Ինչ ապրանքներ ու ապրանքատեսակներ են անհրաժեշտ սահմանին ՀԱՍԱՐԱԿՈՒԹՅՈՒՆ
Ունենք զոհեր, թշնամին ևս կրել է կորուսներ. Արծրուն Հովհաննիս... ՀԱՍԱՐԱԿՈՒԹՅՈՒՆ
Հայկական կողմի 4 օրվա կորուստները. Զոհերի թիվը հասավ 104-ի ՀԱՍԱՐԱԿՈՒԹՅՈՒՆ
Հայկական տարածքում հայտնված ադրբեջանցի զինվորների դիակների գ... ՀԱՍԱՐԱԿՈՒԹՅՈՒՆ
Իսրայելը զենքով բեռնված ինքնաթիռներ է ուղարկում Ադրբեջան ՄԻՋԱԶԳԱՅԻՆ
Երևան, 01.Հոկտեմբեր,
00
:
00
:
00
Փոխարժեք
478.65
$
560.79
Քյարամ Սլոյանի եղբայրը՝ որպես կամավոր, մեկնել է առաջնագիծ Էրդողանը կրկին վիրավորել է Հայաստանը Հակառակորդի ոչնչացված զինծառայողների «վերջին հիշատակները» (Ֆոտո) Հայկական կողմը համոզիչ հաղթնակ է տանում Հայրենական հաղթական պատերազմի բոլոր մակարդակներում.Սուրեն Սուրենյանց Ադրբեջանը լրատվամիջոցների մեր գործընկերներին միտումնավոր է թիրախավորել․ Աբրահամյան Վանաձոր և Շիրակամուտ համայնքներում հրաժեշտ են տվել Արցախում զոհված զինծառայողներին Արցախում օտարերկրյա և տեղական ԶԼՄ ներկայացուցիչներ են վիրավորվել ԵՊՀ-ն դիմել է գործընկերներին՝ կոչ անելով դատապարտել Արցախի նկատմամբ ադրբեջանա-թուրքական ագրեսիան «Հրթիռն օրորոցից ընդամենը 2 մետր հեռավորության վրա է». Կարպիս Փաշոյան Le Monde-ի թղթակից Ալլան Կավալի վիճակը ծանր է, նրան վիրահատում են Ստեփանակերտի բժկական կենտրոնում (տեսանյութ) Անհապաղ դադարեցնե՛լ ռազմական գործողությունները․ Պուտինի, Մակրոնի ու Թրամփի համատեղ հայտարարությունը Իրանի տարածքում ադրբեջանական 3 արկ է ընկել. կա վիրավոր (լուսանկարներ) Էրդողանը քննադատել է ԵԱՀԿ Մինսկի խմբի՝ ԼՂ-ում կրակի դադարեցման վերաբերյալ կոչերը Թուրքական ապրանքերի ներկրումից հրաժարվելու հարցի հրամայականը Արցախի «Արդարություն» Կուսակցության կոչը Ինչո՞ւէ Թուրքիան 100 տարի անց վերադարձել Հարավային Կովկաս. շարունակելու հայոց ցեղասպանությունը. ՀՀ վարչապետ Պուտինը, Թրամփը և Մակրոնը համատեղ հայտարարություն կանեն Լեռնային Ղարաբաղի վերաբերյալ Զոհված զինծառայող Էրիկ Ջիլավյանի հայրը վաղուց մահացել է, մայրն էլ ՌԴ֊ից չի կարող գալ որդու hուղարկավորությանը. համայնքի ղեկավարի տեղակալ Հակառակորդը հրթիռակոծել է Իվանյան գյուղը, 3 հրթիռ չի պայթել «Կան ուղղություններ, որոնք մեր կողմից կարող են կիրառվել ընդհանուր շահերի համատեքստում». քաղաքագետ

Իշ­խա­նու­թյուն­նե­րը կրճա­տում­ներ են կա­տա­րում այն օղակ­նե­րում, որ­տեղ շահ չու­նեն. «Փաստ»

«Փաստ» թերթը գրում է․ 

2018 թվականից ի վեր Նիկոլ Փաշինյանը հանրությանը ներկայացնում է իրենց իշխանության հիմնական նպատակադրումները, որոնց մեջ երկու թեմաներ զուգահեռաբար անընդհատ արծարծվում են։ 

Մի հարցը վերաբերում է աշխատատեղերի ստեղծմանը, իսկ մյուսը՝ պետական համակարգում անհրաժեշտ օպտիմալացումներին և ընդհանուր առմամբ կրճատումների գործընթացին։ Այս հարցերի շուրջ հանրությունը բավականին զգայուն է, դրա համար էլ Փաշինյանը ժամանակ առ ժամանակ անդրադառնում է այս թեմաներին։ 

Մի կողմից՝ վարչապետը շարունակաբար հայտարարում է, թե պետական համակարգի աշխատանքը բարելավելու նպատակով օպտիմալացումներ են տեղի ունենում, որը նախատեսում է նախարարությունների, առանձին պետական կառույցների կրճատումներ, սակայն մյուս կողմից՝ կրճատումների արդյունքում առաջ եկած գործազրկության լուծման հարցին պատշաճ պատասխան չի տրվում։ 

Վարչապետն ընդգծում է, թե որակյալ մասնագետը միշտ էլ պահանջված կարող է լինել, բայց մենք բոլորս էլ գիտենք, թե Հայաստանում ինչքան դժվար է աշխատանք գտնելը։ 

Փոխարենը, օպտիմալացման մասին հայտարարությունների ֆոնին 2020 թվականի բյուջեով նախատեսված ծախսերի շրջանակում 534 նոր հաստիք են ավելացնում պետական կառավարման մարմիններում։ 

Հանրության համար հիմնավորումներ չեն ներկայացվում, թե ինչով է պետական կառավարման տեսանկյունից կարևոր այդ նոր հաստիքների ստեղծումը։ 

Եվ պատահական չէ, որ կարծիքներ կան, թե այդ հաստիքները ստեղծվում են, որպեսզի իշխանության աջակիցներին կարողանան ապահովել աշխատանքով։ 

Բայց սա չի խանգարում, որպեսզի իշխանությունները շարունակեն կրճատումները պետական համակարգի այլ կառույցներում, որոնց գործունեության շարունակականության տեսանկյունից իրենք ոչ մի շահ չունեն։ 

Փոխվարչապետ Տիգրան Ավինյանն էլ հայտարարում է, թե Հայաստանում պետական կառավարման համակարգն անհիմն ուռճացված է, փուլային կրճատումներ են լինելու, բայց չի պատասխանում այն հարցին, որ եթե ուռճացված է, ապա ինչո՞ւ են նոր հաստիքներ ավելացնում։ 

Ստացվում է, որ այնտեղ, ուր իշխանությունը շահ չունի, պետք է կրճատումներ անել։ ԱԺ-կառավարություն հարցուպատասխանի ժամանակ փոխվարչապետ Մհեր Գրիգորյանը նշել է, թե «Գազպրոմ Արմենիայում» ավելորդ աշխատակիցները պետք է կրճատվեն, և կարիք չկա էլեկտորատ պահել մի կառույցում, որը հանրային ծառայություններ է մատուցում, քանի որ վերջը վատ կլինի։ Խոսքն այստեղ «Գազպրոմ Արմենիայում» առաջին փուլով նախատեսվող 600 աշխատակցի կրճատման մասին է։ 

Եթե այդ աշխատակիցների կարիքը չկար, ապա ինչո՞ւ կառավարության ներկայացուցիչները դրա մասին չէին խոսում անցյալ տարի, որպեսզի, ըստ իրենց տրամաբանության, էլեկտորատ չմնար «Գազպրոմ Արմենիայում»։ 

Հասկանալի է, որ կառավարությունը կողմ է կրճատումներին, որ հավելյալ բեռ չընկնի «Գազպրոմ Արմենիայի» վրա, որպեսզի կազմակերպությունը կարողանա կոմպենսացնել գազի գնի բարձրացման հարցը, որի շուրջ կառավարության բազմաթիվ հարցադրումներ են արվում։ Սակայն մյուս կողմից 600 գործազուրկների աշխատանքով ապահովելու խնդիրը շատ լուրջ է, և այս առումով կառավարությունը լուծումներ չի առաջարկում։ 

Փոխարենը Փաշինյանը միայն մերթընդմերթ աշխատատեղերի ավելացման մասին թվեր է հրապարակում, որոնք չեն արտացոլում իրական աշխատատեղերի ստեղծումը, մանիպուլ յատիվ են և վերաբերում են ստվերից դուրս եկած աշխատատեղերին։ 

Մինչ Նիկոլ Փաշինյանը խոսում է Հայաստանում տասնյակ հազարավոր աշխատատեղերի ավելացման մասին, վիճակագրական կոմիտեն արձանագրում է գործազրկության աճ։ Ըստ վիճակագրական կոմիտեի ներկայացրած տվյալների, անցած տարվա երրորդ եռամսյակում գրանցվել է գործազրկության աճ։ 

Նախորդ եռամսյակի 17,7 տոկոսից գործազուրկների քանակը հասել 18 տոկոսի, իսկ գործազուրկների քանակի 0,3 տոկոս աճը համարժեք է գրեթե 10 հազար մարդու։ Այսինքն՝ մեկ եռամսյակում գործազուրկների թիվը 10 հազարով ավելացել է։ 

Գործազրկությունն էլ իր հետ բերում է արտագաղթի աճ, սակայն կառավարությունը արտագաղթի իրական ցուցանիշները չի հրապարակում, և հազարավոր հնդիկների այցը Հայաստան դիտարկում է որպես ներգաղթ։ 

Այնպես որ, այս տարի կառավարությունը պետք է կենտրոնանա մեծ քանակությամբ աշխատատեղերի ստեղծման հարցը լուծելու վրա՝ հաշվի առնելով, որ իրավիճակը լուրջ է, համատարած գնաճի, գազի գնի բարձրացման և գործազրկության ավելացման ֆոնին սոցիալական բունտը սարերի հետևում չէ։

Մանրամասները՝ «Փաստ» թերթի այսօրվա համարում։

 

website by Sargssyan