Լանզարոտի կոնվենցիայի շուրջ հետագա հանրային քննարկումների ար... ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (29 ՄԱՅԻՍԻ). Ան­կար­գու­թյուն­նե­րի հե­տև... ՀԱՍԱՐԱԿՈՒԹՅՈՒՆ
Կորցնում ենք, կորցնում, բայց այդպես էլ չենք խրատվում ՀԱՍԱՐԱԿՈՒԹՅՈՒՆ
«Սե­րը ժա­ռան­գել եմ մայ­րի­կիցս». պահ­պա­նե­լով ժա­նյակա­գո... ՀԱՐՑԱԶՐՈՒՅՑ
«Ակա­նա­տես չենք եղել որևէ փաս­տաթղ­թի, որը կքար­տե­զագ­րի Հ... ՀԱՐՑԱԶՐՈՒՅՑ
Երևան, 31.Մայիս,
00
:
00
:
00
Փոխարժեք
478.65
$
560.79
Սուրբ Գրիգոր Լուսավորիչ ԲԿ-ում եմ․ հանդիպեցի կովիդ-դրական մայրիկի՝ իր 4 օրական նորածնի հետ․ Թորոսյան ԱՄՆ-ում ոստիկանությունը ռետինե փամփուշտներով կրակել է լրագրողին (տեսանյութ) Ամբերդ գյուղի ջրատարի մեջ 70-75 տարեկան կնոջ դի է հայտնաբերվել Թրամփը շնորհակալություն է հայտնել Գաղտնի ծառայությանը եւ իր ցասումն է արտահայտել ցուցարարների հանդեպ Նախատեսվում է օրական 1000-ից 2000 թեստի արտադրություն. Փաշինյան Պարետի որոշմամբ՝ արգելվել է 138 տնտեսվարողի գործունեությունը Իսպանիայի ԱՆ-ն թույլ է տվել թիմային մարզումներ անցկացնել հունիսի 1-ից․ Marca Վաղը խոսելու եմ Լանզարոտեի կոնվենցիայի կրթական մասից. ԿԳՄՍ նախարար ՀՀ ոստիկանությունը հայտարարություն է տարածել Գեղարքունիքի մարզում հաստատվել է կորոնավիրուսային հիվանդության ընդհանուր 495 դեպք. մարզպետ Ռուսաստանում վերջին մեկ օրում կորոնավիրուս է հայտնաբերվել է 8 952 մարդու մոտ․ Ռիա Նովոստի Երևան-Դոնի Ռոստով չարտերային հատուկ չվերթի օրը հայտնի է Պարետը նոր որոշում է կայացրել Այս փոփոխությունները արվում են մեր պետության պոտենցիալը մեծացնելու համար. Նիկոլ Փաշինյան 2014թ․ ծնված բոլոր աշակերտները սեպտեմբերի 1-ից պետք է գնան դպրոց․ նախարար Գույքահարկի դրույքաչափերի փոփոխության հետևանքով շատերի համար նպատակահարմար չի լինի անշարժ գույքը պահելը և այն վաճառելու են նորաթուխ օլիգարխներին․ Թաթուլ Մանասերյան Եկել է համատարած հայտարարագրման և գույքահարկի նոր համակարգի ներդրման ժամանակը․ Փաշինյան (տեսանյութ) Մարդիկ Փաշինյանի հորդորներն անտեսում են, քանի որ այլևս նրան չեն հարգում. Արամ Անտինյան Մենք այսօր իսկապես հումանիտար աղետի մեջ ենք. հայտարարություն Չէի ուզի որեւէ մեկը հույսեր փայփայի, որ մենք մեր առաքելությունը կձեւակերպենք իրենց ակնկալիքների համաձայն․ Արշակ սրբազան

«Չեղարկումները շատացել են ու հասել անգամ մինչև հունիս». տուրիզմի հայկական ֆեդերացիան առաջարկներ ունի

Սպասելի էր, որ համավարակի ազդեցությունն առաջին հերթին ակնառու է լինելու հենց զբոսաշրջության ոլորտում: Օրերս ոլորտի շուրջ 200 ներկայացուցիչներ միացել էին change.org կայքում հրապարակված խնդրագրին, որն ուղղված էր վարչապետ Նիկոլ Փաշինյանին: Իր հերթին Տուրիզմի հայկական ֆեդերացիան դեռ մարտի 12-ին է համապատասխան գրություն ու առաջարկություններ ներկայացրել ինչպես վարչապետին, այնպես էլ զբոսաշրջության կոմիտե: Այս մասին «Փաստի» հետ զրույցում ասաց Տուրիզմի հայկական ֆեդերացիայի նախագահ Մեխակ Ապրեսյանը՝ նշելով, որ հանդիպում են ունեցել նաև ԱԺ տնտեսական հարցերով հանձնաժողովի հետ:

«Այդ ժամանակ արդեն չեղարկումներ կային, և հիմա, ըստ էության, այդ չեղարկումները ավելի են շատացել ու հասել անգամ մինչև հունիս: Այս մասին ահազանգում են ֆեդերացիային անդամակցող թե՛ զբոսաշրջային օպերատորները, թե՛ հյուրանոցները, թե՛ տրանսպորտային ընկերությունները: Հանրային սնունդ մատուցող ծառայությունները ևս նման ահազանգեր են հնչեցնում: 

Սա նշանակում է, որ զբոսաշրջային ոլորտի ծառայություններ մատուցողները եկամուտներից ընդհանրապես զրկվում են: Եկամուտներ չեն ստանում, բայց իրենց աշխատատեղերը պահպանելու, հարկերը վճարելու խնդիր ունեն, ինչպես նաև շահութահարկի գծով կանխավճար վճարելու պարտավորություններ: Նրանցից շատերը վարկեր ունեն, ու պետք է կատարեն թե՛ վարկային, թե՛ հարկային պարտավորությունները՝ զուգահեռ պահպանելով աշխատատեղերը, ինչպես նաև վճարել աշխատողների աշխատավարձերը: Սա կարող է հանգեցնել մի վիճակի, երբ մենք կարող ենք սնանկացումների շարք ունենալ: Ոլորտն իսկապես վտանգի տակ է»,-շեշտեց մեր զրուցակիցը:

Մեխակ Ապրեսյանը նշեց, որ նամակում ընդգծել են զբոսաշրջության կարևոր դերի մասին: Մասնավորապես, որ ոլորտը սնում է տնտեսության բոլոր ճյուղերը, սնվում այդ ճյուղերով, նպաստում նաև կայուն տնտեսական զարգացմանն ու տնտեսական աճին. «Եթե զբոսաշրջությունը փլուզվեց, այդ հանգամանքը խորը բացասական ազդեցություն կունենա տնտեսության վրա»:

Խոսելով իրենց առաջարկությունների մասին՝ Մեխակ Ապրեսյանը նշեց, որ այդ առաջարկություններից հիմնականը տեղ է գտել կորոնավիրուսի տնտեսական հետևանքների չեզոքացման առաջին միջոցառման նախագծի մեջ, ինչը ողջունելի է իրենց կողմից: «Կառավարությունը առաջարկում է, որ անտոկոս վարկ տրամադրվի, ինչը կարող են օգտագործել և՛ առկա հարկերը վճարելու, և՛ աշխատողներին աշխատավարձ տալու ու կոմունալ վճարումների համար: 

Անտոկոս վարկը նշանակում է փող ներարկել տնտեսության մեջ, ինչը հարկաբյուջետային քաղաքականության լավ օրինակ է: Սա ավելի լավ տարբերակ է, քան հարկային արձակուրդը, որովհետև տրամադրել հարկային արձակուրդ, նշանակում է՝ ընդհանրապես փողի շրջանառություն չանել, ասել՝ փող մի մուտքագրեք բյուջե, վեց ամիս հետո կգաք ու հարկ կտաք: Իսկ թե որտեղի՞ց են տալու այն ժամանակ ավելի վատ իրավիճակում հայտնված կազմակերպությունները, հայտնի չէ»,-ասաց նա:

Մեր զրուցակիցը նշեց, որ հավել յալ նոր առաջարկություններ ունեն, որոնք ուղարկելու են կառավարությանը: Մեխակ Ապրեսյանը ընդգծեց նաև, որ իրենց առաջարկություններին ոլորտի մի շարք կազմակերպություններ ևս միացել են:

«Եթե այդ անտոկոս վարկն ավելի երկար ժամկետով տրամադրվի, ավելի ձեռնտու կլինի ոլորտի կազմակերպությունների համար: Պետք է հաշվի առնել զբոսաշրջության ոլորտի առանձնահատկությունը. այս ոլորտի վերականգնումն ավելի ուշ է լինելու: Երկու տարին բավարար չի լինի, որ կարողանան նորից ոտքի կանգնել, նորից եկամուտներ ունենալ և ի վիճակի լինել կատարել բոլոր պարտավորությունները: 

Եթե այդ անտոկոս վարկը լինի գոնե 3 տարի ժամկետով, և դրանց մարումը նախատեսվի ոչ շուտ, քան վարկը վերցնելուց մեկ տարի հետո, այդ պարագայում բարենպաստ կլինի: Մի հարց էլ կա. հնարավորության դեպքում վատ չի լինի, որ գոնե առաջին երկու-երեք ամիսների կտրվածքով սուբսիդավորվեն ոլորտի աշխատողների աշխատավարձերը: Առաջարկում ենք այդ հնարավորությունը ևս դիտարկել ու քննարկել»,-նշեց Մ. Ապրեսյանը՝ շեշտելով, որ ակնկալում են նաև իրական վարկային արձակուրդ: 

«Այսինքն, որ վարկի մարման գրաֆիկը ողջամիտ ժամկետով տեղափոխվի, և ոչ թե ասեն՝ երեք կամ երկու ամիս կարող եք չվճարել, բայց հետո, հենց այդ ժամկետը լրանա, այդ երեք ամսվա վճարելիքն էլ հենց այդ ժամանակ պահանջեն: Դա ավելի ծանր իրավիճակի մեջ կգցի ոլորտի ներկայացուցիչներին»,-շեշտեց նա:

Մեր զրուցակիցն ընդգծեց նաև անտոկոս վարկով վարկային պարտավորությունները սպասարկելու հնարավորության անհրաժեշտության մասին. 

«Օրինակ բերեմ: Մեզ մոտ կան տրանսպորտային կազմակերպություններ, որ տրանսպորտային պարկը թարմացնելու համար վարկ են վերցրել, լավ ավտոբուսներ են ներմուծել, բայց այսօր եկամուտ չունեն ու փաստի առաջ են կանգնած: Իրենք բավականին մեծ ծավալի վարկային պարտավորություններ ունեն, և եթե հնարավոր չէ ողջամիտ, մի քիչ ավելի երկար վարկային արձակուրդ տրամադրել, լավ կլինի, որ կարողանանք այդ անտոկոս վարկն ուղղել նաև այդ վարկային պարտավորությունների սպասարկմանը»:

ԱՆՆԱ ԲԱԴԱԼՅԱՆ

website by Sargssyan