Արմեն Սարգսյանը հանդիպել է Օնիկ Գասպարյանի հետ. Մանրամասներ ՔԱՂԱՔԱԿԱՆ
Հզոր երկրաշարժ՝ Հունաստանում ՄԻՋԱԶԳԱՅԻՆ
ՀՀ գլխավոր դատախազությունը՝ Օնիկ Գասպարյանի հնարավոր ձերբակա... ՔԱՂԱՔԱԿԱՆ
Նիկոլ Փաշինյանը նոր որոշում է ստորագրել ՔԱՂԱՔԱԿԱՆ
Գորիս-Սիսիան և Գորիս-Շուռնուխ ճանապարհահատվածներում տեղ-տեղ ... ՀԱՍԱՐԱԿՈՒԹՅՈՒՆ
Երևան, 04.Մարտ,
00
:
00
:
00
Փոխարժեք
478.65
$
560.79
Նիկոլ Փաշինյանն ԱԺ էր եկել ոչ սթափ վիճակում. Mediaport Պահն է ձևավորելու երրորդ տիրույթը Ադրբեջանցիերը Սյունիքում այսօրվանից սկսել են խրամատներ փորել. Գորիսի փոխքաղաքապետն ահազանգում է Մինչ մեր դիպուկահարները զենքներն ուղղել են դեպի ժողովուրդը, թշնամին ինժեներական աշխատանքներ է սկսել Որոտանում Սա ոչ իմ պայքարն է, ոչ Օնիկ Գասպարյանի համար է, սա Հայրենիքի փրկության պայքար է․ Է.Շարմազանով Միայն արդար ընտրությունները Նիկոլին ու իր լակոտակրատիային կուղարկեն պատմության աղբանոցը. (Տեսանյութ) Տեսչական մարմինները զգուշացնում են Սա վերջին հարցն էր վարչապետին Հզոր Հայաստան կառուցելու բոլոր ճանապարհներն անցնում են տնտեսությունով, իսկ տնտեսության հզորացման երաշխավորը միմիայն դուք եք. Նաիրի Սարգսյան Թուրք կուսակցապետը Հայաստանը ահաբեկչական երկիր է անվանել BMW-ն մխրճվել է բեռնատարի հետնամասի մեջ. 5 վիրավորների մեջ կան երեխաներ Մենք կանգնած ենք բանակի կողքին. ազատամարտիկ Աղդամում ականի պայթյունի հետեւանքով ադրբեջանցի պաշտոնյա է տուժել Եթե փաստի առջեւ կանգնեն բոլորը, հայրիկս կգա. Լևոն Քոչարյան Ադրբեջանը ջանում է ջնջել հայկական հետքն Արցախում Մահացել է գեղանկարիչ Գագիկ Ավետիսյանը Արմեն Սարգսյանն ուղերձ է հղել Սերժ Սարգսյանը՝ Նիկոլ Փաշինյանի հայտարարության մասին, թե Օնիկ Գասպարյանն իր հրահանգով հայտարարություն արել Նորածին երեխայի մոտ հայտնաբերվել է կորոնավիրուսի նոր մուտացիա Ինքնաթիռի մեջ թռիչքի ընթացքում կատուն հարձակվել է օդաչուի վրա

Մեր կրթա­կան հա­մա­կար­գը պատ­րա՞ստ էր հե­ռա­վար ուսուց­մա­նը. ման­րա­մաս­նում է փոր­ձա­գե­տը.

Երկրում ստեղծված արտակարգ իրավիճակն արտակարգ դրություն ստեղծեց նաև կրթության ոլորտում: Այժմ թե՛ դպրոցներում, թե՛ բուհերում ժամանակավորապես անցում են կատարել հեռավար ուսուցման: ՀՀ ԳԱԱ գիտակրթական միջազգային կենտրոնի գիտական քարտուղար, կրթության փորձագետ Ատոմ Մխիթարյանն ասում է՝ միանշանակ և միանգամից հեռավար ուսուցման համակարգին պատրաստ չէինք: 

«Ի՞նչ հիմնավորմամբ եմ սա ասում: Առաջինը՝ գույքագրված չէ, թե տեխնիկական ինչ միջոցներ ունեն և՛ մեր ուսուցիչները, և՛ մեր աշակերտները, և՛ ուսանողները: Այս առումով բազմաթիվ հարցումներ, սոցցանցերում գրառումներ եղան, որ ովքեր ունեն հին համակարգիչներ, եկեք նվիրենք այս կամ այն գյուղի դպրոցին և այլն: Դա ցույց տվեց, որ տեխնիկական առումով որոշակի խնդիրներ կան: 

Երկրորդ՝ ոչ բոլորն ունեն ինտերնետի և դրա համապատասխան արագության հասանելիություն, որովհետև հեռավար կրթությունը պահանջում է արագության որոշակի մակարդակ: Երրորդ՝ դասավանդողներն իրենք կարիք ունեն վերապատրաստման, որովհետև միանգամից վերցնել և դասերն անել հեռավար տարբերակով, որ ծրագիրն էլ հասցնես, անհնար է: Շատերը մինչև հիմա օգտվում էին հեռահաղորդակցության այն միջոցներից, որոնք օգտագործում էին առօրյայում: Դա սոցիալական ցանցերն են կամ էլ հաճախ օգտագործվող ծրագրերը, իսկ դրանցով որակյալ կրթություն կազմակերպելն անհնար է: 

Պետք է հանձնարարություններ տաս, դրանք ստուգես, գնահատականներ նշանակես, իսկ այն գործիքները, որոնք օգտագործում ենք առօրյայում, որպես հեռահաղորդակցության և կապ հաստատելու միջոցներ, այդ հնարավորությունները չեն տալիս: 

Չորրորդ՝ մեր ուսանողները և աշակերտները, որոնք գուցե տեխնիկական միջոցներից և ծրագրերից օգտվելու առումով երբեմն իրենց ուսուցիչներից առաջ են, միևնույն է, որոշակի հմտությունների կարիք ունեն, ընդ որում, այդ պրոցեսը պետք է կազմակերպվի համատեղ՝ դեմ առ դեմ հանդիպումների ժամանակ, այսինքն՝ կազմակերպվեն ուսուցողական ծրագրեր, դասընթացներ, որպեսզի մարդիկ փորձ ձեռք բերեն: Ստացվում է՝ անցում ենք կատարել ինչ-որ ծրագրի և դա անում ենք արհեստականորեն»,-«Փաստի» հետ զրույցում ասում է Մխիթարյանը:

Նա ընդգծում է՝ իրեն զարմացրել է ԿԳՄՍ նախարարի հայտարարությունը, որ աշակերտների մասնակցությունը դասերին հունվար-փետրվար ամիսներին 80 տոկոսից ավելի է եղել, հիմա նման մասնակցություն կա նաև հեռավար դասերին: «Եթե աշակերտը կամ ուսանողը ֆեյսբուքով կապվեց իր ուսուցչի հետ, ստացվում է, որ նա մասնակցե՞ց դասին»,-արձագանքում է Մխիթարյանը: 

Միևնույն ժամանակ նշում է՝ հանուն արդարության պետք է ասել, որ 1-2 շաբաթվա ընթացքում որոշակի ջանքեր գործադրվեցին, և՛ դասավանդողները, և՛ սովորողները քայլեր են անում տանն անցկացրած ժամանակն ավելի արդյունավետ օգտագործելու և ինչ-որ օգտակար բան այս իրավիճակից քաղելու համար: «Բայց որակի մասին խոսել չի կարելի, այսպես որակ ապահովել չենք կարող»,հավելում է մեր զրուցակիցը:

Մխիթարյանը միևնույն ժամանակ դրական է գնահատում Հանրային հեռուստաընկերության եթերում կազմակերպվող բաց դասերը: «Նման փորձ վաղուց կար: Երբ փոքր էի, հիշում եմ՝ կային հեռուստադասեր: Խորհրդային ժամանակաշրջանում կազմակերպվում էին տարբեր դասընթացներ, դա օգտագործում էինք որպես լրացուցիչ կրթություն: Իհարկե, այս մեթոդն ավելի հասանելի է, որովհետև հատկապես մարզերում տեղեկատվության ստացման առաջին միջոցը մնում է հեռուստատեսությունը, և այդ դասերն օգտակար են ինչպես սովորողների, այնպես էլ դասավանդողների համար, որոնք իրենք էլ որոշակի հմտություններ են ձեռք բերում: 

Գիտեմ, որ այդ հեռուստադասերն ահագին մեծ լսարան են հավաքում, որը շատ օգտակար է, ուղղակի անհնար է պատկերացնել, որ դպրոցի բոլոր դասարանների կամ ուսանողների համար կազմակերպվեն այդպիսի դասընթացներ և դրանք հասանելի լինեն բոլորին: Սա կարելի է օգտագործել որպես լրացուցիչ գիտելիքներ և հմտություններ հաղորդելու միջոց»,-ասում է կրթության փորձագետը:

 

Մեր այն դիտարկմանը, թե ստեղծված իրավիճակը կարո՞ղ է մեր կրթական համակարգին հնարավորություն տալ գույքագրել ոլորտային խնդիրները և նախանշել դրանց լուծման ուղիները, Մխիթարյանն ընդգծում է՝ սա շատ լավ հնարավորություն է, որպեսզի առաջիկա շատ կարճ ժամանակահատվածում կարողանանք հասկանալ, թե ինչպիսի խնդիրներ առաջացան, ինչպես արագորեն լուծենք դրանք: 

«Հաշվի առնելով, որ աշխարհում միայն բարձրագույն կրթության առումով 100 միլիոն մարդուց ավելի կրթությունը հեռավար ձևով է ստանում հայտնի համալսարաններում՝ տանից կամ երկրից դուրս չգալով, պետք է զարկ տալ այս ուղղությանը, պատրաստ ունենալ բոլոր դասընթացները՝ կազմված մասնագետների օգնությամբ»,-ասում է Մխիթարյանը:

 

Նա ընդգծում է՝ որոշումների կայացման գործընթացում պետք է անպայման ընդգրկվեն պետական կառույցների ներկայացուցիչներ, մասնագետներ և հանրության ներկայացուցիչներ, այդ թվում՝ սովորողներ, որպեսզի կարողանանք կարճ ժամանակահատվածում խնդիրներին թիրախային լուծումներ տալ: «Լուծումները կան, ինչ-որ նոր բան հնարելու կարիք չկա, ուղղակի համակարգման և զարգացման խնդիր պետք է դնենք՝ բոլոր շահառուների ակտիվ ներգրավմամբ»,-եզրափակում է Ատոմ Մխիթարյանը:

ԼՈՒՍԻՆԵ ԱՌԱՔԵԼՅԱՆ

website by Sargssyan