Ինչո՞ւ է հայտնի շոկոլադը կոչվում «Ալյոնկա», ո՞ւմ նկարն է պատ... ՀԱՆՐԱՀԱՅՏ ՄՈԼՈՐՈՒԹՅՈՒՆՆԵՐ
ՊԱՏՄՈՒԹՅԱՆ ԱՅՍ ՕՐԸ (28 ՆՈՅԵՄԲԵՐԻ)․Թեհրանի կոնֆերանսը, Կարմիր... ՀԱՍԱՐԱԿՈՒԹՅՈՒՆ
«Ո՜վ գիտե, միգուցե ծիծաղը նույն լացն է, միայն ներսի արևների ... ՀԱՐՑԱԶՐՈՒՅՑ
«Տնտեսության մեջ ամեն ինչ թողնված է ինքնահոսի. կառավարությու... ՏՆՏԵՍՈՒԹՅՈՒՆ
«Ոչինչ չի արվի, ոչինչ չի կառուցվի ու ոչինչ չի փոխվի. սա ոչ մ... ՀԱՐՑԱԶՐՈՒՅՑ
Երևան, 29.Նոյեմբեր,
00
:
00
:
00
Փոխարժեք
478.65
$
560.79
«Հայտնեցին, որ զոհվել է. չճանաչած` հարազատ եմ կորցրել». Իննա Խոջամիրյան 25 օր ա ես կորոնավիրուսով պառկած եմ, պարապ եք մնացել, էլի ինձ հիշեցի՞ք. Սամվել Ալեքսանյան Ռուսաստանի դեսպանը կարող է մասնակցել ԱՄՆ նախագահի երդմնակալության արարողությանը «Ֆեյսբուք»-ում ֆլեշմոբ է սկսվել. օգտատերերը կոչ են անում չհետևել Նիկոլ Փաշինյանի ֆեյսբուքյան էջին Հիշեք, որ ամեն օրը, ամեն ժամը կարեւոր է, մեր զավակների կյանքն է վտանգված. Վարդան Պետրոսյան Արմեն Սարգսյանը Մոսկվա է մեկնել մասնավոր այցով․ աշխատակազմը պարզաբանում է հրապարակել Աննա Կոստանյանը հարցում է ուղարկել Նիկոլ Փաշինյանին Սոցցանցերում Սյունիքով անցնելիք ճանապարհն արդեն անվանում են «Թուրանական միջանցք». իրանագետ Հրդեհ է բռնկվել Ասկերանի շրջանի Խնածախ համայնքում Ադրբեջանցիները նկարում են Սևանա լիճը (տեսանյութ) Ժամկետային զինծառայողները կապահովվեն 10-օրյա արձակուրդով Տավուշի սահմանները երկու ամսից ավելի անառիկ պահող զինծառայողների աշխատավարձերից խոշոր չափի պահումներ են արվել Պաշտպանության նախարարին ասացինք՝ վստա՞հ է, որ թուրքը նոր դիվերսիա չի անի, ասաց՝ ոչ, կարող է Երևան էլ գան. զինծառայողների ծնողներ Ավտովթար Երևանում. բախվել են Toyota-ն և Խաչատուր Սուքիասյանի Rolls Royce-ը 24 ժամվա ընթացքում դավաճանի էջը «դիսլայք» է արել ավելի քան 5.000 իրական անձ. Բ. Եսայան Սեւ հովազի՝ Ռուստամ Գասպարյանի եղբայրը Նիկոլ Փաշինյանին 3 օր ժամանակ է տալիս. «Հրապարակիր ցուցակը, ձերբակալիր, եթե ոչ, ուրեմն դու ես դավաճանը» Մեր բոլոր դժբախտությունների և ձախողումների մի մասը, գալիս է ազգային կրթության ու դաստիարակության պակասից.Գեղամ Պետրոսյան ՔՊ-ի հակասահմանադրական «ուղեբեռը». ի՞նչ քաղաքական նպատակներով է 2.5 տարի խախտվել մայր օրենքը Ռուսաստանցի պաշտոնյաները մերժել են ՀՀ նախագահ Արմեն Սարգսյանի՝ հանդիպելու խնդրանքը. ստիպված այցը պաշտոնականից դարձրել են մասնավոր. բացառիկ մանրամասներ․ Մեդիապորտ Անուղեղներից գումարը վերցնել եւ տալ մեր հաշմված տղաներին. նրանք դա վաստակել են. Արմեն Աշոտյան

«Լավ կլի­ներ, եթե փո­խօգ­նու­թյան և հա­մախմբ­վե­լու կա­րո­ղու­թյու­նը դրսև­որ­վեր նաև առօ­րյա­յում, այլ ոչ մի­այն ճգնա­ժա­մե­րի դեպ­քում»

Վերջին ամիսներին բարդ ժամանակներ են ոչ միայն Հայաստանում, այլև ամբողջ աշխարհում: Կորոնավիրուսը «եկավ խառնելու» բոլորի ծրագրերը, փոխելու շատերի կյանքի ընթացքը, «ստիպելու», որ շատ իրադարձությունների ու փաստերի սկսենք այլ կերպ վերաբերվել: Նման արտակարգ իրավիճակներում է երևում ոչ միայն պետական գերատեսչությունների և առհասարակ պետության, այլ նաև հասարակության պատրաստվածության աստիճանը: Ազգերը հաճախ են ապացուցում, որ միավորվելու, մեկը մյուսին օգնության ձեռք մեկնելու կարողություն ունեն: Մենք՝ հայերս, դա ապացուցելու բազմամյա փորձ ունենք: Մենք ընդհուպ կարող ենք մեզ նեղություն տալու գնով ուրիշին օգնության ձեռք մեկնել: Սա, իհարկե, բոլորին չի վերաբերում, այլ մեծամասնությանը: Որևէ հասարակություն զերծ չէ վատ բացառություններից:

Հետաքրքիր է՝ ինչպիսի՞ն է արտակարգ իրավիճակներում մեր վարքագծի ուսումնասիրությունը փորձագետների աչքերով: Ազգագրագետ Սվետլանա Պողոսյանի խոսքով՝ նման իրավիճակներին մենք շատ բնականորեն են արձագանքում: «Բնական է՝ սկզբից մի քիչ խառնվում ենք իրար, բայց քանի որ ժամանակի փորձությունն անցած և այդ փորձառությունը կրող ժողովուրդ ենք, կարողանում ենք ավելի հանդարտ ու հանգիստ դրան վերաբերվել»,-«Փաստի» հետ զրույցում ասում է Պողոսյանը:

Հաճախ կարծիք է հնչում, որ հայերի՝ արտակարգ իրավիճակներում համախմբվելու կարողությունը բացառիկ է: Պողոսյանն ընդգծում է, այո՛, փաստ է, որ մենք նման կարողություն ունենք, բայց ասել, որ այդ առումով շատ բացառիկ ենք, ճիշտ չի լինի:

«Արտակարգ իրավիճակներում կարողանում ենք միավորվել: Անկեղծ ասած՝ չեմ կարող ասել՝ դա կապված է մեր ազգի բացառիկ տաղանդի հետ, թե հատուկ պաշտպանական մեխանիզմ է, բայց ապացուցված է, որ ճգնաժամային, ծայրահեղ վիճակներում համայնքն անպայման միավորվում է: Կարելի է ասել, որ ավելի շատ նման պահերին պաշտպանական մեխանիզմներ են աշխատում: Իհարկե, շատ ավելի լավ կլիներ, եթե մենք առօրյայում էլ հենց այդպիսին լինեինք, մեր բացառիկությունը դրանում դրսևորվեր: 

Բայց մենք ավելի շատ ճգնաժամերի դեպքում ենք ի մի գալիս: Առօրյա կյանքում ամեն մեկը զբաղված է իր խնդիրներով, բայց երբ արդեն վտանգ է սպառնում ընդհանուրին, հավանաբար հենց դա առաջացնում է միավորվելու խնդիր: Խնդրի ի հայտ գալը, ճգնաժամի առաջացումն ինքնաբերաբար ստիպում է, որ մարդիկ համախմբվեն»,-նշում է մեր զրուցակիցը:

Պողոսյանը տեղեկացնում է՝ մեր մշակույթում, ավանդույթային հասարակությունում մշտապես եղել է փոխօգնության ավանդույթը: 

«Չենք սպասել, որ օգնության կարիք լինի: Օրինակ՝ եղել են համքարություններ, և եթե որևէ արհեստավորի ընտանիքում դժբախտություն է պատահել, անմիջապես օգնել են նրան, եթե գյուղատնտեսական աշխատանքների ժամանակ է եղել, միավորվել են, եթե սուգ կամ հարսանիք է եղել, նորից համատեղ ջանքերով առկա խնդիրները լուծել են: 

Շատ ավելի լավ կլինի, եթե 21-րդ դարում, երբ ունենք սպառողական հասարակություն, սրա կարևորությունը զգանք: Չնայած հիմա, հետևելով տեղեկատվական հոսքերին, տեսնում եմ՝ կան երիտասարդներ, որոնք հոգ են տանում տարեցների մասին, մարդիկ իրար օգնության ձեռք են մեկնում: 

Սա ինձ շատ է ուրախացնում: Ճիշտ կլիներ, որ սա մշտական բնույթ կրեր, այլ ոչ թե դրսևորվեր համաճարակի ի հայտ գալու կամ էլ ճգնաժամի դեպքում, երբ ի մի ենք բերում մեր ուժերը»,-ընդգծում է ազգագրագետը: 

Այլ երկրների փորձը ցույց է տալիս՝ որտեղ մարդիկ կարողանում են կարգապահ լինել, առավել զգոնություն դրսևորել, համաճարակի դեմ պայքարում առավել հստակ արդյունքներ են գրանցում, կարողանում են շուտ կանխել դրա տարածումը, նոր օջախների ստեղծումը: Պողոսյանը ևս ընդգծում է՝ ճգնաժամային իրավիճակներում շատ կարևոր է, որ կարողանանք կանոնները պահպանել: 

«Երբեմն զարմանալի է թվում, երբ մանրամասնությամբ ասում են՝ ինչպես պետք է լվանալ ձեռքերը, հեռավորություն պահպանել, մինչդեռ դրանք տարրական հիգիենիկ կանոններ են, որոնք պետք է յուրաքանչյուրն էլ մշտապես պահպանի՝ անկախ նրանից՝ այդ մասին ասվում է, թե ոչ: Իհարկե, չէի ասի, որ մենք շատ կարգապահ ենք, դրա պակասն այսօր զգում ենք: Մարդիկ մինչև իրենց սեփական մաշկի վրա չեն զգում հետևանքները, կարծում են, թե այդ փորձությունն իրենց չի հասնի: 

Հիմա քիչ-քիչ մարդիկ սովորում են պահպանել կանոնները: Բոլորը պետք է հետամուտ լինեն հաստատված սահմանափակումների պահպանմանը, ինչը հնարավորություն կտա կանխել վարակի հնարավոր փոխանցումները»,-եզրափակում է Սվետլանա Պողոսյանը:

ԼՈՒՍԻՆԵ ԱՌԱՔԵԼՅԱՆ

website by Sargssyan