Շա­հույթ ստա­նա­լու մա­սին չեն մտա­ծում, այս տար­վա առու­մով... ՏՆՏԵՍՈՒԹՅՈՒՆ
«Հու­սա­հա­տու­թյան մեջ պա­հե­լը, տագ­նա­պի մթնո­լորտ ձև­ա­վ... ՄՇԱԿՈՒՅԹ
«Գիրքը կարևոր արժեք ունի, այն կարող է մարդու ներաշխարհը փոխել» ՄՇԱԿՈՒՅԹ
ՊԱՏՄՈՒԹՅԱՆ ԱՅՍ ՕՐԸ (3 ՀՈՒԼԻՍԻ). Հա­յաս­տա­նի ֆուտ­բո­լի ֆե­դ... ՀԱՍԱՐԱԿՈՒԹՅՈՒՆ
Քա­ղա­քա­կա­նու­թյան ոլորտն արա­տա­վոր­վում է փո­խա­դարձ թշն... ՎԵՐԼՈՒԾԱԿԱՆ
Երևան, 06.Հուլիս,
00
:
00
:
00
Փոխարժեք
478.65
$
560.79
Արցախի ՊԲ հրամանատարը շնորհավորել է ծառայության անցնող զորակոչիկներին և համոզմունք է հայտնել, որ նրանք պատվով կկատարեն հայ ժողովրդի պահապանը լինելու բարձր առաքելությունը Իրանը բողոք է ներկայացրել ՄԱԿ-ի Միջազգային դատարան ընդդեմ ԱՄՆ-ի Պետական կաշառքից մինչև Սահմանադրական կարգի տապալում. ՍԴ շուրջ իրավիճակը 1 տարվա ընթացքում (տեսանյութ) Սեպտեմբերի 1-ից ևս մեկ նախակրթարան կգործի․ԿԳՄՍՆ Այսօր Նիկոլի ռեժիմը «պատերազմ» է հայտարարել ազգային ու ավանդական արժեքներին․ Շարմազանով Արթուր Վանեցյանը ընդդիմության համախմբման կենտրոնում Ուսուցիչների սոցփաթեթների մասին․ նոր որոշում Գագիկ Ծառուկյանի հավատամքը. եթե կան խնդիրներ, ապա կան նաև դրանք լուծելու բազում ճանապարհներ Հուլիսի 6-ին ամենամեծ քննությունն է՝ մաթեմատիկայից․ 47 քննական կենտրոնից գործելու է 46-ը Մենք ունենք նախ՝ պետական և ազգային ընդհանուր շահեր, նոր միայն անձնական Ուզում եմ հավատալ, որ Ազգային ժողովը չի գնա օրենքը վերանայելու ճանապարհով. Գեւորգ Դանիելյան ԲՀԿ նախագահ Գագիկ Ծառուկյանի շնորհավորական ուղերձը Սահմանադրության օրվա առթիվ Լիտվացի բժիշկների առաքելությունը Հայաստանում ավարտվեց (լուսանկարներ) Իրավական պետության կայացման ու պետության առողջացման համար կարևոր է «Մեկ Հայաստան» կուսակցության նախագահ Արթուր Ղազինյանի ջանքերը «Ինչ ունեն-չունեն հավաքեցին, բոխչաները դրեցին մեքենաների վրա ու վերադառնում են» Շփման գծում հրադադարը խախտվել է 200 անգամ

Ցանկացած այլ արդարացում կամ մեկնաբանություն պարզապես «կրուտիտի» ժանրից է

Մի քանի օր է՝ Ազգային ժողովի «Իմ քայլը» խմբակցության մի որոշ մասը ցնցումների մեջ է: Ի՞նչն է այսպես խաթարել «քայլողների» հոգեկան ու հոգեբանական անդորրը: 

Պարզվում է՝ գտնվել է մի պատգամավոր, որը հանդգնում է դեմ խոսել միասեռականներին, դեմ խոսել Հայաստանում դրանց հնարավոր ամուսնությանն ու երեխա որդեգրելուն: Ավելին, իրեն «թույլ է տվել» համապատասխան օրենքի նախագիծ ներկայացնել: 

Իսկ ի՞նչ պիտի անեին «սորոսականությունը» որպես ուղենիշ ընտրած, սեռափոխության մասին ֆիլմին 20 մլն դրամ տրամադրող, ազգային արժեքների, Հայ Առաքելական եկեղեցու, հայերենի ու հայագիտականի դեմ պայքարի ճանապարհով գնացող իշխանականները: 

Պարզ է՝ պիտի դեմ քվեարկեին նման օրենքի նախագիծը նույնիսկ օրակարգում ընդգրկելուն: Սակայն ամեն ինչ չավարտվեց դեմ քվեարկելով: 

«Քայլողները» ԱԺ ամբիոնը, Ֆեյսբուքը օգտագործելով՝ սկսեցին լուտանքներ թափել հանդուգն Գևորգ Պետրոսյանի հասցեին, «ձեռքի հետ», առիթն օգտագործելով հարձակվելով նաև ԲՀԿ-ի վրա, որովհետև փաստացի վերջինս մնացել է միակ ընդդիմադիր ուժը խորհրդարանում ու խանգարում է հանգիստ նիրհել իշխանության բերած անդորրի մեջ: 

Սակայն ամենացավալին «Իմ քայլը» խորհրդարանական խմբակցության այն պատգամավորների վիճակն է, որոնք իսկապես ազգային կեցվածք ունեն, արժանապատվություն ունեն, հոգու խորքում հասկանում են, որ իրենց թիմը, մեղմ ասած, անընդունելի ճանապարհով է գնում, սակայն պարտավոր են առաջ տանել թիմի քաղաքական գիծը: 

Վստահ ենք՝ նման մարդիկ քիչ չեն իշխող քաղաքական ուժի շարքերում, պարզապես անզոր են և, հաշվի առնելով իրենց բարոյական նկարագիրը, դեմ չեն գնում թիմին: 

Սակայն շուտով առաջ կգան հարցեր, որոնք պարզապես կլցնեն նաև այդ գործիչների համբերության բաժակը, քանզի իրենք այսօր էլ բացճակատ են շրջում երկրում և հաստատ չէին ցանկանա գլուխները կախ քայլել:

Իսկ մանիպուլ յացիաները, թե որևէ թեմայի մասին շատ խոսելով են հենց նպաստում այդ երևույթների տարածմանը, ուղղակի որևէ քննադատության չեն դիմանում: 

Այդ նույն հաջողությամբ, Նիկոլ Փաշինյանն ամեն օր խոսել է ու խոսում է կոռուպցիայի դեմ պայքարի անհրաժեշտության մասին, այլ հարցերի մասին: 

Կարո՞ղ ենք ենթադրել, որ դրանով նա էապես նպաստում է կոռուպցիայի և այլ արատավոր երևույթների տարածմանը: 

Ինչ վերաբերում է կոնկրետ Գևորգ Պետրոսյանին ու նրա անվան շուրջ շահարկումներին, ապա երեկ այս առումով ամփոփ պատասխանեց ԲՀԿ ղեկավար Գագիկ Ծառուկյանը՝ հասկացնելով, որ իր թիմը համաձայն է Պետրոսյանի հետ և թույլ չի տա որևէ հակաազգային, որևէ անբարո քայլ. 

«Հալալ է, ես Պետրոսյան Գևորգի ցավը տանեմ։ Մենք առաջին քրիստոնյա ազգն ենք։ 

Ընտանիք, սրբություն, եկեղեցի, Աստվածաշունչ։ Մեզ համար անընդունելի է, որ համասեռամոլները երեխա որդեգրեն և այդ երեխային դաստիարակեն։ 

Մենք ավանդական ազգ ենք, և մեր կուսակցությունում դա, Ծառուկյանից սկսած, անընդունելի է։ Ինչ ուզում են՝ թող ասեն։ Մենք հետամնաց ազգ ենք, չգիտեմ ինչ, մեզ համար դա անընդունելի է»,ասել է Ծառուկյանը:

Ի դեպ, բոլոր նրանց, որոնք այս թեմաների շուրջ փորձում են մանիպուլ յացիաներ անել՝ շեշտելով «հետամնացություն»-«ժամանակակից» բառախաղը, ուղղակի «մաստեր կլաս» է ցուցադրել «Մարդկային զարգացման միջազգային կենտրոն» ՀԿ նախագահ Թևան Պողոսյանը: 

«Ժամանակակիցը հիմա արդեն ավանդականն է։ 

Չե՞ք հավատում, հարցրեք Հայաստան այցելող հազարավոր բարեկեցիկ եվրոպացիներից ցանկացածից, թե ինչն է իրեն բերել մեր երկիր։ 

Ժամանակներն արագ են փոխվում։ Իսկ մենք, հաճախ, նախորդ ժամանակահատվածի մեր հավատամքով հետ ենք մնում: ... 

Հոգիս միշտ փառավորվում է Վիեննա-Երևան ավիաչվերթում, երբ արձանագրում եմ, որ սալոնի 80 տոկոսը հայեր չեն՝ իտալացի, ֆրանսիացի և գերմանացի տարեց զույգեր են։ Սա համաշխարհային զբոսաշրջության ոսկե սեգմենտն է։ 

Պրոֆեսիոնալները կհաստատեն։ Դուք կարծում եք՝ նրանք Երևան են գալիս Zara-ից գնումների կամ Jamiroquai-ի համերգին մասնակցելու համա՞ր։ 

Ոչ իհարկե։ 

Նրանք գալիս են հնագույն քաղաքակրթությանը հաղորդակից լինելու, մեր ազգայինը, ավանդականը յուրացնելու համար, մեր խոհանոցը համտեսելու ու մեր մշակույթը վայելելու համար։ Ահա թե ինչով ենք մենք հետաքրքիր աշխարհին։ 

Հայերենով, հայով, ազգայինով, ավանդականով։ Միայն։ Ժամանակակիցն այլևս ավանդականն է։ Մի՛ վախեցեք լինել ժամանակակից, տիկնայք և պարոնայք»:

 Ավելի ամփոփ ու ավելի խորքային դժվար է ասել: Այնպես որ, ցանկացած այլ արդարացում կամ մեկնաբանություն պարզապես «կրուտիտի» ժանրից է: 

ԱՐՍԵՆ ՍԱՀԱԿՅԱՆ

website by Sargssyan