Լանզարոտի կոնվենցիայի շուրջ հետագա հանրային քննարկումների ար... ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (29 ՄԱՅԻՍԻ). Ան­կար­գու­թյուն­նե­րի հե­տև... ՀԱՍԱՐԱԿՈՒԹՅՈՒՆ
Կորցնում ենք, կորցնում, բայց այդպես էլ չենք խրատվում ՀԱՍԱՐԱԿՈՒԹՅՈՒՆ
«Սե­րը ժա­ռան­գել եմ մայ­րի­կիցս». պահ­պա­նե­լով ժա­նյակա­գո... ՀԱՐՑԱԶՐՈՒՅՑ
«Ակա­նա­տես չենք եղել որևէ փաս­տաթղ­թի, որը կքար­տե­զագ­րի Հ... ՀԱՐՑԱԶՐՈՒՅՑ
Երևան, 30.Մայիս,
00
:
00
:
00
Փոխարժեք
478.65
$
560.79
Գեղարքունիքի մարզում հաստատվել է կորոնավիրուսային հիվանդության ընդհանուր 495 դեպք. մարզպետ Ռուսաստանում վերջին մեկ օրում կորոնավիրուս է հայտնաբերվել է 8 952 մարդու մոտ․ Ռիա Նովոստի Երևան-Դոնի Ռոստով չարտերային հատուկ չվերթի օրը հայտնի է Պարետը նոր որոշում է կայացրել Այս փոփոխությունները արվում են մեր պետության պոտենցիալը մեծացնելու համար. Նիկոլ Փաշինյան 2014թ․ ծնված բոլոր աշակերտները սեպտեմբերի 1-ից պետք է գնան դպրոց․ նախարար Գույքահարկի դրույքաչափերի փոփոխության հետևանքով շատերի համար նպատակահարմար չի լինի անշարժ գույքը պահելը և այն վաճառելու են նորաթուխ օլիգարխներին․ Թաթուլ Մանասերյան Եկել է համատարած հայտարարագրման և գույքահարկի նոր համակարգի ներդրման ժամանակը․ Փաշինյան (տեսանյութ) Մարդիկ Փաշինյանի հորդորներն անտեսում են, քանի որ այլևս նրան չեն հարգում. Արամ Անտինյան Մենք այսօր իսկապես հումանիտար աղետի մեջ ենք. հայտարարություն Չէի ուզի որեւէ մեկը հույսեր փայփայի, որ մենք մեր առաքելությունը կձեւակերպենք իրենց ակնկալիքների համաձայն․ Արշակ սրբազան Հաշված օրեր անց Արթուր Վանեցյանը կստանձնի արտախորհրդարանական ընդդիմության առաջնորդի դերը Ոտքերով կամ ձեռքերով առաջ․ ինչպե՞ս կավարտվի Փաշինյանի իշխանությունը. Անդրանիկ Թեւանյան Հունիսի 1-ից սովորական անձնագրեր կրող ՀՀ քաղաքացիներն իրավունք կունենան առանց արտոնագրերի ձևակերպման մեկնել Չինաստան ԲՀԿ-ն տարբեր ուղղություններով է գործում, որպեսզի թեթևացնի մարդկանց հոգսերը Նիկոլ Փաշինյանը տվել է համապատասխան հանձնարարականներ Վերջնագիր Յուրի Խաչատուրովին Կորոնավիրուսի 251 նոր դեպք Հայաստանում, մահացել է 7 պացիենտ Ովքեր են «Նիկոլի սև ցուցակում» գտնվող իմքայլական պատգամավորները. «Հրապարակ»

Լավ, բա Հայրապետովի ստաժը ինչո՞ւ հընթացս «կրճատեցիք»

Past.am

Արմեն Մանուկյանը Ֆեյսբուքի իր էջում գրում է.

Մի շարադրանք էր վերջերս պտտվում «ֆեյսբուքներում»՝ Պետական պահպանության ծառայության պետ, գեներալ-մայոր Գրիգորի Հայրապետովին զբաղեցրած պաշտոնից ազատելու հետ կապված: Անցալ տարի, Դուշանբեում, երբ Նիկոլ Փաշինյանը և Իլհամ Ալիևը վերելակում խոսել էին ու շփման գծում լարվածությունը թուլացնելու վերաբերյալ, իբր, ինձ-որ բան պայմանավորվել, վարչապետի անվտանգությունն ապահովող Հայրապետովը լսել է բաներ, որ չպետք է լսեր:

Ընդհանուր առմամբ, բավականին պարզունակ թեզ, եթե կարելի է այդպես ասել: Բայց արի ու տես, որ այն շատերի ուշադրությանն արժանացավ: Մի իրավիճակում, երբ նման նկատելի ու պետությանը երկար ժամանակ ծառայող անձնավորությունը, ոչ այս, ոչ այն, ազատվում է զբաղեցրած պաշտոնից ու առանձնապես բացատրություններ այդ կապակցությամբ չեն տրվում, բնականաբար, ինչեր ասեք՝ կտարածվեն այդ թեմայով:

Վարչապետ Նիկոլ Փաշինյանի նուրբ լարերին էլ էր դա դիպել, այլապես իր վերջին «ուղիղ միացման» ժամանակ երկար-բարակ դրանից չէր խոսի: Տպավորվեց Փաշինյանի այս ֆրազը. «Ուրեմն ես այնքան ապաշնորհ ու անխելք դավադիր եմ, որ դա անում եմ Ալիևի հետ առաջին իսկ հանդիպման ընթացքում մի մարդու կողքին, ով 10 տարի եղել է Ռոբերտ Քոչարյանի, ևս 10 տարի՝ Սերժ Սարգսյանի թիկնազորի պետը»:

Ի պաշտպանություն Անդրանիկ Թևանյանի «պաշտպանյալի»` պետք է ասել, որ նա ապաշնորհ ու անխելք չէ:

Բայց ինձ այլ հարց հետաքրքրեց. Գրիգորի Հայրապետովի ստաժը ինչո՞ւ հընթացս «կրճատեց» սիրելի ժողվարչապետը:

Բանն այն է, որ Գրիգորի Հայրապետովը ոչ միայն Ռոբերտ Քոչարյանի, ապա նաև՝ Սերժ Սարգսյանի անվտանգության ապահովման պատասխանատուն է եղել, կամ՝ գլխավոր թիկնապահը: Գրիգորի Հայրապետովը դրանից առաջ էլ եղել է նախկին նախագահ Լևոն Տեր-Պետրոսյանի գլխավոր թիկնապահը: Կարճ ասած, մարդը 1991-ից ծառայության մեջ էր ու իր գործը հստակ էր անում, հակառակ դեպքում այդքան երկար՝ 28 տարի, 1991-ից մինչև 2018-ի հունիսը անմիջականորեն չէր զբաղվի ՀՀ ղեկավարների անվտանգության ապահովմամբ:

Նիկոլ Փաշինյանն էլ հրաշալի գիտեր, որ Լևոն Տեր-Պետրոսյանի նախագահ եղած ժամանակ էլ է Հայրապետովը նույն գործին եղել: Բայց միայն երկրորդ և երրորդ նախագահների մասին է խոսում: Այնպիսի տպավորություն է, որ Փաշինյանը ինչ-որ պատճառով խուսափում է Լևոն Տեր-Պետրոսյանի անունը տալուց: Նյարդայնանո՞ւմ է, ի՞նչ է:

Հա, ու բնականաբար, ասում է, որ սուտ է, ոչ մի նման բան Դուշանբեի վերելակում չի եղել, կամ որ լիներ էլ, հո ինքն ապաշնո՞րհ չէր, որ նման վկայի ներկայությամբ և այլն:

Էհ, ո՞վ էր ձեռքներդ բռնել. Գրիգորի Հայրապետովին աշխատանքից ազատելու որոշման հրապարակման հետ մի երկու բերան ասեիք՝ մարդը այսպես ու այսպես՝ երեք տասնամյակ ծառայել է պետությանը, գեներալ-մայորի կոչում ենք շնորհում ( ի դեպ, գեներալների մասին խոսելիս այս պահը նա մոռացավ, ասենք՝ ԱԱԾ նախկին տնօրեն Վանեցյանին գեներալական ուսադիրներ շնորհելու պահն էլ չհիշեց) և, շնորհակալություն հայտնելով, «գործուղում» վաստակած հանգստի: Սակայն գործող իշխանությունը, որ «նախկին կյանքում», ընդդիմադիր ժամանակներում ամեն ինչի վերաբերյալ պարզաբանում ու բացատրություն էր պահանջում, առանձնապես չի շտապում պարզաբանել ու բացատրել իր խնդրահարույց գործողությունները: «Ժողովրդական վստահության» բարձը երևի լավ էլ թմրեցնո՞ւմ է:

Իսկ ինչ վերաբերում է վերելակին, ավելի կոնկրետ՝ Դուշանբեում Ալիևի հետ հրադադարի ռեժիմը պահպանելու շուրջ «վերելակային պայմանավորվածությանը», արժե հիշեցնել հետևյալը: Այդ՝ «ոտքի վրա» իբր թե ձեռք բերված պայմանավորվածությամբ Հայաստանը, ի դեմս Նիկոլ Փաշինյանի, «ջրեց» ապրիլյան պատերազմից հետո կայացված Վիեննայի և Սանկտ Պետերբուրգի պայմանավորվածությունները՝ հրադադարի ռեժիմի խախտման հետաքննության մեխանիզմներ ներդնելու վերաբերյալ: Ադրբեջանը, որ չուզելով էր այդ պայմաններին համաձայնել, մի երկու բառ փոխանակելով, ազատվեց իրեն համար գլխացավանք հարցերից: Ու այնպես, որ արդեն շատ երկար ժամանակ ԵԱՀԿ ՄԽ համանախագահները չեն հիշատակում Վիեննայի և Սանկտ Պետերբուրգի պայմանավորվածությունները:

Հիմա դա խելքո՞վ, շնորհքո՞վ, թե «դուխո՞վ» արվեց, թո'ղ վերլուծաբանները մեկնաբանեն:

website by Sargssyan