ՊԱՏՄՈՒԹՅԱՆ ԱՅՍ ՕՐԸ (21 ՍԵՊՏԵՄԲԵՐԻ)․ Հայաստանի պատմության նոր էջը
ՀԱՍԱՐԱԿՈՒԹՅՈՒՆՏՈՆԵՐ
Խաղաղության միջազգային օր, Ալցհայմերի հիվանդության մասին տեղեկատվության տարածման միջազգային օր, Բելիզ՝ Անկախության օր, Բրազիլիա՝ Ծառատունկի օր, Հայաստան՝ Անկախության օր, Մալթա՝ Անկախության օր, Գանա՝ Հիմնադրման օր, Ռուսաստան՝ Ռուսական պետականության ստեղծման օր:
ՀԱՅ-ՀԱՅԱՍՏԱՆ
1943– ծնվել է հասարակական-քաղաքական գործիչ Լարիսա Ալավերդյանը:
1950 – ծնվել է քանդակագործ, երգիչ Էդուարդ Շախիկյանը:
1982 –վախճանվել է զորահրամանատար, մարշալ Հովհաննես Բաղրամյանը:
1991- Հայաստանում կայացել է անկախության հանրաքվե, որտեղ ընտրողների 99 %-ը կողմ է արտահայտվել ԽՍՀՄ-ի կազմից դուրս գալուն և անկախ հանրապետություն ստեղծելուն:
2008- հանդիսավորությամբ բացվել է ՀՀ պաշտպանության նախարարության նոր շենքը:
2009 – վախճանվել է քանդակագործ, նկարիչ Արևշատ Ավագյանը:
2013-պահեստազորի գնդապետ, ազատամարտիկ Վոլոդյա Ավետիսյանը կալանավորվել է խոշոր չափերով խարդախություն կատարելու կասկածանքով:
2015-Վերոնայում ներկայացվել է Ցեղասպանության 100-ամյակին նվիրված «Ամեն» բեմադրությունը:
2017- Գեղագիտության ազգային կենտրոնի մուտքի մոտ տեղադրվել է Փարաջանովի հանրահայտ «Արտասվող Ջոկոնդա» կոլաժի կրկնօրինակը:
ԱՇԽԱՐՀ
19 մ.թ.ա. – վախճանվել է հռոմեացի բանաստեղծ Պուբլիոս Վերգիլիուս Մարոնը:
1348 –Ցյուրիխում հրեաներին մեղադրել են աղբյուրները թունավորելու մեջ:
1558 –վախճանվել է Սրբազան Հռոմեական Կայսրության կայսր Կառլոս 5-րդը:
1792 –Ֆրանսիայում բացվել է Ազգային Կոնվետը, ընդունվել է թագավորական իշխանությունը վերացնող դեկրետ՝ օրենք:
1799 –սկսվել է Սուվորովի ղեկավարած ռուս-ավստրիական զորքերի անցումը շվեյցարական Ալպերով:
1801 – ծնվել է գերմանական ծագմամբ ռուս ֆիզիկոս, էլեկտրաշարժիչի գյուտարար, գալվանատեխնիկայի ստեղծող Բորիս Յակոբին:
1832 –վախճանվել է շոտլանդացի գրող, բանաստեղծ, դրամատուրգ Վալտեր Սքոթը: 1860– վախճանվել է գերմանացի փիլիսոփա, գրող Արթուր Շոպենհաուերը, որը հանդիսանում է փիլիսոփայության իռացիոնալիզմի դպրոցի հիմնադիրներից մեկը:
1866 –ծնվել է անգլիացի լրագրող, պատմաբան, ֆանտաստ գրող Հերբերտ Ուելսը («Աշխարհների պատերազմը», «Ժամանակի մեքենա», «Անտեսանելի մարդը»):
1866 –ծնվել է ֆրանսիացի միկրոբիոլոգ Շառլ Նիկոլը, որը հայտնաբերել է բծավոր տիֆի առաջացման պատճառը:
1898 –Չինաստանի թագուհի Ցիսին պալատական հեղաշրջման միջոցով զավթել է իշխանությունը:
1921– Գերմանիայի Օպպաու քաղաքի BASF ընկերության քիմիական գործարանում տեղի է ունեցել պայթյուն, որի հետևանքով զոհվել է 561 մարդ, ավելի քան 1500-ը վնասվածքներ է ստացել:
1934- թայֆունը հարվածել է Հոնսյու կղզուն, որի հետևանքով զոհվել է 3 036 մարդ։
1936 - ծնվել է ռուս քաղաքական գործիչ, Մոսկվայի 2-րդ քաղաքապետ Յուրի Լուժկովը:
1942 - Ուկրաինայի Դունաևցի քաղաքում նացիստները սպանել են 2 558 հրեա։
1964 -Մալթան անկախություն է ստացել Մեծ Բրիտանիայից:
1947– ծնվել է սարսափ, ֆանտաստիկ և դրամատիկ ժանրերի ամերիկացի գրող Սթիվեն Քինգը:
1950 – ծնվել է ամերիկացի դերասան, դրամատուրգ և կինոարտադրող Բիլ Մյուրեյը:
1953– կայացել է Սան Սեբաստիանի առաջին կինոփառատոնը:
1981 - Բելիզը անկախություն է ձեռք բերել Մեծ Բրիտանիայից:
2004– սկսվել է աշխարհի ամենաբարձր աշտարակի` Բուրջ Խալիֆայի շինարարությունը, որի բարձրությունը կազմում է 828 մետր:
Կամո Խաչիկյան