ՊԱՏՄՈՒԹՅԱՆ ԱՅՍ ՕՐԸ (27 ՓԵՏՐՎԱՐԻ)․ Ուսա­նող­նե­րը Մա­տե­նա­դա... ՀԱՍԱՐԱԿՈՒԹՅՈՒՆ
Հա­սա­րա­կա­կան դիս­կուր­սում ար­դեն իսկ հոգ­նա­ծու­թյուն է ... ՄԻՋԱԶԳԱՅԻՆ
Ավելի շատ վնա՞ս, թե՞ օգուտ. փոքր ՀԷԿ-երի խնդի­րը՝ փոր­ձա­գետ... ՀԱՐՑԱԶՐՈՒՅՑ
«Օրենք­ներն անհ­րա­ժեշ­տու­թյուն են, այս­տեղ խնդիրն այլ է». ... ՀԱՐՑԱԶՐՈՒՅՑ
Ֆեյս­բու­քյան էջե­րով ապ­րանք պատ­վի­րե­լու հե­տև­ան­քը.քա­ղ... ՀԱՐՑԱԶՐՈՒՅՑ
Երևան, 27.Փետրվար,
00
:
00
:
00
Փոխարժեք
478.65
$
560.79
Ամերիկացի գիտնականները կորոնավիրուսի դեմ պատվաստանյութ են մշակել Հայտնի են չորս մարդու մահվան պատճառ դարձած ավտոպատահարի հանգամանքներն ու իրական մեղավորը Երևանի փոքր կենտրոնում գործում է նոր և գերժամանակակից ավտոկայանատեղի Երևանում ծեծի են ենթարկվել «Ծիրան» սուպերմարկետի անվտանգության աշխատակիցները Հայաստանում իրականացվել է նոր կորոնավիրուսի ախտորոշման 95 հետազոտություն. ԱՆ Շաբաթվա հորոսկոպ․ ի՞նչ է սպասվում կենդանակերպի նշաններին՝ փետրվարի 3-ից 10-ը Մեկ օրում բացահայտվել է 82 հանցագործություն. ընտանեկան բռնության 4 դեպք է եղել Գարնանային արձակուրդի օրերը և տևողությունը՝ Արայիկ Հարությունյանի հրամանի համաձայն 20-ամյա երիտասարդը հայտնաբերվեց հանցանքի վայրում. Նրա մոտ գտել են գողացված մետաղադրամները Կառավարությունը միլիոնավոր դոլարների ներդրումային ծրագիրն անտեսում է. պատճառը ոչ պրոֆեսիոնալ մոտեցումն է Ինչպես է ձևավորվում ատելության խոսքը Երևանում 2020-ին ճանապարհատրանսպորտային պատահարները նվազել են Վիճաբանության ժամանակ դանակահարել էր եղբորը. Հարվածել է ազդրին, քթին. Նաեւ պատռվել է հոնքը Կորոնավիրուսը «քթի տակ». Մեղրիում փոքր - ինչ անհանգստություն կա Գրանցվել Է կորոնավիրուսով վարակման առաջին դեպքը ՊԱՏՄՈՒԹՅԱՆ ԱՅՍ ՕՐԸ (27 ՓԵՏՐՎԱՐԻ)․ Ուսա­նող­նե­րը Մա­տե­նա­դա­րա­նի մոտ տո­նել են իրենց հաղ­թա­նա­կը Եւս մեկ պատգամավոր է վարակվել կորոնավիրուսով

Մեծ պատմություն՝ փոքր քաղաքում. մեկ օրում 3 գեղեցկության սրահ են թալանել

Past.am

Արդեն 2 օր է, «Պետերյան» գեղեցկության սրահը չի աշխատում: Սրահի տնօրեն Հակոբ Պետերյանը 168.am-ի հետ զրույցում պատմում է, որ դեկտեմբերի 3-ի լույս 4-ի գիշերը, ժամը 3-5-ն ընկած սահմանում մի տղա մտել է իրենց սրահ ու գողացել՝ ինչ կարողացել է:

 

«Երեկ գիշերը հավաքարարը գալիս է, որ դուռը բացի, մտնի գործի, զանգում է ինձ՝ ասում, որ դուռն արդեն բաց է, այսինքն՝ գողություն է եղել, ու չի մտնում: Ես զանգում եմ Ոստիկանություն, իջնում եմ սրահ, աշխատակիցներն են գալիս, ու տեսնում ենք, որ լիքը բան է գողացված: Տարածքից կորել է նոութբուք, կոսմետոլոգիական սարքեր, ախտահանման ապարատուրաներ, մատնահարդարի սարքերը, գումար, ամեն ինչ գողացել է»,- ասաց Հակոբ Պետերյանը:

Տնօրենի խոսքով՝ գողը դեպքի վայրում մնացել է մոտ մեկ ժամ, 3000 դոլարի կորուստ են ունեցել: Տեսախցիկները սրահ մտած մարդու դեմքը ֆիքսել են, նա առանց դիմակի է եղել: Ոստիկանությունը հանցագործության մեջ կասկածվող անձին գտել է, սակայն նա ժխտել է իր մասնակցությունը:

«Չի խոստովանում: Ասում է՝ ես չեմ գողացել, բայց ապրանքը չկա: Ոստիկանությունից ասում են, որ 3 ժամից ավելի պահել չեն կարող, բաց են թողնելու: Այսինքն՝ նա կարող է նորից գալ և մտնել: Ասում են՝ դիմեք Արդարադատության նախարարություն, Ազգային ժողով, կամ վարչապետ Նիկոլ Փաշինյանին»:

Հակոբ Պետերյանը 2014-ին է Սիրիայից Հայաստան եկել, արդեն 2 տարի փոքր բիզնես է հիմնել և աշխատում է: Ասում է՝ շատ առաջարկներ ունի արտերկրից, բայց չի գնում, իր գործն այստեղ է:

«Այսպես չի կարող շարունակվել, արդեն 3-4 անգամ իմ տարածք մտել են: Եթե այսպես շարունակվի, կարող է տարածքից դուրս կամ, կարող է առհասարակ Հայաստանից դուրս գամ: Գողություն է տեղի ունենում, ու ոչ մի հետևանք»:

Երկու օր է՝ աշխատակիցները հաճախորդներին խնդրում են չգալ: Դժգոհում են՝ Ամանորի նախաշեմին, երբ գրանցված շատ հաճախորդներ ունեն, սարքավորումներ չունեն, որ աշխատեն, չգիտեն էլ՝ ումի՞ց պահանջել: Ամենամեծ կորուստը դիմահարդար Անուշ Հակոբյանն է կրել: Գողացել են իր՝ 1500 դոլարի տեխնիկան:

«Ամբողջովին գողացել են դեմքի մաքրման շատ թանկարժեք սարքեր: Կանգնել ենք փաստի առաջ, անգործ նստած ենք: Երեկվանից «դեդեկտիվ-դեդեկտիվ» ենք խաղում: Գնում ենք հարևաններից խնդրում ենք իրենց տեսախցիկների ձայնագրությունները, տեսնում ենք, որ մեքենա է կանգնել այստեղ ժամը երեքին, նկարն ենք ուղարկում, ֆոտոռոբոտ ենք հանում: Այս ամենը ներկայացնում ենք Ոստիկանություն, ասում են՝ եթե անգամ գտնենք իրեն, դա փաստ չէ, որ ձեր ապրանքը կկարողանանք վերադարձնել, նա կարող է ասել, որ վաճառել է ոմն Պողոսի»:

Պարզվում է՝ «Պողոսին» էլ գտնել հնարավոր չէ, Ոստիկանությունից ասել են՝ գողության մեջ կասկածվողը կարող է պնդել, որ չի ճանաչում, պատահական անցորդ է եղել:
Մեր նկարահանման ժամանակ գեղեցկության սրահում էին նաև Ոստիկանության աշխատակիցներ, հարցերին պատասխանել հրաժարվեցին, ասացին, որ ամեն բան աշխատակիցներին և տնօրենին արդեն ասել են:

«Մեզ հոգեպես պատրաստում են, որ ապրանքը ետ չենք ստանալու: Տեսախցիկները ֆիքսել են, որ հանցագործը սկզբից տարածք է մտնում գլխարկով, հետո անգամ գլխարկն է հանում, այսինքն՝ նա այդքան վստահ է իր գործողությունների վրա, իրեն հետաքրքիր չէ, որ տեսախցիկներն իրեն նկարահանում են, դուրս է գալիս, ներս է գալիս, նայում է տեսախցիկներին: Ես երեկ ավելի մեծ աշխատանք եմ արել, քան Ոստիկանությունը: Ասում են՝ եթե անգամ ասի, որ ինքն է արել, գործը կգնա դատարան, հիմնականում իրենց սնանկ են ճանաչում, հույս չկա, որ ձեր ապրանքը կվերադարձնեն»,- ասաց Անուշ Հակոբյանը:

Աշխատակիցները Ոստիկանությանը խնդրել են ապահովել իրենց սրահի անվտանգությունը, պատասխանել են, որ գողը երկրորդ անգամ նույն տեղը չի մտնի: Դեկտեմբերի 4-ի լույս 5-ի գիշերն արդեն 3 հոգի նորից մտել են «Պետերյան» գեղեցկության սրահ, այս անգամ, սակայն, ոչինչ չեն գողացել: Փոխարենը՝ տեսախցիկները ֆիքսել են, որ գողության մեջ կասկածվողները գնացել են փողոցի մյուս մայթին գտնվող «AH» իմիջ ստուդիա: Տնօրեն Աննա Հովսեփյանը պատմում է, որ ինքը ևս ավելի քան 3000 դոլարի վնաս է կրել:

«Պահանջում եմ իրավապահ մարմիններից, որ գտնեն գողություն անողներին, հատուցեն իմ վնասը: Գողացել են հեռուստացույց, գումար, նյութեր, որոնք շատ թանկ արժեն: Տեսախցիկ չունեմ, պատկերացում չունենք, թե ո՞վ է տարել»:

Չնայած տեսախցիկներ չկան, բայց Աննա Հովսեփյանը վստահ է, որ գողություն անողները նույն մարդիկ են եղել, ինչ «Պետերյան» գեղեցկության սրահինը: Ավելի մեծ գողություն է եղել «Աիդա Մելքոնյան» գեղեցկության սրահում: Ասում են՝ կրել են ավելի քան 15.000 դոլարի կորուստ:

ՀՀ ոստիկանության ԶԼՄ-ների հետ կապի լրատվության և վերլուծության բաժնի պետ Զարզանդ Գաբրիելյանը 168.am-ի հետ զրույցում հաստատեց՝ Ավագ Պետրոսյան փողոցում գտնվող երկու գեղեցկության սրահներից էլ ահազանգ ստացել են, վնասի չափը պարզվում է, նախապատրաստվում են նյութեր:
«Աիդա Մելքոնյան» գեղեցկության սրահում կատարված գողության ահազանգի մասին ցանցում տեղեկություն դեռ չկա:

 

website by Sargssyan