ՊԱՏՄՈՒԹՅԱՆ ԱՅՍ ՕՐԸ (3 ՀՈՒԼԻՍԻ). Հա­յաս­տա­նի ֆուտ­բո­լի ֆե­դ... ՀԱՍԱՐԱԿՈՒԹՅՈՒՆ
Քա­ղա­քա­կա­նու­թյան ոլորտն արա­տա­վոր­վում է փո­խա­դարձ թշն... ՎԵՐԼՈՒԾԱԿԱՆ
Աշ­խա­տանք գտնե­լու հե­ռան­կա­րը գրե­թե զրո­յա­կան է ՀԱՍԱՐԱԿՈՒԹՅՈՒՆ
«Կա­րող է ունե­նանք շատ լավ փաս­տա­թուղթ, խնդիրն իրա­կա­նա­ց... ՀԱՐՑԱԶՐՈՒՅՑ
«Պետք է սո­վո­րենք ճիշտ վե­րա­բեր­վել թե՛ սե­փա­կա­նու­թյան ... ՀԱՐՑԱԶՐՈՒՅՑ
Երևան, 04.Հուլիս,
00
:
00
:
00
Փոխարժեք
478.65
$
560.79
«Ժողովուրդ». «ՀԷՑ»-ը կտուգանվի․ հաշվիչների ցուցմունքները կեղծել են Ցուցում ա տրված ամեն գնով ձերբակալել ինձ. Արա, մինչև հիմա չհասկացա՞ք, որ ես չեմ վախենում. Գեւորգ Պետրոսյան Ոստիկանապետի ուշագրավ նախաձեռնությունը Ոսկու գինն աճել է, պլատինինը՝ նվազել. թանկարժեք մետաղների գները՝ ըստ NYMEX-ի Գագիկ Ծառուկյանի շնորհավորական ուղերձը՝ Բելառուսի հանրապետության Անկախության օրվա առթիվ Ցուցանիշով հետ ենք և՛ Վրաստանից, և՛ Ադրբեջանից Նավթի գներն աճել են «Հայոց Եկեղեցու պատմություն» առարկան վտանգված է․ Արմեն Աշոտյան Սահմանադրական դատարանի արդեն նախկին անդամներն իրավունք չունեն մուտք գործելու ՍԴ վարչական շենք. ՀՀ ոստիկանություն Մարուքյանը դիմել է ԱՄՆ Կոնգրեսի անդամներին Գտնում ենք, որ Գույքահարկի մասին օրենքի թեման պետք է դառնա հանրային քննարկման առարկա․ Հրանտ Թոխատյան Ի՞նչ է նշանակում Արմեն Սարգսյանի հայտարարությունը, թե՝ չի ստորագրելու «ՍԴ-ի մասին» օրենքի փոփոխությունների նախագիծը․ «Հրապարակ» Նախարար Պապիկյանն ընդունել է Իրանի նորանշանակ դեսպան Աբբաս Զոհուրիին «Իմ քայլում» շատերը շոկի մեջ են հայտնվում, երբ Նիկոլ Փաշինյանը խմբակցության նիստում ամենավերջին հայհոյանքներն է հնչեցնում․ «Իրատես» Գազ չի լինելու Աշխատատեղեր փակելու ու այլ գործողությունների հետևանքով ՀՀ-ի կրած տնտեսական վնասները կերևան աշնանը, երբ կհասունանան սոցիալական խնդիրները. Միքայել Մելքումյան

Նոր նախագծում կա՞ն հա­կա­սահ­մա­նադ­րա­կան իրա­վի­ճա­կի նա­խադ­րյալ­ներ

Իրավական ակտերի նախագծերի հրապարակման միասնական կայքում՝ E-draft-ում, տարբեր գերատեսչություններ հանրային քննարկման են ներկայացնում իրենց հեղինակած օրենսդրական նախագծերը` այս կամ այն օրենքում լրացումներ և փոփոխություններ կատարելու վերաբերյալ: 

Կան նախագծեր, որոնք, կարծես թե, «աննկատ» են հայտնվում այս կայքում, նույնքան աննկատ որոշակի ժամանակ հետո քննարկվում և ընդունվում Ազգային ժողովում: 

Մինչդեռ կան այնպիսիք, որոնք E-draft-ում հայտնվելու պահից բացասական մեկնաբանությունների են արժանանում: 

Դրանցից է հոկտեմբերի 17-ին աշխատանքի և սոցիալական հարցերի նախարարության հրապարակած «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» ՀՀ օրենքում փոփոխություններ և լրացումներ կատարելու մասին» ՀՀ օրենքի նախագիծը: 

Նյութը պատրաստելու պահին նախագծի ընդունմանը դեմ էր քվեարկողների 81 տոկոսը, կողմ՝ 19-ը: Ի՞նչ փոփոխություններ է առաջարկում կատարել նախարարությունը գործող օրենքում: Նախագծի հեղինակները նշում են, որ օրենքի ընդունման անհրաժեշտությունը պայմանավորված է ընտանիքում բռնության բոլոր դեպքերի բացահայտման և արդյունավետ կանխարգելման, ընտանիքում բռնության ենթարկված անձանց, այդ թվում՝ երեխաների լավագույն շահի արդյունավետ պաշտպանության ապահովման, ուղղորդման և համարժեք աջակցության միջոցներ տրամադրելու խնդիրներով:

«Փաստը» մի քանի կետերով ներկայացնում է՝ ինչի մասին է խոսքը:

Նախագծով առաջարկվոմ է օրենքի վերնագրից հանել «…և ընտանիքում համերաշխության վերականգնման», ինչպես նաև օրենքի 1-ին հոդվածի 1-ին մասից՝ «..ընտանիքում բռնության ենթարկված և ընտանիքում բռնություն գործադրած անձանց հաշտեցման..» բառերը: 

Բացի դա, օրենքի 3-րդ հոդվածի 1-ին մասը շարադրել հետևյալ խմբագրությամբ. «ընտանիքում բռնություն է համարվում սույն օրենքով սահմանված ֆիզիկական, սեռական, հոգեբանական կամ տնտեսական բնույթի բռնի արարքը, ինչպես նաև անտեսումը, վերահսկող վարքագիծը, որը կատարվել է ընտանիքի անդամների կամ նախկին կամ ներկա զուգընկերների միջև»: 

Միևնույն ժամանակ առաջարկվում է նույն հոդվածի 2-րդ մասը լրացնել նոր՝ 6-րդ կետով՝ հետևյալ բովանդակությամբ. 

«վերահսկող վարքագիծ՝ դիտավորությամբ կատարվող գործողություններ, որոնք ուղղված են անձին ենթակայության տակ պահելուն և/կամ նրան աջակցության տարբեր աղբյուրներից (միջոցներից) մեկուսացնելուն, նրանց ռեսուրսները և միջոցները բացառապես անձնական շահի համար օգտագործելուն, վարքագծի ամենօրյա վերահսկողություն իրականացնելու միջոցով կախվածության մեջ դնելուն»: 

Օրենքի 4-րդ հոդվածի 1-ին մասի 1-ին կետում առաջակվում է ավելացնել նոր ենթակետ. «զուգընկեր` միևնույն անձի հետ մտերիմ (այդ թվում՝ ինտիմ) հարաբերությունների մեջ գտնվող անձ»: Իհարկե, սրանք օրենքում առաջարկվող բոլոր փոփոխությունները չեն:

Նախագծի հիմնավորման մեջ նշված է, որ ժամանակին վերը նշված օրենքի ընդունմամբ կարևորվել են ընտանիքում բռնության միջավայրի վերացման և կանխարգելման, բռնության տարբեր դրսևորումների բացահայտման, բռնություն գործադրած անձանց նկատմամբ համաչափ սահմանափակումների կիրառման և բռնության ենթարկված կամ ենթարկվելու իրական վտանգի մեջ գտնվող անձանց համար ապահով և անվտանգ կեցության պայմաններ ապահովելու խնդիրները, սակայն, ըստ նախագիծը կազմողների, օրենքում առկա բացերը և իրավակիրառ գործունեության արդյունքները փաստում են, որ բռնության ոչ բոլոր դրսևորումները և ոչ բոլոր հարաբերություններն են ընդգրկվում գործող իրավակարգավորման շրջանակում: 

Օրինակ` վիճակագրական տվյալները փաստում են՝ ընտանեկան բռնության տարածված դրսևորումներից է վերահսկող վարքագծի կիրառումը, որը նույնպես պահանջում է կանխարգելման կամ պաշտպանական համարժեք միջոցների ձեռնարկում: 

Մինչդեռ գործող օրենքը վերահսկող վարքագիծը չի սահմանում որպես ընտանեկան բռնության տեսակ: 

Ըստ նախարարության՝ օրենքում հաշտեցման ընթացակարգի սահմանումը գործնականում խոչընդոտում է բռնության ենթարկված անձանց հասնելու արդյունավետ իրավական պաշտպանության և խախտված իրավունքի վերականգնման: 

Ինչպես նաև, օրենքը որպես բռնության ենթարկված անձ չի դիտարկում երեխային, որն անմիջականորեն ականատես է եղել բռնության կիրառմանը և/կամ կրել է այդ բռնության բացասական հետևանքներն իր վրա (անուղղակի զոհեր)՝ հայտնվելով հոգեբանորեն ծանր վիճակում:

Օրենքի նախագծի քննարկման հարթակում կարելի է տեսնել քաղաքացիների մտահոգությունները, որոնք առաջարկում են գործող օրենքն անփոփոխ թողնել կամ էլ որոշակի ժամանակով հետաձգել նախագծի ընդունումն ու փոփոխություններ կատարել դրանում: 

Քաղաքացիներից մեկն էլ անդրադարձել է օրենքի նախագծում առկա «զուգընկեր», «նախկին/ներկա զուգընկեր» և նման ձևակերպումներին, որոնք, ըստ գրառման հեղինակի, հակասում են գործող օրենքի բովանդակային տրամաբանությանը, քանի որ գործող օրենքի կարգավորման առարկան վերաբերում է բացառապես ընտանիքին, որը կազմում են հայր և մայր հանդիսացող ամուսինները. ընտանիքում նախկին կամ ներկա զուգընկեր չի կարող լինել: 

Ասվում է, որ նախագծում զուգընկեր ձևակերպումը առաջին հայացքից ասոցացվում է «ֆրանսիական ընտանիքի ընկեր» վիճակի հետ:

Ստացվում է, որ այս ձևակերպումները ուղիղ հակասության մեջ են մտնում ՀՀ մայր օրենքի՝ Սահմանադրության հետ և հակասահմանադրական իրավիճակի նախադրյալներ ստեղծում: 

Բացի դա, հարց է առաջանում՝ իսկ ո՞րն է վերահսկող վարքագծի կիրառումը, արդյո՞ք չենք հասնի մի կետի, երբ երեխան, որի առջև ծնողը որոշակի արգելքներ կդնի, հետագայում չի համարվի «բռնության ենթարկված անձ»: 

Սրանք օդում կախված հարցեր են, որոնց պատասխանները գուցե հնչեն հետագայում: 

Ակնհայտ է, որ նախքան այս նախագծի ընդունումը հասարակությունը պետք է ստանա բոլոր՝ առաջին հայացքից մտահոգող հարցերի պատասխանները: Ակնհայտ է, որ ցանկացած բռնություն դատապարտելի է, և բռնություն իրականացնողը պետք է պատիժ կրի՝ օրենքի տառին համապատասխան, բայց հանկած չստացվի, որ ունքը սարքելու փոխարեն, աչքը հանենք:

ԼՈՒՍԻՆԵ ԱՌԱՔԵԼՅԱՆ

website by Sargssyan