Շա­հույթ ստա­նա­լու մա­սին չեն մտա­ծում, այս տար­վա առու­մով... ՏՆՏԵՍՈՒԹՅՈՒՆ
«Հու­սա­հա­տու­թյան մեջ պա­հե­լը, տագ­նա­պի մթնո­լորտ ձև­ա­վ... ՄՇԱԿՈՒՅԹ
«Գիրքը կարևոր արժեք ունի, այն կարող է մարդու ներաշխարհը փոխել» ՄՇԱԿՈՒՅԹ
ՊԱՏՄՈՒԹՅԱՆ ԱՅՍ ՕՐԸ (3 ՀՈՒԼԻՍԻ). Հա­յաս­տա­նի ֆուտ­բո­լի ֆե­դ... ՀԱՍԱՐԱԿՈՒԹՅՈՒՆ
Քա­ղա­քա­կա­նու­թյան ոլորտն արա­տա­վոր­վում է փո­խա­դարձ թշն... ՎԵՐԼՈՒԾԱԿԱՆ
Երևան, 05.Հուլիս,
00
:
00
:
00
Փոխարժեք
478.65
$
560.79
Ուսուցիչների սոցփաթեթների մասին․ նոր որոշում Գագիկ Ծառուկյանի հավատամքը. եթե կան խնդիրներ, ապա կան նաև դրանք լուծելու բազում ճանապարհներ Հուլիսի 6-ին ամենամեծ քննությունն է՝ մաթեմատիկայից․ 47 քննական կենտրոնից գործելու է 46-ը Մենք ունենք նախ՝ պետական և ազգային ընդհանուր շահեր, նոր միայն անձնական Ուզում եմ հավատալ, որ Ազգային ժողովը չի գնա օրենքը վերանայելու ճանապարհով. Գեւորգ Դանիելյան ԲՀԿ նախագահ Գագիկ Ծառուկյանի շնորհավորական ուղերձը Սահմանադրության օրվա առթիվ Լիտվացի բժիշկների առաքելությունը Հայաստանում ավարտվեց (լուսանկարներ) Իրավական պետության կայացման ու պետության առողջացման համար կարևոր է «Մեկ Հայաստան» կուսակցության նախագահ Արթուր Ղազինյանի ջանքերը «Ինչ ունեն-չունեն հավաքեցին, բոխչաները դրեցին մեքենաների վրա ու վերադառնում են» Շփման գծում հրադադարը խախտվել է 200 անգամ Այսօր Հայաստանում նշվում է Սահմանադրության օրը ԱՄՆ-ն աշխարհը թողել է առանց դեղորայքի Հաստատվել է կորոնավիրուսի 706 նոր դեպք, առողջացել են 451-ը, մահացել է 7 պացիենտ

Ինչո՞ւ և ինչպե՞ս ստեղծվեց կատապուլտը

Կատապուլտը կամ հայերեն քարընկեցը պաշարողական ռազմական սարք է, որը նախատեսված է ամրությունների վրա քարեր կամ տեգեր նետելու կամ ուղղակի հարվածներ հասցնելու համար: 

Ընդ որում, ցանկացած նետող մեքենա, որը կրակում է քարերով, նիզակներով կամ նետերով, նշագրվում է հունական տերմինով և անվանվում կատապուլտ: 

Հին հռոմեացի հեղինակները կատապուլտներին տվել են «Tormentum» անվանումը (փաթաթող): Կարծիք կա, որ կատապուլտներ են պատկերված մ.թ.ա. 9-րդ դարի Նեմրուդի ասորական քարանկարներում: 

Սակայն այնտեղ միայն աղեղային տեխնիկայի նկարներ են: Աստվածաշունչը կատապուլտի գյուտը վերագրում է մ.թ.ա. 8-րդ դարում ապրած հրեական Ուզի թագավորին: 

Սակայն համարվում է, որ հեղինակները նկարագրել են ավելի ուշ շրջանի զենքեր: Պատմության մեջ առաջին կատապուլտները սկսել են օգտագործվել մեր թվարկությունից առաջ 5-րդ դարում Հին Հունաստանում, ապա մինչև մեր թվարկության 15-րդ դարը դրանք օգտագործվել են Եվրոպայի բոլոր երկրներում: Դիոդորը կատապուլտի գյուտը վերագրում է մ.թ.ա. 399 թվականին, երբ Սիրակուզայի բռնակալ Դիոնիսիոս 1-ինը հավաքել է արհեստավորների, որպեսզի նրանք ստեղծեն նոր զենք: 

Դիոնիսիոսը լավ վարձատրում էր արհեստավորներին, կոչումներ շնորհում և հյուրասիրում, իսկ նրանք ի պատասխան ստեղծում են տարբեր տեսակի քարանետներ, զենք ու զրահ և նոր տիպի հզոր առագաստանավեր: 

Իսկ արդեն մ.թ.ա. 397 թվականին Դիոնիսիոսի բանակը կատապուլտների օգնությամբ հարվածում է Կարթագենի նավերին և զգալի վնասներ պատճառում: 

Հին կատապուլտները գործել են կամ աղեղի (բալիստա և կարիճ) սկզբունքով կամ կենտրոնախույս ուժի սկզբունքով: Կարիճը եղել է նետերով կրակելու ոչ մեծ սարք: 

Բալիստան նույնի ավելի մեծ տեսակն է եղել: Կենտրոնախույս ուժի սկզբունքով գործող կատապուլտներն օգտագործվել են միջնադարում պաշարումների ժամանակ միայն: «Պարսատիկային պարկի» մեջ, որը կցվել է երկար լծակի վերջին, գունդ կամ քար է դրվել, իսկ նույն լծակի կարճ ծայրին ամրացվել են հակակշիռները:

 Լծակի երկար ծայրը հակաքաշի ազդեցությամբ գործողության մեջ դնելիս կենտրոնախույս ուժի արդյունքում իրականացվել է կրակոց: 

Ընդ որում, կրակելիս գունդը կամ քարը կարող է հասնել մի քանի հարյուր մետր հեռավորության վրա գտնվող իր նշանակետին: Կատապուլտների պատմության մեջ եղել է նաև մեկ այլ նետող մեքենա, որը կոչվել է օնագրա, և որն օգտագործվել է հին հռոմեացիների և հույների կողմից: 

Այն աշխատել է նույն կենտրոնախույս ուժի օգտագործման սկզբունքով, իսկ այն գործողության մեջ դնող ուժը եղել է ոչ թե հակակշիռը, այլ ոլորված նյութի (մազեր, կաշի, ջիլերը և այլն) առաձգականությունը:

 Այն ժամանակներում առանց օնագրայի հնարավոր չի եղել գրավել որևէ պաշտպանված ամրոց կամ բերդ: Դրանց միջոցով հնարավոր է եղել քարեր և բռնկվող հեղուկով լի տակառներ նետել: 

Եվս մեկ այլ զենքի տեսակ, որով կրակոցն իրականացվել է նյութի առաձգականության էներգիայի շնորհիվ, կոչվել է կարբալիստա: 

Կարբալիստան ունեցել է երկու փոկ և երկու լծակ: Այս զենքի մեջ նետվող առարկան եղել է նիզակը, որին նետման էներգիա հաղորդել է երկու լծակներին միացած աղեղը: Լծակների օգնությամբ իրականացվել է աղեղի լարում: 

Հռոմեական բանակը լայնորեն օգտագործել է կարբալիստան մեր դարաշրջանից առաջ 3-րդ դարում ինչպես ծովային, այնպես էլ ցամաքային մարտերի ժամանակ, քանի որ կատապուլտի այդ տեսակը իդեալական է նիզակներ և տեգեր նետելու համար:

website by Sargssyan