Ոսկու գինը բարձրացել է, առևտուրը՝ կիսով չափ պակասել. ի՞նչ խն... ՏՆՏԵՍՈՒԹՅՈՒՆ
Համավարակով պայմանավորված՝ առաջարկվում է երկարաձգել աղետի գո... ՀԱՍԱՐԱԿՈՒԹՅՈՒՆ
ՊԱՏՄՈՒԹՅԱՆ ԱՅՍ ՕՐԸ (10 ՀՈՒԼԻՍԻ). Առաջին անգամ ֆուտբոլային մր... ՀԱՍԱՐԱԿՈՒԹՅՈՒՆ
«Երթևեկությունը փորձադաշտ չէ, շատ հարցեր կապված են մարդկային... ՀԱՐՑԱԶՐՈՒՅՑ
«Մեր հիմնական առաքելությունը երեխայի մուտքը մանկատուն կանխար... ՀԱՐՑԱԶՐՈՒՅՑ
Երևան, 11.Հուլիս,
00
:
00
:
00
Փոխարժեք
478.65
$
560.79
«Ոնց որ տղամարդ լինի». Հետևորդները քննադատել են Անի Երանյանի նոր լուսանկարը Բողոքի ակցիա Երեւանում. քաղաքապետարանը 1 ամիս ժամանակ տվեց հնամաշ իրերի շուկայի առևտրականներին Կորոնավիրուսից մահացածների ու վարակակիրների թիվը՝ այսօրվա դրությամբ Ջրհեղեղ Շիրակի մարզում․ անձրեւաջրերը լցվել են Սարատակ համայնքի տներն ու հեղեղել փողոցները (տեսանյութ) Ոսկու գինը բարձրացել է, առևտուրը՝ կիսով չափ պակասել. ի՞նչ խնդիրներ ունեն ձեռներեցները Տխուր օր քրիստոնյաների և բոլոր նրանց համար, ովքեր հավատում են պլյուրալիստական Թուրքիային. Գարո Փայլան Նախագահ Արմեն Սարգսյանն իր անձնական միջոցներով կօժանդակի Ստեփանակերտի ծննդատան վերազինմանը ԱՀ պարետատունը խստացրել է Արցախ մուտք գործելու պայմանները Օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ . Ռոբերտ Քոչարյանը շարժում է ձեւավորում Համավարակով պայմանավորված՝ առաջարկվում է երկարաձգել աղետի գոտում բնակարանների գնման վկայագրերի ժամկետը Արդյունաբերության հիմնական հատվածը նախորդ տարվա հունվար-մայիսի համեմատ կրճատվել է 3.4 տոկոսով. Արա Գալոյան Պատկերացրեք, թե ինչ վայնասուն էին հիմա դրել թրաշամանուկներն ու պատվերով «իրավապաշտպանները». Վարոսյան Ստացվել են պետական հանձնաժողովների կողմից բոլոր անհրաժեշտ համաձայնությունները Թուրքիան իր նախագահի ներկա նախաձեռնությամբ շարունակում է հոգևոր և մշակութային արժեքներ ոտնահարելու, պատմությունը նենգափոխելու իր վարքագիծը. Արամ Ա Կաթողիկոս Երբ ստում են Ով է շուտով հրաժեշտ տալու իր պաշտոնին. «Հրապարակ» Կորոնավիրուսի հաստատված դեպքերի թիվն աճել է 489-ով. գրանցվել է մահվան 16 դեպք «Ժողովուրդ». Ծախսել են, բայց չգիտեն՝ որքան. ինչու է առողջապահության նախարարությունը թաքցնում տվյալները

Հա­յաս­տա­նը կա­րող է լա­վա­գույ­նը լի­նել ոչ մի­այն ԵԱՏՄ-ում, այ­լև Սև­ծո­վյան տա­րա­ծաշր­ջա­նում

gazeta.ru-ն «Տնտեսական հրաշք. ինչպես Հայաստանը անցավ Ռուսաստանին» վերնագրով հոդվածում գրում է, որ ԵԱՏՄ երկրներն ամփոփել են անցած տարվա իրենց տնտեսությունների վիճակի նախնական արդյունքները: Ոչ ոք մինուս չի գնացել, ամբողջ ԵԱՏՄ հնգյակը, այսինքն՝ Ռուսաստանը, Ղազախստանը, Բելառուսը, Հայաստանը և Ղըրղըզստանը աճել են: 

Բայց ՀՆԱ-ի աճի տարբերությունները հսկայական են՝ գրեթե 7 անգամ: Հայաստանը անառարկելի առաջատարն է: 2019 թվականի առաջին ինն ամիսներին նրա տնտեսությունը նախորդ տարվա նույն ժամանակահատվածի համեմատ աճել է 7,5% -ով: 

Սա ամենալավ արդյունքն է ոչ միայն եվրասիական գործընկերների շրջանում: Հայաստանը կարող է լավագույնը լինել Սևծովյան տարածաշրջանում, ներառյալ Վրաստանը, Թուրքիան, Բուլղարիան, Ռումինիան, Մոլդովան, Ուկրաինան և այլ երկրներ: 

Ըստ Սևծովյան առևտրի և զարգացման բանկի նախագահ Դմիտրի Պանկինի, Հայաստանում իրականացվող դրական քայլերը, ներառյալ կոռուպցիայի դեմ պայքարը, բիզնեսի համար հասկանալի խաղի կանոնների ստեղծումը, բանկային թափանցիկ համակարգը, դրականորեն են ազդել ներդրողների ծրագրերի վրա: 

Նա նաև կանխատեսել է, որ Հայաստանի տնտեսության զարգացման վրա դրականորեն կազդի նաև այն, որ որոշված է ենթակառուցվածքների կապիտալ շինարարության վրա ծախսերը նախկին ՀՆԱ-ի 2,8%-ից հասցնել 5%-ի: 

Իսկ ի՞նչի հաշվին է եղել «հայկական տնտեսական հրաշքը»: Տպավորիչ հաջողություններ չեն գրանցվել ո՛չ արդյունաբերության և ո՛չ էլ առևտրի ոլորտներում, իսկ շինարարության ոլորտում աճը նախորդ տարվա համեմատ նույնիսկ անկում է ապրել (միայն 4,5% աճ), անկում է ապրել նաև երկրի էներգետիկ ոլորտի աճը (միայն 2,7% աճ): 

Առաջընթացն ապահովվել է իշխանությունների և հասարակության՝ տնտեսությանը ստվերից դուրս բերելու և ազատականացնելու ցանկությամբ: 2018 թվականին Հայաստանը քաղաքական ճգնաժամ է ապրել: Նոր խորհրդարանը և վարչապետ Նիկոլ Փաշինյանը ստեղծել են Կոռուպցիայի կանխարգելման հանձնաժողով և կազմակերպել իրական վերահսկողություն պաշտոնյաների եկամուտների և ծախսերի նկատմամբ: 

Արդյունքում 346 կոռուպցիոն սխեմաներ են բացահայտվել և 105 միլիոն դոլար է վերադարձվել բյուջե, որը 7 անգամ ավելին է, քան նույն պատճառներով վերադարձվել է վերջին 11 տարիների ընթացքում: 

Ըստ տեղական ԶԼՄ-ների և երկրի հարկային ծառայության տեղեկությունների, Հայաստանի 3 միլիարդ դոլար կազմող բյուջեից գողացվել է 1 միլիարդ դոլարը, ևս 900 միլիոն դոլար չի մտել բյուջե հարկերի տեսքով: Ներկայումս իշխանափոխությունից հետո առկա է ստվերային տնտեսությունը նվազեցնելու միտում, չնայած այն շարունակում է մնալ նշանակալից` մոտ 20%: 

Ստվերից ստացված եկամուտների աճի հետևանքով հարկային եկամուտները 2019 թվականին 2017 թվականի համեմատ աճել են 43,6% -ով, իսկ 2018 թվականի համեմատ՝ 20% -ով: Եթե նախկինում Հայաստանի քաղաքացիները ուրախ ապրում էին շնորհիվ անվերջ տեղի ունեցող հակակառավարական ցույցերի, ապա այժմ նրանք սկսել են լավ ապրել: 

Նվազագույն աշխատավարձը բարձրացվել է 20% -ով: Իսկ, օրինակ՝ 18 տարեկանից ցածր երեխաների բժշկական սպասարկման ծառայությունները դարձել են անվճար: Հիմա Հայաստանը և հարևան երկրները վիճում են, թե ում մոտ է կյանքն ավելի լավ: Նման ավանդույթ հաստատվել է դեռ խորհրդային տարիներից: 

Փաստն այն է, որ երեք միլիոնանոց Հայաստանը գերազանցել է Վրաստանին և նույնիսկ նավթով հարուստ Ադրբեջանին՝ մեկ շնչին ընկնող ՀՆԱ-ի ցուցանիշով: Վրաստանի նախկին նախագահ Միխեիլ Սահակաշվիլին այդ առիթով հեգնել է՝ ասելով, որ «Հայաստանը առաջին անգամ գերազանցել է Վրաստանին ՀՆԱ-ի ցուցանիշով, ինչը չի պատահել Տիգրան Մեծի ժամանակներից ի վեր»: 

Ըստ պատմագիտության բոլոր կանոնների, նրան հակադարձել են՝ ասելով, որ մեկ շնչին ընկնող ՀՆԱ-ի առումով Հայաստանը 1995-1999 թվականներին գերազանցել է Ադրբեջանին, իսկ Վրաստանին գերազանցել է 2005-2009 թվականներին: 

Բելառուսում «բատկոտնտեսությունը արդեն շոշափում է հատակը»: 

Այնտեղ ՀՆԱ-ն աճել է 1,2%-ով: Համաշխարհային բանկը և այլ ֆինանսական կառույցները իջեցրել են հետագա տարիների համար Բելառուսի տնտեսական աճի իրենց կանխատեսումները: Ղազախստանում 2019 թվականի տնտեսական աճը ստացվել է կանխատեսվածից ավելի և կազմել է 4,5% (կանխատեսումը եղել էր 3,5%): 

Տնտեսական աճի հիմնական լոկոմոտիվներ են հանդիսացել շինարարությունը, տրանսպորտը, առևտուրը և կապը: Ղըրղըզստանը ևս Ղազախստանից հետ չի մնացել, և տնտեսական աճը այդ երկրում կազմել է 4,5%՝ չնայած 2019 թվականի կանխատեսումները եղել են ավելին՝ 6,4%: 

Տնտեսական ակտիվության դանդաղումը հիմնականում կապված է եղել Կումտոր ոսկու հանքում արդյունահանման կրճատման հետ, իսկ աճը ապահովվել է հիմնականում շինարարության հաշվին: 

Ոսկու արտահանման ներդրումը ղըրղըզական տնտեսության մեջ այնքան մեծ է, որ երբեմն այդ երկրի մակրոտնտեսական ցուցանիշները հաշվարկում են առանց այդ ցուցանիշի, և անգամ առանց դրա էլ Ղըրղըզստանը ռուսական և բելառուսական տնտեսություններից երեք անգամ ավելի մեծ աճ է արձանագրել: Ռուսաստանի համար ամենակարևորը նավթադոլարներն են: 2019 թվականի Ռուսաստանի տնտեսական աճը կազմել է 1,3%՝ 2018 թվականի 2,5%-ի փոխարեն: 

Կարելի է արձանագրել, որ Ռուսաստանի տնտեսական աճը տպավորիչ չէ: Վիճակագրական տվյալները վերլուծելու դեպքում պարզ է դառնում, որ Ռուսաստանի տնտեսական աճը ավանդաբար գրանցվում է ի հաշիվ հումքի (գազ, նավթ, մետաղներ) արդյունահանման ավելացման: 

Ռուսաստանի սողացող տնտեսական աճը չի կարող չազդել ԵԱՏՄ այլ երկրների տնտեսությունների վրա: ԵԱՏՄ-ն, ստեղծվելով որպես քաղաքական միավորում, այդպես էլ չի դարձել նախկին խորհրդային երկրների տնտեսական ձգողունակության կենտրոն: Իհարկե, ԵԱՏՄ երկրների տնտեսություններն ունեն փոխշահավետ հետաքրքրություններ, և առայժմ շահավետ է աշխատել միմյանց շուկաներում, դա չի վատացնում տնտեսական իրավիճակը, բայց չի էլ նպաստում ճեղքմանը: 

Ըստ վերլուծաբան Եվգենի Նադորշինի, ԵԱՏՄ այն երկրները, որոնց տնտեսական զարգացման ուղղվածությունը առավել քիչ է ինտեգրված Ռուսաստանին, օրինակ՝ Հայաստանը և Ղազախստանը, ավելի զգալի տնտեսական հաջողություններ ունեն, իսկ ամենաշատ ինտեգրված Բելառուսը ցուցադրում է տնտեսության աճի ամենավատ ցուցանիշներ:

Կամո Խաչիկյան

website by Sargssyan