Պետական գնումների գործընթացին մասնակցողների իրավունքները կլի... ՔԱՂԱՔԱԿԱՆ
Հայաստանյան երգչախումբն առաջին անգամ հանդես է եկել ՅՈՒՆԵՍԿՕ-... ՄՇԱԿՈՒՅԹ
Գարեգին Բ-ն նոր նշանակումներ է արել ՀԱՍԱՐԱԿՈՒԹՅՈՒՆ
Երեւանում ընթանում է «Կրթություն բոլորի համար» ամենամյա եռօր... ՀԱՍԱՐԱԿՈՒԹՅՈՒՆ
ՀՀ ԱԳՆ-ն ողջունում է Ուկրաինայի խորհրդարանում Հայաստանի հետ ... ՔԱՂԱՔԱԿԱՆ
Երևան, 21.Հոկտեմբեր,
00
:
00
:
00
Փոխարժեք
478.65
$
560.79
«Բարսելոնա» - «Ռեալ Մադրիդ». Հանդիպման անցկացման վերջնական օրը Արարատ Միրզոյանն ընդունել է «Ավրորա» ամենամյա մրցանակի դափնեկիր Միրզա Դինայիին Ապօրինի մուտք են գործել վաճառակետ, հափշտակել են դրամարկղում առկա գումարը․ ՔԿ Փաշինյանը կարեւորել է ԼՂ-ի հակամարտության խաղաղ կարգավորման գործընթացում Չեխիայի հավասարակշռված դիրքորոշումը Կրթությունն ու մշակույթը՝ Հայաստան-ԵՄ համագործակցության համատեքստում․ ԿԳՄՍ նախարարն ընդունել է ԵՄ ներկայացուցչին Զորավարժություն. Մեր հրետանավորները ճնշել եւ ոչնչացրել են հակառակորդի կրակային միջոցներն ու թիրախները (ֆոտո) Գողացված գույք ունեցողները պետք է անհանգստանան. Ռուստամ Բադասյան Հայկական ավանդական ընտանիքի իմ պատկերացումը սա է. Նիկոլ Փաշինյան (վիդեո) Արթուր Դավթյանին շնորհվել է արդարադատության երկրորդ դասի պետական խորհրդականի դասային աստիճան Եղբորս երեխաներին թույլ չեն տալիս տեսակցել հորս. Լեւոն Քոչարյան ՈՒՂԻՂ. Ակցիա դատարանի առջև՝ ի աջակցություն Նարեկ Մութաֆյանի Դավիթ Տոնոյանի գլխավորած պատվիրակությունը մեկնել է Չինաստան Սեյրան Օհանյանը մեկնել է Հայաստանից

Բացահայտվել է բնակարանային գողությունների շարք. 2 անձի մեղադրանք է առաջադրվել. ՔԿ

Past.am

ՀՀ քննչական կոմիտեի Երեւան քաղաքի քննչական վարչության Աջափնյակ եւ Դավթաշեն վարչական շրջանների քննչական բաժնում քննվող քրեական գործով ձեռնարկված մեծածավալ քննչական, օպերատիվ-որոնողական միջոցառումների արդյունքում բացահայտվել են բնակարանային մի շարք գողություններ: Այս մասին NEWS.am-ին հայտնում են ՀՀ քննչական կոմիտեի տեղեկատվության եւ հասարակայնության հետ կապերի բաժնից։

Իրականացված քննչական եւ դատավարական մեծածավալ գործողությունների արդյունքում այս պահին բացահայտվել է նույն անձանց կողմից կատարված գողության 4 դրվագ: Մեղադրանք է առաջադրվել 2 անձի։

Դեպքի առթիվ ՀՀ ՔԿ Երեւան քաղաքի քննչական վարչության Աջափնյակ եւ Դավթաշեն վարչական շրջանների քննչական բաժնում հարուցվել էր քրեական գործ՝ ՀՀ քրեական օրենսգրքի 177-րդ հոդվածի 3-րդ մասի 1.1 կետով:

Ձեռնարկված օպերատիվ-հետախուզական միջոցառումների արդյունքում պարզվել է ենթադրյալ հանցագործություն կատարած անձանց ինքնությունը, որոնցից մեկը Երեւան քաղաքի բնակիչ է՝ ծնված 1963թ., իսկ մյուսն Արագածոտնի մարզի բնակիչ է՝ ծնված 1979թ.:

Քննությամբ տվյալներ են ձեռք բերվել այն մասին, որ 56-ամյա տղամարդը խմբի կազմում ուրիշի գույքի գաղտնի հափշտակություն կատարելու դիտավորության շուրջ նախնական համաձայնության է եկել Արագածոտնի մարզում բնակվող իր ծանոթի հետ եւ 2019 թվականի մարտի 1-ից հունիսի 4-ն ընկած ժամանակահատվածում, Երեւան քաղաքի Դավթաշեն 4-րդ թաղամասի վերոհիշյալ բնակարանից, Երեւան քաղաքի տարբեր վարչական շրջաններում, ինչպես նաեւ Սեւան քաղաքում կատարել բնակարանային գողություններ:

Գործի քննության ընթացքում պարզվել է, որ վերջիններիս կողմից Սեւան քաղաքում կատարված բնակարանային գողությունների դեպքի առթիվ հարուցվել ու քննվում է եւս երկու քրեական գործ: Որոշում է կայացվել՝ հիշյալ քրեական գործերը մեկ վարույթում միացնելու եւ համատեղ նախաքննություն կատարելու վերաբերյալ:

Նախաքննության ընթացքում Արագածոտնի մարզի բնակիչը վարույթն իրականացնող մարմնին հայտնել է գողության եւս երկու դեպքի մասին, որի ժամանակ 56-ամյա իր ծանոթին օգնել է եւ Երեւան քաղաքի Շիրազի փողոցից ու Օրբելի փողոցներից նրա բնակարան է տեղափոխել հափշտակված իրեր ու առարկաներ: Վերջինս նաեւ մատնացույց է արել հիշյալ վայրերը, որտեղից վերցրել են այդ ապրանքները:

Ձեռնարկվում են համապատասխան քննչական ու դատավարական գործողություններ՝ Արագածոտնի մարզի 40-ամյա բնակչի կողմից մատնանշած դեպքերի իսկությունը եւ տուժողների ինքնությունը պարզելու ուղղությամբ:

Նախաքննության ընթացքում կատարվել են մի շարք քննչական գործողություններ. ենթադրյալ հանցագործություն կատարած անձանցից մեկի՝ Երեւան քաղաքի՝ 56-ամյա բնակչի մասնակցությամբ կատարվել է դեպքի վայրի զննություն, առերես հարցաքննություններ, օրենքով սահմանված կարգով, հիշյալ երկու անձանց բնակության վայրերում՝ խուզարկություններ, որոնց արդյունքում գողոնի մի մասը հայտնաբերվել է:

Կատարված խուզարկությունների արդյունքում 56-ամյա տղամարդու բնակության վայրից հայտնաբերվել է նաեւ գործարանային արտադրության «Սայգա 410» մոդելի հրացան՝ առանց համապատասխան փաստաթղթերի, ինչպես նաեւ՝ երկու հատ թմբուկավոր ատրճանակ, չորս հատ գազային եւ այլ ձեւափոխված, խլացուցիչով հրազեն-ատրճանակներ, մեկ հատ դանակ իր պատյանով, 96 հատ տարբեր տրամաչափի ինքնաձիգից կրակելու համար նախատեսված փամփուշտներ, 30 հատ տարբեր տեսակի որսորդական փամփուշտներ, երկու հատ մեծ չափի փամփուշտ, 32 հատ «Մակարով» ատրճանակի փամփուշտի նմանվող փամփուշտներ, 4 հատ օդամղիչ ատրճանակի պահեստատուփ, բազմաթիվ կրակված դատարկ փամփուշտներ, զենքերի դետալներ եւ մասեր: Նշանակվել է դատաձգաբանական փորձաքննություն:

Պարզվել է, որ հայտնաբերված «Սայգա 410» մոդելի հրացանը, հափշտակվել է 2018 թվականի ապրիլի 18-ին՝ Արտաշատ քաղաքի մի բնակչից, որի առթիվ Արարատի մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 177-րդ հոդվածի 3-րդ մասի 1.1 կետով եւ 238-րդ հոդվածի 1-ին մասով:

Գրություն է ուղարկվել ՀՀ ՔԿ Արարատի մարզային քննչական վարչություն՝ հիշյալ քրեական գործն Աջափնյակ եւ Դավթաշեն վարչական շրջանների քննչական բաժին ուղարկելու եւ համատեղ նախաքննությունը շարունակելու վերաբերյալ:

Քրեական գործի շրջանակներում հարցաքննվել է այն անձը, ում տանից կատարվել էր նշված գողությունը: Վերջինս հայտնել է, որ իր բնակարանից կատարված գողության ժամանակ, ի թիվս հրացանի եւ մի շարք իրերի, հափշտակվել է նաեւ իր ընտանիքին պատկանող, Երեւան քաղաքի Թումանյան փողոցում գտնվող բնակարանի մուտքի եւ շքամուտքի դռների բանալիները, որոնք հայտնաբերվել են ենթադրյալ հանցագործություն կատարած անձի՝ 56-ամյա տղամարդու բնակարանի խուզարկությամբ:

Նախաքննության ներկա փուլում Երեւան քաղաքի 56-ամյա բնակչին եւ Արագածոտնի մարզի 40-ամյա բնակչին մեղադրանք է առաջադրվել 4 դրվագ բնակարանային գողություններ կատարելու համար, որոնցից երկուսը՝ Երեւան քաղաքում, եւս երկուսը՝ Սեւան քաղաքում: Նախնական տվյալներով՝ նշված հանցագործություններով պատճառվել է առանձնապես խոշոր չափի` 3.504.737.7, 810.000, 553.682 եւ 5.499.061.75 ՀՀ դրամի գույքային վնաս:

Ձեռք բերված բավարար ապացույցների հիման վրա՝ Երեւան քաղաքի 56-ամյա բնակչին եւ Արագածոտնի մարզի 40-ամյա բնակչին մեղադրանք է առաջադրվել՝ ՀՀ քրեական օրենսգրքի 177-րդ հոդվածի 3-րդ մասի 1-ին եւ 1.1 կետերով (2 դրվագ), 177-րդ հոդվածի 3-րդ մասի 1.1 կետով (2 դրվագ):

Նախաքննությունը շարունակվում է: Ձեռնարկվում են ակտիվ քննչական եւ օպերատիվ-հետախուզական միջոցառումներ` նշված անձանց կողմից հնարավոր այլ հանցավոր դրսեւորումները բացահայտելու, մասնակից հնարավոր այլ անձանց հայտնաբերելու եւ վարույթն իրականացնող մարմնին ներկայացնելու ուղղությամբ:

website by Sargssyan