ՊԱՏՄՈՒԹՅԱՆ ԱՅՍ ՕՐԸ (26 ՄԱՅԻՍԻ). Ավա­րայ­րից՝ Սար­դա­րա­պատ. ... ՀԱՍԱՐԱԿՈՒԹՅՈՒՆ
Հա­յաս­տա­նը շարժ­վում է ար­տա­քին պարտքն ավե­լաց­նե­լու ճա­... ՎԵՐԼՈՒԾԱԿԱՆ
Հոգեվիճակը՝ գույների մեջ,և երիտասարդ նկարչուհու երազանքը ՀԱՐՑԱԶՐՈՒՅՑ
Վա­ղը կա­րող է ուշ լի­նել, որով­հե­տև վա­ղը կա­րող է ուղ­ղա­... ՀԱՍԱՐԱԿՈՒԹՅՈՒՆ
«Ոչ թե եր­կա­կի ստան­դարտ­նե­րի, այլ ընտ­րո­վի վե­րա­բեր­մու... ՀԱՐՑԱԶՐՈՒՅՑ
Երևան, 26.Մայիս,
00
:
00
:
00
Փոխարժեք
478.65
$
560.79
Վարակի հետ զուգընթաց ապրելը մեր հիմնական ուղղությունն է. Արսեն Թորոսյան «Արմենիա» ավիաընկերությունը չեղարկում է բոլոր կանոնավոր չվերթերը Արարատի մարզում 62-ամյա վարորդի մեքենան գլխիվայր շրջվել է. նա տեղում մահացել է Մարտի 16-ից մայիսի 25-ը հայտնաբերված օրինախախտ վարորդների նկատմամբ կազմվել է շուրջ 19100 ՎԻՎ արձանագրություն (տեսանյութ) Կորեայի իրավապահների կողմից հետախուզվող Ջանգը հայտնաբերվեց Երևանում 7-ամյա տղայի ծնողները որպես բռնարարներ վերցվել են հաշվառման. Նելլի Դուրյան Հակաճգնաժամային կառավարություն ձեւավորելն ապակառուցողական առաջարկ է. Մարուքյան Համատեղ ջանքերով կկարողանանք հաղթահարել այս փորձությունը եւս. Արմեն Սարգսյանը՝ Վրաստանի նախագահին Արթուր Վանեցյանը շարունակում է սպային վայել կեցվածք դրսևորել Պետության ղեկավարի հոգեկան անհավասարակշռությունն ու չափազանց տարերայնությունը չի կարող իր ազդեցությունը չթողնել. Արթուր Ղազինյան Խայտառակություն էր․ Էդմոն Մարուքյանը՝ Արսեն Թորոսյանի հակավրացական հայտարարության մասին Կրթված սերունդ ունենալը Գագիկ Ծառուկյանի համար եղել և մնում է բարգավաճ երկիր կառուցելու հիմքը Կարող եք զսպել ձեր ախորժակը որպես իշխանություն. Անի Սամսոնյան (տեսանյութ) Արայիկ Հարությունյանը ներկայացրել է նոր կառավարության կառուցվածքը Համաճարակային առումով իրավիճակը շարունակում է տագնապալի մնալ: Շատ է խոսվում թեկուզ կարճ ժամանակով կրկին անգամ սահմանափակումների ռեժիմին անցնելու մասին: Համաճարակային առումով իրավիճակը շարունակում է տագնապալի մնալ: Շատ է խոսվում թեկուզ կարճ ժամանակով կրկին անգամ սահմանափակումների ռեժիմին անցնելու մասին: Փաշինյանը չկարողացավ հերքել մաքսանենգության վերաբերյալ ակնհայտ փաստերը. «Գոլոս Արմենիի» ՊԱՏՄՈՒԹՅԱՆ ԱՅՍ ՕՐԸ (26 ՄԱՅԻՍԻ). Ավա­րայ­րից՝ Սար­դա­րա­պատ. հա­յոց պատ­մու­թյան խորհր­դան­շա­կան իրա­դար­ձու­թյուն­նե­րը «Մեզ ասում են՝ «բա խի՞ վլաստը տվիք Նիկոլին». մարդիկ հանկարծակի գիտակցեցին, որ Նիկոլը չարիք է»

Աշ­խար­հա­քա­ղա­քա­կան գոր­ծըն­թաց­նե­րի դի­նա­մի­կան զար­գա­նում է ոչ այն ուղ­ղու­թյամբ, որը են­թադր­վում է Երև­ա­նում

regnum.ru-ն «Հայակենտրոնությունը և ԵԱՏՄ-ի պրոբլեմները» հոդվածում գրում է, որ Երևանում կայացել է ԵԱՏՄ Բարձրագույն խորհրդի հերթական՝ թվով հինգերորդ նիստը: Նիստին, բացի ԵԱՏՄ երկրների ղեկավարներից, որպես դիտորդ մասնակցել է Մոլդովայի նախագահը, որպես պատվավոր հյուրեր՝ Իրանի և Սինգապուրի ղեկավարները: 

Որպես կանոն, նման տիպի հանդիպումներում հնչող համատեղ հայտարարությունները և կայացված որոշումները փորձագիտական խմբերի կողմից պատրաստվում և համաձայնեցվում են նախօրոք, իսկ երկրների ղեկավարները իրենց ելույթներում խոսում են հիմնականում ապագա պլանների մասին: Այնպես որ, սենսացիաներ սովորաբար չեն լինում: 

Այս անգամ ևս օրակարգը մանրամասն նախապատրաստված ու մշակված էր ԵԱՏՄ տնտեսական հանձնաժողովի նախագահ Տիգրան Սարգսյանի կողմից, և արտակարգ ոչինչ չեղավ: 

Երևանում, ի թիվս քննարկված հարցերի, մասնավորապես խոսք է եղել այն մասին, որ անհրաժեշտ է ԵԱՏՄ մակարդակով որոշել երրորդ երկրների նկատմամբ տնտեսական քաղաքականությունը և չզբաղվել միայն առկա ձևաչափերի փոխակերպումներով:

Ռուսաստանի նախագահ Վլադիմիր Պուտինը իր ելույթում հայտարարել է, որ «միության կապերի աշխարհագրությունը անընդհատ ընդլայնվում է, միությունը համագործակցության հարցով հիմնարար բանակցություններ է վարում 13 երկրների և ավելի քան 12 միջազգային կառույցների և կազմակերպությունների հետ»: 

Այս հարցին կարելի է ուշադրություն դարձնել այն պատճառով, որ Պուտինի հետ Երևանում կայացած երկկողմ հանդիպման ժամանակ Հայաստանի վարչապետ Նիկոլ Փաշինյանը յուրահատուկ կերպով է շեշտել ԵԱՏՄ նիստի նշանակությունը: 

Առաջին հերթին, նա Սինգապուրի հետ ազատ առևտրի գոտի ստեղծելու պայմանագիրը և «Իրանի հետ ժամանակավոր ազատ առևտրի մասին համաձայնագրի ուժի մեջ մտնելը» ներառել է «ԵԱՏՄ շրջանակներում տեղի ունեցած նշանակալի իրադարձությունների» շարքին:

Ըստ նրա խոսքերի, «հույս կա, որ իրենք դեռ կկարողանան որոշակի արդյունքներ գրանցել ԵԱՏՄ-ում»: Սինգապուրի հետ ամեն ինչ պարզ է, բայց այն շատ է հեռու տարածաշրջանից: Այլ են Ռուսաստանն ու Իրանը: 

Սկզբի համար նշենք, որ Պուտինի այցը Երևան Ռուսաստանի նախագահի պաշտոնական այց չէ Հայաստան: 

Սա Ռուսաստանի պետության ղեկավարի այցն է ԵԱՏՄ բարձրագույն տնտեսական խորհրդի նիստին: 

Չնայած ֆորմալ առումով, սա Պուտինի առաջին այցն է Հայաստան` այնտեղ տեղի ունեցած, այսպես կոչված, «թավշյա հեղափոխությունից» հետո: 

Սակայն առկա է համապատասխան ֆոն՝ «Վալդայ» ակումբի շրջանակներում Սոչիում նախապատրաստվում է երկկողմ հանդիպում Ադրբեջանի և Ռուսաստանի նախագահների միջև:

Սրանք շփումների տարբեր կարգավիճակներ և քաղաքական տարբեր որակներ են: Նույնիսկ Լուկաշենկոն Փաշինյանի հետ հանդիպման ժամանակ ասել է. 

«Այնպես է ստացվել, որ դուք իմ լավ ընկերն եք, բայց Ադրբեջանի նախագահը իմ ավելի հին լավ ընկերն է»: Հայտնի պատճառներով Փաշինյանի մոտ վստահելի շփումներ Մոսկվայի հետ դեռևս չեն ստացվում: 

 

Հայաստանի վարչապետի և Իրանի նախագահ Հասան Ռուհանիի (որին Փաշինյանն էր հրավիրել Երևան) հարաբերություններում ևս կան որոշակի նրբերանգներ: 

Այս առումով, որոշ հայկական ԶԼՄ-ներ և փորձագետներ խորհուրդ էին տալիս վարչապետին «հեռու մնալ Իրանից», որպեսզի դիտողություններ չստանան ԱՄՆ-ից: 

Սակայն երբ խոսքը երկու երկրների միջև ինչոր հարաբերությունների մասին է, ապա նման «վերլուծաբանները», չգիտես ինչու, ամբողջովին անտեսում են ԵԱՏՄ շահերը՝ դրանք ներկայացնելով հակաադրբեջանական և հակաթուրքական համատեքստում, չնայած Մոսկվան հարաբերությունների բարձր մակարդակ ունի Թեհրանի և Անկարայի հետ: Ավելին, Լեռնային Ղարաբաղի հիմնախնդրի լուծման հեռանկարների առնչությամբ Ռուսաստանն ու Իրանը հավասարակշռված դիրքորոշում են որդեգրել: Միևնույն ժամանակ Փաշինյանը իրական հնարավորություն չունի մշակելու, այսպես կոչված, «հայակենտրոնության» քաղաքականություն ո՛չ Մոսկվայի և ո՛չ էլ Թեհրանի հետ: 

Բանն այն է, որ աշխարհաքաղաքական գործընթացների դինամիկան զարգանում է ոչ այն ուղղությամբ, որը ենթադրվում է Երևանում: 

Իրանի համար կարևոր է իրականացնել Հայաստանի և Հյուսիս-հարավ միջանցքի երկայնքով Ռուսաստան և Եվրոպա էներգետիկ և տրանսպորտային ուղիների մուտքի համատեղ նախագծեր:

 

Պատահական չէ, որ Ռուհանին ԵԱՏՄ Բարձրագույն խորհրդի նիստի իր ելույթում ասաց, որ տարածաշրջանում տնտեսական միությունները լուրջ քաղաքական բեռ են պարունակում, ապա օգտագործեց այդ հարթակը Մերձավոր Արևելքում ԱՄՆ-ի քաղաքականությունը կտրուկ քննադատելու համար: 

Ցանկության դեպքում Իրանի նախագահը կարող էր շրջանցել այդ թեման: 

Բայց, ըստ տեղական փորձագետների, «Ռուհանին փորձել է թեսթավորել Հայաստանի նոր կառավարության քաղաքական կենսունակությունը»:

 

Բացի այդ, Պուտինի հետ Երևանում կայացած հանդիպման ժամանակ Իրանի ղեկավարը հանդես է եկել սենսացիոն հայտարարությամբ՝ հայտարարելով, որ «հարաբերությունների 500 տարվա պատմության ընթացքում իրենք հասել են անկեղծության աննախադեպ մակարդակի»: 

Երևանում կայացած ԵԱՏՄ նիստի արդյունքները դեռ լրջորեն ուսումնասիրվելու և վերլուծվելու են փորձագետների կողմից:

 

Հաշվի առնելով տարածաշրջանային նոր աշխարհաքաղաքականությունը՝ դրանք այնքան էլ պարզ չեն, որքան թվում է առաջին հայացքից: 

Անդրկովկասի զգայուն տարածաշրջանում սկսվում է փոփոխությունների մի նոր շրջան, և հիմա ամենակարևորն է պահպանել խաղաղությունը, կայունությունը և անվտանգությունը: 

Մնացածը կստացվի: ԵԱՏՄ Բարձրագույն տնտեսական խորհրդի հաջորդ նիստը կկայանա Սանկտ Պետերբուրգում:

Կամո Խաչիկյան

 

website by Sargssyan