Լանզարոտի կոնվենցիայի շուրջ հետագա հանրային քննարկումների ար... ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (29 ՄԱՅԻՍԻ). Ան­կար­գու­թյուն­նե­րի հե­տև... ՀԱՍԱՐԱԿՈՒԹՅՈՒՆ
Կորցնում ենք, կորցնում, բայց այդպես էլ չենք խրատվում ՀԱՍԱՐԱԿՈՒԹՅՈՒՆ
«Սե­րը ժա­ռան­գել եմ մայ­րի­կիցս». պահ­պա­նե­լով ժա­նյակա­գո... ՀԱՐՑԱԶՐՈՒՅՑ
«Ակա­նա­տես չենք եղել որևէ փաս­տաթղ­թի, որը կքար­տե­զագ­րի Հ... ՀԱՐՑԱԶՐՈՒՅՑ
Երևան, 30.Մայիս,
00
:
00
:
00
Փոխարժեք
478.65
$
560.79
ԲՀԿ-ն տարբեր ուղղություններով է գործում, որպեսզի թեթևացնի մարդկանց հոգսերը Նիկոլ Փաշինյանը տվել է համապատասխան հանձնարարականներ Վերջնագիր Յուրի Խաչատուրովին Կորոնավիրուսի 251 նոր դեպք Հայաստանում, մահացել է 7 պացիենտ Ովքեր են «Նիկոլի սև ցուցակում» գտնվող իմքայլական պատգամավորները. «Հրապարակ» Արցախում դեռ էլի անհեթեթություններ են սպասվում Հայաստանի տնտեսական ակտիվության ցուցանիշը նվազել է. «Ժողովուրդ» Փոխադարձ մեղադրանքներ՝ ԵԽԽՎ-ում ստելու համար «Հրապարակ». Մինչեւ հուլիսի կեսերը Ավինյանը հրաժարական կտա. Օրակարգում է նաեւ Արսեն Թորոսյանի պաշտոնանկությունը ԱՄՆ֊ն խզում է հարաբերությունները ԱՀԿ-ի հետ Պատմությունը կրկնվելու սովորություն ունի. Արսեն Թորոսյան Աբովյան քաղաքում ճակատ-ճակատի բախվել են Mercedes և ВАЗ 21099 մակնիշի ավտոմեքենաները «Զվարթնոց» օդանավակայանում ռումբի մասին կեղծ ահազանգի հեղինակը ազգությամբ ռուս է Մայիսի 31-ին նախատեսված Մոսկվա-Երևան թռիչքը տեղի կունենա ժամը 18։00-ին Արթուր Վանեցյանին տարբեր մութ պատմությունների հետ կապել չի հաջողվի Կորոնավիրուսից 2 մորաքույրներս մահացել են, մայրս 39 ջերմություն ունի չեն թեստավորում․ քաղաքացին ահազանգում է Գագիկ Ծառուկյանը հետևողական է 99.81% ճշգրտությամբ 10.000 թեստ` Պաշտպանության նախարարությանը «Թովմասյան» հիմնադրամից Դեպք ունենք, երբ կորոնավիրուսից մահացել է մեկ ընտանիքի 3 անդամ․ Նիկոլ Փաշինյան Բարձրագույն կրթության և գիտության միավորումը մեկ օրենքի շրջանակում արհեստական է, արդյունքն էլ՝ ճահճացումը. Լուսինե Մարգարյան

Դմիտրի Աթբաշյան. «Այս իրավիճակում մենք առավել քան ունենք ազգային փոխադրող ունենալու կարիքը»

Ավիացիան ամենաբարդ և, միևնույն ժամանակ, ամենանուրբ ոլորտն է նաև տնտեսության մեջ ունեցած դերի տեսանկյունից: Այս կարծիքին է ԽՍՀՄ վաստակավոր օդաչու, «Ավիացիայի ազգային միավորում» կազմակերպության տնօրեն Դմիտրի Աթբաշյանը: «Փաստի» հետ զրույցում նա շեշտեց՝ որ ամենաբարդն ու ամենանուրբը լինելու պարագայում բնական է, որ պանդեմիայից առաջին հերթին տուժեց հենց ավիացիան:

Պանդեմիայի՝ նաև այս ոլորտի վրա համաշխարհային ազդեցության ու հնարավոր ռիսկերը քննարկելու առիթ դեռ կլինի, մինչ այդ՝ մեր զրուցակիցն այլ խնդրի վրա է ուշադրություն սևեռում: «Հայաստանը սեփական ավիացիա չունի, իսկ այն, ինչ այսօր կա, չի կարելի ավիացիա համարել: 

Այն, ինչ ունենք, շատ փոքր ոլորտ է մեր տնտեսության համար: Այլ երկրների օրինակները դիտարկենք. ուզեցին ու միանգամից կազմակերպեցին իրենց քաղաքացիներին ամբողջ աշխարհից հետ բերելու գործընթացը: Իհարկե, այստեղ կարևոր էր նաև ազգային ավիափոխադրող ունենալու փաստը: Իսկ մենք չենք կարող նման քայլ անել, սպասում ենք՝ մինչև դա կանեն ուրիշները: Մենք ազգային փողադրող չունենք, ինչի մասին նախկինում ևս խոսվել է: Բայց հիմա՝ այս իրավիճակում մենք առավել քան ունենք ազգային փոխադրող ունենալու կարիքը:

 

Պարզապես խնդիրն այն է, որ ազգային փոխադրող հասկացողության մեջ տարբեր մարդիկ տարբեր բաներ են հասկանում: Իրականում պետությունը պետք է ազգային ավիաընկերության ղեկավար մարմնի մեջ իր մասնակցությունն ունենա և կարողանա ազդել և՛ ընդհանուր քաղաքականության, և՛ ամենօրյա աշխատանքների վրա»,-ասաց Դ. Աթբաշյանը:

Մեր զրուցակիցը շեշտեց՝ «Արմավիան» ամենամոտն էր կանգնած ազգային ավիափոխադրողի կոչմանը. «Թեպետ բոլորն ասում էին, թե իբր այն ազգային փոխադրող է, բայց, այդուհանդերձ, այն 100 տոկոսով Մ. Բաղդասարովին էր պատկանում: Որոշ առումներով այն օգտվում էր ազգային փոխադրողի իրավունքներից ու արտոնություններից, բայց, միևնույն է, սեփական ավիաընկերություն էր: 

Մենք դեռ այն ժամանակ էինք խոսում «Արմավիան» ազգային փոխադրող դարձնելու մասին, որի համար, սակայն, պետությունն անպայման պետք է մասնակցություն ունենար ղեկավար մարմնի մեջ: Այժմ տարբեր երկրներում այդ մասնակցության տարբեր տոկոսներ են գործում՝ կա թե՛ 15, թե՛ 75 տոկոս մասնակցություն: Ու ի՞նչն է կարևոր. ազգային փոխադրողը պարտավոր է անել այն, ինչն անհրաժեշտ է ոչ թե բիզնես նպատակներին, սեփականատիրոջը, այլ պետությանն ու ժողովրդին: 

Պետք է ունենանք ազգային փոխադրող, որի ղեկավար մարմնի մեջ պետության ներկայացուցիչներ կլինեն, կհետևեն թե՛ կառավարմանը, թե՛ տեխնիկական քաղաքականությանը, թե՛ նաև թռիչքների անվտանգության քաղաքականությանը»: Անդրադառնալով ՀՀ-ում գրանցված ավիաընկերություններին, որոնք թեպետ կոչմամբ ազգային փոխադրող չեն, բայց վերջին շրջանում տարբեր չվերթներ են իրականացրել և Հայաստան են բերել ՀՀ քաղաքացիներին, Դ. Աթբաշյանը շեշտեց, որ նրանք, այնուամենայնիվ, չեն փոխարինում և չեն կարող փոխարինել ազգային փոխադրողին: 

«Առհասարակ, ընկերությունների տնօրենները ցանկացած ժամանակ ինչ ուզենան, կանեն, նրանք ոչ մի պարտավորություն չունեն ո՛չ մեր պետության, ո՛չ էլ ժողովրդի առաջ: Եթե վերցնենք ՀՀ-ում գործող ցանկացած ընկերություն և համեմատենք իրենց իրավունքներն ու պարտականությունները, կտեսնենք, որ իրավունքներն ավելի շատ են, քան պարտավորությունները»,-ասաց նա՝ կրկին շեշտելով ազգային փոխադրողի դերի ու այդ առումով ունեցած առանձնահատկության մասին:

Հաշվի առնելով այս ընթացքում առաջացած խնդիրները և ռիսկերը՝ Դ. Աթբաշյանը շեշտեց, որ ավիացիոն հստակ քաղաքականություն մշակելու կարիք կա:

«Պետք է աշխատել երկու ուղղությամբ: Առաջինը ռազմավարական ուղղությունն է, այսինքն՝ օրակարգ բերել ազգային փոխադրող ունենալու հարցը: Պետք է մի կողմից սկսել ազգային փոխադրողի ստեղծումը, մյուս կողմից՝ աշխատել ռուսական ընկերությունների, ինչպես նաև կառավարության և ավիացիոն ղեկավար մարմինների հետ, որ մեր քաղաքացիները ու պետությունը որքան հնարավոր է քիչ տուժեն: 

Ամբողջ աշխարհում ավելի քան 200 երկիր օդային օրենսգիրք ունի, շատերն ունեն նաև ազգային փոխադրող: Մենք մինչև հիմա օդային օրենսգիրք չունենք, որին կհամապատասխանեցվեին այլ օրենքները: 

Մեզ մոտ հակառակն է՝ ունենք ավիացիայի մասին օրենք, որը համապատասխանեցված է այլ օրենքներին: Ընդհանուր առմամբ, այս խնդիրները շաղկապված են: Ես շեշտեցի մի շարք անհրաժեշտությունների մասին, բայց դրանց իրականացումը չպետք է ինչ-որ մեկի բարի ցանկությունը լինի: Դրանք պետք է հստակ և օրենքով սահմանվեն ու ավտոմատ իրականացվեն»,-եզրափակեց մեր զրուցակիցը:

ԱՆՆԱ ԲԱԴԱԼՅԱՆ

website by Sargssyan