Լիբանանի հայ համայնքի 11 զոհերը երկրի տարբեր շրջանների բնակի... ՀԱՍԱՐԱԿՈՒԹՅՈՒՆ
Խոշոր ու ողբերգական ավտովթար Լոռու մարզում. մահացածն ու 4 վի... ՀԱՍԱՐԱԿՈՒԹՅՈՒՆ
Կորոնավիրուսից մահացածների ու վարակակիրների թիվը՝ այսօրվա դր... ՄԻՋԱԶԳԱՅԻՆ
Պայթյունից ավերված Բեյրութը ցուցադրվել է թռչնի թռիչքի բարձրո... ՎԻԴԵՈ
Լիբանանի հայ համայնքում 11 զոհ կա. «Արևելք» ՀԱՍԱՐԱԿՈՒԹՅՈՒՆ
Երևան, 06.Օգոստոս,
00
:
00
:
00
Փոխարժեք
478.65
$
560.79
Ալյումինի գինն աճել է, պղնձինը՝ նվազել. գունավոր մետաղների գները՝ ըստ LME-ի Եվրոպական ինդեքսներն աճել են Կորոնավիրուսով ութ հիվանդներ մահացել են Հնդկաստանի հիվանդանոցում բռնկված հրդեհի հետեւանքով Մեծի Տանն Կիլիկիո Արամ Առաջին կաթողիկոսը հանդես է եկել համազգային զորակցության կոչով ՄԱԿ գլխավոր քարտուղարը համաշխարհային հանրությանը կոչ է արել վերացնել միջուկային զենքը Մարսելի մոտակայքում խոշոր հրդեհը ավելի քան հազար հեկտար տարածք է ոչնչացրել "Չտես փրկիչն" ու Արժեք ստեղծողը Կառավարությունը 278 միլիոն դրամ հատկացրեց Տավուշի սահմանամերձ գյուղերի վերականգնման համար Արմեն Սարգսյանը մեկնում է Տավուշի մարզ Արենի համայնքը կունենա նոր աղբատար մեքենա Բեյրութի աղետը՝ ֆոտոշարքով Նոր դատավոր է նշանակավել Ի՞նչ վիճակում է գտնվում հայազգի դիզայներ Գրիգոր Ջաբոտյանի արվեստանոցը Բեյրութում տեղի ունեցած պայթյունից հետո Մոսկվայում սահմանափակող միջոցները կպահպանվեն ևս մի քանի ամիս Կոտայքում 30-ամյա երիտասարդը կամրջից ցած է նետվել և տեղում մահացել Ռազմական ոստիկանության պետ նշանակվեց Ո՞ւր են անհետացել Ամուլսարի «պահապանները» Ամերիկյան ինդեքսներն աճել են Աբեղյանի անվան ինստիտուտը Հայոց լեզվի և գրականության ծրագրերն անընդունելի է համարում մեթոդական և թեմատիկ առումով

Բնակիչների բողոքը չի՞ հասնում վարչապետին. հինգշաբթի օրը ակցիա կկազմակերպեն կառավարության շենքի մոտ

Երևանի մի շարք տարածքներ տարիներ առաջ ճանաչվել են գերակա հանրային շահ։ Խոսքը Կոնդի, Սարի թաղի, Ֆիրդուսի, Եկմալան, Պուշկին, Բելյակով տարածքների մասին է։ 

Դրանց բնակիչները պարբերաբար իրենց բողոքի ձայնն են բարձրացնում կառավարության՝ տարիներ առաջ կայացրած որոշումների դեմ։ 

Նրանք դատարանների միջոցով ցանկանում են անվավեր ճանաչել կառավարության 2007 թվականի որոշումները, սակայն մինչ այժմ արդյունքի չեն հասել։ 

Դիմում են նաև պատկան մարմիններին, գրում դիմում-բողոքներ, նամակներ, սակայն ապարդյուն։ Ամիսներ առաջ «Փաստի» հետ զրույցում ԱԺ պատգամավորներ Արուսյակ Ջուլհակյանը և Վահե Էնֆիաջյանը նշել էին, որ տեղյակ են գերակա հանրային շահ ճանաչված տարածքների խնդրին, հանդիպում են բնակիչների հետ, քննարկումներ անցկացնում՝ խնդիրներին լուծում գտնելու նպատակով։ 

Խնդրին պատգամավորներն անդրադարձան նաև ԱԺ ամբիոնից։ Գերակա հանրային շահ ճանաչված տարածքների բնակիչներն անհամբեր են՝ ցանկանում են օր առաջ տեսնել իրենց մտահոգող խնդրի լուծումը։

 Բնակիչներից մի քանիսը «Փաստի» հետ զրույցում նշեցին, որ հինգշաբթի օրը հավաքվելու են կառավարության շենքի մոտ։ 

Ընդհանուր զրույցների, քննարկումների արդյունքում եկել են այն եզրահանգման, որ իրենց դիմում-բողոքները չեն հասնում վարչապետ Նիկոլ Փաշինյանին՝ ճանապարհին որոշակի արգելքների հանդիպելով։ 

«Փաստը» մեկտեղել է բնակիչների տեսակետներն այս հարցի շուրջ և ներկայացնում է ընթերցողներին։ 

Բելյակով փողոցի բնակիչ Արմինե Գյուլգյուլյան

Երկար ժամանակ է, ինչ պայքարում ենք գերակա հանրային շահ ճանաչելու որոշման դեմ։ Հեղափոխությունից հետո բազմիցս դիմել ենք վարչապետին։ 

Վերջերս զրուցում էինք այլ տարածքների բնակիչների հետ, որոնք նույնատիպ խնդիր ունեն և հասկացանք՝ նույն պատկերն է նաև նրանց մոտ. վարչապետին ուղղված դիմումները գնում են քաղաքապետարան, իսկ հետո բնակիչները ստանում են ստանդարտ պատասխաններ։ 

Եկել է մի շրջան, երբ էլ չենք ուզում վարչապետին դիմում գրել, որովհետև հասկանում ենք, որ պարոն Փաշինյանին ուղղված բողոք-դիմումները, կարծես թե, տեղ չեն հասնում։ Հիմա ուզում ենք հասկանալ՝ վարչապետը տեղյա՞կ է, որ քաղաքացիները բազմիցս դիմել են կառավարությանը և պատասխան չեն ստացել։ 

Գալիս է մի շրջան, երբ հիասթափվում ես կառավարությունից և նրանց աշխատելաոճից։ 

Տպավորություն է, որ շարունակվում է նախկին աշխատելաոճը, ինչի հետևանքով կտրվում է կապը կառավարության և բնակչի միջև, որովհետև մեր խնդրի լուծումները չենք տեսնում։ 

Մտածում ենք՝ գուցե միտումնավո՞ր է արվում, որ բնակիչների բողոքը վարչապետին չի հասնում։

Ֆիրդուսի փողոցի բնակիչ Աշոտ Քոչարյան

Տասներկու տարի է՝ պայքարում ենք գերակա հանրային շահ ճանաչելու որոշման դեմ։ 

Առայժմ այս ուղղությամբ կատարված որևէ քայլ կառավարության կողմից չենք տեսնում։ Կառավարությունը 2018 թվականի մարտի 22-ին որպես ժառանգություն ևս մեկ որոշում թողեց, որը 12 տարի առաջ կայացված որոշման շարունակությունն էր։ 

Այժմ էլ դատական գործընթացների մեջ ենք։ Կարծում եմ, որ մեր նամակները ոչ մի տեղ չեն հասնում։ 2018 թվականի մայիսին դիմում ենք կազմել, Ֆիրդուսի փողոցի 60 բնակիչ այն ստորագրել է, մինչև հիմա այդ նամակն ընթացքի մեջ է, բացեք E-gov.am կայքը և ինքներդ համոզվեք։ 

Մեր առաջարկները փոխանցել ենք նաև Ազգային ժողով, բայց առայժմ որևէ փոփոխություն չենք տեսնում։ 

Կառավարությունը մեզ ոչինչ չի պատասխանում, չենք կարողանում որևէ բան հասկանալ։ 12 տարի է՝ կարծես պատանդի կարգավիճակում լինենք։ Կարող ենք տունը վաճառել, սակայն ո՞վ կգնի՝ իմանալով, որ սա իրացման գոտի է։ 

Կոնդի բնակիչ Նաիրա Երեմյան

Ամիսներ շարունակ դիմում ենք թե՛ կառավարությանը, թե՛ քաղաքապետարանին։ Մեջտեղի օղակը, որը պետք է տեղեկատվությունը նորմալ հասցնի իր նպատակին, այն է՝ վարչապետին, միտումնավոր տեղեկատվությունն արգելափակում է։ 

Կոնդի բնակիչներով բողոքի ակցիա կազմակերպեցինք կառավարական առանձնատան մոտ, և նոր միայն մեր ձայնը տեղ հասավ։ Բայց ամեն անգամ չենք կարող գնալ առանձնատների մոտ ակցիա կազմակերպել մեր ձայնը լսելի դարձնելու համար։ 

Մեր այն կարծիքը, որ բնակիչների դիմում-բողոքները տեղ չեն հասնում, գնալով հիմնավորվում է։ 

Կոնդում վիճակը սարսափելի է, տներ կան, որտեղ անգամ սանհանգույց, կոմունալ հարմարություններ չկան, այս խնդրին պետք է հնարավորինս շուտ լուծում տալ։ 

Ասել եմ, նորից եմ կրկնում՝ մենք մեր պետության թշնամին չենք, ուզում ենք միայն խնդիրներին լուծում տրվի։

ԼՈՒՍԻՆԵ ԱՌԱՔԵԼՅԱՆ

website by Sargssyan