Բնակ­տա­րած­քի օգ­տա­գործ­ման փոխ­հա­տուց­ման կար­գը ՀԱՍԱՐԱԿՈՒԹՅՈՒՆ
Ի՞նչ եկամուտներ ու միջոցներ ունի փրկարար ծառայության նորանշ... ՀԱՍԱՐԱԿՈՒԹՅՈՒՆ
«Մշա­կույ­թը պետք է դի­տար­կել որ­պես պե­տու­թյան տնտե­սու­թ... ՀԱՐՑԱԶՐՈՒՅՑ
«Իրա­կան, նվա­զա­գույն հնա­րա­վո­րու­թյուն­նե­րի բյու­ջե». ո... ՀԱՐՑԱԶՐՈՒՅՑ
Օպ­տի­մա­լաց­ման քո­ղի ներ­քո կա­ռա­վա­րու­թյունն ուռ­ճաց­նո... ՎԵՐԼՈՒԾԱԿԱՆ
Երևան, 13.Նոյեմբեր,
00
:
00
:
00
Փոխարժեք
478.65
$
560.79
ԵՄ-ի հետ հարաբերություններում մենք մեծ խնդիրներ չենք ունեցել եւ չունենք.Փաշինյանը՝ արտաքին քաղաքականության մասին Իտալիայում անբարենպաստ եղանակի պատճառով փակվել են դպրոցներն ու ճանապարհները Վարչապետ Փաշինյանը Փարիզում հանդիպում է ֆրանսահայ աշխարհիկ ու հոգեւոր կառույցների ղեկավարների հետ (ուղիղ) Գևորգ Ղազարյանը չի մասնակցի Հունաստանի և Իտալիայի դեմ հանդիպումներին Պատահականության էֆեկտի զոհերը ՊՍԺ-ն փոխարինող է գտել Մբապեին Ֆրանսիայում մահացել է գանգստերը, որի մասին նկարահանել են «Անմահը» ֆիլմը Մենք 10 մլն ծառ կտնկենք, եւ դա կլինի մեր ներդրումը կլիմայի փոփոխության դեմ պայքարում. Փաշինյան Երկվորյակ եղբայրները ծառայելու են տարբեր զորամասերում. երբ եղբոր կողքին չի ջերմությունը բարձրանում է, վատանում է Բակո Սահակյանը Անջեյ Կասպշիկիի հետ քննարկել է Արցախի եւ Ադրբեջանի զինված ուժերի շփման գծում տիրող իրավիճակից Բացահայտել է քրեակատարողական ծառայողների ներգրավմամբ թմրամիջոցների ապօրինի շրջանառության դեպք Ինչ է պատմում Ձեր մասին Ձեր ծննդյան թիվը. 100% համընկնում

Մետաղորսիչներ. ինչպես չհաջողվեց փրկել ԱՄՆ նախագահի կյանքը

Մետաղորսիչը (մետաղափնտրիչ, մետաղի դետեկտոր) էլեկտրական սարք է, որն ի վիճակի է հայտնաբերել մետաղից պատրաստված իրերը թույլ հաղորդող կամ չեզոք միջավայրում: 

Այն ի վիճակի է ցանկացած վայրում մետաղը հայտնաբերել՝ լինի դա հող կամ ջուր, պատ, փայտ, սնունդ, ուղեբեռ, հագուստ, կենդանու կամ մարդու մարմին և այլն: 

Այս սարքը օգտագործվում է նաև գանձեր որոնելու համար: Սա իրականում հուսալի և խիստ «խելացի» սարք է: 

Նախկինում մետաղորսիչներ օգտագործվել են հիմնականում զինված ուժերում և անվտանգության ոլորտում: Ժամանակակից մետաղորսիչները դարձել են կոմպակտ, քանի որ միկրոէլեկտրոնիկան և տեխնիկան շատ արագ են զարգանում, և դրանց կիրառման շրջանակները ներկայումս նկատելիորեն ընդլայնվել են: 

Մետաղորսիչը շատ ավելի հին պատմություն ունի, քան թվում է առաջին հայացքից: Այն սկսվում է 19-րդ դարի վերջին, երբ շատ ինժեներներ և գիտնականներ, իմանալով էլեկտրականության հիմունքները, փորձել են ստեղծել սարք, որի հիմնական գործառույթը մետաղի որոնումն է: Մետաղորսիչի ստեղծման հիմքերը դրվել է գերմանացի ֆիզիկոս Հենրիխ Վիլհելմ Դովեի կողմից 19րդ դարի երկրորդ կեսերին: Նրան հաջողվել է մշակել ինդուկցիոն հաշվեկշռի համակարգ, որի վրա էլ հիմնված է այս սարքի գործողության սկզբունքը: 

Այնուամենայնիվ, դրանից հետո տևական ժամանակ է պահանջվել պատմության մեջ առաջին մետաղորսիչը հայտնագործելու համար: 1881 թվականին Վաշինգտոնի երկաթուղային կայարանում Միացյալ Նահանգների քսաներորդ նախագահ Ջեյմս Գարֆիլդը ծանր վիրավորվել էր: 

Բժիշկները փորձել են հեռացնել փամփուշտը, բայց չեն կարողացել այն գտնել: Այդ ժամանակ իր օգնությունն է առաջարկում շոտլանդացի ֆիզիկոս Ալեքսանդր Գրեյհամ Բելլը: Մի քանի օրվա ընթացքում նա ստեղծում է աշխարհում առաջին մետաղորսիչը, որը գերազանց կերպով էր աշխատում Բելլի լաբորատորիայում, բայց հիվանդանոցում անզոր է գտնվում: 

Բանն այն է, որ վիրավոր նախագահը պառկած էր մետաղյա մահճակալի վրա, որն էլ խանգարում էր սարքին ճշգրտորեն աշխատել: Իսկ բժիշկները հրաժարվում էին հիվանդին տեղափոխել այլ մահճակալի վրա, ինչի արդյունքում էլ Գարֆիլդը մահացավ: 

Ալեքսանդր Բելլը 1882 թվականի օգոստոսին նկարագրել է իր մետաղորսիչը Գիտական զարգացման աջակցման ամերիկյան ասոցիացիայում: 1930 թվականին Միացյալ Նահանգներում դոկտոր Գերհարդ Ֆիշերը մշակել է ռադիոպելենգացիայի համակարգը, որը նախատեսված էր ավիացիայի համար (սա նույն մետաղորսիչն է, ուղղակի սարքը օդում է մետաղ՝ ինքնաթիռ հայտնաբերում): Այս համակարգը արդյունավետ էր նաև մետաղների որոնման համար գետնի վրա կամ ջրի մեջ: 

Դրա հետ կապված՝ ստեղծվում է մետաղորսիչի նոր տեսակ, որը անվանվել էր մետալոսկոպ և արտոնագրվել 1937 թվականին: Դրանից հետո Ֆիշերի՝ մետաղորսիչներ արտադրող ընկերությունը զբաղվում էր ռազմական պատվերների իրականացմամբ, ինչպես նաև արտադրում էր մետաղորսիչներ գանձերի որոնման համար: 

Ընկերությունը այսօր էլ շարունակում է մնալ այդ արտադրանքի առաջատար արտադրողը: 1930-ականներին մետաղորսիչների ստեղծման գործում ներգրավված էր նաև լեհ լեյտենանտ Յոզեֆ Կոզացկին: Իր առաջին սարքը նա ստեղծել է 1941 թվականին Մեծ Բրիտանիայում: 

Սարքը սկսել են արտադրել բրիտանական զորքերի կարիքների համար բավականաչափ մեծ քանակներով: Խորհրդային Միությունում առաջին մետաղորսիչը ստեղծվել է ինժեներ Կուդիմովի կողմից 1936 թվականին: Ավելի ստույգ՝ այդ սարքը կարելի է անվանել ականորսիչ, քանի որ Երկրորդ համաշխարհային պատերազմի տարիներին այն օգտագործվել է հենց ականների որոնման նպատակով: 

Պատերազմն ավարտվելուց հետո մետաղորսիչները սկսել են հասանելի դառնալ քաղաքացիական անձանց համար, ընդ որում՝ դրանք օգտագործվում են գանձեր որոնելու համար, որն էլ նպաստել է սիրողական հնագիտության մեջ մետաղորսիչների ժողովրդականության բարձրացմանը:

Նյութը հրապարակման պատրաստեց Past.am-ը

website by Sargssyan