«Շատ դեպքերում պետական կառույցները գործում են իրարից անկախ և... ՀԱՍԱՐԱԿՈՒԹՅՈՒՆ
Սննդամթերքի շուկայում կրկին գնաճ կա. պարենային որոշ ապրանքնե... ՏՆՏԵՍՈՒԹՅՈՒՆ
Ոսկու գինը բարձրացել է, առևտուրը՝ կիսով չափ պակասել. ի՞նչ խն... ՏՆՏԵՍՈՒԹՅՈՒՆ
Համավարակով պայմանավորված՝ առաջարկվում է երկարաձգել աղետի գո... ՀԱՍԱՐԱԿՈՒԹՅՈՒՆ
ՊԱՏՄՈՒԹՅԱՆ ԱՅՍ ՕՐԸ (10 ՀՈՒԼԻՍԻ). Առաջին անգամ ֆուտբոլային մր... ՀԱՍԱՐԱԿՈՒԹՅՈՒՆ
Երևան, 13.Հուլիս,
00
:
00
:
00
Փոխարժեք
478.65
$
560.79
Վաղը` հուլիսի 13-ին ժամը 11:00-ին ավտոերթ Խոր Վիրապ-Երևան․ Նարեկ Մալյան/տեսանյութ/ Այսօր կիրականացվի 2 չվերթ դեպի Հայաստան՝ Ղազախստանից ու Բելառուսից Հուլիսի 1-ից սպանդանոցային մորթը հավաստող փաստաթուղթը պարտադիր է տնտեսվարողի համար Լուկաս Սելարայանի գեղեցիկ գոլը ՄԼՍ-ում (տեսանյութ) Կորոնավիրուսի «վարակիչության աստիճանը» բարձրացել է Եթե արտակարգ դրությունը շարունակվի հանրային սննդի ոլորտում գործազրկությունը կհասնի 40 տոկոսի. Աշոտ Բարսեղյան Սկսվել է Վարդավառին նախորդող պահքի շաբաթը Ամերիկյան ինքնաթիռը փախուստի է դիմել ռուսական կորածնիչների կողմից նկատվելուց հետո Լուսինե Թովմասյանը ցույց է տվել դստեր հետ էքստրեմալ հանգիստը Նոր մանրամասներ Երևանում կեղծ ռումբի տեղադրման ահազանգի մասին․ Ոստիկանություն է հրավիրվել Մանվել Գրիգորյանի փաստաբանը Նորաթուխ սփյուռքահայությունը «Նիկոլ-արևին» հեռվից է նայում, գիտեն՝ կայրի, եթե շատ մոտենան. Գագիկ Համբարյան Դուրս եկեք Ձեր առանձնասենյակից և շրջեք մարզերում․ Աշնանացանի ժամանակն է․ պատգամավորը՝ նախարարին Երևան-Մեծամոր ճանապարհին փրկարարները անձրևաջրերի արգելափակումից դուրս են բերել մոտ 20 ավտոմեքենա Քանի՞ սպանդանոց կա Հայաստանում այս պահին «Սույն երիտասարդը և իր քայլիստ գործընկերների 90 տոկոսն ուղղակի դիլետանտներ են․ Գագիկ Համբարյան Երեկոյան ժամերին սպասվում են ամպրոպային բնույթի ինտենսիվ անձրևներ, տեղ-տեղ կարկուտ, ուժեղ քամիներ ՏԵՍԱՆՅՈՒԹ. Քաղաքացիները կո՞ղմ են արտակարգ դրության երկարաձգմանը. հարցում Արամ Վարդանյանը տեղափոխվել է «Արմավիր» քրեակատարողական հիմնարկ Կարիք չկա մարդկանց սադիստաբար պարտադրել փակել քիթն ու բերանը տնեցիների շրջապատում․«Իմ քայլի» նախկին պատգամավոր Ոստիկաններն օրենք են խախտում՝ դիմակ չկրելով

Համակարգային լուծման պահանջ՝ կառավարությանը. այսօր տուրիստական գործակալություններից տուժածներն ակցիա կանեն

Տուրիստական գործակալություններից տուժած քաղաքացիներն ակնկալում են նշված ոլորտում համակարգային փոփոխություններ ու որոշակի կարգավորումներ տեսնել: 

Այս պահանջներով նրանք այսօր կառավարության շենքի դիմաց ակցիա կիրականացնեն: Աննա Հայրապետյանը մեկն է այն քաղաքացիներից, որն ամիսներ առաջ տուժել էր «Travelan» տուրիստական ընկերությունից: 

Հիշեցնենք, որ դեռ ամիսներ առաջ ՀՀ քննչական կոմիտեի Երևան քաղաքի քննչական վարչության Արաբկիրի բաժնում քննվող քրեական գործով պարզվել էին տուրիստական ընկերության ներկայացուցչի կողմից խարդախության եղանակով ուրիշի գույքը հափշտակելու և յուրացնելու դեպքերի մի շարք հանգամանքներ: 

Ներկայացուցիչ Աննա Սահակյանին մեղադրանք էր առաջադրվել:

 

Ա. Հայրապետյանը «Փաստի» հետ զրույցում ներկայացրեց իր պատմությունը՝ շեշտելով, որ հետագայում պարզել են, որ միակ տուժողը չեն:

«Իրականում մենք անելանելի իրավիճակում ենք, որովհետև Աննա Սահակյանն ամուսնալուծվել է, իր անունով որևէ անշարժ գույք չունի: Մենք կարծում ենք, որ սա նախապես պլանավորված հանցագործություն է: 

Մեր կորուստները հասնում են հարյուրավոր, հազարավոր դոլարների: Մոտ 200 հազար դոլարի մասին է խոսքը, ո՞ւր է այդ գումարը: 

Մենք այս վիճակում ենք հայտնվել օրենսդրական բացերի արդյունքում: 

Երբ մեր դեպքերը սկսեցին բացահայտվել, պարզվեց՝ նա նախկինում նույն գործունեությամբ է զբաղվել մեկ այլ գործակալությունում: 

Անգամ քրեական գործ է եղել, բայց այնպես է ստացվել, որ Մաշտոցի պողոտայում՝ Երևանի սրտում, նոր գործակալություն է բացել ու սկսել նոր մարդկանց խաբեության զոհ դարձնել»,-ասաց մեր զրուցակիցը՝ շեշտելով, որ խնդիրը համակարգային է: 

«Անկեղծ ասած՝ պաշտպանվածություն ենք ուզում: Ինչո՞ւ է պետությունը թույլ տալիս նման մարդկանց աշխատել: 

Մեր դեպքերն այս տարվա մեջ առաջինն էին, որից հետո շատ այլ դեպքեր են գրանցվել, երբ մարդիկ տուժել են այլ տուրիստական ընկերությունների գործունեությունից: Իրականում մեզ մոտ կա օրենքի բաց, լուրջ խնդիր, իսկ շատ այլ երկրներում գործում են ապահովագրություններ: 

Ես չեմ ասում, որ պետությունը պարտավոր է մեր ֆինանսական խնդիրը լուծել, բայց պետությունն ինչ-որ երաշխիքներ պետք է վերցնի, ըստ որի՝ տուրիստականն ինչ-ինչ դեպքերում պարտավոր կլինի փակել իր հաճախորդների ծախսերը: 

Իսկ մենք չունենք այդ երաշխիքները, փոխարենն ունենք օրենսդրական բաց, ինչի հետևանքով բավական չէ՝ մենք ենք հայտնվել խնդրի առաջ, մեզանից հետո նույն իրավիճակում են հայտնվել այլ քաղաքացիներ: 

Ուզում ենք կառավարության ուշադրությունը գրավել այս հարցին, ակնկալում ենք, որ վարչապետը ևս այն ուշադրության կենտրոնում պահի: 

Ուզում ենք մեր երկրում պաշտպանված լինել, որովհետև շատ մեծ դժվարությամբ էինք ձեռք բերել գումարներն ու հատկացրել մեր հանգստին, իսկ արդյունքում կորցրեցինք դրանք»,-ասաց Ա. Հայրապետյանը՝ նշելով, որ միայն նշված գործակալությունից տուժածների թիվը հասնում է մոտավորապես 200-ի:

 «Պետությունը պետք է երաշխիքներ պահանջի տուրիստական կազմակերպություններից, որոնք հիմնադրվում են մեր երկրում, գործունեություն են իրականացնում: 

Ի՞նչ է լինելու հետո:

 Ի վերջո, պահանջն արդարությունն է, բայց նաև գումարը հետ ստանալու համար ենք պայքարում, չնայած, ինչպես հասկացանք, թե՛ իրենից, թե՛ իր ամուսնուց կամ բարեկամներից որևէ գումար ակնկալել պետք չէ»,-ասաց մեր զրուցակիցը:

Աննա Հայրապետյանն ընդգծեց՝ կյանքը ցույց տվեց, որ իրենց դեպքը դաս չեղավ մյուս ընկերությունների համար:

 «Նոր դեպքեր եղան, ու քիչ մարդիկ չտուժեցին այդ ամենից: 

Այս ամենից զատ՝ մեկ այլ խնդիր էլ կա: Հիմա եթե որոշենք հանգստանալ, հարց է առաջանալու, թե ո՞ր տուրիստականին պետք է դիմենք: Իրականում շատ է բարդացել, այդ ամենից հետո ոլորտում որևէ բան չպարզվեց, ընդհակառակը՝ ավելի մշուշվեց: 

Մենք ակնկալում ենք համակարգային լուծում՝ անգամ եթե մեր գումարները հետ չենք բերելու, թեկուզ լինենք այն քաղաքացիները, որոնց հաշվին պետք է այդ հարցը լուծվի: 

Համաձայն ենք, որ թեկուզ այդ գնով ոլորտում փոփոխություններ լինեն, քիչ թե շատ կարգապահություն հաստատվի, որ այլևս ոչ մի քաղաքացի նման իրավիճակում չհայտնվի: Մեր դեպքը դեռ ոչինչ, բայց չեք պատկերացնի, թե ինչ ահավոր դեպքեր կան: Ոլորտը ահավոր վիճակում է: 

Եթե անգամ մեր գումարները չստանանք, այդուհանդերձ, հույս ունենք, որ մեր բարձրացրած ձայնի շնորհիվ այդ ոլորտը կկարգավորվի: Ակնկալում ենք ոլորտը կարգավորել այնպես, որ յուրաքանչյուր անձ հնարավորություն չունենա մի նկուղ բացել, մի քանի համակարգիչ գնել ու տուրիստական գործակալություն աշխատեցնել»,-եզրափակեց մեր զրուցակիցը: 

ԱՆՆԱ ԲԱԴԱԼՅԱՆ

website by Sargssyan