Թուրքիայում կորոնավիրուսի հետևանքով մահացածների թիվը հասել է 356-ի. կա 18 135 վարակակիր
ՄԻՋԱԶԳԱՅԻՆԹուրքիայի առողջապահության նախարար Ֆահրեթթին Քոջան ներկայացրել է երկրում կորոնավիրուսի վարակման և մահվան դեպքերի վերջին տվյալները, տեղեկացնում է թուրքական NTV հեռուստաընկերության կայքը:
Վերջին օրվա ընթացքում Թուրքիայում կորոնավիրուսից մահացել է 79 մարդ, այսպիսով՝ մահացածների ընդհանուր թիվը հասել է 356-ի:
Օրվա ընթացքում անցկացվել է 18 757 թեստ, որից 2456-ը դրական պատասխան է տվել: Ներկայում Թուրքիայում կորոնավիրուսով վարակման դեպքերի քանակը հասել է 18 135-ի:
Մարտի 10-ից սկսած Թուրքիայում անցկացվել է կորոնավիրուսի ավելի քան 125 000 թեստ: Վարակվածներից 415-ն առողջացել է և դուրս գրվել հիվանդանոցներից:
«Վերջին օրվա ընթացքում մեր կատարած թեստերի քանակը նախորդ օրվա համեմատ աճել է 4000-ով: Թեստերի քանակի համեմատությամբ վարակման դեպքերի քանակը նվազել է: Վերջին օրվա ընթացքում առողջացել է 82 մարդ: Վերջին օրվա ընթացքում մահացած հիվանդների 82%-ը 60-ն անց մարդիկ էին»,-տեղեկացրել է առողջապահության նախարարը:
Առողջապահության համաշխարհային կազմակերպությունը մարտի 11-ին նոր կորոնավիրուսը համավարակ էր հայտարարել: Վերջին տվյալներով՝ աշխարհում գրանցվել է վարակման 1 016 258 դեպք, 53 235-ը՝ մահվան ելքով, ապաքինվել է 213 081 մարդ։
Համաճարակի օջախ Չինաստանի սահմաններից դուրս վարակը տարածվել է 203 երկրում: