«Անկախության տարիներին ավելի համախմբված էինք, հիմա հակառակը... ՀԱՐՑԱԶՐՈՒՅՑ
«Խաղացողների» բովանդակությունը փոխվեց. մրցակցություն ու դեմպ... ՀԱՐՑԱԶՐՈՒՅՑ
Ինչո՞ւ են իշխանությունների՝ կորոնավիրուսի դեմ պայքարին ուղղվ... ՎԵՐԼՈՒԾԱԿԱՆ
Մինչև ո՞ւր կհասնի Հայաստանի ավիացիոն ֆիասկոն ՎԵՐԼՈՒԾԱԿԱՆ
«Եթե անգամ համաճարակով պայմանավորված խնդիրները չլինեին, ներկ... ՀԱՐՑԱԶՐՈՒՅՑ
Երևան, 04.Հունիս,
00
:
00
:
00
Փոխարժեք
478.65
$
560.79
«Անկախության տարիներին ավելի համախմբված էինք, հիմա հակառակը՝ կղզիացել ենք» «Նոյեմբերյանի բժիշկներն ասում են՝ վարակված ենք, մեզ թեստեր չեն անում ու այդպես ենք գնում հիվանդներին օգնելու»․ Ն․ Զոհրաբյան «Տաթեւիկ Ադումյանը կարանտինի իմ ձեռքբերումն է». Նարինե Մկրտումյանը նկարահանվում է սերիալում Առողջապահության նախարարն այս իշխանությունների սիմվոլն է, քանի որ դիլետանտ է, մեծամիտ, ինքնահավան, անհարգալից վերաբերմունք է ցուցաբերել դատարանի նկատմամբ. Դավիթ Խաժակյան Հայաստանում հնարավոր է կորոնավիրուսի մեծ բռնկում. Արսեն Թորոսյան (տեսանյութ) | ՍիվիլՆեթ Իշխանությունն «անմեղ» է, եթե նույնիսկ մեկ օրում 700 դեպք է արձանագրվում «Խաղացողների» բովանդակությունը փոխվեց. մրցակցություն ու դեմպինգ՝ ներքին տուրիզմի ոլորտում Աննա Դովլաթյանի և Դավիթ Աղաջանյանի ֆոտոշարքը բալիկի ծննդին ընդառաջ Ինչո՞ւ են իշխանությունների՝ կորոնավիրուսի դեմ պայքարին ուղղված քայլերը ժամանակավրեպ Արայիկ Հարությունյանը Արցախի գլխավոր դատախազի պաշտոնի համար թեկնածու ունի Կորոնավիրուսից մահացածների և վարակակիրների թիվը՝ այսօրվա դրությամբ ՀԾԿՀ կողմից ներկայացված հաշվարկը վկայում է, որ Հայաստանում այլևս հնարավոր չէ ապահովել գազի ցածր սակագին. Վահե Դավթյան Մինչև ո՞ւր կհասնի Հայաստանի ավիացիոն ֆիասկոն Նոր ռեկորդ. մեկ օրում կորոնավիրուսով վարակվածների 697 դեպք. Կա 15 մահ, որից 9-ը այլ հիվանդությունից «Եթե անգամ համաճարակով պայմանավորված խնդիրները չլինեին, ներկայիս իշխանությունն այս իրավիճակին էր հասնելու» Հասարակ մահկանացուները տուգանվում են, իսկ արտոնյալներն իրենց ռեստորաններում հանգիստ հարսանիքներ են անում. 168.am Հնարավոր են նաև ծայրահեղ միջոցներ Այսօրվանից բաց տարածքներում դիմակ կրելը պարտադիր է. Պարետի նոր որոշումը Վատ լուրեր ունենք. Իրավիճակն ավելի է վատանում. երեկ արձանագրվել է 697 վարակման նոր դեպք. Փաշինյան Կունենա՞նք ազգային գաղափարախոսության հայեցակարգ

Ո՞ր ընկերությունների շնորհիվ են Հայաստանում ավելացել աշխատատեղերը

Օրերս «Փաստը» հարցումով դիմել էր վարչապետի աշխատակազմին՝ պարզելու, թե 87000 աշխատատեղերը, որոնք, Նիկոլ Փաշինյանի խոսքերով, ստեղծվել են Հայաստանում վերջին 1,5 տարում, որ հիմնարկությունների և կազմակերպությունների շնորհիվ են ի հայտ եկել: Մեր հարցերին պատասխանել է պետական եկամուտների կոմիտեն՝ նախ նշելով, թե ինչպես է ձևավորվում ստեղծված աշխատատեղերի մասին տեղեկատվությունը: 

Նշվում է՝ «Եկամտային հարկի, շահութահարկի և սոցիալական վճարի անձնավորված հաշվառման մասին» ՀՀ օրենքով սահմանված անձնավորված հաշվառման վերաբերյալ տեղեկատվությունն արտացոլվում է հարկային մարմնի տեղեկատվական բազայում, որում հաշվառվում են գործատուների կողմից գրանցված աշխատողները (կամ՝ ըստ էության «աշխատատեղերը»), որոնց համար հարկ վճարողները յուրաքանչյուր ամիս, մինչև տվյալ ամսվան հաջորդող ամսվա 20-ը հաշվարկում են եկամտային հարկ՝ այն արտացոլելով եկամտային հարկի և սոցիալական վճարի ամսական հաշվարկում: 

ՊԵԿ-ից հայտնում են, որ համաձայն հարկ վճարողների կողմից ներկայացված եկամտային հարկի և սոցիալական վճարի ամսական հաշվարկների՝ 2019 թ.-ի դեկտեմբերին 2018 թ.-ի ապրիլի համեմատությամբ «աշխատատեղերի» քանակը աճել է 87281ով, ինչը փաստ է և հիմնավորված է հարկ վճարողների կողմից ներկայացված հարկային հաշվարկներով: Միաժամանակ գերատեսչությունը հայտնում է, որ գործատուների կողմից աշխատողների ընդունումն ու ազատումը դինամիկ գործընթաց է, և վերջիններիս մոտ պարբերաբար աշխատատեղերի թվաքանակը ենթարկվում է փոփոխության:

ՊԵԿ-ը «Փաստին» է տրամադրել համապատասխան ցուցակը, որում ներկայացված է 2019 թ.-ի դեկտեմբերի և 2018 թ.-ի ապրիլի համեմատությունը՝ նշելով, որ առանձին դեպքերում աշխատատեղերի ավելացումը և պակասեցումը պայմանավորված է հարկ վճարողների վերակազմակերպման և (կամ) վերջիններիս կողմից բիզնես գործընթացների վերափոխմամբ: 

«Փաստը» ՊԵԿ-ի տրամադրած 745 էջանոց ցանկից առանձնացրել է այն հիմնարկությունները և կազմակերպությունները, որտեղ աշխատատեղերի ավելացումն առավել նկատելի է: Նախ ընդգծենք, որ աշխատատեղերի լայնածավալ պակասեցում գրանցվել է հիմնականում պետական այն գերատեսչություններում, որոնք նախորդ տարի լուծարվեցին: Օրինակ՝ սպորտի, մշակույթի, գյուղատնտեսության և այլ նախարարություններում ու պետական հիմնարկներում, միևնույն ժամանակ՝ մեծ թվով աշխատողներ ավելացել են արդեն միավորված գերատեսչություններում: 

Ընդհանուր դիտարկումները ցույց տվեցին, որ աշխատատեղերի ավելացում նկատվել է նորաբաց կամ արդեն իսկ գործող տեքստիլի արտադրության մեջ մասնագիտացած գործարաններում, պահնորդական և անվտանգության ծառայություններ իրականացնող կազմակերպություններում, բանկերում, շինարարությամբ և սննդի արտադրությամբ զբաղվող ընկերություններում: Նշենք, որ այս ընկերությունների մասին տեղեկատվություն փնտրելիս առաջնորդվել ենք բացառապես օնլայն տիրույթում առկա ինֆորմացիայով կամ էլ այն փաստով, որը ընկերությունները լայն ճանաչում ունեն մեր հասարակությունում: Եվ այսպես՝ առանձնացրել եք դրանցից մի քանիսը: 

Շինարարություն

«Ա. Ա. Բ պրոյեկտում աշխատողների քանակն ավելացել է 40-ով: Ընկերությունը մասնագիտացած է ճանապարհների շինարարության ոլորտում, ամեն դեպքում այդ մասին վկայող միայն մեկ հրապարակում գտանք համացանցում: «Աղաբաբյան» ընկերությունում աշխատակիցների քանակն ավելացել է 57-ով: Ի դեպ, համանուն մի քանի ընկերության մասին տեղեկատվության հանդիպեցինք ցանցում, և ասել, թե այս դեպքում խոսքը Լոռու մարզում գործող շինարարական, թե մեկ այլ ընկերության մասին է, հստակ ասել չենք կարող: «ԱՐԱՐԷ» ընկերությունում, որը զբաղվում է ճարտարապետությամբ և շինարարությամբ, աշխատեղերի քանակն ավելացել է 64-ով, «Ապառաժում»՝ 52-ով, այն հիմնադրվել է 1950թ.-ին և զբաղվում է շինարարությամբ, հողային և քանդման աշխատանքներով, «Գազկոմշինում»՝ 106-ով, «ԻՄԷՔՍ գրուպում»՝ 873-ով, այն հիմնադրվել է 1997 թ.-ին, զբաղվում է շինանյութերի ներմուծմամբ, արտադրությամբ և վաճառքով:

Խմիչք/ծխախոտ

«Աբովյանի կոնյակի գործարանում» վերը նշված ժամանակահատվածում աշխատողների թիվն ավելացել է 59-ով, «Իջևանի գինու, կոնյակի գործարանում»՝ 94-ով, «Երևանի Արարատ կոնյակի-գինու-օղու կոմբինատում»՝ 80-ով, «Արմենիա վայն գործարանում»՝ 113ով, «Ավշարի գինու գործարանում»՝ 94-ով, «Ինտերնեյշնլ Մասիս տաբակում»՝ 618-ով, «Մասիս տոբակոյում»՝ 159-ով, ծխախոտային ապրանքների ներմուծմամբ զբաղվող «Վիդիս դիսթրիբյուշն» ընկերությունում՝ 1194-ով:

Պահնորդական ծառայություններ

«Աբսոլյուտ սեքյուրիթիում» աշխատակիցների քանակն ավելացել է 45-ով, «Իտալսեկ» անվտանգության և պահնորդական ծառայությունում՝ 90-ով, «Գարդիանում», որը զբաղվում է շենքերի, կառույցների, տարբեր նշանակության օբյեկտների անվտանգության պահպանմամբ՝ 202-ով, «Կոմբատ սեքյուրիթիում»՝ 65-ով, «Պատրիոտ սեքյուրիթիում»՝ 160-ով:

Առևտրի կենտրոններ

«Ագաթ գրուպում» աշխատատեղերի քանակն ավելացել է 94-ով: Որոնումների արդյունքում պարզ դարձավ, որ խոսքը, կարծես թե, Հայաստանի տարբեր մարզերում գործող սուպերմարկետների ցանցի մասին է, «Ծիրան» մարկետում՝ 110-ով, «Սիթիում»՝ 4558-ով: 

Հանքարդյունահանմանն առնչվող ընկերություններ

«Ագարակի պղնձամոլիբդենային կոմբինատում» աշխատատեղերի քանակն ավելացել է 52-ով, «Անմոռ» ընկերությունում՝ 104ով, այն «Թեղուտ» ՓԲԸ-ի տարածքում շահագործում է փիրուզի հանքավայրը, «Գեոպրոմայնինգ գոլդում»՝ 326-ով, Հայաստանում շահագործում է Սոթքի հանքը և Արարատի ոսկու կորզման ֆաբրիկան, ինչպես նաև Ագարակի պղնձա-մոլիբդենային կոմբինատը, «Զանգեզուրի պղնձամոլիբդենային կոմբինատում»՝ 720-ով:

Մթերք-արտահանում / ներմուծում / արտադրություն

«ԱԳԳԱ Լոգիստիկ» ՍՊԸ-ում, որը հիմնադրվել է 2015 թ.-ին և զբաղվում է ալ յուրի ու հրուշակեղենի արտադրությամբ, աշխատատեղերի քանակն ավելացել է 53-ով, «Ագրոթեքինվեստում», որը զբաղվում է թռչնամսի արտադրությամբ և հայտնի է «Լուսակերտ» ապրանքանիշով՝ 68-ով, «Աթենքում»՝ 190-ով, «Կարասում»՝ 375-ով, «Բարի Սամարացիում»՝ 78-ով, «Բեկոն պրոդուկտում»՝ 86ով, «Անդակո» ընկերությունում՝ 347-ով, այն մասնավոր ներկրող ընկերություն է, որը երկար տարիների փորձ ունի սննդամթերքի, ալկոհոլային և ոչ ալկոհոլային խմիչքների ներկրման ոլորտում, ներկայացնում է նաև «Պարմա» սուպերմարկետների ցանցը և «Martini Royal» ռեստորան/սրճարանը, 2004 թ.-ին հիմնադրված «Առողջ սունկ» ընկերությունում՝ 105-ով, այն մասնագիտացած է թարմ և պահածոյացված սնկի արտադրության ոլորտում, «Արարատ քենինգ ֆեքթըրիում»՝ 106-ով, սա պահածոների գործարան է, «Արարատ սննդի կոմբինատում»՝ 157-ով, «Արմտորգում»՝ 124-ով, այն հայկական պտուղ-բանջարեղեն արտահանող առաջատար ընկերություն է, «Արաքս թռչնաֆաբրիկայում»՝ 249-ով, «Արզնու տոհմային ԹՏԽ»ում՝ 50-ով, «Գրանդ քենդիում»՝ 280-ով, «Թռչնաֆաբրիկա գետամեջ 2016»-ում՝ 86ով, «Երևանի շոկոլադի գործարանում»՝ 144ով, «Սպայկայում»՝ 794-ով, Սևանի հացի գործարանում՝ 168-ով:

Տարբեր ծառայություններ մատուցող ընկերություններ

«Ալեքս էնդ հոլդինգ» ընկերությունում աշխատատեղերի քանակն ավելացել է 183-ով, «ActiGroup»ընկերությունում՝ 44-ով, այն հիմնադրվել է 2006 թ.-ին, կազմակերպում է միջոցառումներ տարբեր ոլորտներում, «Բադալ յան եղբայրներ» ընկերությունում՝ 309-ով, հիմնադրվել է 2003 թ.-ին, հայտնի է «Կովկաս» ռեստորանային համալիրով և հինգաստղանի հյուրանոցով, «Բակլաչոֆֆում»՝ 146-ով, Երևանում գործող ընտանեկան ռեստորանների ցանցը ձևավորվել է 2011 թ.-ին և այսօր Երևանում ունի գործող 3 ռեստորանային համալիր, 1 ռեստորան Ծաղկաձորում, 1-ն էլ Կրասնոդարում, «Չայխոնա 1-ում»՝ 103-ով, «Պիցցա Տաշիրում»՝ 460-ով: 

Թեթև արդյունաբերություն

«Ալեքս տեքստիլում» աշխատողների քանակն ավելացել է 671-ով, «Անիթեքս» տեքստիլի ֆաբրիկայում՝ 46-ով, «Տավուշ տեքստիլում»՝ 409-ով, «Վանաձորի Գլորիա կարի ֆաբրիկայում»՝ 1117-ով, «Սարտեքս» կարի ֆաբրիկայում՝ 456-ով, հայ-չինական նորաբաց «Ասա Գարմենտ» ընկերությունում՝ 396ով, «Իջ գրանդ տեքստիլօպտում»՝ 154-ով, գուլպեղենի և տեքստիլի արտադրության ոլորտում մասնագիտացած «Հելլոտեքս» ընկերությունում՝ 88-ով, Մասիսի «Գարուն» կարի ֆաբրիկայում՝ 108-ով, «Ոսկե կար» կարի արտադրամասում՝ 274-ով:

Բանկեր

«Ակբա-կրեդիտ ագրիկոլ բանկում» ավելացել է 102-ով, «Ամերիաբանկում»՝ 309-ով, «ԱյԴի» բանկում՝ 102-ով, «Արարատբանկում»՝ 77-ով, «Հայբիզնեսբանկում»՝ 301-ով, «Արդշինբանկում»՝ 157-ով, «Կոնվերս բանկում»՝ 102-ով, «ՎՏԲ-Հայաստան» բանկում՝ 97-ով:

ԼՈՒՍԻՆԵ ԱՌԱՔԵԼՅԱՆ

website by Sargssyan