ՈւՂԻՂ․ ՀՀ ՊՆ ներկայացուցիչ Արծրուն Հովհաննիսյանի ասուլիսը ՀԱՍԱՐԱԿՈՒԹՅՈՒՆ
Ստեփանակերտը քիչ առաջ հերթական անգամ հրթիռակոծվեց. ներում չի... ՀԱՍԱՐԱԿՈՒԹՅՈՒՆ
Մարտունին եւ Ստեփանակերտը ռմբակոծվում են. տեղեկատվական կենտր... ՀԱՍԱՐԱԿՈՒԹՅՈՒՆ
Ոչնչացվել է հակառակորդի հատուկ նշանակության խոշոր ստորաբաժան... ՀԱՍԱՐԱԿՈՒԹՅՈՒՆ
Կարեւոր. զգուշանալ ադրբեջանական տեսանյութերից ու լուսանկարնե... ՀԱՍԱՐԱԿՈՒԹՅՈՒՆ
Երևան, 24.Հոկտեմբեր,
00
:
00
:
00
Փոխարժեք
478.65
$
560.79
Փաշինյանը Քոչարյանի դիմաց պայմաններ է դրե՞լ. «Հրապարակ» Նոր կադրեր՝ հարավային ուղղությամբ ջախջախված հակառակորդի զինտեխնիկայից (տեսանյութ) Հակառակորդը չի հասնելու Արցախի լիարժեք գրավման. Արծրուն Հովհաննիսյան (տեսանյութ) ՍՈՒ 30-ները սահմանափակ ծավալով, բայց կիրառվում են․ ՊՆ Տեսախցիկը ֆիքսել է Ստեփանակերտի հրթիտակոծությունը. տեղեկատվական կենտրոնը տեսանյութ է հրապարակել Կրեմլում չգիտեն՝ Ղարաբաղի հարցում ինչ առաջընթացի մասին է խոսել Թրամփը «Պիտի ապրենք». Արցախի երեխաների խաղաղության կոչը համայն աշխարհին՝ երգի միջոցով (տեսանյութ) Ասկերանի շրջանի Ավետարանոց համայնքի հրետակոծության հետևանքով մեկ խաղաղ բնակիչ վիրավորվել է Թշնամական ուժերի ոչնչացումը. Արցախի ՊԲ-ի տեսանյութը Հռոմի պապը հայտնվել է կորոնավիրուսով վարակման ռիսկի ներքո ՀՀ ՊՆ. Շեխեր բնակավայրն իր հարակից անտառներով գրեթե ամբողջությամբ մաքրվել է թշնամուց Վաղվանից քարտեզով կներկայացվի որոշակի տեղեկություններ՝ պատերազմի դաշտում տիրող իրավիճակից. Արծրուն Հովհաննիսյան Լարվածությունը պահպանվում է. հիմնական մարտերն ընթանում են օջախային. Արծրուն Հովհաննիսյան Շփման գծում կրակի խտությունը թուլացել է պատերազմի առաջին օրերի համեմատ Հայկական ԶՈւ-երն այսօր հաջողություններ են գրանցել. հակառակորդը զգալի կորուստներ է կրել Ինչ իրավիճակ է ռազմաճակատում․ Արծրուն Հովհաննիսյանը մանրամասներ ներկայացրեց Պոմպեոն կոչ է արել վերջ տալ բռնությանը Լեռնային Ղարաբաղում ՈւՂԻՂ․ ՀՀ ՊՆ ներկայացուցիչ Արծրուն Հովհաննիսյանի ասուլիսը Բաքվի վերջնանպատակն է բնաջնջել Արցախի բնիկ ժողովրդին. ՀՀ ԱԳ նախարարը՝ Շվեյցարիայի գործըկերոջը Ստեփանակերտը քիչ առաջ հերթական անգամ հրթիռակոծվեց. ներում չի լինելու. Վահրամ Պողոսյան

«Սա­հա­կյանց» ստու­դի­ա­յի պատ­մու­թյու­նը «վար­կա­բե­կիչ ապա­ցույց­ներ» հայ­թայ­թե­լու պատ­մու­թյուն­նե­րի շար­քից է

rossaprimavera.ru-ն «Գտել են «վարկաբեկում». Փաշինյանը, Սորոսը և ԼԳԲՏ-ն պայքարում են հայկական մուլտֆիլմերի դեմ» վերնագրով հոդվածում գրում է, որ Հայաստանի մշակույթի վաստակավոր գործիչ Դավիթ Սահակյանցը Facebook-ի իր էջում հայտարարել է, որ Ռոբերտ Սահակյանցի անվան մուլտիպլիկացիայի ստուդիային «կոռուպցիոն» մեղադրանքներ են առաջադրվել, որը աբսուրդ է, դա Հայաստանի նոր իշխանությունների կողմից իրականացվող քաղաքական հետապնդում է: 

Իր բաց նամակում մեծ մուլտիպլիկատոր Ռոբերտ Սահակյանցի որդին պատմել է անիմացիոն ստուդիայի կայացման պատմությունը: 

Իսկ դա սկսվել է 2009 թվականից, և սկսած այդ պահից մինչև 2018 թվականը ստուդիան աջակցություն է ստացել պետությունից, որի շնորհիվ էլ հնարավոր է դարձել նկարահանել Հայաստանի պատմության մեջ առաջին լիամետրաժ մուլտիպլիկացիոն ֆիլմը՝ «Անահիտը», իսկ 2015 թվականից սկսել է նկարահանվել երկրորդ լիամետրաժ կինոնկարը՝ «Օլիմպիկոսը»: 

Սակայն 2019 թվականին այդ նախագծի ֆինանսավորումը դադարեցվել է: 

Դավիթն իր նամակում պատմել է, որ նոր իշխանությունը փորձում է մեղադրել ստուդիային կոռուպցիայի մեջ, մասնավորապես այն մասով, որ ստուդիային տրվել է աստղաբաշխական գումար՝ 1 միլիոն 200 հազար դոլար: 

Սակայն միջազգային պրակտիկան ցույց է տալիս, որ մեկ լիամետրաժ ֆիլմի համար պետք է ամենաքիչը երկու տարի և 4 միլիոն դոլար: Իսկ ահա հայկական ստուդիան երկու լիամետրաժ ֆիլմի վրա ծախսել է ընդամենը 1 200 000 դոլար, այն էլ՝ 9 տարում: 

Սովորական թվային հաշվարկը ցույց է տալիս, որ այդ ամբողջ գումարը հիմնականում ծախսվել է 25 մուլտիպլիկատորների աշխատավարձերի վրա, այն էլ՝ ընդամենը յուրաքանչյուրին ամսական մոտ 150 000 դրամի սահմաններում: 

Ըստ մուլտիպլիկատորի գրառման, նոր իշխանությունների տրամաբանությամբ, ահա, այդկերպ իրենք այնպես են սնանկացրել երկիրը, որ ներկայիս «թավշյա» իշխանությունը ոչ մի կերպ չի կարողանում բարելավել «նոր» Հայաստանի քաղաքացիների աղքատ կյանքը: 

Նամակում Դավիթ Ռոբերտովիչը ուղղակի հայտարարում է, որ Սահակյանց ընտանիքի դեմ իրականացվում է կազմակերպված ակցիա: 

ԶԼՄ-ները արշավ են սկսել անիմացիոն ստուդիայի դեմ, և դատելով ամեն ինչից՝ կառավարությունն ուղղակի ցուցում է տվել իրեն ենթակա մեդիադաշտին՝ կանգ չառնել ոչնչի առաջ և հաշվի չառնել ոչինչ, ընդ որում՝ անգամ խախտելով բարոյականության և քաղաքավարության բոլոր կանոնները: 

Վերջում տաղանդավոր մուլտիպլիկատորը հայտարարել է, որ անկախ խանգարելուն ուղղված բոլոր ջանքերից՝ «Օլիմպիկոս» լիամետրաժ մուլտիպլիկացիոն ֆիլմը նկարահանվելու է: 

Նշենք, որ դադարեցնելով Սահակյանց ստուդիայի ֆինանսավորումը՝ պետությունը միաժամանակ ֆինանսավորել է ԼԳԲՏ համայնքին վերաբերող այլ նախագիծ, և դա առաջին սկանդալը չէ այդ համայնքի պետական քարոզչության պատճառով: 

Երկար տարիներ Երևանում «Ոսկե ծիրան» կինոփառատոնը փորձել է առաջ մղել այդ թեմայով ֆիլմեր, բայց հասարակական բողոքների պատճառով և այն ժամանակվա իշխանությունների միջամտության շնորհիվ նման ֆիլմերը արգելվել են: 

«Թավշյա հեղափոխությունից» հետո իշխանության են անցել հակազգային ամեն ինչի անկեղծ լոբբիստները, իսկ փառատոնում ոչ միայն ցուցադրվել, այլ նաև «Արծաթե ծիրան» մրցանակն է ստացել տրանսգենդեր կնոջ կյանքի մասին պատմող՝ ԼԳԲՏ քարոզչությամբ լեցուն մի վավերագրական ֆիլմ (25+), որը վրդովմունք է առաջացրել հայ հասարակության շրջանում:

 Որպես Հայաստանի կինեմատոգրաֆիստների միության նախագահ Հարություն Խաչատրյանի վարած քաղաքականության դեմ բողոքի նշան՝ վաստակավոր նկարիչ, անիմատոր Դավիթ Սահակյանցը և նրա մայրը՝ հայտնի կինոռեժիսոր Ռոբերտ Սահակյանցի կինը, ռեժիսոր Յուլիա Սահակյանցը, դուրս են եկել Հայաստանի կինեմատոգրաֆիստների միությունից: 

Հիշեցնենք նաև, որ « Օլիմպիկոս » անիմացիոն ֆիլմը, որի վրա ներկայումս աշխատում է ստուդիան, պատմում է հնագույն ժամանակների մասին, երբ Հունաստանում անցկացվող օլիմպիական խաղերի ժամանակ Հայաստանի թագավորը շահել է բռնցքամարտի մրցույթը: Ֆիլմն ունի պատմական հիմք և պատմում է երկրի անցյալի մասին: 

Այնուամենայնիվ, Հայաստանի նոր իշխանությունները նախընտրել են ֆիլմ նկարահանել այլ թեմայով՝ պատմել տրանսգենդեր մարզիկի մասին, որը Հայաստանի հավաքականին կանգնեցրել է դոպինգ սկանդալի առաջ, ապա փոխել է հայկական քաղաքացիությունը հոլանդականով: 

Այդ կինոնկարը ամբողջությամբ ներծծված է ԼԳԲՏ անթաքույց գովազդով: Սակայն հարկ է ընդգծել, որ նոր իշխանությունների վարած քաղաքականությանը չեն աջակցում հայաստանյան մեծ թվով հասարակական-քաղաքական ուժեր, ինչպես նաև շարքային քաղաքացիները: 

Արդեն շաբաթներ շարունակ ՀՅԴ երիտասարդ ակտիվիստները պիկետներ և հավաքներ են անցկացնում՝ պահանջելով Հայաստանի կրթության, գիտության, մշակույթի և սպորտի նախարար Արայիկ Հարությունյանի հրաժարականը: Ինքը՝ Փաշինյանը, պատասխանել է ուսանողների պահանջներին բացարձակ ծիծաղելի ձևով: 

Ըստ նրա, «այն մարդը, որի մասին խոսում եք (տրանսգենդեր մարզիկի) երեք անգամ դարձել է Եվրոպայի չեմպիոն, և նրա շնորհիվ Եվրոպայում հայկական դրոշը երեք անգամ բարձրացվել է, և հնչել է օրհներգը, և հիմա ֆինանսավորվում է ֆիլմի այն հատվածը, որտեղ խոսք է գնում չեմպիոնի մասին»:

 Հայաստանում մարդիկ արդեն կատակում են՝ ասելով, որ շուտով օրինականացվելու է նաև «կես հղիությունը»: Երկրում նաև չեն դադարում Փաշինյանին անցանկալի քաղաքական գործիչների անօրինական ձերբակալություններով սկանդալները:

 Հատկապես վրդովմունք է առաջացնում Ռոբերտ Քոչարյանի կալանքը: Երկրի մեծ թվով ուժեր պաշտպանում են Արցախի հերոս և Հայաստանի երկրորդ նախագահ Ռոբերտ Քոչարյանին: Մեծ թվով հայտնի քաղաքական և մշակութային գործիչներ ստորագրել են դիմում ՝ Քոչարյանին անհապաղ ազատ արձակելու պահանջով: Ստորագրահավաքը իրականացվել է ամբողջ Հայաստանում և Արցախում:

 Ի պատասխան՝ Փաշինյանը հանձնարարել է վարկաբեկիչ նյութեր հավաքել այդ բողոքի տակ ստորագրած բոլոր նշանավոր անհատների վրա: 

«Սահակյանց» ստուդիայի պատմությունը «վարկաբեկիչ ապացույցներ» հայթայթելու պատմությունների շարքից է: Իսկ «վարկաբեկիչ ապացույցների» լցոնումն իրականացրել է «Իրազեկ քաղաքացիների միություն» տխրահռչակ այն կազմակերպությունը, որը տարիներ շարունակ ֆինանսավորվել է «Սորոսի» հիմնադրամի կողմից:

Կամո Խաչիկյան

 

website by Sargssyan