«Սպայկա»-ին պատկանող 1.5 մլն դոլարի գյուղմթերքը 15 օր ճանապա... ՀԱՍԱՐԱԿՈՒԹՅՈՒՆ
«Դարոինկ»-ի մենեջերի մոտ կորոնավիրուս է հայտնաբերվել․ նա շփո... ՀԱՍԱՐԱԿՈՒԹՅՈՒՆ
Հայաստանում կորոնավիրուսով վարակվելու 34 նոր դեպք է հաստատվե... ՀԱՍԱՐԱԿՈՒԹՅՈՒՆ
ՌԴ-ում գտնվող ՀՀ քաղաքացիների վերադարձի համար ապրիլի 6-ին կկ... ՀԱՍԱՐԱԿՈՒԹՅՈՒՆ
Ստացվել են կորոնավիրուսի դեմ պատվաստանյութի փորձարկման առաջի... ՄԻՋԱԶԳԱՅԻՆ
Երևան, 05.Ապրիլ,
00
:
00
:
00
Փոխարժեք
478.65
$
560.79
Այսօր Հայ Առաքելական Սուրբ Եկեղեցին տոնում է Ծաղկազարդը Վրաստանում կորոնավիրուսի հետևանքով մահվան 2-րդ դեպքն է գրանցվել Բագրատունյաց պողոտայում պոկվել են շենքի պատշգամբի քարերը (Տեսանյութ) Կորոնավիրուսի նոր 52 դեպք է գրանցվել. ընհանուր՝ 822 դեպք ՓՄՁ-ների աջակցության ծրագիրն արդեն գործում է. Բաբկեն Թունյան Մենք հիմա նամակ ենք պատրաստում մեր գործընկերներին ուղարկելու համար. Ռևազյան Ադրբեջանում կորոնավիրուսով վարակվածների ընդհանուր թիվը հասել է 521-ի. Ռիա Նովոստի Վրաստանում վիրուսից մահացած կինը հյուծված էր, 15 կգ էր կշռում Հերթը նոր կորոնավիրուսին հաղթելն է․ «Սուրբ Գրիգոր Լուսավորիչ» ԲԿ-ի վերանորոգումն ավարտված է Մարտի 24-ից սկսած 38 կազմակերպության գործունեությունը 6 ժամով դադարեցվել է արձանագրված խախտումների պատճառով (տեսանյութ) «Սպայկա»-ին պատկանող 1.5 մլն դոլարի գյուղմթերքը 15 օր ճանապարհին մնալու պատճառով փչացել է (տեսանյութ)

Դուդուկը հայ ազգի հետ ծնվել է , հայ ազգի հետ կապրի դարերով. Կամո Սեյրանյան

Հայկական ծիրանափողից արձակված մեղեդուն ծանոթ են աշխարհի գրեթե բոլոր անկյուններում : Այս գործիքի դեպքում երաժշտությունը ազգություն չի ճանաչում։

Այնուամենայնիվ պիտի հպարտությամբ նշենք , որ այն մերն է ` հայերինը։  Past․am - ի զրուցակիցը ՀՀ վաստակավոր արտիստ Կամո Սեյրանյանն է , ով եղել է բոլոր մայրցամաքներում ու մեր ազգային գործիքը նրա կախարդական շնչով հմայել է ամենահայտնի ու բազմազգ հանդիսատեսին։

- Կամո Սեյրանյանի վերջին համերգային շրջագայությունը, ո՞ր երկրներում է եղել: 

- Տարին իսկապես առատ էր համերգային շրջագայությունների և հրավերների առիթով : Վերջին համերգը Նոր Սուլթանում էր `նախկին Աստանայում: Ղազախստանի մայրաքաղաք էինք մեկնել ու մեր ազգային գործիքով այնտեղ նույնպես ներկայացանք:

 

- Սփյուռքահայ հանդիսատեսին հիմնականում ի՞նչ երաժշտական ծրագրով եք ներկայանում: 

- Սփյուռքահայ հանդիսատեսին հիմնականում ներկայանում ենք կոմպոզիտորական , աշուղական գործերով, միջնադարյան մեղեդիներ, հայկական ֆիլմերից սաունթրեքեր ենք նվագում:

-  Որո՞նք են եղել անցնող տարվա նշանակալի իրադարձությունները: 

- Երևի թե ամենամեծ իրադարձությունը առանձնացնեմ , այն Երևանում մարզահամերգային համալիրում կայացած մենահամերգիս ցուցադրման համար աշխատանքները ավարտին հասցնելն էր , որի համար 2019թ . հունվարից մինչև ապրիլ ամիսները ԱՄՆ - ում հոլիվուդյան ձայնագրման ստուդիաներից մեկում մենահամերգի ձայնային ձևավորումը կատարեցի ու առաջին եթերը եղավ հունիսին , հետո տարածվեց համացանցում:

-  Երաժշտի գերզբաղված , հախուռն կյանքը ինչպե՞ս է ազդում դասախոս Կամո Սեյրանյանի վրա:

- Ցավով ասեմ, որ հարգելի պատճառներով բացակայություններս շատ են լինում. բայց Երևանում գտնվելուս օրերին ուսանողներիս կանչում եմ ու միասին լրացնում ենք բացը: Ամեն ինչ անում եմ , որ ուսանողներս չտուժեն կրթական ծրագրից հետ չմնան:

- Ազգային երաժշտական մեր դուդուկը երիտասարդ սերունդը կարողանու՞մ է պատվով ներկայացնել միջազգային մրցույթներում , փառատոններում:  

- Երևի միակ ազգային գործիքը դուդուկն է , որի համար կարող ենք չանհանգստանալ : Չեք պատկերացնի ինչ փայլուն սերունդ ունենք թե երաժշտական դպրոցներում , թե քոլեջներում , ուսումնարաններում , թե կոնսերվատորիայում: 

Շատ կուզենայի , որ մեր արվեստի մյուս ոլորտները դուդուկի նման պաշտպանված լինեն: Դուդուկը հայ ազգի հետ ծնվել է ու հայ ազգի հետ կապրի դարերով:

- Դուդուկի հոգեպարար հնչյունները, ո՞ր օտարազգիներն են ընդունում հայերից հետ չմնալով: 

- Բացի հայերից ինձ հանդիպել են ամենատարբեր ազգեր, օրինակ 2010թ -ին Շանհայում Էքսպո ցուցահանդեսի ժամանակ մասնակցում էին 192 ազգեր : 

Հայկական տաղավարը միջոցառում էր կազմակերպել ծիրանին նվիրված որի ընթացքում պիտի հնչեր դուդուկը : Տարածքը այնքան մարդաշատ էր դուդուկի կատարման ժամանակ , որ ազգություններ առանձնացնել չեմ կարող: 

Այսպես ասեմ չկա այնպիսի ազգ, որ անտարբեր մնա մեր ազգային երաժշտական գործիքի նկատմամբ: 

- Ամանորի գիշերը որտեղ հանդիպենք ձե՞զ:  

- Ամանորի գիշերը դիմավորելու եմ իմ ծննդավայր Չարենցավանում` ծնողներիս,  հարազատներիս հետ միասին :

 

 

website by Sargssyan