Կվճարեն ավտոմեքենաների մաքսազերծման տարբերությունը
ՄԻՋԱԶԳԱՅԻՆmir24.tv-ն «Ղազախստանում Հայաստանի և Ղըրղըզստանի ավտոմեքենատերերը պետք է մուծեն մաքսազերծման տարբերությունը» վերնագրով հոդվածում գրում է, որ Ղազախստանում հայաստանյան և ղըրղըզական ավտոմեքենաներ ունեցողները ստիպված կլինեն մուծել մաքսազերծման տարբերությունը:
Բանն այն է, որ մինչև 2020 թվականը այդ երկրներում ավտոմեքենաները ներկրվել են իջեցված մաքսային սակագներով: Ներկայումս, որպեսզի նման ավտոմեքենայի տերը չզրկվի իր մեքենայից, պետք է մուծի մաքսազերծման արժեքի տարբերությունը: Բացի դա, հնարավոր է 30 օրով ավտոմեքենան դուրս բերել Ղազախստանի տարածքից, ապա վերադառնալ:
Նրանք, ովքեր կխախտեն նոր օրենքը, կտուգանվեն 70 դոլարով:
Ըստ Ղազախստանի ներքին գործերի նախարարի տեղակալ Մուրատ Կոժաևի բացատրության, «դա կատարվում է ավտոմեքենաների մաքսային մաքրման կանոնների համաձայն, ներկայումս կանոններից դուրս մաքսազերծված են Հայաստանից և Ղըրղըզստանից մինչև 2020 թվականը ներկրված ավտոմեքենաները, քանի որ այդ երկրներում գործել է «զեղչային մաքսազերծում», այսինքն՝ Ռուսաստանում, Բելառուսում և Ղազախստանում մաքսազերծման արժեքը բարձր է եղել»:
Ներկայումս Ղազախստանում գրանցված է մոտ 3,5 միլիոն ավտոմեքենա, որոնցից մոտ 200 000-ը արտասահմանյան համարներով են:
Կամո Խաչիկյան