Լանզարոտի կոնվենցիայի շուրջ հետագա հանրային քննարկումների ար... ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (29 ՄԱՅԻՍԻ). Ան­կար­գու­թյուն­նե­րի հե­տև... ՀԱՍԱՐԱԿՈՒԹՅՈՒՆ
Կորցնում ենք, կորցնում, բայց այդպես էլ չենք խրատվում ՀԱՍԱՐԱԿՈՒԹՅՈՒՆ
«Սե­րը ժա­ռան­գել եմ մայ­րի­կիցս». պահ­պա­նե­լով ժա­նյակա­գո... ՀԱՐՑԱԶՐՈՒՅՑ
«Ակա­նա­տես չենք եղել որևէ փաս­տաթղ­թի, որը կքար­տե­զագ­րի Հ... ՀԱՐՑԱԶՐՈՒՅՑ
Երևան, 01.Հունիս,
00
:
00
:
00
Փոխարժեք
478.65
$
560.79
Կորոնավիրուսի 210 նոր դեպք է գրանցվել, 8 մարդ մահացել է Էդմոն Մարուքյանն առաջարկում է օնլայն ցույց անցկացնել՝ գույքահարկի բեռն ավելացնելու դեմ Մեր թեստը ցավոք դրական է. Նիկոլ Փաշինյան «ՀԷՑ»-ը տեղեկացնում է. Լույս չի լինելու «Բարդակ» է ու քաոս. Մինչև հունիսի վերջ կորոնավիրուսով պայմանավորված մահերի քանակը կարող է անցնել 1.000-ից. Քաղաքագետ ԿԳՄՍ նախարարի «մանկական» մեկնաբանությունը՝ Լազարոտեի կոնվենցիայի վերաբերյալ Լանզարոտեի կոնվենցիայի հարցում Արմեն Սարգսյանը փրկում է Նիկոլ Փաշինյանին Անընդունելի է գալ իշխանության` երկիրը կառավարելու նպատակով և անհաջողությունները բարդել ուրիշների վրա. Հարություն Մեսրոբյանը՝ ՀՀ իշխանությունների հակահամաճարակային քաղաքականության մասին Միքայել Մինասյանի հրապարակած փաստերը ենթակա են անհապաղ ստուգման․ պետք է հարուցվի քրգործ․ փաստաբան Արայիկ Հարությունյանը` Լանզարոտեի կոնվենցիայի և կեղծ լուրերի ու պնդումների մասին Մայիսի 30-ին իրականացված արտակարգ ռեժիմով ծառայության ընթացքում հայտնաբերվել է իրավախախտման 1076 դեպք Հայաստանում տեղումներ չեն սպասվում, եղանակը կշոգի ևս 2-4 աստիճանով Արթուր Վանեցյանի ղեկավարած կուսակցությունն ընդդմիադիր գործունեություն է ծավալելու Նիկոլ Փաշինյանը գեներալ Կարապետյանին գաղտնի գործուղել է ՌԴ՝ մաքսանենգ ծխախոտի հետ կապված սկանդալը ծածկադմփոց անելու համար Ոստիկանության անակնկալ շրջայցերը մայրաքաղաքի տարբեր շրջաններում (վիդեո) Գագիկ Ծառուկյանը մշտապես նվիրված է եղել իր ժողովրդին «Սաղ Սերժնա մեղավոր» պարզունակ իշխանական կռուտիտները հերթական անգամ փուչիկ են․ Աշոտյան Գնալով պետական կոռուպցիայի նմանվող գործարքների՝ հիմա այս իշխանությունը փորձում է բյուջեն լցնել` ֆինանսապես կեղեքելով ողջ հասարակությանը․ Հայկ Մարտիրոսյանը՝ համընդհանուր հարկային հայտարարագրի մասին Մենք հիմա փակուղու մեջ ենք և գնալով վիճակը ծանրանալու է. Ստեփան Դանիելյան

Լիցենզավորման նոր պահանջ, պետական տուրքի նոր դրույքաչափ. որքան՞ով կկարգավորվի տաքսի ծառայության ոլորտը

Past.am

Տարածքային կառավարման և ենթակառուցվածքների նախարարությունը մի շարք օրենքներում փոփոխություններ կատարելու նախագիծ է ներկայացրել: Փաթեթը տաքսի ծառայություններին է վերաբերում, մի քանի փոփոխություններով նախատեսում են կարգավորել դաշտը: Առաջին կետը վերաբերում է լիցենզիայի համար տրվող պետական տուրքին: Նախագծում նշված է, որ ներկայումս հանրապետությունում տաքսի ծառայություններ են մատուցում 190 կազմակերպություններ, որոնցից 46-ը 1-4 ավտոմոբիլով վճարում են լիցենզիայի համար տարեկան 100000 դրամ պետական տուրք, 67-ը` 5 և ավելի ավտոմոբիլներով, վճարում են լիցենզիայի համար տարեկան 200000 դրամ պետական տուրք: Իսկ ֆիզիկական անձանց կողմից մեկ մարդատար տաքսի-ավտոմոբիլով ուղևորափոխադրումների համար լիցենզիայի պետական տուրքը հանվել է: Նշված է, որ այսպիսով անհավասար պայմաններ են ստեղծվում նույն գործունեությունն իրականացնողների համար պետության կողմից մատուցվող նույն ծառայության՝ լիցենզիայի տրամադրման պետական տուրքի մասով: Առաջարկվում է լիցենզիայի պետական տուրքը կազմակերպությունների և անհատ ձեռնարկատերերի համար սահմանել տարեկան 100000 դրամ:

Փոխադրողների միության նախագահ Հրանտ Եղիազարյանը վերոնշյալ հնարավոր փոփոխությունը մի քանի տեսանկյունից է դիտարկում:

«Անհատ ձեռնարկատերը լուծում է իր ընտանիքի օրվա հացի խնդիրը, և նա գտնվում է միկրոձեռնարկատերերի ցուցակում: Մյուս կողմից՝ նրանք, ովքեր աշխատում են մի կազմակերպությունում, ուր կա մինչև 4- 5 շահագործվող մեքենա, մեծ հաշվով, չեն տարբերվում առաջին խմբում գտնվողների կարգավիճակից: Տարբերությունն այն է, 4-5 մեքենայով և՛ իրենց ընտանիքն են պահում, և՛ ծառայության սեփականատերերի՝ այս դեպքում՝ իրենց գործատուի: Մյուս խմբում էլ 5 և ավելի ավտոմեքենաներ ունեցող կազմակերպություններ են: Այս ամենի հետ մեկտեղ չմոռնանք, որ ունենք էլեկտրոնային համակարգով աշխատող տաքսիներ, որոնք ընդհանրապես հարկ չեն մուծում: Սա իսկապես  անհավասար պայմանների մասին է վկայում, և մեծ հաշվով, վերոնշյալ համահարթեցումը ճիշտ է:Բոլոր  իմաստներով այն ավելի ճիշտ է, քան  ներկայիս անհատական մոտեցումը: Անհատական մոտեցման դեպքում գուցեև ինչ-որ մի խնդիր ենք լուծում, բայց զուգահեռ մի մեծ խնդիր ենք բաց թողնում»,-Past.am-ի հետ զրույցում ասաց Հ. Եղիազարյանը՝ շեշտելով, որ խոսքը հավասար պայմանների ու կարգավորված դաշտ ունենալու խնդրի մասին է:

Փոփոխությունների մյուս կետը ֆիզիկական անձանց լիցենզավորման պահանջ է սահմանվում թմրաբանական բժշկական հաստատություններում հաշվառված անձանց ցանկում չլինելու հանգամանքը և ՀՀ օրենսդրությամբ սահմանված առողջական վիճակի պարտադիր նախնական բժշկական զննություն անցնելը:

Հրանտ Եղիազարյանը շեշտեց, որ այս խնդրի մասին շատ է խոսվել. «Ցանկացած մարդ, որն ունի մեքենա, կարող է տաքսիի տարբերանշանը կպցնել մեքենայի վրա ու դառնալ փոխադրող: Սա խնդիր է: Ոչ մի հսկողություն այս պահին չկա, բայց պետք է մտածենք նաև ազգաբնակչության մասին, որն օգտվում է  այդ ծառայություններից: Ենթադրենք, մեքենայում մի մարդ է, որն անգամ ինքն իրեն տեղափոխոխելու իրավունք չունի: Այս իմաստով վերոնշյալ փոփոխությունը դրական է, բայց մի խնդիր էլ կա, մենք ունենք երկու սուբյեկտ՝ մեքենա և վարորդ. վարորդի մասը անցանք, նա, պարտադիր բժշկական ստուգում պետք է անցնի: Բայց մեքենան էլ պետք է ստուգում անցնի, և ոչ մեկ անգամ: Սմենօրյա ստուգում է անհրաժեշտ, որովհետև վարորդը կարող է կազմապկերպված մարդ լինել, իսկ առավոտյան սարքին վիճակում գտնվող մեքենան երեկոյան անսարք լինել: Այնպես որ, այս առումով ևս պետք է մտածել: Այս հանագամանքերը չի կարելի հաշվի չառնել: Պետք է մտածենք և՛ ուղևորի, և՛ վարորդի մասին»:

Նշենք, որ նախագծով առաջարկվում է կանոնակարգել էլեկտրոնային հարթակների միջոցով ուղևորների պատվերներ գրանցող և փոխանցող կազմակերպությունների գործունեությունը, որը, ըստ հիմնավորման, փաստացի դուրս է մնում վերահսողությունից, անհավասար մրցակցային պայմաններ է ստեղծում ոլորտում օրինական գործունեություն իրականացնողների նկատմամբ, որոնք ունեն հարկային պարտավորություններ: Առաջարկվում է էլեկտրոնային հարթակների միջոցով ուղևորների պատվերներ գրանցելու և փոխանցելու գործունեությունը սահմանել ծանուցման ենթակա գործունեություն, իսկ ոլորտում գործունեություն իրականացնողներին օրինական դաշտ բերելու նպատակով, պատվերների փոխանցումը կատարվի միայն լիցենզավորված կազմակերպություններին և անհատ ձեռնարկատերերին: Հրանտ Եղիազարյանը այս առաջարկը հավասար մրցակցային պայմաններ ստեղծելու անհրաժեշտության մեջ է դիտարկում:

«Կան էլեկտրոնային հարթակներ, որոնք ասում են՝ փոխադրումներ չենք կատարում, միջնորդ ենք: Եվ ցանկացած անձ, որը GPS համակարգի հնարավորություն ունի, կարող է կապվել այդ միջնորդի հետ: Այս դեպքում նրա գործունեությունը ինչով է տարբերվում այն անհատ ձեռներեցի գոծունեությունից, որը չի օգտվում այդ կհամակարգերից, և որի մեքենան պարզապես կանգնեցնում ու նստում են: Գործունեության ոչ մի տարբերություն, առաջինը ուղղակի իր հասանելությունը ավելի լայն դարձնելու համար է օգտվում այդ միջնորդի ծառայությունից, բայց ինքը, փաստորեն, հարկային դաշտից դուրս է մնում: Այսինքն, սա հենց հավասար մրցակցային դաշտի մասին է վկայում: Որքան էլ մեր սիրտը ցավի օրվա հացի խնդիր լուծող մեր քաղաքացիների համար, բայց ճշմարտությունը մնում ճշմարտություն. եթե ծառայությունը և այն իրականանացնողը վերահսկողությունից դուրս է, ամենևին չի բացառվում, որ մի օր, ամեն դեպքում, կսկսի ոչ օրինական գործողություն անել: Ընդհանուր առմամբ, կարծում եմ, որ վերոնշյալ փոփոխություններով դաշտը որոշ առումով կկարգավորվի»,-եզրափակեց Հ. Եղիազարյանը:

Աննա Բադալյան

 

website by Sargssyan