Բնակ­տա­րած­քի օգ­տա­գործ­ման փոխ­հա­տուց­ման կար­գը ՀԱՍԱՐԱԿՈՒԹՅՈՒՆ
Ի՞նչ եկամուտներ ու միջոցներ ունի փրկարար ծառայության նորանշ... ՀԱՍԱՐԱԿՈՒԹՅՈՒՆ
«Մշա­կույ­թը պետք է դի­տար­կել որ­պես պե­տու­թյան տնտե­սու­թ... ՀԱՐՑԱԶՐՈՒՅՑ
«Իրա­կան, նվա­զա­գույն հնա­րա­վո­րու­թյուն­նե­րի բյու­ջե». ո... ՀԱՐՑԱԶՐՈՒՅՑ
Օպ­տի­մա­լաց­ման քո­ղի ներ­քո կա­ռա­վա­րու­թյունն ուռ­ճաց­նո... ՎԵՐԼՈՒԾԱԿԱՆ
Երևան, 12.Նոյեմբեր,
00
:
00
:
00
Փոխարժեք
478.65
$
560.79
Դատարանը մերժեց դատավոր Աննա Դանիբեկյանի ինքնաբացարկի մասին Քոչարյանի պաշտպանի միջնորդությունը Մանվել Գրիգորյանին դատարան բերեցին սայլակով և արհեստական շնչառության սարքը միացրած Ժողովուրդը և մենք չենք ներելու, չենք ընդունելու և ընդվզելու ենք․ Աշոտյան Ինչո՞ւ են խառնաշփոթից հետո Գագիկ Ծառուկյանն ու Գևորգ Պետրոսյանը միասին հեռացել (Տեսանյութ) Արցախում տղամարդը ձիով պայթել է հակահետևակային ականի վրա ՊԱՏՄՈՒԹՅԱՆ ԱՅՍ ՕՐԸ (12 ՆՈՅԵՄԲԵՐԻ)․ Հրդեհ է բռնկվել Երև­ա­նի «Նա­ի­րիտի» տա­րած­քում Մեծ ջանքեր եմ թափել, որպեսզի այդ գործարանն ավերակներից կանգնեցնեմ. Նազիկ Ամիրյան Բնակ­տա­րած­քի օգ­տա­գործ­ման փոխ­հա­տուց­ման կար­գը Օպ­տի­մա­լաց­ման քո­ղի ներ­քո կա­ռա­վա­րու­թյունն ուռ­ճաց­նում է պե­տա­կան ապա­րա­տը Ֆիդայիներն էին, որ թուրքի մաման լացացրին և ծնկի բերին, ինձ էլ մի օր դրա համար կդատեք․ Միքայելյանը՝ Աղազարյանին (տեսանյութ) Ի՞նչ եկամուտներ ու միջոցներ ունի փրկարար ծառայության նորանշանակ տնօրենը «Մշա­կույ­թը պետք է դի­տար­կել որ­պես պե­տու­թյան տնտե­սու­թյան զար­գաց­ման աղ­բյուր» Երանի, որ Թաթուլ Կրպեյանն այս ամենը չի տեսնում․ ուսանողների ակցիան՝ ԵՊՀ-ի դիմաց «Իրա­կան, նվա­զա­գույն հնա­րա­վո­րու­թյուն­նե­րի բյու­ջե». ո՞ր գոր­ծոն­ներն են լրա­ցու­ցիչ զգու­շա­վո­րու­թյան հան­գեց­րել. Օպ­տի­մա­լաց­ման քո­ղի ներ­քո կա­ռա­վա­րու­թյունն ուռ­ճաց­նում է պե­տա­կան ապա­րա­տը Ուսանողները եւ ՀՅԴ երիտասարդները Երեւանի փողոցներում իրազեկման երթի են դուրս եկել (ուղիղ) Ամե­նա­զայ­րա­ցած եր­կիրն ենք. ին­չո՞ւ իշ­խա­նու­թյուն­ներն այդ­պես էլ դա­սեր չեն քա­ղում

«Սո­րո­սա­կա­նու­թյան» իրա­կան ու առարկայական վտանգ­նե­րը. ինչ­պե՞ս նվա­զեց­նել նրանց կործանարար ազ­դե­ցու­թյու­նը՝ ընտանեկան արժեքների ու ազգային ինքնության վրա

kp.ru-ն «Դուրս եկավ Սորոսը մշուշից (դասեր համաշխարհային «ֆիլանտրոպից» -մաս 2)» վերնագրով հոդվածում գրում է, որ հետխորհրդային տարածքում շարունակվում է Արևմուտքի գլոբալիստների կողմից սանձազերծած պատերազմը ուղեղների համար։ 

Արդեն կարելի է նշել սոցիալ-տնտեսական իրավիճակի և հասարակական-քաղաքական տրամադրությունների մշտադիտարկումների ակտիվացում և երկրների իշխանությունների «ցավային կետերի» շոշափման փորձեր։ Նախանշվում են «քաղաքացիական հասարակության ինստիտուտների զարգացման» քայլերը, իրականացվում են թրեյնինգներ և սեմինարներ բլոգերների, լրագրողների և սոցիոլոգների համար։ 

Ընդ որում, պետք չէ մտածել, որ այդ միջոցառումների մասնակիցներին պրիմիտիվ կերպով ներարկում են ռուսաֆոբիա, ատելություն սեփական իշխանության նկատմամբ, կամ էլ սեր նարկոմանների և ԼԳԲՏ-ի նկատմամբ։ Ամբողջ շարժումը աստիճանական է՝ լրիվ համաձայն «Օվերտոնի պատուհանի» տեսության։ 

Այդ իսկ պատճառով պետք չէ սպասել, որ արագորեն կարող է սկսվել «կոռումպացված հակաժողովրդական ռեժիմի» մասին տեղեկատվական հոսք, իսկ «ֆիլանտրոպ-պապիկը» բավարարված ձեռքերը շփի։ Սորոսին պետք չէ վերաբերվել մեղմ։ 

Նրա կյանքը, անկասկած, կարող է արկածային վեպի նյութ դառնալ, բայց ավելի շատ ստեղծագործություններ կարելի է գրել ըստ նրա «Բաց հասարակության» հիմնադրամի և այլ կառույցների գործունեության։ 2017 թվականի վերջին Սորոսի հիմնադրամը խոստովանել է, որ վերջին 33 տարիների ընթացքում տարբեր երկրներում «մարդու իրավունքների պաշտպանության» և առաջին հերթին «այնպիսի խմբերի համար, ինչպիսիք են թմրանյութեր օգտագործողները, սեքս-«աշխատողները» և ԼԳԲՏ համայնքը», ծախսել է 2,9 միլիարդ դոլար։ 

Նկատի առեք՝ ծախսվել է ոչ թե նարկոտրաֆիկի դեմ պայքարի (վտանգավոր է կանգնել թմրանյութ վաճառողների ճանապարհին), այլ թմրամոլների իրավունքների պաշտպանության համար, այդ թվում՝ նրանց թմրանյութ օգտագործելու իրավունքի համար։ 

Սորոսի կառույցները ևս 2,1 միլիարդ դոլար ծախսել են ուսումնական ծրագրերում, այսինքն՝ «սկսած նախադպրոցական կրթությունից մինչև բարձրագույն կրթության բարեփոխումներ» իրականացնելու նպատակով։ 

Այդ ծրագրերում առաջնահերթ է եղել «գենդերային հավասարության» գաղափարախոսությունը, ավանդական ընտանեկան դրվածքի և կապերի խաթարումը, երեխաների կողմից սեռային կողմնորոշման ազատությունը և այլն։ 

Միանգամայն պարզ է այդ գործունեության նպատակը՝ ստեղծել իդեալական սպառող-կոսմոպոլիտ, որը չունի ավելորդ կամ ավանդական որևէ բարոյականություն, և որը ցանկացած երկրում հլու գործիք է Արևմտյան գլոբալիստների համար ոչ ցանկալի այնպիսի իշխանության դեմ պայքարի համար, որը ցանկանում է ունենալ ինքնիշխան երկիր։ Եվ այս ամենում առանձնահատուկ քաղցր պտուղներ են Արևելյան Եվրոպայի և հետխորհրդային տարածքի երկրները։ 

Ըստ հենց սորոսյան կառույցների, այդ հասցեներով գնացել է ավելի քան 1,6 միլիարդ դոլար։ Այնուամենայնիվ, պետք չէ մոռանալ, որ մինչև 1993 թվականը՝ Ջորջ Սորսի կողմից «Բաց հասարակություն» կազմակերպության ստեղծումը, եղել են նաև այլ հիմնադրամներ և կառույցներ, որոնք ևս անգործ չեն մնացել։

 Այս ամենը կարելի է նշել երկու բառով՝ «հաղթարշավ և ողբերգություն», քանի որ պարզ է, որ Սորոսի ցանկացած հաղթարշավ փաստացի ողբերգություն է այն երկրների և ժողովուրդների համար, որոնց դեմ նա աշխատում է։ Եվ նրա համար ողբերգություն չէ անգամ, եթե ինչ-որ տեղ անհաջողության է մատնվում։ 

Սորոսը հաղթարշավներ շատ է ունեցել։ Սերբիան դարձել է նրա զոհերից մեկը 2001 թվականի իր «բուլդոզերային հեղափոխությամբ»։ 

Սորոսը հենց այն մարդն է, որը պլանավորել էր Վրաստանում Էդուարդ Շևարդնաձեի տապալումը, որի արդյունքում «վարդերի հեղափոխությամբ» Թբիլիսիում իշխանություն էր ստացել արկածախնդիր Միխայիլ Սահակաշվիլին, որը երկրին մղեց ռազմական հակամարտության։ 

Եվ այդ ամենը՝ «ֆիլանտրոպի» տված փողերով։ Հիշենք նաև հանրահայտ «արաբական գարնան» հեղափոխությունները։ Կա հավաստի տեղեկատվություն առ այն, որ դրանցից առաջինում՝ Թունիսում տեղի ունեցածը կապ ունի այդ միլիարդատիրոջ փողերի հետ։ Սորոսը աչքի է ընկել Ալբանիայում, Մոլդովայում, Մակեդոնիայում, Չերնոգորիայում, Բուլղարիայում, Իռլանդիայում, Լեհաստանում, Ուկրաինայում, Հայաստանում, Հունաստանում, Իսպանիայում, Մեքսիկայում և անգամ ԱՄՆ-ում, որտեղ նա հանդես է գալիս ավելի շուտ ոչ թե որպես Թրամփի սկզբունքային հակառակորդ, այլ Բիլլ և Հիլարի Քլինթոնների և Օբամայի կողմնակից։ Այնուամենայնիվ, Սորոսի հիմնադրամի հիմնական նպատակը հետխորհրդային տարածքն ու Արևել յան Եվրոպան է։ 

Ի դեպ, ինչքան էլ առաջին հայացքից տարօրինակ է հնչում, բայց Սորոսը, ըստ ազգության հանդիսանալով հունգարացի հրեա, իսկական ատելություն է տածում Իսրայելի նկատմամբ։ Բայց եթե ավելի խորը մտածենք, այդ ամենում ոչ մի տարօրինակություն չկա։ Իսրայելը երկիր է, որին կարելի է անվանել «հոգևոր հաստատուններով» երկիր, ընդ որում՝ պետական քաղաքականության մակարդակով, որը խորապես զզվելի և անտանելի է գլոբալիստի համար, քանի որ վերջինիս համար գերագույն արժեքը կյանքում բանկային հաշվի վրա դոլարների թիվն է։ 

Այն երկրներում, որտեղ Սորոսին դուրս են հրավիրել դռնից և խորհուրդ տվել չվերադառնալ, նրա ազդեցությունը հասարակության և երկրի վրա մինիմալացվել է, և իրականում դրանից ոչ մի վատ բան էլ չի եղել։

 Իսկ ահա այն երկրներում, որտեղ Սորոսին և «սորոսաբնի թռչնակներին» տրվել է գործողությունների լայն ասպարեզ, առկա է իրական վտանգ։ 

Եվ այդ վտանգը ոչ թե ինչ-որ մեկի արտաքին ագրեսիան է, այլ սոցիալական, քաղաքական և այլ ցանկացած տեսակի «ժողովրդավարության լիցքի» պայթյունը։ 

Եվ այդ պայթյունը բարի մտադրությունների պատրվակով կազմակերպում են աշխարհի ամենահայտնի «ֆիլանտրոպի» աշխատակիցները և ակտիվիստները։

Կամո Խաչիկյան

 

 

website by Sargssyan