ԱԻՆ–ի 1 աշխատակցի մոտ կորոնավիրուս է հաստատվել. ևս 11 աշխատա... ՀԱՍԱՐԱԿՈՒԹՅՈՒՆ
ՊԱՏՄՈՒԹՅԱՆ ԱՅՍ ՕՐԸ (27 ՄԱՐՏԻ). Բոլ­շև­իկ­ներն սկսել են հա­կա... ՀԱՍԱՐԱԿՈՒԹՅՈՒՆ
Ինչ­պե՞ս տար­բե­րել կեղծ­ված կո­նյա­կը ՄԻՋԱԶԳԱՅԻՆ
Իրա­վի­ճա­կն իրոք բարդ է, կա՛մ պետք է հի­մա օգ­նել բիզ­նե­սի... ՄԻՋԱԶԳԱՅԻՆ
Մեր կրթա­կան հա­մա­կար­գը պատ­րա՞ստ էր հե­ռա­վար ուսուց­մա­ն... ՀԱՐՑԱԶՐՈՒՅՑ
Երևան, 29.Մարտ,
00
:
00
:
00
Փոխարժեք
478.65
$
560.79
ՀՎԿ ազ­գա­յին կենտ­րո­նի 14 աշ­խա­տա­կից­նե­րի մոտ հաս­տատ­վել է կո­րո­նա­վի­րու­սա­յին հի­վան­դու­թյուն․ՊԱՇ­ՏՈ­ՆԱ­ԿԱՆ Ռոբերտ Քոչարյանը ուղերձ է հղել Արցախի Հանրապետության ժողովրդին «Գագիկ Ծառուկյան» հիմնադրամը Երևանի համայնքներում շարունակում է ախտահանման աշխատանքները Նիկոլ Փաշինյանը հեռախոսազրույց է ունեցել Միխայիլ Միշուստինի հետ «Բաքվում այսօր ամեն քայլափոխի սատկած վայրի աղունիկներ են». Կարեն Հովհաննիսյան Մի շարք արտադրամասերում և խանութներում հայտնաբերվել են պարետի ուղեցույցի պահանջների խախտումներ ՁԻԱՀ-ի կենտրոնի նախկին աշխատակիցները մասնակցում են կորոնավիրուսի դեմ պայքարին Խորհուրդ եմ տալիս` անպայման գնալ համարձակ քայլերի. Աշոտ Ղուլյան Ռուսաստանի կողմից սահմանների նոր սահմանափակումները չեն ազդելու հայկական բեռների վրա. Փաշինյան «Սրան պետք ա ստորացնենք, տարեք զուգարան». Մալաթիայի բաժնում խոշտանգել ու ստորացրել են բերման ենթարկվածին Ադրբեջանում գրանցվել է կորոնավիրուսից մահվան 4-րդ դեպքը. Ռիա Նովստի Կորոնավիրուսով հաստատված դեպքերի թիվը հասել է 407-ի Ոստիկանության ծառայողին բռունցքով հարվածած 48-ամյա վարորդը ձերբակալվել է «Նորք» ինֆեկցիոն հիվանդանոցում կա թոքաբորբով 13 պացիենտ, որոնցից 2-ի վիճակը ծայրահեղ ծանր է. ԱՆ խոսնակ

Հան­ցա­վո­րու­թյան դեմ պայ­քար՝ նաև քա­ղա­քա­կան պատ­ճառ­նե­րո՞վ. ան­հանգս­տաց­նում է, որ այդ պատր­վա­կով կհար­ձակ­վեն ընդ­դի­մու­թյան վրա

iz.ru-ն իր ««Воры в загоне». ինչպե՞ս է Հյաստանը ազատվում քրեական հեղինակություններից» վերնագրով հոդվածում գրում է, որ հայտնի խորհրդային ֆիլմի հերոսը հայտարարում էր, թե «գողը պետք է նստի բանտում»: Հայաստանի իշխանությունները համաձայն են այդ մտքի հետ: Երկրի խորհրդարանը երկրորդ ընթերցմամբ և ամբողջությամբ հաստատել է Քրեական օրենսգրքի համապատասխան փոփոխությունները: 

Քրեական հեղինակությունների դեմ պայքարելու համար Քրեական օրենսգրքում ավելացրել են չորս նոր հոդված: Հիմնական փոփոխությունն այն է, որ ոչ միայն օրենքով գողերի հանցավոր գործունեությունը կպատժվի, այլ ինքնին քրեական ենթամշակույթին անդամակցությունը: «Գողական կոչումներ» ստանալը և կրելը ճանաչվել է որպես առանձին հանցագործություն և արդեն պատժվում է յոթից տասը տարի ժամկետով ազատազրկմամբ: 

Քրեական հանցախմբերի դեմ պայքարին ուղղված օրինագծի հեղինակները նաև լրացրել են Քրեական օրենսգրքի երկու գործող հոդվածներ («ավազակություն» և «հանցավոր խմբի ստեղծում»): Կազմակերպված հանցավոր խմբի ստեղծողներին այժմ սպառնում է հինգից տասը տարվա ազատազրկում:

 Պատիժն ավելանում է, եթե խումբը ստեղծել է հանցավոր աշխարհի ներկայացուցիչը (բանտարկյալ կամ օրենքով գող), զինված ուժերի կամ իրավապահ մարմինների աշխատակիցը, կամ եթե պետական պաշտոնյան է օգնել ստեղծել այն: Այս դեպքում նախատեսվում է 8-ից մինչև 12 տարի ժամկետով ազատազրկում: Մինչև 2018 թվականը երկրում հանցագործ աշխարհը իրեն բավականին ազատ է զգացել: Ոչ ոք չի միջամտել գողերի հանդիպումներին, և այդ հանդիպումները բացահայտ մեկնաբանվել են մամուլում:

 Օրինակ՝ 2015 թվականին հարյուր օրենքով գող է հավաքվել հանրապետությունում, որպեսզի բաժանեն ազդեցության ոլորտները Մոսկվայում Դեդ Հասանի (Ասլան Ուսոյան) սպանությունից հետո: Հանդիպումը սկզբում նախատեսվել էր անցկացնել Ռուսաստանում, սակայն այնտեղ «համաժողով» կազմակերպելու փորձերը ձախողվել էին: 

Հայաստանի ազգային անվտանգության ծառայության (ԱԱԾ) նախկին փոխտնօրեն Գուրգեն Եղիզարյանը նշում է, որ անհարմար հարցերը լուծելու համար հանրապետության իշխանությունները երբեմն դիմել են քրեական հեղինակություններին: 

Ըստ նրա, «ընտրությունների համար դադարեցվել են բազմաթիվ քրեական գործեր, կասկածյալներն ու մեղադրյալները ազատ են արձակվել, իսկ հանցագործները օգնել են ձայներ հավաքել և տեղամասերից անցանկալի դիտորդներին հեռացնել»: Սակայն շուտով այդ քաղաքականությունը փոխվել է: 

2018 թվականի մայիսին ոստիկանությունը ցրել է Երևանի հյուրանոցներից մեկում տեղի ունեցող գողական հավաքը, իսկ մեկ ամիս անց մտել քրեական առաջնորդների տներ: Խուզարկություններ են անցկացվել 12 օրենքով գողի և 20 քրեական հեղինակության մոտ: Հայտնաբերվել է թմրանյութ, զենք և զինամթերք: 

Ոստիկանությունը նույնիսկ առաջին անգամ ցուցադրել է հանցագործների դեմքերը, հայտնել նրանց անուններն ու մականունները: Քրեական ենթամշակույթի դեմ պայքարի պաշտոնական սկիզբը հայտարարվել է կառավարության՝ 2019 թվականի ապրիլի 18-ի նիստում: 

Այդ օրը արդարադատության նախարար Արտակ Զեյնալ յանին կշտամբել են, որ ուղղիչ հիմնարկներում կան արտոնյալ մարդիկ՝ նրանց բանտասենյակների դռները չեն փակվում, ծանրոցները չեն ստուգվում, նրանց տրամադրության տակ կան բջջային հեռախոսներ: Իսկ մի քանի օր անց ԱԱԾ- ն անսպասելի այցեր է իրականացրել բանտեր: Արմավիրի բանտի միջանցքում անվտանգության աշխատակիցները հանդիպել են տեղի «նայողին», որը բջջային հեռախոսը ձեռքին ազատ զբոսնում էր: 

Արթիկի բանտում ԱԱԾ- ի սպաները սմարթֆոնների պահոցներ են հայտնաբերել: Պարզվել է, որ բանտարկյալները ներգրավված են համացանցային խարդախությունների մեջ: Դրանից հետո նախարար Զեյնալյանը հրաժարական է տվել, իսկ նորանշանակ նախարար Ռուստամ Բադասյանը ներկայացրել է քրեական ենթամշակույթի դեմ պայքարի մասին օրենքի նախագիծ: Քրեական աշխարհը բուռն է արձագանքել այդ օրինագծին: 

Սեպտեմբերի սկզբին «Նուբարաշեն» և «Հրազդան» քրեակատարողական հիմնարկներում բանտային անկարգություններ են տեղի ունեցել: 

Ըստ ԶԼՄ-ների հաղորդումների, գողականների հավաքներից մեկի ժամանակ ենթադրաբար փոխվել է «գողական օրենսգիրքը»: Եթե նախկինում օրենքով գողին հարցնում էին՝ «դու գո՞ղ ես», նա սպիպված պետք է դրական պատասխաներ, քանի որ հակառակ դեպքում նրա հեղինակությունը համարվում էր փչացած: 

Այժմ հիերարխիային անդամության փաստի ընդունումը պարտադիր չէ: Որոշ գանգստերներ մտածում են Ռուսաստան տեղափոխվելու մասին: Հայաստանի խորհրդարանում հակագողական օրենքը ակտիվորեն է քննարկվել: 

Իշխող կուսակցության ներկայացուցիչները մեղադրել են ընդդիմադիր պատգամավորներին հանցագործներին սատարելու մեջ, քանի որ վերջիններս օրենքը անվանել են լղոզված, քանի որ չկան հստակ սահմանումներ կամ իրավական ձևակերպումներ, և ենթադրվում է, որ երկրի իշխանությունները հանցագործության դեմ պայքարի պատրվակով կհարձակվեն ընդդիմության վրա: Փորձագետների կարծիքով, հակագողական օրենքը լուրջ ազդեցություն չի ունենա Հայաստանի իրավիճակի վրա: 

Ըստ Կովկասի հարցերով փորձագետ Արթուր Աթաևի, Հայաստանում օրենքով գողերի խնդիրը սուր չէ, նրանք չունեն թթվածին և գործունեության դաշտ, քանի որ երկրի տնտեսությունը թույլ է և մեծ է անվտանգության ուժերի ազդեցությունը, որպես հետևանք՝ հայկական հանցավոր խմբավորումներ կարելի է տեսնել Ռուսաստանի Կրասնոդարի, Ստավրոպոլի երկրամասերում, Ռոստովում և Մոսկվայում: 

Քաղաքագետ Միխայիլ Ալեքսանդրովն էլ կարծում է, որ Փաշինյանը պայքարում է հանցավորության դեմ նաև քաղաքական պատճառներով: Նա կարծում է, որ իր նախորդները ապավինել են այդ հեղինակավոր մարդկանց: 

Փաշինյանը ցանկանում է խաթարել նախկին առաջնորդների դիրքերը, խլել նրանց հենման կետերը և ըստ էության ամրապնդել իր դիրքերը: Օրենքով գողերի դեմ պայքարը, իհարկե, դրական երևույթ է, բայց կարևոր է այն, որ հետո այնպիսի նոր «օրենքով գողեր» չհայտնվեն, որոնք արդեն կապված լինեն գործող իշխանության հետ:

website by Sargssyan