Քիչ առաջ թշնամին Մարտունի քաղաքի վրա կիրառեց ռազմական ավիացի... ԲԼՈԳ
Կորոնավիրուսով վարակվածների ու մահացածների թիվն՝ այսօր ՀԱՍԱՐԱԿՈՒԹՅՈՒՆ
Ժամը 08.00-ից հետո Արցախի խաղաղ բնակավայրերում համեմատաբար հ... ՀԱՍԱՐԱԿՈՒԹՅՈՒՆ
Հայկական կողմը շարունակում է խստորեն պահպանել հրադադարի ռեժի... ԲԼՈԳ
Հերթական խախտումը. հակառակորդը թիրախավորել է հարավարևելյան ո... ԲԼՈԳ
Երևան, 26.Հոկտեմբեր,
00
:
00
:
00
Փոխարժեք
478.65
$
560.79
Ադրբեջանի զինված ուժերն օրեր շարունակ խաղաղ բնակչության նկատմամբ իրականացրել են ռազմական հանցագործություններ. հայտարարություն «Մեր մտքերը, մեր աղոթքներն ու աջակցությունը ձեզ հետ են». բազմահազարանոց ավտոերթ՝ Կիպրոսում (լուսանկարներ) «Էրդողանի՝ Մակրոնի հասցեին հնչեցրած խոսքերը վկայում են, որ Թուրքիան գնալով հեռվանում է ԵՄ-ից»․ Սեբաստիան Կուրց Ադրբեջանական հրթիռակոծության հետևանքով Ավետարանոց գյուղում զոհվել է 1 և վիրավորվել 2 քաղաքացիական անձ Աշխարհազորայիններին վճարվում է աշխատավարձ և պարգևատրում՝ աշխատավարձի 50 տոկոսի չափով. ԱՀ կառավարությունը ընդունել է Ռազմական դրության ժամանակ վարձատրության որոշում Էրդողանը մարտահրավեր է նետում իր հին ընկեր ու մրցակից Պուտինին Ավստրիան դադարեցնում է Թուրքիային տրամադրել «Bayraktar TB2» ԱԹՍ-ի վրա օգտագործվող պահեստամասերը Լիարժեք հրադադար հաստատելու համար կա մեկ իրական ճանապարհ՝ ճանաչել Արցախի անկախությունը․ Սենոր Հասրաթյան Ռազմավարական խնդիրներ, քաղաքական նկատառումներ և ազգային շահեր. արդյո՞ք Իրանը միջամտում է ղարաբաղյան հակամարտությանը «ԼՂ հարցի խաղաղ կարգավորումն այլընտրանքի չունի»․ Պեսկով Պուտին. Ռուսաստանի եւ ՆԱՏՕ-ի միջեւ լարվածությունը սպառնում է Եվրոպային Ադրբեջանական ուժերը գրոհ են ձեռնարկել հարավ-արևելյան հատվածում տեղակայված զորամասերից մեկի առաջնագծի ուղղությամբ. ՊԲ Հակառակորդի կորուստների վերաբերյալ վերջին տվյալները Ալիևը հաստատել է, որ թուրքական F-16-երն իր երկրում են ու Թուրքիայի օգնությունն են Ադրբեջանին Հրետակոծված Ստեփանակերտը. նոր լուսանկարներ Ռուսական ռազմական ինքնաթիռները խոշոր հարված են հասցրել Սիրիայի հյուսիսում Թուրքիայի կողմից աջակցվող զինյալների ճամբարին. լրատվամիջոցներ Հայկական միասնական տեղեկատվական կենտրոնը հայտարարում է կամավորների հավաքագրում Վաշտի հրամանատարն իր զինվորների հետ հայտնվել է շրջափակման մեջ, սակայն կարողացել է ճեղքել շրջափակումն ու փրկել իր տղաների կյանքը Թուրքական լիրան ռեկորդային անկում է գրանցել Չնայած առանձին պրովոկացիաներին՝ հրադարարը ընդհանուր առմամբ պահպանվում է. Նիկոլ Փաշինյան

Բո­վան­դա­կա­յին առու­մով՝ թույլ, բայց սպառ­նա­լիք­նե­րով ու պա­թո­սով՝ հա­րուստ

Ընթանում է վարչապետի այցը ԱՄՆ: Փաշինյանը Լոս Անջելեսում նախ հանդիպեց ավանդական հայ կուսակցությունների ղեկավար կազմերի, ապա Կալիֆորնիայի հայ համայնքի կառույցների ղեկավարության հետ:

Հատկանշական է, որ այդ հանդիպումներում ՀՀ վարչապետը խոսեց համահայկական օրակարգի ձևավորման և համահայկականության գաղափարի իրագործման անհրաժեշտության մասին: Սակայն Լոս Անջելեսում տեղի ունեցած ասուլիսի ընթացքում վարչապետը համախմբվածության անհրաժեշտությունն ընդգծելու փոխարեն, փորձեց «հաթաթա» տալ բոլորին՝ նախկիններին, մամուլին, դատարաններին, եկեղեցականներին:

Ըստ վարչապետի, իրենք ասում են, որ մամուլը պետք է ազատ լինի, դատարանները պետք է անկախ լինեն, եկեղեցու ներքին կյանքի մեջ չեն մտնելու, սակայն սրանից դրանց ներկայացուցիչները եզրակացնում են, թե կառավարությունը թույլ է, և ցանկանում են կառավարության ողնաշարը ջարդել: 

Վարչապետն ընդգծեց, որ իրենց ժպիտները թող ոչ ոք որպես թուլություն չընկալի, քանի որ այդպես մտածողները ուժեղ հակահարված կստանան և ծնկի կբերվեն:

Տպավորություն է ստացվում, թե վարչապետն իր գլխավորած կառավարությունը նույնացնում է պետության հետ, սակայն պետք է նկատի ունենալ, որ կառավարությունները կգան ու կգնան, իսկ առաջնայինը պետության ողնաշարն է, որի ամրությունը մշտական պահպանության կարիք ունի: Կառավարությունը պետք է շատ հաճախ նաև քննադատության ենթարկվի, որպեսզի ստիպված լինի աշխատել, ուղղել սխալները և բացթողումները:

Իսկ եթե կառավարության ղեկավարը քննադատություններին պատասխանում է սպառնալիքների լեզվով, սա վկայում է այն մասին, որ կառավարությունն ընտրել է ոչ թե քննադատությունները լսելու, այլ դրանց հակադարձելու գործելակերպ, այդպես կառավարությանը չի հաջողվի տեսնել իր սխալները և ուղղել դրանք:

Ասուլիսից ժամեր անց Լոս Անջելեսի Գրանդ Պարկում ամերիկահայերի մասնակցությամբ տեղի ունեցավ Փաշինյանի հրավիրած հանրահավաքը, որի ժամանակ ելույթներով հանդես եկան Կալիֆորնիայի նահանգապետը, Լոս Անջելեսի քաղաքապետը, դեմոկրատ կոնգրեսական Ադամ Շիֆը, սակայն վարչապետի նախաձեռնությամբ կազմակերպված հավաքին ԱՄՆ ներկայիս վարչակազմի որևէ ներկայացուցիչ չէր մասնակցում: Իսկ ԱՄՆ կառավարության պաշտոնյաների մասնակցությունը կնշանակեր, որ ԱՄՆ կառավարությունն իր աջակցությունն է հայտնում Հայաստանի ներկայիս կառավարությանը:

Ուշագրավ է, որ հենց այդ նույն ժամանակահատվածում ԱՄՆ-ում էր գտնվում նաև Հնդկաստանի վարչապետը: Վարչապետ Նարենդրա Մոդին Տեխաս նահանգում մասնակցում էր իր հայրենակիցների բազմահազարահոց հավաքին, որին ներկա էր նաև նախագահ Թրամփը: Օտարերկրյա առաջնորդի համար հրավիրված այդ հազվադեպ հանրահավաքի ընթացքում Մոդին և Թրամփը բարեկամական ջերմ խոսքերով են փոխանակվել:

Հասկանալի է, որ 2020 թվականին ԱՄՆ-ում տեղի են ունենալու նախագահական ընտրություններ, և, ըստ այդմ, կարևորվում է ԱՄՆ-ում ապրող հնդիկների աջակցությունը, սակայն Հայաստանը չի կարողանում ռացիոնալ օգտագործել մեր սփյուռքի ներուժը նախ և առաջ թեկուզ որպես էլեկտորատ:

Եվ այս համատեքստում սպասվում էր, որ Լոս Անջելեսի Գրանդ Պարկում վարչապետի ելույթը յուրահատուկ հնչեղություն է ունենալու, նախանշվելու են Հայաստան-Սփյուռք համագործակցության կոնկրետ ուղղություններ, սակայն վերջինիս ելույթն աչքի ընկավ պաթոսով և ավելի շատ նմանվում էր գրական երեկոյի՝ առանց շեշտադրված մեսիջների: Փաշինյանը իր խոսքի մեծ մասը նվիրեց բանաստեղծություններ արտասանելուն և իր գլխավորած կառավարության գովքին:

Գնահատելի է, որ վարչապետը կարողանում է հայ համայնքի մասնակցությամբ մեծամասշտաբ հավաք կազմակերպել Լոս Անջելեսում, սակայն չպետք է մոռանալ նաև դրա բովանդակային կողմը:

Այդ իմաստով վարչապետի այցին չէր նախորդել բուռն նախապատրաստական աշխատանք, երևի թե դրանով է պայմանավորված, որ Փաշինյանի ելույթներում և ասուլիսում մեծ հաշվով ասելիք չկար, դրանք այն նույն ֆրազներն էին, որոնք արդեն մեկուկես տարի վերջինս կրկնում է:

Հ.Գ.-Փաշինյանն իր ասուլիսում բավականին կոպիտ ու վիրավորական տոնով անդրադարձել էր նաև ԱԱԾ նախկին տնօրեն Արթուր Վանեցյանին: Վերջինիս պատասխանը չուշացավ. երեկ Վանեցյանը մասնավորաբար ասել է. «ՀՀ վարչապետ Նիկոլ Փաշինյանը Լոս Անջելեսում տեղի ունեցած ասուլիսի ընթացքում կրկին խոսել է բաների մասին, որոնցից քիչ է հասկանում... Լավ, որքա՞ն կարելի է մոլորեցնել հանրությանը՝ առաջ տանելով այն թեզը, թե «ով մեզ հետ չի ազգի դավաճան է»։ Իսկ եթե որևէ մեկը համաձայն չէ այդ պնդման հետ, ըստ վարչապետի, ուրեմն նախկինների պատվերով է գործում... 

Վստահ պնդում եմ՝ ժամանակը ցույց կտա, թե ով կամ ինչը կհայտնվի աղբանոցում»: Վանեցյանն, ի դեպ, նաև հիշեցրել է, որ համաձայն ՀՀ Սահմանադրության, ՀՀ վարչապետը ոչ պատերազմական դրության ժամանակ գերագույն հրամատար չէ:

ԱԱԾ նախկին տնօրենը Փաշինյանին մեղադրել է նաև պայմանավորվածություններ խախտելու մեջ: Ինչպես ասում են ռուսները, կարծես թե սրանք դեռ միայն ծաղիկներն են...

ԱՐԹՈՒՐ ԿԱՐԱՊԵՏՅԱՆ

website by Sargssyan