ՊԱՏՄՈՒԹՅԱՆ ԱՅՍ ՕՐԸ (3 ԴԵԿՏՄԲԵՐԻ). Հայաստանում անցկացվել է «Մանկական Եվրատեսիլ» մրցույթը, հայտարարվել է սառը պատերազմի ավարտի մասին
ՀԱՍԱՐԱԿՈՒԹՅՈՒՆՏՈՆԵՐ
Հաշմանդամների միջազգային օր, Ռուսաստան՝ Փաստաբանի օր, Անհայտ զինվորի օր:
ՀԱՅ-ՀԱՅԱՍՏԱՆ
1842 –ծնվել է արևմտահայ վիպասան Սրբուհի Տյուսաբը։
1842 - ծնվել է լեզվագետ, թարգմանիչ Մեսրոպ Նուպարյանը։
1864 - ծնվել է գրող Լևոն Մանվել յանը:
1896 - ծնվել է հեղափոխական, կուսակցական ու պետական գործիչ Ավիս Նուրիջանյանը:
1900 - Փարիզում սկսել է լույս տեսնել ֆրանսերեն «Pro Armenia» երկշաբաթաթերթը։
1915 - ծնվել է գրող Սերո Խանզադյանը:
1920- ստորագրվել է Ալեքսանդրապոլի հաշտության պայմանագիրը Հայաստանի և Թուրքիայի միջև, որով Հայաստանն ունեցել է տարածքային ծանր կորուստներ։
1941- Երևանում կազմավորվել է 89-րդ հայկական հրաձգային դիվիզիան՝ գնդապետ Սիմոն Զաքյանի հրամանատարությամբ:
1958 - Երևանի կայարանամերձ հրապարակում տեղի է ունեցել «Սասունցի Դավիթ» արձանի հանդիսավոր բացումը։
1961– ծնվել է քաղաքական գործիչ, հրապարակախոս, Հայաստանի ազգային հերոս Մովսես Գորգիսյանը:
1990– վախճանվել է ճանաչված երգչուհի Վալյա Սամվելյանը:
2007- Հայաստանը ձեռք է բերել 1998 թվականի արտադրության «Էյրբաս» Ա-319 ինքնաթիռ, որը նախատեսվել է շահագործել ներկայացուցչական նպատակներով՝ մինչ այդ օգտագործվող՝ 1977 թվականի արտադրության Տու-134 ինքնաթիռի փոխարեն:
2010- Երևանի մարզահամերգային համալիրում ելույթ է ունեցել համաշխարհային երգարվեստի մեծագույն դեմքերից մեկը` Պլասիդո Դոմինգոն:
2011- Մարզահամերգային համալիրում կայացել է մանկական «Եվրատեսիլ-2011»-ը:
2015-Երևանի Ազատության հրապարակում անցկացվել է «Ոչ»-ի ճակատի ուժերի (սահմանադրական հանրաքվեին ոչ ասելու) հանրահավաք, տեղադրվել են վրաններ շուրջօրյա հանրահավաքներ կազմակերպելու համար:
2018- «Իմ քայլը» դաշինքը, ի դեմս Փաշինյանի, խոստացել է «հայտնի կոռուպցիոներներից» պետությանը վերադարձնել 2,5 միլիարդ դոլար:
ԱՇԽԱՐՀ
1586 —առաջին անգամ Կոլումբիայից Անգլիա է բերվել կարտոֆիլ:
1596 —ծնվել է լարային երաժշտական գործիքների հանրահայտ իտալացի վարպետ Նիկոլո Ամատին: 1755 - ծնվել է ամերիկացի գեղանկարիչ Ջիլբերտ Ստյուարտը:
1800 -Գոգենլինդենի (Բավարիա) ճակատամարտում ֆրանսիական գեներալ Մորոն ջախջախել է ավստրիացիներին:
1810 -Անգլիան Ֆրանսիայից հետ է վերցրել Մավրիկիան:
1818– Իլինոյսը դարձել է ԱՄՆ-ի 21-րդ նահանգը:
1883– ծնվել է ավստրիացի կոմպոզիտոր Անտոն Վեբերնը:
1919– վախճանվել է ֆրանսիացի նշանավոր նկարիչ, իմպրեսիոնիստ Օգյուստ Ռենուարը:
1948– ծնվել է բրիտանացի երգիչ, «Բլեք Սաբաթ» խմբի համահիմնադիր Օզզի Օսբորնը:
1966 -մոսկովյան Կրեմլի պատերի տակ թաղել են անհայտ զինվորի մասունքները:
1967–Քեյփթաունի (ՀԱՀ) Գրուդ Շուդ հոսպիտալում պրոֆեսոր Քրիստիան Բերնարդը իրականացրել է սրտի փոխպատվաստման առաջին վիրահատությունը. մահացու վիրավոր 25-ամյա կնոջ սիրտը փոխպատվաստվել է 55-ամյա հիվանդին:
1971 - սկսվել է երրորդ հնդկա-պակիստանյան պատերազմը:
1984– Հնդկաստանի Բհոպալ քաղաքի պեստիցիդների Union Carbide քիմիական գործարանում տեղի ունեցած վթարի ժամանակ մեթիլիզոցիանիդի արտահոսքի արդյունքում 3000 մարդ է զոհվել:
1989 -ԽՍՀՄ ղեկավար Գորբաչովը և ԱՄՆ-ի նախագահ Ջորջ Բուշը հայտարարել են, որ իրենց երկրները այլևս չեն հանդիսանում հակառակորդներ. այդ օրը համարվում է «սառը պատերազմի» ավարտի օր:
1991 - լուծարվել է ԽՍՀՄ ՊԱԿ-ը:
1992 - ուղարկվել է առաջին SМS հաղորդագրությունը:
1997– Կանադայի մայրաքաղաք Օտտավայում 133 պետությունների կողմից ստորագրվել է համաձայնագիր հակահետևակային ականների չօգտագործման մասին:
1999 -Երկրորդ չեչենական պատերազմի ժամանակ ռուսական զորքերը գրավել են Չեչնիայի՝ մեծությամբ երրորդ քաղաքը՝ Արգունը: