ՊԱՏՄՈՒԹՅԱՆ ԱՅՍ ՕՐԸ (13 ԴԵԿՏԵՄԲԵՐԻ)․ Հա­յաս­տա­նում տե­ղի են ... ՀԱՍԱՐԱԿՈՒԹՅՈՒՆ
Ին­չո՞ւ «մեզ մոտ ան­ձեռնմ­խե­լի­ներ չկան» թե­զի­սի առ­կա­յու... ՄԻՋԱԶԳԱՅԻՆ
Պաշտ­պան ունե­նա­լն ար­դյո՞ք նաև պար­տա­կա­նու­թյուն է ՀԱՍԱՐԱԿՈՒԹՅՈՒՆ
Արցախում ընտրությունների մրցակցայնությունն ապահովված է ՔԱՂԱՔԱԿԱՆ
Կո­րուստ­նե­րը ջրա­մա­տա­կա­րար­ման հա­մա­կար­գում 50-ից 80 ... ՀԱՍԱՐԱԿՈՒԹՅՈՒՆ
Երևան, 13.Դեկտեմբեր,
00
:
00
:
00
Փոխարժեք
478.65
$
560.79
ԱԳՆ արձագանքը՝ Մամեդյարովի վերջին հարցազրույցին ՈՒղիղ. Լազարևյան ակումբի երևանյան նիստը շարունակվում է Դոլարի փոխարժեքը նվազել է Միլանում բացվել է «Լեոնարդոյի նոր պակերասրահները» ցուցահանդեսը Կուզեի՝ ներկայիս իշխանությունները մի քիչ զուսպ ապրեին. Րաֆֆի Հովհաննիսյան Տան պայթյունից տուժել է 25 մարդ Հետո չասես, որ չեմ զգուշացրել․ Աշոտյանը՝ Փաշինյանին ՈՒՂԻՂ. ԱԳՆ խոսնակ Աննա Նաղդալյանի ճեպազրույցը Ռուբեն Հայրապետյանի տան խուզարկությունն ավարտվեց. Մենք մամուլի համար լրացուցիչ հայտարարությամբ հանդես կգանք. փաստաբան Մետրոպոլիտենում չարաշահումների ծավալը կազմել է 1.2 մլրդ. ՊՎԾ Հայաստանում ոչ մի հեղափոխություն էլ չի եղել. Ռուս քաղաքագետ Մի հատ սամալյոտ են գտել, մի հատ տանկ, մի քանի հատ էլ Bentley ու BMW. Ռուբեն Հայրապետյան « Սկզբում մտածեցի, որ երեխան չի դիմանա թռիչքին, բայց ...». Սիլվա Հակոբյանը Կրեմլի դահլիճում հանդես է եկել դստեր` Միլայի հետ

Ձեռնոց. դաստակներին կապած պարկիկներից մինչև դիզայներական գլուխգործոցներ

Ձեռնոցները ոչ միայն ցուրտ եղանակին հագուստի անհրաժեշտ տարր են, այլ նաև դեկորացիա, որը կարող է ընդգծել այն կրողի էլեգանտությունը, ինչպես նաև պատմել նրա զբաղմունքի և հոբբիների մասին: 

Նույնիսկ հանրահայտ Բալզակն է սոցիալական օրենքները և սովորույթները նկարագրող իր գործերում գրել դրանց մասին, որպես այդ ամենը արտահայտող երևույթ: Զգեստապահարանի այս տարրը նվաճել է աշխարհը՝ դառնալով կանանց և տղամարդկանց հագուստի անփոխարինելի պարագա: 

Ձեռնոցների տեսականին զարմանալիորեն բազմազան է` ժանյակազարդ, մետաքսյա, կաշվե, մետաղական և այլն: Ձեռնոցների պատմության ամենահին հիշատակությունը առկա է եղել Թութանհամոնի գերեզմանում: 

Հին եգիպտացիների մոտ ձեռնոցները ասոցացվել են ազնվականության և զորության հետ: Բնականաբար, բացի կարգավիճակի մասին «խոսելուց», ձեռնոցները նաև պաշտպանել են ձեռքի մաշկը տարբեր ազդեցություններից, ինչը, ընդհանուր առմամբ, հենց նրանց հիմնական գործառույթն է:

 Ձեռնոցներն ի սկզբանե եղել են դաստակներին կապած պարկիկներ: Եվ միայն որոշ ժամանակ անց են ստացել մեզ ներկայումս ծանոթ տեսքը, որտեղ այդ պարկից առանձնացվել է բութ մատի տեղը: Ժամանակին ձեռնոցները գործնականում չէին հանվում ձեռքերից՝ դրանցով աշխատում էին, ուտում, կռվում և այլն:

 Ասպետության պատմությունը հատուկ ազդեցություն է ունեցել ձեռնոցների օգտագործման վրա: 

Օրինակ՝ դիմացինի վրա ձեռնոց նետելը նշանակել է մենամարտի մարտահրավեր (այստեղից էլ՝ «ձեռնոց նետել» արտահայտությունը), կամ պարզապես արժանապատվությունը վիրավորելու միջոց: 

Եթե ասպետը սիրելի կնոջից որպես նվեր ստացել է ձեռնոց, ապա նա այդ նվերն ամրացրել է գոտուն և պահել որպես թալիսման: 12-րդ դարի վերջում և 13-րդ դարի սկզբներին ի հայտ են եկել ձեռնոցագործներ: 

Դա եղել է շատ հարգված և պատվաբեր մասնագիտություն: 

Այս գործին մասնակցում է նույնիսկ Լեոնարդո դա Վինչին, որն ստեղծել է ձեռնոց լողալու համար, սակայն նրա այդ գաղափարը չի արմատավորվել: 

Քանի որ ըստ վարվելակարգի կանոնների, արարողությունների կամ ձեռքսեղմումների ժամանակ հաճախ անհրաժեշտ էր ձեռնոցները հանել, մարդիկ սկսել են այն պահել գոտիների տակ: 

Հետագայում ձեռնոցագործ վարպետների ուշադրությունը տեղափոխվել է դեպի զգեստապահարանի այս տարրի պատրաստմանը թույլ սեռի համար: 

Եվ այդ ժամանակվանից կանայք են դարձել այս ապրանքի հիմնական գնորդները: 

Վերածննդի և բարոկկոյի ժամանակներում գոյություն է ունեցել կանանց շքեղ ձեռնոցների անհավատալի բազմազանություն՝ ասեղնագործություններով, ժապավեններով, թանկարժեք քարերով, ժանյակներով, թանկարժեք ատլասից և թավշյա գործվածքներից պատրաստված ձեռնոցներ: 16-րդ դարում Կայսրուհի Եղիսաբեթ Առաջինի շնորհիվ նորաձև են դարձել կանանց երկար ձեռնոցները, որոնք սովորաբար հագնում էին կարճաթև զգեստների հետ: Ժամանակի հետ ձեռնոցների արտադրությունը դարձել է ավելի ու ավելի բարդ գործընթաց, և նույնիսկ եղել են արտադրության հատուկ գաղտնիքներ:

 Տղամարդկանց շրջանում ձեռնոցների ժողովրդականությունը վերսկսվել է Նապոլեոն Բոնապարտի միջոցով, որն իր զգեստապահարանում ունեցել է հագուկապի այս տեսակի մի ամբողջ հավաքածու՝ բաղկացած ավելի քան 240 զույգից: 19-րդ դարում գրեթե յուրաքանչյուր մարդ ձեռնոց էր կրում: 

Այն դարձել էր «ջենթլմենի հավաքածուի» անփոխարինելի տարր, սակայն ձեռնոցները ավելի կարճ էին և առանց լրացուցիչ զարդերի: 

Այսօր ձեռնոցների նորաձևությունն իր պատմության նոր փուլի է անցել, քանի որ ժամանակակից դիզայներները առաջարկում են տարբեր ոճերի և նյութերի, ինչպես նաև որոշակի վայրերում և իրադրություններում անհրաժեշտ ձեռնոցների տարբերակներ: 

Ներկայումս ձեռնոցների այնքան շատ մոդելներ կան, որ նույնիսկ այն մարդկանց համար, որոնք պարզապես ցանկանում են ձեռքերը տաք պահել, առաջարկվում է համապատասխան դիզայներական գլուխգործոց:

Նյութը հրապարակման պատրաստեց Past.am-ը

website by Sargssyan