Չինաստանում դրոնները օգնել են գտնել 17 տարի թաքնվող հանցագործին
ՄԻՋԱԶԳԱՅԻՆՉինաստանի ոստիկանությունը կալանավորել է հանցագործին, որը 17 տարի հաջողությամբ թաքնվում էր իրավապահներից։ Նրա ապաստանը հայտնաբերվել է դրոնների միջոցով, հայտնում է BBC-ն։
63-ամյա Սուն Ցզյանը կանանց եւ երեխաների վաճառքի համար դատապարտվել էր ձերբակալության, սակայն 2002թ․ փախել էր ճամբարից։ Այս տարիներին նա ապրել է փոքրիկ քարանձավում եւ մարդկանց հետ չի շփվել։
Յունյանի ոստիկանությունը Սունի գտնվելու մասին տեղեկացվել էր սեպտեմբերի սկզբին։ Այդ մասին հայտարարությունը տեղադրված է ոստիկանության շրջանային վարչության կայքում։
Իրավապահների որոնումները բերել էին Սունի հայրենի քաղաքի մոտ գտնվող լեռներ՝ երկրի հարավարեւմտյան մասում։
Ոստիկանները սկսել էին որոնումները, իսկ իշխանությունները շուտով, որպես օգնություն, դրոններ էին տրամադրել։
Վերջիվերջո դրոնները ժայռապատ վայրերում, մեծ թեքությամբ զառիվայրի վրա կապույտ ներկված պողպատի թիթեղ եւ աղբի հետքեր էին հայտնաբերել։
Ոստիկանությունն այդ վայր ոտքով է հասել եւ հենց այնտեղ փոքրիկ քարանձավում հայտնաբերել է տարիներով թաքնվող հանցագործին։ Իրավապահների խոսքերով, նա այնքան երկար է մենակ ապրել, որ դժվարանում է շփվել մարդկանց հետ։
Սունին, որը այսքան տարի գետի ջուր է խմել եւ կրակ ստանալու համար ճյուղեր վառել, կրկին ձերբակալել են։