արտադրված զենք՝ ներկայացնելով դա որպես ձեռքբերո՞ւմ Իրավիճակն ու գներն անշարժ գույքի շուկայում. երբ բնակարան գնել Պարետի որոշմամբ սհմանափակումներ կկիրառվեն մի շարք տնտեսվարողների նկատմամբ Զենքի անօրինական վաճառք, «նախնադարյան» զենքի ձեռքբերման գործարք, կոռուպցիա և անտեսվող մահեր․ Միքայել Մինասյան/տեսանյութ/ Սուրբ Գրիգոր Լուսավորիչ ԲԿ-ում եմ․ հանդիպեցի կովիդ-դրական մայրիկի՝ իր 4 օրական նորածնի հետ․ Թորոսյան ԱՄՆ-ում ոստիկանությունը ռետինե փամփուշտներով կրակել է լրագրողին (տեսանյութ) Ամբերդ գյուղի ջրատարի մեջ 70-75 տարեկան կնոջ դի է հայտնաբերվել Թրամփը շնորհակալություն է հայտնել Գաղտնի ծառայությանը եւ իր ցասումն է արտահայտել ցուցարարների հանդեպ Նախատեսվում է օրական 1000-ից 2000 թեստի արտադրություն. Փաշինյան

Անում են ամեն ինչ, որ­պես­զի այլ հա­կա­մար­տու­թյուն­ներ էլ ստեղծ­վեն

theuk.one-ն «Նիկոլ Փաշինյանի դիլետանտիզմը և քմահաճությունը Հայաստանին անդունդ է տանում» վերնագրով հոդվածում գրում է, որ մեկուկես տարի է անցել այն պահից, երբ Երևանում իշխանություն են դարձել այդ «կրակոտ հեղափոխական հռետորի» կողմնակիցները:

Բայց հիմա Հայաստանի աղքատ ու անբախտ բնակչությունը սկսել է ավելի ու ավելի հասկանալ, որ իրեն պարզապես մատի շուրջ պտտեցրել են: Այն բոլոր խոստումներից, որոնց մասին Փաշինյանը բարձրաձայն հայտարարում էր փողոցներում և հրապարակներում, ոչինչ էլ չի արվել:

Տնտեսական աճը և անգամ դրա նշանները բացակայում են, բնակչության վիճակի բարելավում չկա, իսկ Հայաստանի շուրջ միջազգային իրավիճակը շարունակում է թեժանալ: 

Արտաքին քաղաքականության ոլորտում Նիկոլ Փաշինյանի կառավարության դեգերումները հանգեցրել են նրան, որ ակտիվացել են հակահայկական ուժերը ոչ միայն Ադրբեջանում և Վրաստանում, այլ նաև այնտեղ, որտեղ ավանդաբար ձգտել են Կովկասում խաղաղություն պահպանել` ԱՄՆ-ում, Մեծ Բրիտանիայում, ԵՄ-ում և մի շարք այլ երկրներում:

Նման իրավիճակում Ռուսաստանի հետ դաշնակցային հարաբերություններից հրաժարվելը, թեկուզև գոնե մասամբ, խենթություն է: Բայց Փաշինյանը հենց այդպես էլ վարվում է, երբ օրինակ՝ հայտարարում է որոշակի քանակի արևմտյան զենք ձեռք բերելու ցանկության մասին: Հատկապես ուշագրավ է Հայաստանի երկրորդ նախագահ Ռոբերտ Քոչարյանի դեմ ուղղված բացարձակ չհիմնավորված քարոզարշավը:

Նրան Նիկոլ Փաշինյանը մեղադրում է 2008 թվականին նույն Փաշինյանի և կողմնակիցների դեմ իրականացված ինչ-որ «հակասահմանադրական գործողությունների» մեջ, չնայած իրականում հենց իրենք են մասնակցել անկարգություններին և ջարդերին:

Հաշվի առնելով «Ազատություն», «ВВС», «Ամերիկայի ձայն», «Deutsche Welle» և այլ նման «ժողովրդավարության ազդարարների» կողմից հակաքոչարյանական արշավի լիակատար աջակցությունը՝ միանգամից պարզ է դառնում, թե ում ցանկություններն է ի կատար ածում Հայաստանի վարչապետ Նիկոլ Փաշինյանը... 

Մեկ այլ հարց է այն, թե ինչ կերպ են նրա գործողությունները համահունչ հայ ժողովրդի շահերին: Եվ այս հարցը մեկ միանշանակ պատասխան ունի` ոչ մի կերպ, քանի որ Հայաստանի անկախության պահպանման միակ ճանապարհը Ռուսաստանի և Ռուսաստանի կողմից կազմավորված ինտեգրացիոն համայնքի՝ ԵԱՏՄ-ի և ՀԱՊԿ-ի հետ դաշինքն է:

Ով դա չի հասկանում, կա՛մ թշնամի է, կա՛մ էլ հիմար: Իսկ նա, ով ամեն կերպ խոչընդոտում է դա, պարզապես ոչխարի մորթիով գայլ է:

Այստեղ անգամ միջազգային գործերում անփորձ դիտորդն է գիտակցում, որ մինչև Նիկոլ Փաշինյանի իշխանության գալը Հարավային Կովկասում խաղաղություն է պահպանվել շնորհիվ Հայաստանի նպատակաուղղված արտաքին քաղաքականության, իսկ հիմա պատերազմի սպառնալիքը աճում է գլորվող ձնագնդի պես:

Ընդ որում, «արդարադատությունն ըստ Փաշինյանի» լիովին փակուղի է մտել: Հայաստանի երկրորդ նախագահ Ռոբերտ Քոչարյանի պաշտպանությունը ընդհանուր իրավասության դատարանում հաջողությամբ ապացուցում է նրա անմեղությունը և պահանջում ազատել Քոչարյանին կալանքից: Մոսկվայի Միջազգային հարաբերությունների պետական ինստիտուտի պրոֆեսոր, հայտնի քաղաքագետ Անդրանիկ Միհրանյանը կարծում է, որ Փաշինյանի գործողություններում նկատելի չէ անգամ ժողովրդավարության ակնարկ, և ժամանակի ընթացքում իր իշխանությունը պահպանելու համար նա ստիպված կլինի հաստատել կոշտ բռնապետություն: 

Ըստ քաղաքագետի, «բոլոր պոպուլիստները իշխանության են գալիս ժողովրդավարական ճանապարհով և ի վերջո հաստատում են ավտորիտար ռեժիմներ, օրինակ՝ Էրդողանը, Օրբանը, որոնք իշխանություն են դարձել բացարձակ ժողովրդավարական ճանապարհով, և այժմ հաստատել են կոշտ անձնական իշխանություն, պատմության մեջ կան շատ նման օրինակներ, և նույնիսկ ԱՄՆ-ում շատերը վախենում են, որ Թրամփը կարող է ստեղծել ավտորիտար ռեժիմ ...»:

Եթե Ռոբերտ Քոչարյանն ու նրա պաշտպանական թիմը ի վիճակի լինեն դատարանում լիովին ապացուցել մեղադրանքների անհեթեթությունն ու անհամապատասխանությունը իրավական չափանիշներին, իսկ դրա համար կան բազմաթիվ պատճառներ, դա հղի է Նիկոլ Փաշինյանի համար անկանխատեսելի հետևանքներով: 

Եվ այդ ժամանակ նրան պետք կլինի հենց այն բռնապետությունը, որի մասին ասում է Անդրանիկ Միհրանյանը: Հավանաբար Ռոբերտ Քոչարյանի և նրա կողմնակիցների դեմ բազմաթիվ կեղտոտ և անողոք սադրանքներ կիրականացվեն, որպեսզի պարզապես կանխվի նրա ամբողջական և վերջնական արդարացումը:

Հայաստանյան հասարակության մեջ գնալով իրավիճակը լարվում է: Բացի դա, Նիկոլ Փաշինյանի գլխավորած դիլետանտների, պոպուլիստների և արկածախնդիրների կառավարությունը անում է ամեն ինչ, որպեսզի այլ հակամարտություններ էլ ստեղծի: Օրինակ՝ կրքեր են բորբոքվում Ամուլսարի հանքի շուրջ:

Տեղի բնակչությունը կտրականապես դեմ է այնտեղ ոսկու արդյունահանմանը: Գործը հասել է նրան, որ Ջերմուկ համայնքի բնակիչները մտադիր են քաղաքացիական անհնազանդության զանգվածային միջոցառումներ իրականացնել: Փաշինյանի կառավարությունը հանքի «լիարժեք շրջակա միջավայրի անվտանգությունը» ապացուցող բնապահպանական փորձաքննություն անցկացնելու համար ծախսել է ավելի քան 400 հազար ԱՄՆ դոլար, և այդ ամբողջ ժամանակ համացանցում և սոցիալական ցանցերում ակտիվորեն քարոզել հանքի «լիակատար անվնասության» թեզը:

Այնուամենայնիվ, այդ գործողության կազմակերպիչները և կատարողները մոռացել են, որ իրենք գործողությունների վայրից շատ հեռու են նստած, իսկ Ջերմուկի բնակիչները ամեն օր այնպես են համոզվում հանքի «անվնասության» մեջ, որ իրենք և իրենց երեխաները սկսում են փռշտալ ու հազալ: 

Ինչ-որ բան հուշում է, որ ժամանակին համընթաց Հայաստանի բնակիչները ավելի հաճախ կսկսեն տեսնել Նիկոլ Փաշինյանի անմիտ և ինքնաբուխ այլ գործողություններ: 

Եվ ինչպե՞ս կարող է այստեղ խոսք լինել ինչ-որ ռազմավարության, կամ էլ Հայաստանի քաղաքացիների կյանքը բարելավելու մասին:

Կամո Խաչիկյան

 

website by Sargssyan