Պետական գնումների գործընթացին մասնակցողների իրավունքները կլի... ՔԱՂԱՔԱԿԱՆ
Հայաստանյան երգչախումբն առաջին անգամ հանդես է եկել ՅՈՒՆԵՍԿՕ-... ՄՇԱԿՈՒՅԹ
Գարեգին Բ-ն նոր նշանակումներ է արել ՀԱՍԱՐԱԿՈՒԹՅՈՒՆ
Երեւանում ընթանում է «Կրթություն բոլորի համար» ամենամյա եռօր... ՀԱՍԱՐԱԿՈՒԹՅՈՒՆ
ՀՀ ԱԳՆ-ն ողջունում է Ուկրաինայի խորհրդարանում Հայաստանի հետ ... ՔԱՂԱՔԱԿԱՆ
Երևան, 21.Հոկտեմբեր,
00
:
00
:
00
Փոխարժեք
478.65
$
560.79
Եղբորս երեխաներին թույլ չեն տալիս տեսակցել հորս. Լեւոն Քոչարյան ՈՒՂԻՂ. Ակցիա դատարանի առջև՝ ի աջակցություն Նարեկ Մութաֆյանի Դավիթ Տոնոյանի գլխավորած պատվիրակությունը մեկնել է Չինաստան Սեյրան Օհանյանը մեկնել է Հայաստանից Խոսք կար միայն ԵՄ-ի եւ Գյումրիի օդանավակայանի համատեղ ջանքերով Ryanair-ին հավելյալ աջակցության մասին․ Ավինյան Պետական գնումների գործընթացին մասնակցողների իրավունքները կլինեն ավելի պաշտպանված. ՄԻՊ ԳԱԱ-ում մեկնարկել է Հովհաննես Թումանյանի ծննդյան 150-ամյակին նվիրված գիտական նստաշրջան Լավ լուրեր՝ Գագիկ Սուրենյանից Քրեակատարողական ծառայությունը նշում է 100–ամյակը. ներկա են Ավինյանն ու Բադասյանը ՀՔԾ-ն քաղաքական հրահանգներ ոչ ստանում է, ոչ էլ ստանալու դեպքում կկատարի. Սասուն Խաչատրյան Փաշինյանն իր վրա կզգա, թե ինչ է լավ ուղղորդվող դժգոհ «քաղաքացիական հասարակությունը». «ԿՊ»

Զոհրաբ Մնացականյանը հանդիպել է Սաեյմայի խոսնակի և Լատվիա-Հայաստան բարեկամական խմբի անդամների հետ

 

Սեպտեմբերի 18-ին պաշտոնական այցով Ռիգայում գտնվող Հայաստանի ԱԳ նախարար Զոհրաբ Մնացականյանը հանդիպում է ունեցել Լատվիայի խորհրդարանի խոսնակ Ինարա Մուրնիեցեի հետ։ Այս մասին NEWS.am-ը տեղեկանում է ԱԳՆ լրատվական ծառայությունից։

 

Ընդգծելով խորհրդարանական դիվանագիտության առանձնահատուկ դերակատարությունը՝ Հայաստանի արտաքին քաղաքական գերատեսչության ղեկավարը և Լատվիայի Սաեյմայի խոսնակը գոհունակություն հայտնեցին խորհրդարանական մակարդակով հայ-լատվիական ակտիվ համագործակցության և փոխայցելությունների կապակցությամբ՝ կարևորելով տարբեր մակարդակներում կանոնավոր երկխոսությունը։ Այդ առնչությամբ նախարար Մնացականյանը համոզմունք հայտնեց, որ իր այցը Լատվիա լավ հնարավորություն է՝ ուղենշելու համագործակցության նոր հարթակները և երկու երկրների միջև հարաբերությունների առավել ամրապնդմանն ուղղված քայլերը:

 

 

Լատվիայի Սաեյմայի խոսնակը և Հայաստանի արտգործնախարարը հանգամանալից մտքեր փոխանակեցին տարբեր ոլորտներում համագործակցության առաջմղման հեռանկարների շուրջ՝ կարևորելով առևտրատնտեսական հարաբերությունների զարգացմանն ուղղված ներուժի լիարժեք իրացումը, համագործակցությունը մշակութային, կրթական, բարձր տեխնոլոգիաների, էլեկտրոնային կառավարման, նորարարության ոլորտներում։

 

Անդրադարձ կատարելով Հայաստանում ժողովրդի լայն մանդատի շրջանակներում կառավարության կողմից իրականացվող բարեփոխումներին՝ որպես կարևոր առաջնահերթություն նախարար Մնացականյանը նշեց դատաիրավական համակարգի բարեփոխումը։

 

Հայաստան-ԵՄ համագործակցության համատեքստում նախարար Մնացականյանը ընդգծեց Համապարփակ և ընդլայնված գործընկերության համաձայնագրի՝ որպես իրավական նոր հենքի կարևորությունը  ԵՄ և ԵՄ անդամ երկրների հետ օրեցօր ամրապնդվող փոխգործակցության համատեքստում: Կողմերն անդրադարձ կատարեցին նաև Արևելյան գործընկերության տասնամյա հոբելյանին, ԱլԳ շրջանակներում գրանցված հաջողություններին և համագործակցության այս ձևաչափի զարգացման տեսլականին:

 

Զրուցակիցները մտքեր փոխանակեցին միջազգային և տարածաշրջանային հարցերի շուրջ երկու երկրների դիրքորոշումների ու մոտեցումների շուրջ:

 

 Նախարար Մնացականյանը զրուցակցին ներկայացրեց Լեռնային Ղարաբաղի հիմնախնդրի խաղաղ կարգավորման գործում Հայաստանի սկզբունքային դիրքորոշումը և մոտեցումները։

 

Նախորդ օրը՝ սեպտեմբերի 17-ին, նախարար Մնացականյանը հանդիպում ունեցավ Լատվիա-Հայաստան բարեկամության խմբի ղեկավար, օրենսդիր մարմնի փոխնախագահ Մարիա Գոլուբևայի և խմբի որոշ անդամների հետ։

 

Զոհրաբ Մնացականյանը և Մարիա Գոլուբևան դրական գնահատեցին Հայաստանի և Լատվիայի միջև խորհրդարանական ձևաչափով համագործակցության ներուժը։

 

Զրուցակիցներն անդրադարձան Լատվիայի հասարակական-քաղաքական կյանքում մեծ դեր ունեցող հայ համայնքին՝ արժևորելով վերջինիս կամրջող դերակատարությունը երկու երկրների միջև հարաբերություններում։ Անդրադարձ կատարելով իրավունքի գերակայության, ժողովրդավարական հաստատությունների  և մարդու իրավունքների պաշտպանության ամրապնդման ուղղությամբ իրականացվող բարեփոխումներին՝ նախարար Մնացականյանն առանձնահատուկ ընդգծեց այդ գործընթացում քաղաքացիական հասարակության ակտիվ դերակատարությունը:

 



website by Sargssyan