ՊԱՏՄՈՒԹՅԱՆ ԱՅՍ ՕՐԸ (29 ՀՈՒՆՎԱՐԻ) Հայաստանի առաջին օմբուդսմեն... ՀԱՍԱՐԱԿՈՒԹՅՈՒՆ
Ծուռ հարվածների սինդրոմը. երբ գնդակը նշանառելով մեկ գնդապարկ... ՄԻՋԱԶԳԱՅԻՆ
Առաջարկվում է ստեղծել անկախության երաշխիքներով օժտված հակակո... ՀԱՍԱՐԱԿՈՒԹՅՈՒՆ
Վարակային ո՞ր հիվանդությունների թիվն է աճել և որո՞նք են նվազ... ՀԱՍԱՐԱԿՈՒԹՅՈՒՆ
«Քրոնիկ հիվանդության շրջանում ենք. իրական հաջողություններ դե... ՀԱՐՑԱԶՐՈՒՅՑ
Երևան, 30.Հունվար,
00
:
00
:
00
Փոխարժեք
478.65
$
560.79

Կհստա­կեց­վի գույ­քա­հար­կի ար­տո­նու­թյուն­նե­րից օգտ­վող զին­ծա­ռա­յող­նե­րի շրջա­նա­կը

Պաշտպանության նախարարությունն իրավական ակտերի նախագծերի հրապարակման միասնական կայքում հանրային քննարկման է ներկայացրել «Գույքահարկի մասին» ՀՀ օրենքում փոփոխություններ կատարելու նախագիծը։ 

Օրենքի նախագծի համաձայն, հստակեցվում են պարտադիր զինծառայության մեջ գտնվող, գույքահարկի արտոնությունից օգտվող՝ հետուսումնական պայմանագրային զինծառայության մեջ գտնվող անձանց շրջանակը, համապատասխան շահառուների համար գույքահարկի արտոնության իրավունքի դադարեցման հիմքերը:

 Նախագծի հիմնավորման մեջ նշվում է, որ դրա ընդունման անհրաժեշտությունը պայմանավորված է զինվորական ծառայությունը կարգավորող և 2017-ի դեկտեմբերին ուժի մեջ մտած «Զինվորական ծառայության և զինծառայողի կարգավիճակի մասին» ՀՀ օրենքում օգտագործվող ձևակերպումները «Գույքահարկի մասին» օրենքում իրացնելու և գույքահարկի արտոնություն ունեցող զինծառայողների շրջանակը հստակեցնելու հանգամանքով: 

Նախարարությունը տեղեկացնում է, որ «Զինվորական ծառայության և զինծառայողի կարգավիճակի մասին» ՀՀ օրենքի 5-րդ հոդվածի 3-րդ և 4-րդ մասերի համաձայն՝ պարտադիր զինվորական ծառայությունը զինված ուժերում և այլ զորքերում զորակոչի միջոցով կազմակերպվող ծառայությունն է: 

Պարտադիր զինվորական ծառայության ժամկետը սահմանվում է` շարքային կազմի համար` 24 ամիս, այս օրենքի 26-րդ հոդվածի 5-րդ մասում նշված անձանց համար` 3 տարի, պահեստազորի սպայական կազմի համար` 24 ամիս, պարտադիր զինվորական ծառայություն չանցած և ռազմաուսումնական հաստատություններ ընդունված անձանց համար` ռազմաուսումնական հաստատությունում ուսումնառության ժամկետով: 

Նախագծում նշված են օրենսդրական բազմաթիվ ձևակերպումներ, որոնք վերաբերում են զինծառայողների կարգավիճակին:

 Նշվում է, որ օրենքի վերը նշված ձևակերպումները՝ պարտադիր զինծառայություն և հետուսումնական պայմանագրային զինվորական ծառայություն անցնող զինծառայողների մասով, որոշակիորեն տարբերվում են «Գույքահարկի մասին» օրենքի 15-րդ հոդվածի 2-րդ մասում սահմանված ձևակերպումներից, չնայած որ նշված օրենքի համապատասխան դրույթները վերաբերում են նման կարգավիճակ ունեցող զինծառայողներին: 

Արդյունքում երկու օրենքների շրջանակներում կարգավիճակի (զինվորական ծառայության տեսակի) առումով նույն շահառուներին վերաբերող տարբեր ձևակերպումները խնդիրներ են առաջացնում գույքահարկի արտոնությունների կիրառման գործընթացում: 

Ընդգծվում է, որ օրենքի ընդունումը կապահովի գույքահարկի արտոնություններից օգտվող զինծառայողների շրջանակի հստակ ընկալումը և այդ իրավունքի իրացման գործընթացն առանց խոչընդոտների: 

Գործող «Գույքահարկի մասին» ՀՀ օրենքով ամրագրված է, որ ծառայության ընթացքում գույքահարկից ազատվում են ՀՀ միջազգային պայմանագրերով դաշնակից երկրների, ինչպես նաև Հայաստանի Հանրապետության զինված ուժերում և այլ զորքերում պարտադիր ժամկետային զինվորական ծառայության մեջ գտնվող անձինք` 

1.սեփականության իրավունքով իրենց պատկանող գույքահարկով հարկվող օբյեկտ համարվող` հասարակական և (կամ) արտադրական նշանակության շինություն չհանդիսացող շենքերի և շինությունների և (կամ) փոխադրամիջոցների մասով, 

2.ընդհանուր բաժնային սեփականության իրավունքով իրենց պատկանող` գույքահարկով հարկվող օբյեկտի դեպքում հարկվող օբյեկտի իրենց բաժնի մասով, 

3. ընդհանուր համատեղ սեփականության իրավունքով իրենց պատկանող գույքահարկով հարկվող օբյեկտի մասով, եթե մյուս համասեփականատերերն անչափահաս կամ անաշխատունակ անձինք են: 

Պարտադիր ժամկետային ծառայության ժամկետի ավարտից հետո գույքահարկից ազատվում են նաև Հայաստանի Հանրապետության զինված ուժերում և այլ զորքերում ծառայություն անցած` ռազմաուսումնական հաստատություններն ավարտած անձինք` հասարակական և (կամ) արտադրական նշանակության շինություն չհանդիսացող մեկ շինության մասով, որի հարկման բազան չի գերազանցում 40 մլն դրամը և մեկ փոխադրամիջոցի մասով, որի հարկման բազան չի գերազանցում 150 ձիաուժը: 

Նշենք, որ վերջին շրջանում գույքահարկի բարձրացման թեման հանրության ուշադրության կենտրոնում է: 

Դեռևս հունիսի 20-ին կառավարությունը հավանություն տվեց «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» ՀՀ օրենքի նախագծին, իսկ սեպտեմբերին էլ ԱԺ-ն հավանություն տվեց օրինագծին: Ահազանգ է հնչեցվում, որ գույքահարկի բարձրացումը կավելացնի քաղաքացիների սոցիալական բեռը: 

ԼՈՒՍԻՆԵ ԱՌԱՔԵԼՅԱՆ

website by Sargssyan