Խտրական վերաբերմունք աշխատակիցների նկատմամբ ՔԱՂԱՔԱԿԱՆ
Ամուլ­սա­րի «խմո­րը» շատ ջուր է վերց­նե­լու ՔԱՂԱՔԱԿԱՆ
«Վիզդ կկտրեմ». Սիրված դերասան Արտյոմ Կարապետյանը զինված հարձ... ՀԱՐՑԱԶՐՈՒՅՑ
ՊԱՏՄՈՒԹՅԱՆ ԱՅՍ ՕՐԸ (20 ՆՈՅԵՄԲԵՐԻ)․ Հա­յաս­տա­նը ներ­կա­յաց­ն... ՀԱՍԱՐԱԿՈՒԹՅՈՒՆ
Ի՞նչ գույք է ձեռք բերել Կոտայքի փոխմարզպետը և ի՞նչ եկամուտնե... ՀԱՍԱՐԱԿՈՒԹՅՈՒՆ
Երևան, 21.Նոյեմբեր,
00
:
00
:
00
Փոխարժեք
478.65
$
560.79
Խտրական վերաբերմունք աշխատակիցների նկատմամբ Ամուլ­սա­րի «խմո­րը» շատ ջուր է վերց­նե­լու Քոչարյանն ու Սարգսյանը Արցախ են ազատագրել. Էդուարդ Շարմազանով Իմ տղան էլ պիտի 3 տարի սովորեր, բայց եկել ու ծառայում է. Փաշինյանը հակադարձեց իտալահային Ադրբեջանական սադրանք Միլանի հայկական եկեղեցում՝ Փաշինյանի հանդիպման ժամանակ Ռոնալդուն ու Ջորջինա Ռոդրիգեսը ամուսնացել են ՀՀ ԿԳՄՍ նախարարին կից կձևավորվի աշակերտական խորհուրդ Թուրքիայում հին հայկական գորգ է հանվել վաճառքի 150 հազար դոլարով Վարչապետի խորհրդականը կարծում է, որ Հենրիխ Մխիթարյանը թքած ունի հավաքականի վրա Արցախյան հակամարտության ներկայիս բանակցային փուլը ինձ մոտ մտահոգություններ է առաջացնում. Սերժ Սարգսյան Սերժ Սարգսյան. «Այսօր արդեն ավելի ու ավելի հնչեղ են դառնում այն մարդկանց ձայները, ովքեր ինձ մեղադրում են իշխանությունը պոպուլիստներին զիջելու մեջ» Սերգեյ Սմբատյանն ու Մալթայի ֆիլհարմոնիկ նվագախումբը հանդես կգան Մոսկվայի հեղինակավոր համերգասրահներում ՆԱՏՕ գլխավոր քարտուղարը կարծում է, որ ԵՄ-ը չի կարող պաշտպանել Եվրոպան Շրի Լանկայի բոլոր նահանգապետերը հրաժարական են տվել «Շատ հուզված եմ այստեղ լինելուս համար». Փաշինյանը՝ Սուրբ Ղազար կղզում Ես այստեղ եմ օգնելու «Ռոմա»-ին արդյունքների հասնել. Մխիթարյան Արցախում տեղի է ունեցել ՊԲ ռազմական խորհրդի նիստ Եղանակը Հայաստանում՝ առաջիկա օրերին ՄԱԿ-ը նշել է աշխարհի ամենաքիչ զարգացած 47 երկրները Հայաստանում չկա մրցունակ բուհ կամ անգամ ֆակուլտետ. Փաշինյան

Դա­տա­կան հա­մա­կար­գի վրա ճնշում­նե­րը հիմ­քեր են ստեղ­ծում երկ­րի ավ­տո­րի­տա­րաց­ման հա­մար.

Տևական ժամանակ է, ինչ իշխանությունը տարբեր մեթոդներով փորձում է պարզապես տեռորի ենթարկել ամբողջ դատական համակարգը: 

Իշխանությունը մտադիր է փոխել այն դատավորներին, որոնք ինքնուրույն, անկախ և բացառապես օրենքից բխող որոշումներ են ընդունում, և նրանց փոխարեն նշանակել այնպիսինների, ովքեր ընդամենը հրահանգներ կկատարեն: 

Մյուս կողմից՝ ամեն ինչ արվում է, որ գործողները մեծամասամբ դառնան կամակատար, որպեսզի շատ փոփոխությունների կարիք չլինի:

Այսօր անձնիշխանության ու բացարձակ ավտորիտարիզմի հաստատման համար հիմնական խոչընդոտը Սահմանադրական դատարանն է՝ իր ինքնուրույն դատավորներով, ուստի իշխանությունը նախևառաջ ձեռնամուխ է եղել ՍԴ-ի կազմը փոխելու գործին: 

Եվ այս ճանապարհին առաջին հերթին թիրախավորվեց ՍԴ նախագահ Հրայր Թովմասյանը, որի վրա սկզբում փորձ կատարվեց ճնշումներ բանեցնել սանիկների ձերբակալման միջոցով:

Ապա Ազգային ժողովն ընդունեց Թովմասյանի լիազորությունները դադարեցնելու վերաբերյալ որոշումը և ուղարկեց ՍԴ՝ հույս ունենալով, որ ՍԴ դատավորները, տեղի տալով ճնշումներին, չեն ցանկանա «գլուխ դնել» ամեն ինչի ընդունակ իշխանության հետ, սակայն նրանք ինքնուրույն որոշում կայացրեցին և մերժեցին ԱԺ-ի դիմումը նույնիսկ վարույթ ընդունել: 

Այս իրադարձությունից հետո իշխանությունները բացահայտ կերպով գործի դրեցին ռեպրեսիվ մեքենան: 

Նախ՝ իշխանության հետ սերտորեն համագործակցող «ոչ իշխանական» պատգամավորներից մեկի հաղորդման հիման վրա ՀՔԾ-ում ՀՀ քրեական օրենսգրքի 300-րդ հոդվածի 1-ին մասով քրեական գործ հարուցվեց, ՀՔԾ ներկայացուցիչներն այցելեցին ՀՀԿ կենտրոնական գրասենյակ՝ փորձելով կուսակցությունից ստանալ Հրայր Թովմասյանի պատգամավորական մանդատի և կուսակցության անդամակցության դադարեցման հետ կապված փաստաթղթերը։ 

Ապա ԱԱԾ-ն այցելեց Հրայր Թովմասյանի 75-ամյա հորը՝ ճշտելու, թե իրենց գյուղական տան տանիքը երբ ու ինչ միջոցներով են վերանորոգել: ԱԱԾ-ն հրավիրել է նաև Թովմասյանի երկու դուստրերին:

Իրավաբան պետք չէ լինել հասկանալու համար, որ այս իրադարձությունները դասական քաղաքական հետապնդման օրինակ են: 

Սակայն այստեղ խնդիրը միայն Հրայր Թովմասյանը չէ. հարցն ավելի համակարգային բնույթ ունի: 

Հրայր Թովմասյանի օրինակով իշխանությունները կարծես փորձում են ամբողջ դատական համակարգին ու բոլոր դատավորներին մեսիջ ուղարկել, որ եթե չդառնան կամակատար, ապա ՍԴ նախագահի օրինակով կարող են տեսնել, թե ինչ կլինի իրենց և իրենց ընտանիքների անդամների հետ: 

Ու բնական է, որ քիչ չեն լինի այնպիսի դատավորները, որոնք «շառից ու փորձանքից հեռու» իսկապես լուռումունջ կանեն այն ամենը, ինչ կասի Փաշինյանը:

 

Սա՞ է հայտարարված իրավական պետությունը, երբ փորձ է կատարվում դատական իշխանությունը դարձնել իշխանության խամաճիկը, և հիմքեր են ստեղծվում բեսպրեդելի և կամայականությունների կիրառման համար: 

Սա երևի թե պետք է մտահոգի ողջ հասարակությանը, քանի որ ՍԴ-ի շուրջ ստեղծված թեման մարսելուց հետո իշխանություններն անցնելու են ողջ դատական համակարգի հպատակեցմանը և ստեղծելու են ամբողջովին ուղղորդված դատական համակարգ: 

Դրանից հետո կլինեն նոր թեմաներ, ու ոչ ոք այլևս երաշխավորված չի լինի, որ իր ու իր ընտանիքի անդամները չեն հայտնվի ճնշումների հորձանուտում: Դրա համար բավարար կլինի ընդամենը հակադրվել իշխանություններին, իսկ ավելի ստույգ՝ Փաշինյանին:

Այսպիսի գործընթացները հանգեցնելու են իշխանական բոլոր լծակների կենտրոնացմանը մեկ անձի ձեռքում՝ հիմքեր ստեղծելով երկրի ավտորիտարացման համար: 

Արդյունքում հասարակության բաժանարար գծերը ավելի են խորանալու, իշխանության նկատմամբ խորը անվստահություն է կուտակվելու, որի պարպումը շատ վտանգավոր հետևանքների կարող է հանգեցնել:

Քանի որ իշխանության ճյուղերի միջև հավասարակշռությունը խախտված է, ապա հասարակությունը քայլեր պետք է ձեռնարկի, որպեսզի իշխանության ներսում բևեռացում տեղի չունենա: 

Եթե իշխանությունների գործողությունները հանրային լուրջ դիմադրության հանդիպեն, ապա նրանք չեն համարձակվի շարունակել դատարանների վրա ճնշումները, որովհետև կզգան, որ իրենց աթոռները սկսել են երերալ: 

Ու պարտադիր չի, որ դրա համար ցույցեր կամ այլ գործողություններ լինեն: 

Շատ կարևոր է հիմա յուրաքանչյուրի քաղաքացիականությունը, երկակի ստանդարտներից ձերբազատվելն ու շիտակությունը: 

Վաղը կարող է շատ ուշ լինել, իսկ մենք դեռ միմյանց աչքերի մեջ ենք նայելու:

ԱՐԹՈՒՐ ԿԱՐԱՊԵՏՅԱՆ

website by Sargssyan