«Շատ դեպքերում պետական կառույցները գործում են իրարից անկախ և... ՀԱՍԱՐԱԿՈՒԹՅՈՒՆ
Սննդամթերքի շուկայում կրկին գնաճ կա. պարենային որոշ ապրանքնե... ՏՆՏԵՍՈՒԹՅՈՒՆ
Ոսկու գինը բարձրացել է, առևտուրը՝ կիսով չափ պակասել. ի՞նչ խն... ՏՆՏԵՍՈՒԹՅՈՒՆ
Համավարակով պայմանավորված՝ առաջարկվում է երկարաձգել աղետի գո... ՀԱՍԱՐԱԿՈՒԹՅՈՒՆ
ՊԱՏՄՈՒԹՅԱՆ ԱՅՍ ՕՐԸ (10 ՀՈՒԼԻՍԻ). Առաջին անգամ ֆուտբոլային մր... ՀԱՍԱՐԱԿՈՒԹՅՈՒՆ
Երևան, 13.Հուլիս,
00
:
00
:
00
Փոխարժեք
478.65
$
560.79
Վաղը` հուլիսի 13-ին ժամը 11:00-ին ավտոերթ Խոր Վիրապ-Երևան․ Նարեկ Մալյան/տեսանյութ/ Այսօր կիրականացվի 2 չվերթ դեպի Հայաստան՝ Ղազախստանից ու Բելառուսից Հուլիսի 1-ից սպանդանոցային մորթը հավաստող փաստաթուղթը պարտադիր է տնտեսվարողի համար Լուկաս Սելարայանի գեղեցիկ գոլը ՄԼՍ-ում (տեսանյութ) Կորոնավիրուսի «վարակիչության աստիճանը» բարձրացել է Եթե արտակարգ դրությունը շարունակվի հանրային սննդի ոլորտում գործազրկությունը կհասնի 40 տոկոսի. Աշոտ Բարսեղյան Սկսվել է Վարդավառին նախորդող պահքի շաբաթը Ամերիկյան ինքնաթիռը փախուստի է դիմել ռուսական կորածնիչների կողմից նկատվելուց հետո Լուսինե Թովմասյանը ցույց է տվել դստեր հետ էքստրեմալ հանգիստը Նոր մանրամասներ Երևանում կեղծ ռումբի տեղադրման ահազանգի մասին․ Ոստիկանություն է հրավիրվել Մանվել Գրիգորյանի փաստաբանը Նորաթուխ սփյուռքահայությունը «Նիկոլ-արևին» հեռվից է նայում, գիտեն՝ կայրի, եթե շատ մոտենան. Գագիկ Համբարյան Դուրս եկեք Ձեր առանձնասենյակից և շրջեք մարզերում․ Աշնանացանի ժամանակն է․ պատգամավորը՝ նախարարին Երևան-Մեծամոր ճանապարհին փրկարարները անձրևաջրերի արգելափակումից դուրս են բերել մոտ 20 ավտոմեքենա Քանի՞ սպանդանոց կա Հայաստանում այս պահին «Սույն երիտասարդը և իր քայլիստ գործընկերների 90 տոկոսն ուղղակի դիլետանտներ են․ Գագիկ Համբարյան Երեկոյան ժամերին սպասվում են ամպրոպային բնույթի ինտենսիվ անձրևներ, տեղ-տեղ կարկուտ, ուժեղ քամիներ ՏԵՍԱՆՅՈՒԹ. Քաղաքացիները կո՞ղմ են արտակարգ դրության երկարաձգմանը. հարցում Արամ Վարդանյանը տեղափոխվել է «Արմավիր» քրեակատարողական հիմնարկ Կարիք չկա մարդկանց սադիստաբար պարտադրել փակել քիթն ու բերանը տնեցիների շրջապատում․«Իմ քայլի» նախկին պատգամավոր Ոստիկաններն օրենք են խախտում՝ դիմակ չկրելով

«Ալա­վեր­դի» ԲԿ-ի տնօ­րե­նի ընտ­րու­թյան «թնջու­կը» դեռ լու­ծում չի ստա­նում

Օրերս «Փաստ» օրաթերթը գրել էր, որ հոկտեմբերի 8-ին Լոռու մարզպետարանում տեղի է ունեցել «Ալավերդի» բժշկական կենտրոնի տնօրենի ընտրության մրցույթը, որին մասնակցելու հայտ էին ներկայացրել գործող տնօրեն Ստեփան Մոսինյանը, Ստեփանավանի բժշկական կենտրոնի վիրաբուժական բաժնի վարիչ և Վանաձորի բժշկական կենտրոնի վիրաբույժ Գևորգ Ազարյանը, Վանաձորի թիվ 5 պոլիկլինիկայի քիթ, կոկորդ, ականջաբան Անուշ Իսպիրյանը և «Ալավերդի բժշկական կենտրոն» ՓԲԸ-ի փոխտնօրեն Հովիկ Ավետիսյանը: Ըստ տարբեր լուրերի՝ մրցույթում հաղթել էր վիրաբույժ Գևորգ Ազարյանը, որը մոտ տասը տարի ԲԿում զբաղվել է վիրաբուժությամբ: 

Մեր տեղեկություններով, սակայն, մրցույթում հաղթող չի գրանցվել: Գևորգ Ազարյանը երկու փուլում հաղթել է, երրորդում՝ ոչ, ինչի վերաբերյալ կա հանձնաժողովի եզրակացությունը: Առաջիկայում անցկացվելու է ԲԿ-ի տնօրենի ընտրության նոր մրցույթ:

Խնդիրն ավելի խորքային հասկանալու համար զրուցեցինք «Ալավերդի» բժշկական կենտրոնի մի քանի աշխատակիցների հետ: 

Բժշկական կենտրոնի 41 տարվա աշխատանքային ստաժ ունեցող բժշկուհին, ով չցանկացավ իր անունը հրապարակային դարձնել, նշում է՝ ներկայիս տնօրենը հիմնովին տիրապետում է իր գործին, կարողացել է մեծ օգուտ տալ բժշկական կենտրոնին: 

«Իմ կարծիքով՝ մեր այժմյան տնօրենը հիվանդանոցը լավ է ղեկավարում, ամեն ինչ իր տեղում է: Նա լավ ադմինիստրատոր է, վերջին տասնամյակում հիվանդանոցը շատ հաջողությունների է հասել: Զարմացել եմ, որ մրցույթում նա չհաղթեց: 

Մեր բժշկական կենտրոնն այսօր հանրապետությունում լավագույններից է, համապատասխանում է բոլոր նորմերին: Գործող տնօրենի հնգամյա ծրագիրն էլ ավելի մեծ առաջընթաց կապահովի բժշկական կենտրոնի համար»,-ասում է մեր զրուցակիցը: 

Ինչ վերաբերում է Գևորգ Ազարյանին, բժշկուհին նշում է՝ բաժանմունքը, որտեղ նա է աշխատում, գրեթե չի առնչվում վիրաբուժական բաժանմունքի հետ: «Եթե մարդու հետ մեկ ամբողջական օր չես աշխատել, դժվար է նրա մասին կարծիք հայտնելը: 

Իհարկե, մենք չէ, որ պետք է որոշենք, թե ով պետք է տնօրեն լինի: 

Դրա համար մարզպետ, առողջապահության նախարարություն, ի վերջո՝ մրցույթ և հանձնաժողով կա, բայց մարդը ղեկավար աշխատելու համար որոշակի փորձ պետք է ունենա: 

Ղեկավար աշխատելը շատ դժվար է: Ինքս 7 տարի տնօրեն եմ աշխատել և կարող եմ վստահաբար ասել՝ պատասխանատու գործ է: 

Կարո՞ղ է վիրաբույժը լավ տնօրեն լինել: Այդ հարցին հստակ պատասխանել չեմ կարող: Նա որևէ տեղ որպես կազմակերպիչ չի աշխատել»,«Փաստի» հետ զրույցում նշում է բժշկական կենտրոնի ստաժավոր բժշկուհին:

Անդրադառնում ենք նաև տեղեկություններին, որ մարզպետը ցանկանում է տնօրենի պաշտոնում նշանակել առողջապահության նախարարի մտերիմին: 

«Իմ կարծիքով՝ մի երրորդ անձնավորության նշանակումը տնօրենի պաշտոնում ընդհանրապես որևէ չափորոշիչում չի տեղավորվում: 

Նա որևէ բանից տեղյակ չի, մեր կոլեկտիվից չի: Եթե իրոք մարզպետը ուզում է նրան նշանակել տնօրենի պաշտոնում, դա խելքին մոտ չէ, աբսուրդ է»,-եզրափակում է մեր զրուցակիցը:

Ընկերության փականագործ Գևորգ Արշակյանը «Փաստի» հետ զրույցում ասում է, որ հիվանդանոցում ստեղծված ներկայիս վիճակը որևէ մեկին դուր չի գալիս: «Մեր տնօրենը դրական, կայուն մարդ է: Չեմ հասկանում, թե որն էր տնօրենի պաշտոնի համար մրցույթ անցկացնելու գերնպատակը, խնդիրը: 

Ներկայիս տնօրենը նորմալ աշխատում է, լավ անձնակազմ ունի, հիվանդանոցն էլ՝ բարվոք պայմաններ: Ինքն իր աշխատանքով ապացուցել է, որ կարողանում է այս հիմնարկը ղեկավարել, լավ մթնոլորտ ստեղծել, զարգացում ապահովել: 

Ներկայիս տնօրենին նոր մարդ փոխարինել չի կարող»,ասում է Արշակյանը:

 

Նա ընդգծում է, որ, աշխատելով այս բժշկական կենտրոնում, հեղափոխության ակտիվ մասնակից է եղել: «Հույս ունեի, որ ամեն ինչ գնալու է դեպի ավելի լավը, ոչ թե գնալու ենք ավելի խորտակման: Ալավերդու բոլոր հիմնարկ-ձեռնարկությունների վրա այսօր մեծ խաչ է քաշված, դա ես չէ, որ պետք է ասեմ: 

Միակ հիմնարկությունն է մնացել, որտեղ ամեն ինչ լավ է, հիմա էլ դրա աշխատանքն են ուզում այս կերպ խաթարել, ինչն անձամբ ես թույլ չեմ տալու»,-հավելում է մեր զրուցակիցը:

Բժշկական կենտրոնի ավագ բուժքույր Սուսան Ուլիխանյանը ևս փաստում է՝ ամբողջ կոլեկտիվը վստահ է, որ ներկայիս տնօրենին այլ մարդ չի կարող փոխարինել, և նրանք չեն էլ մտածում այդ ուղղությամբ: 

«Միայն տեսնեիք, թե հիվանդանոցը ինչ վիճակից ուր է հասել: Հիմա ուղղակի սարսափում եմ, որ կարող է նոր մարդ գալ, և կանգնենք կոտրած տաշտակի առջև: Չեմ ճանաչում մրցույթին մասնակցած կին թեկնածուին: 

Գիտեմ, որ քիթ-կոկորդի մասնագետ է, կաբինետային աշխատող: Մյուս թեկնածուն՝ վիրաբույժը, 10 տարի աշխատել է մեր կոլեկտիվում: 

Լավ վիրաբույժ է, բայց չեմ կարծում, որ կարող է լավ տնօրեն ու կառավարիչ լինել հիվանդանոցի համար: 

Մարզպետը պետք է ազնիվ ու անկեղծ գտնվի մեր հանդեպ և իր որոշումներում: Բոլորս կանգնած ենք մեր բժշկի կողքին, ուրիշ թեկնածու մեր հիմնարկում չենք տեսնում»,-ընդգծում է բժշկական կենտրոնի ավագ բուժքույրը:

Ի դեպ, մեզ չհաջողվեց խնդրի հետ կապված զրուցել Լոռու մարզպետ Անդրեյ Ղուկասյանի հետ: Նա չպատասխանեց մեր զանգերին, իսկ մարզպետարանի աշխատակազմից առաջարկեցին հետաքրքրող հարցերն ուղարկել էլեկտրոնային փոստով:

«Փաստը» «Ալավերդի» բժշկական կենտրոնի տնօրենի ընտրության խնդիրը կշարունակի պահել ուշադրության կենտրոնում: Պատրաստ ենք հրապարակել թե՛ մարզպետարանի, թե՛ մրցույթին մասնակցած բոլոր թեկնածուների տեսակետները:

ԼՈՒՍԻՆԵ ԱՌԱՔԵԼՅԱՆ

website by Sargssyan