Ինչ ապրանքներ ու ապրանքատեսակներ են անհրաժեշտ սահմանին ՀԱՍԱՐԱԿՈՒԹՅՈՒՆ
Ունենք զոհեր, թշնամին ևս կրել է կորուսներ. Արծրուն Հովհաննիս... ՀԱՍԱՐԱԿՈՒԹՅՈՒՆ
Հայկական կողմի 4 օրվա կորուստները. Զոհերի թիվը հասավ 104-ի ՀԱՍԱՐԱԿՈՒԹՅՈՒՆ
Հայկական տարածքում հայտնված ադրբեջանցի զինվորների դիակների գ... ՀԱՍԱՐԱԿՈՒԹՅՈՒՆ
Իսրայելը զենքով բեռնված ինքնաթիռներ է ուղարկում Ադրբեջան ՄԻՋԱԶԳԱՅԻՆ
Երևան, 01.Հոկտեմբեր,
00
:
00
:
00
Փոխարժեք
478.65
$
560.79
Արցախի ՄԻՊ Արտակ Բեգլարյանի ասուլիսը` ուղիղ 1280 զոհ, 2700 վիրավոր, 12 ուղղաթիռ. Ադրբեջանի կորուստները ՌԴ և Թուրքիայի արտգործնախարարները կողմ են արտահայտվել ռազմական գործողությունների անհապաղ դադարեցմանը Քաղաքացիական ենթակառուցվածքների ու բնակավայրերի ռմբակոծությունը` Հադրութում և Մարտունիում (լուսանկարներ) ԻՐԱԶԵԿՈՒՄ Արցախի Հանրապետություն մեկնել ցանկացող բոլոր անձանց Էրդողանը հայտարարել է,որ չի ընդունում Պուտինի, Մակրոնի ու Թրամփի համատեղ կոչը Մակրոնը ԵՄ-ին կներկայացնի Մինսկի խմբից Թուրքիային հեռացնելու հնարավորության հարցը Քիչ առաջ լույս աշխարհ եկած Արթուրն իր գերդաստանի միակ երեխան է, ով ծնվել է Արցախից դուրս (լուսանկար) «Դեռ շատ հողեր պետք է վերադարձնենք». վիրավոր զինվորները ձգտում են օր առաջ շարք վերադառնալ (տեսանյութ) Հակառակորդը հրետակոծել է Վարդենիս-Սոթք ավտոճանապարհը. ՊՆ խոսնակ Իրանում ադրբեջանական արկն ընկել է Փարվիզխանլու գյուղի տներից մեկի վրա. 6-ամյա երեխա է վիրավորվել «Գլուխ եմ խոնարհում. Դուք մեծ սխրանք եք գործել». Արայիկ Հարությունյանը տիկնոջ հետ այցելել է ՊԲ զինվորական հոսպիտալ Արցախի հետ ռոումինգը դարձավ 5 դրամ. հայկական երեք օպերատորները հայտարարություն են տարածել Հակառակորդի հենակետերի և մարտական տեխնիկայի խոցումները Քյարամ Սլոյանի մայրը կրտսեր որդուն եզդիական ջոկատի հետ ճանապարհում է Արցախ (տեսանյութ) Մակրոն. Ֆրանսիան Ղարաբաղի մարտերին Թուրքիայից իսլամիստների մասնակցության ապացույցներ ունի «Հայ ժողովրդի կամքը կոտրել հնարավոր չէ». Ներսիկ Իսպիրյան Մեր խնդիրը պաշտպանվել է, քանի որ Ադրբեջանը հարձակվել է. վարչապետի հարցազրույցը` Ալ Ջազիրային Քյարամ Սլոյանի եղբայրը՝ որպես կամավոր, մեկնել է առաջնագիծ Էրդողանը կրկին վիրավորել է Հայաստանը

«Կա­ռա­վա­րու­թյու­նը հատ­վա­ծա­կան քայ­լեր է իրա­կա­նաց­նում, որոնք բա­վա­րար չեն ու ռիս­կա­յին են». «Փաստ»

«Փաստ» թերթը գրում է․ 

Հանրային ծառայությունները կարգավորող հանձնաժողովը և «Գազպրոմ Արմենիան» օրերս հայտարարել էին սպառողների համար գազի սակագնի վերանայման հնարավորության մասին: Թե՛ գազի գնի հնարավոր բարձրացումը, թե՛ 2020թ. հունվարի 1-ից մի շարք ապրանքատեսակների մաքսատուրքերի բարձրացումը մասնագետների շրջանում արդեն իսկ որոշակի գնաճային ռիսկերի վերաբերյալ հարցեր են առաջացրել։ 

Անդրադառնալով վերոնշյալին՝ տնտեսագետ Սուրեն Պարսյանը «Փաստի» հետ զրույցում չորս խնդիր առանձնացրեց։ «Այս իրավիճակում, ամենակարևորը, կանխատեսելի սոցիալ-տնտեսական քաղաքականության խնդիր ունենք, բայց այս կառավարությունը նման քաղաքականություն չի վարում։ 

Հակառակը, շատ հատվածական քայլեր է իրականացնում, ինչը մեր բիզնեսի և քաղաքացիների համար ոչ միայն բավարար չեն, այլև ռիսկային են»,-ասաց մեր զրուցակիցը։ 

Տնտեսագետի խոսքով, 2020 թվականի ընթացքում հնարավոր են մի շարք գնաճային ճնշումներ, որոնց հետևանքով հնարավոր է ունենալ գների բավականին զգալի աճ։ 

«Այդ գնաճն իր բացասական ազդեցությունը կթողնի մեր բնակչության կենսամակարդակի վրա։ Գնաճային ճնշումներից առաջնայինը գազի սակագնի հնարավոր բարձրացումն է, երկրորդը՝ մոտ 700 անուն ապրանքների մաքսատուրքերի 1-4 տոկոս աճը։ 

Երրորդ հանգամանքը գյուղատնտեսական ծրագրերի ձախողումն է, որն առկա է եղել 2019թ.-ի ընթացքում, իսկ չորրորդը վատ մենեջմենթն է, որը տեղափոխվել է նաև 2020 թվական։ Այս կառավարությունը, 2020 թ. պետական բյուջեի համաձայն, արդեն իսկ կանխատեսել է գնաճի 4,5 տոկոս ցուցանիշ, որը նախորդ տարվա համեմատ մոտ երկու անգամ ավելի է։ 

Այսինքն, կառավարությունն արդեն իսկ նախատեսել է, որ գնաճ լինելու է, և պատահական չէր աշխատավարձերի, կենսաթոշակների և նպաստների աճը»,-նշեց նա՝ հավելելով, որ այս քայլերը ողջունելի են, բայց դրանք առանձին դեպքերում չեն կարողանալու մեղմել գնաճից առաջացած ռիսկերը։ 

«Ստացվում է, որ 2019 թվականի ընթացքում մարդիկ իրենց ցածր եկամուտի պայմաններում կարող էին ավելի շատ ապրանքներ ձեռք բերել, ավելի շատ ծառայություններից օգտվել, քան 2020 թվականին։ 

Մեր ազգաբնակչության զգալի մասն աղքատ է կամ գտնվում է աղքատության շեմին։ Նրանք իրենց եկամուտների մեծ մասը ծախսում են առաջին անհրաժեշտության ապրանքների ձեռքբերման վրա։ 

Թե՛ բնական գազը, թե՛ մսամթերքը և թե՛ այլ ապրանքատեսակներ առաջին անհրաժեշտության են և մտնում են նվազագույն սպառողական զամբյուղի հաշվարկի մեջ։ Մենք այստեղ լուրջ խնդիր ունենք։

 Կառավարությունը պետք է վերանայի սոցիալ-տնտեսական քաղաքականությունը, հնարավորինս մեղմի գնաճային ճնշումները, հակառակ դեպքում մեզ մոտ կենսամակարդակի էական նվազում կլինի։ Դրա արդյունքում, բնականաբար, չի բացառվում արտագաղթի, ինչպես նաև սոցիալական խնդիրների սրացման հնարավորությունը»,հավելեց մեր զրուցակիցը։ 

Տնտեսագետը շեշտեց, որ բիզնեսի համար չափազանց կարևոր է, որ գազի գինը գոնե մեկ-երկու տարիների ընթացքում անփոփոխ մնա։ «Բայց հիմա հայտարարվել է, որ երեք ամիս չի փոխվելու, ու չի բացառվել հետագայում գնի փոփոխության հնարավորությունը։ Սրանք խնդիրներ են, որոնք կուտակվում են ու էական ազդեցություն ունենում ներդրումային միջավայրի վրա։ 

Միայն «փայ չենք մտնելու» հայտարարություններով ներդրումներ չեն լինելու։ Իրականում համապատասխան ներդրումային միջավայր պետք է ունենալ, որը կլինի կանխատեսելի, վերահսկելի, նաև չեզոք՝ քաղաքական տեսանկյունից։ Քաղաքական երևույթները պետք է չազդեն ներդրումային գործընթացների վրա։ Այդուհանդերձ, 2020 թվականին լավ արդյունքներ տեսնելու ուղղությամբ ավելի վաղ էր պետք աշխատել։

 Բայց, ցավոք, 2019 թվականի ընթացքում կառավարությունը չի դրել այն ծրագրերը, որոնք ներառական տնտեսական աճ ու զարգացում կապահովեն 2020 թվականի համար»,-շեշտեց Ս. Պարսյանը։ 

Նա ընդգծեց, որ գազի գնի հնարավոր բարձրացումը կարող է շղթայական ազդեցություն թողնել։ «Այդ պարագայում բոլոր ապրանքների ու ծառայությունների գները բարձրանալու են, եթե կառավարությունը չսուբսիդավորի կամ այլ ֆինանսական աղբյուրներ չգտնի։ Մեծ հաշվով, ռիսկերը մեղմելու կառավարության քաղաքականությունը բավարար չէ։ 

Փոխարենը՝ նրանք փորձեցին հիմնականում մի քանի պոպուլիստական քայլերով զսպել հնարավոր բողոքները։ Իրականում գնաճային ճնշումները մարդիկ շատ լուրջ են զգալու իրենց գրպանի վրա։ 

Երբ կառավարության կամ իշխանական ուժի ներկայացուցիչները հայտարարում են, որ գազի գնի հնարավոր բարձրացումը չպետք է մեծ աղետ համարել, իրենք հարցը դիտարկում են իրենց տեսանկյունից։ 

Այսինքն, իրենց եկամուտները, աշխատավարձերը բարձրացել են 150- 200 տոկոսով, և, բնականաբար, այս պայմաններում բնական գազի 10-15 դրամ հնարավոր բարձրացումը նրանց կենսամակարդակի վրա չի ազդի, բայց պետք չէ մոռանալ, որ մեր բնակչության եկամուտներն այդքան չեն ավելացել»,-եզրափակեց տնտեսագետը։

Մանրամասները՝ «Փաստ» թերթի այսօրվա համարում։

 

website by Sargssyan