Մեր երկիրը՝ բյուջետային զբոսաշրջության յոթ ուղղությունների շարքում
ՄԻՋԱԶԳԱՅԻՆnewsroom24.ru-ն «Զբոսաշրջային աշխարհի յոթ հրաշալիքները. Newsroom24-ը ընտրել է 2019 թվականի լավագույն ուղղությունները» վերնագրով հոդվածում գրում է.
«Բոլորը գիտեն, թե ինչ է նշանակում սահմանափակ բյուջե: Դա մի այնպիսի տխուր իրողություն է, որ ունենալով ցանկությունների մի ամբողջ ուղեբեռ՝ չկան հնարավորություններ դրանք իրականացնելու:
Որպես հետևանք, կարելի է հաշտվել դրա հետ և հերթական անգամ արձակուրդն անցկացնել տանը, բայց կարելի է նաև ընտրել արտերկրում արձակուրդն անցկացնելու այլընտրանքային ուղի: Ընդ որում, այնպես, որ ծախսերը քիչ լինեն, իսկ ուղևորությունից տպավորությունները՝ անմոռանալի:
Այդ նպատակով էլ Newsroom24-ը ընտրել է 2019 թվականի յոթ լավագույն և ոչ թանկ ուղղությունները: Բելառուսի մայրաքաղաք Մինսկում կարելի է ամբողջ երեք օր մնալ, որից հետո հետաքրքիր կլինի այցելել Բրեստի ամրոց, Բելովեժյե և Նարոչ լիճ:
Վրաստանը Կազբեկ, Ուշբա, Շխարա և այլ գեղատեսիլ լեռներն է, Աջարիայի և Բաթումի սևծովյան լողափները, հրաշք կովկասյան խոհանոցը և, իհարկե, անմահական վրացական գինին:
Հայաստանը աշխարհի հնագույն երկրներից մեկն է, և այնտեղ հնություններից և տեսարժան վայրերից մարդու շնչառությունն է կանգ առնում:
Այդ երկիրը կարելի է անվանել «քարերի երկիր»:
Չնայած Հայաստանը ծով չունի, բայց այնտեղ կան բազմաթիվ գեղատեսիլ լճեր, իսկ տեղի ձկնային տնտեսությունները բուծում են համեղ ստերլյադ և իշխան:
Ձմռանը հրաշք է լեռնադահուկային առողջարան Ծաղկաձորը, իսկ հնագույն Տաթևի վանական համալիր կարելի է հասնել ճոպանուղիով՝ հիանալով ոտքերի տակ փռված հրաշագեղ լեռնային տեսարաններով:
Ըստ Newsroom24-ի, բյուջետային զբոսաշրջության ուղղություններ են նաև Վիետնամը, Ինդոնեզիան, Թունիսը և Հնդկաստանը:
Կամո Խաչիկյան