ՊԱՏՄՈՒԹՅԱՆ ԱՅՍ ՕՐԸ (7 ՀՈՒԼԻՍԻ). Հայաստանում առաջին անգամ ներ... ՀԱՍԱՐԱԿՈՒԹՅՈՒՆ
«Պետք է փոխել մտածողությունը և հայեցակարգը. մարդը պետք է կրթ... ՀԱՐՑԱԶՐՈՒՅՑ
«Մեր հասարակությունը, որպես ընթերցող, բավականին սինթետիկ է» ՀԱՐՑԱԶՐՈՒՅՑ
Ինչո՞վ է «Հայոց եկեղեցու պատմություն» առարկան խանգարում իշխա... ՎԵՐԼՈՒԾԱԿԱՆ
Եթե սահմանադրական նորմերը իրական կյանքում ոչինչ չեն փոխում, ... ՎԵՐԼՈՒԾԱԿԱՆ
Երևան, 07.Հուլիս,
00
:
00
:
00
Փոխարժեք
478.65
$
560.79

Մենք 10 մլն ծառ կտնկենք, եւ դա կլինի մեր ներդրումը կլիմայի փոփոխության դեմ պայքարում. Փաշինյան

 

Կլիմայի փոփոխության դեմ պայքարում կարեւոր է այդ հարցով երիտասարդության իրազեկվածության բարձրացումը: Այս մասին Փարիզում ՅՈՒՆԵՍԿՕ-ի 40-րդ Գլխավոր կոնֆերանսի շրջանակում «Ուսման վերաիմաստավորումը» քննարկման ընթացքում հայտարարեց ՀՀ վարչապետ Նիկոլ Փաշինյանը:

 

«Չի կարելի ասել, թե մեր երիտասարդ սերունդը լիովին իրազեկված է կլիմայի փոփոխության մասին: Կարեւոր է իրազեկվածության բարձրացումը: Մեր երկրի բնակչությունը մոտ 3 մլն է, եւ 2020-ին մենք մտադիր ենք Հայաստանում 10 մլն ծառ տնկել: Դա կլինի կլիմայի փոփոխության դեմ պայքարում մեր ներդրումը»,- հայտարարեց նա:

 

 

Խոսելով երիտասարդության մասին՝ Փաշինյանը նշեց, որ Հայաստանում երիտասարդությունը լիովին ներգրավված է երկրում որոշումների ընդունման գործընթացին: «Մեր կառավարությունում կա նախարար, որը 27 տարեկան է: Մենք նաեւ երիտասարդ խորհրդարան ունենք»,- նշեց նա:

 

Փաշինյանը նշեց, որ կառավարությունն առաջին հերթին պետք է աշխատի տարբեր գյուղերում երեխաների համար հնարավորություններ ստեղծելու ուղղությամբ: «Մենք հեռահար ուսուցման որոշակի մեթոդների փորձարկման փուլում ենք գտնվել, եւ մենք նոր տեխնոլոգիաները կկիրառենք այդ նպատակի համար»,- հավելեց նա:

 

Նրա կարծիքով՝ կրթությունը բոլոր խնդիրների, ներառյալ կլիմայի փոփոխության խնդրի լուծման գլոբալ ռազմավորությունն է:

 

 

 

 

 

website by Sargssyan