Մենք շոուբիզնես չենք, այստեղ չի կարելի կիսատաղանդ լինել. Եվգենի Պետրոսյան

ИНТЕРВЬЮ 27 Ноябрь, 2019 12:41

Օրեր առաջ Երևանում էր երգիծաբան Եվգենի Պետրոսյանը:

Ռուսաստանաբնակ մեր հայրենակիցը երկու օր` նոյեմբերի 20-ին և 24-ին մենահամերգով ելույթ ունեցավ Արամ Խաչատրյան համերգասրահում:

«Փաստ» օրաթերթի լրագրողը զրուցել է ազգությամբ հայ, ՌԽՖՍՀ ժողովրդական արտիստի հետ:

-Վաղո՞ւց չէիք եղել Հայաստանում:

Երեք թե չորս տարի առաջ էի եկել, մշակութային պատվիրակության հետ:

Դեռ այն ժամանակ մտադրություն կար հյուրախաղով հանդես գալ Երևանում, սակայն միայն այժմ ստացվեց:

Կազմակերչական հարցերով զբաղվել է «Դոմ Մոսկվի» մշակութագործարարական կենտրոնի տնօրեն Վահրամ Կարապետյանը, որի աշխատանքի շնորհիվ երկու օր հնարավորություն ունեցա շփվել այդքան սպասված հայ հանդիսատեսի հետ:

-Ի՞նչ թեմայի շրջանակներում էին համերգները:

-Ամենատարբեր թեմաների շուրջ` սկսած մեզ հանդիպող կենցաղային մանրուքից մինչև կյանքի այլ ոլորտներ: Կարևորը՝ հանդիսատեսը լիաթոք ծիծաղի, հետո լրջանա, մտածի, եզրահանգումներ անի քո բարձրաձայնած խնդրի մասին, որի վրա միասին ուրախացել էին:

-Իսկ Դուք ինչի՞ վրա եք ծիծաղում:

Իմ տարիքի: Իմ հումորները ծնունդ են առնում ժողովրդի առօրյա կյանքից:

Հիսուն տարի է՝ բեմում ծերացել եմ հանդիսատեսի առաջ ու հիմա համարձակ տարեցներին հանդիպող խնդիրները վեր եմ հանում, որ լուծում տրվի:

Պետք է հպարտորեն նշեմ, որ Կովկասում հատուկ հարգալից վերաբերմունք կա տարիքով մեծահասակների հանդեպ, ավանդույթներ կան, որոնք պահպանվում են:

-ՌԴ- ում ո՞վ է Ձեր հանդիսատեսը:

-Իմ մի քանի համերգի ժամանակ սոցհարցում էին իրականացրել, և պարզվել էր , որ նրանք ամենատարբեր մասնագիտությունների և տարիքի մարդիկ էին, երևի 20-ից մինչև ...

-Համացանցով շա՞տ են դիտում Ձեզ:

-Համացանցը հումորիստի համար դժբախտություն է: Այն արտիստին զրկում է հանդիսատեսի հետ կենդանի շփումից:

Դու բեմից կարիք ունես լսել, զգալ քեզ համար դահլիճ եկածին:

Չէ՞ որ պիտի նրանց շունչը զգաս, ծիծաղը լսես, որպեսզի գնահատված լինես: Արտիստն ապրում է՝ իր էմոցիաները տալով ու ստանալով:

-Երիտասարդների մեջ Ձեզ փոխարինողներ կա՞ն:

-Մենք շոուբիզնես չենք, այստեղ կիսատաղանդ լինել չի կարելի, այս ժանրը դա չի հանդուրժի:

Հումորիստը, երգիծաբանը չպետք է համատեղ շոումեն ու երգիչ լինի: Ես սպասում եմ ինձ փոխարինողին նոր սերնդից, ով հատուկ տաղանդով հումորիստ դերասան կլինի:

Մենք շո­ու­բիզ­նես չենք, այս­տեղ չի կա­րե­լի կի­սա­տա­ղանդ լի­նել. Եվ­գե­նի Պետ­րո­սյան

Մենք շոուբիզնես չենք, այստեղ չի կարելի կիսատաղանդ լինել. Եվգենի Պետրոսյան