Լանզարոտի կոնվենցիայի շուրջ հետագա հանրային քննարկումների ար... ՔԱՂԱՔԱԿԱՆ
ՊԱՏՄՈՒԹՅԱՆ ԱՅՍ ՕՐԸ (29 ՄԱՅԻՍԻ). Ան­կար­գու­թյուն­նե­րի հե­տև... ՀԱՍԱՐԱԿՈՒԹՅՈՒՆ
Կորցնում ենք, կորցնում, բայց այդպես էլ չենք խրատվում ՀԱՍԱՐԱԿՈՒԹՅՈՒՆ
«Սե­րը ժա­ռան­գել եմ մայ­րի­կիցս». պահ­պա­նե­լով ժա­նյակա­գո... ՀԱՐՑԱԶՐՈՒՅՑ
«Ակա­նա­տես չենք եղել որևէ փաս­տաթղ­թի, որը կքար­տե­զագ­րի Հ... ՀԱՐՑԱԶՐՈՒՅՑ
Երևան, 30.Մայիս,
00
:
00
:
00
Փոխարժեք
478.65
$
560.79
Իսպանիայի ԱՆ-ն թույլ է տվել թիմային մարզումներ անցկացնել հունիսի 1-ից․ Marca Վաղը խոսելու եմ Լանզարոտեի կոնվենցիայի կրթական մասից. ԿԳՄՍ նախարար ՀՀ ոստիկանությունը հայտարարություն է տարածել Գեղարքունիքի մարզում հաստատվել է կորոնավիրուսային հիվանդության ընդհանուր 495 դեպք. մարզպետ Ռուսաստանում վերջին մեկ օրում կորոնավիրուս է հայտնաբերվել է 8 952 մարդու մոտ․ Ռիա Նովոստի Երևան-Դոնի Ռոստով չարտերային հատուկ չվերթի օրը հայտնի է Պարետը նոր որոշում է կայացրել Այս փոփոխությունները արվում են մեր պետության պոտենցիալը մեծացնելու համար. Նիկոլ Փաշինյան 2014թ․ ծնված բոլոր աշակերտները սեպտեմբերի 1-ից պետք է գնան դպրոց․ նախարար Գույքահարկի դրույքաչափերի փոփոխության հետևանքով շատերի համար նպատակահարմար չի լինի անշարժ գույքը պահելը և այն վաճառելու են նորաթուխ օլիգարխներին․ Թաթուլ Մանասերյան Եկել է համատարած հայտարարագրման և գույքահարկի նոր համակարգի ներդրման ժամանակը․ Փաշինյան (տեսանյութ) Մարդիկ Փաշինյանի հորդորներն անտեսում են, քանի որ այլևս նրան չեն հարգում. Արամ Անտինյան Մենք այսօր իսկապես հումանիտար աղետի մեջ ենք. հայտարարություն Չէի ուզի որեւէ մեկը հույսեր փայփայի, որ մենք մեր առաքելությունը կձեւակերպենք իրենց ակնկալիքների համաձայն․ Արշակ սրբազան Հաշված օրեր անց Արթուր Վանեցյանը կստանձնի արտախորհրդարանական ընդդիմության առաջնորդի դերը Ոտքերով կամ ձեռքերով առաջ․ ինչպե՞ս կավարտվի Փաշինյանի իշխանությունը. Անդրանիկ Թեւանյան Հունիսի 1-ից սովորական անձնագրեր կրող ՀՀ քաղաքացիներն իրավունք կունենան առանց արտոնագրերի ձևակերպման մեկնել Չինաստան ԲՀԿ-ն տարբեր ուղղություններով է գործում, որպեսզի թեթևացնի մարդկանց հոգսերը Նիկոլ Փաշինյանը տվել է համապատասխան հանձնարարականներ

Հա­մա­վա­րա­կի դեմ պայ­քա­րում եր­կու ամիս տև­ած սահ­մա­նա­փա­կում­նե­րի ժա­մա­նա­կա­հատ­վածն ար­դյու­նա­վե­տո­րեն չի օգ­տա­գործ­վել․ «Փաստ»

«Փաստ» օրաթերթը գրում է

Կորոնավիրուսի համավարակի շարունակման պայմաններում բոլորովին նոր իրողություն է ստեղծվել։ Մոտ երկու ամսվա արտակարգ դրությունը և կիրառված սահմանափակումները դրական արդյունք չտվեցին։ 

Ամեն օր հարյուրավոր նոր վարակակիրներ ենք ունենում, և իրավիճակը շատ մտահոգիչ է։ Երեկ նոր հակառեկորդ ենք գրանցել՝ 351 դեպք:

 

Եվ պատահական չէ, որ տարածաշրջանում մեկ միլիոն բնակչության հաշվարկով Հայաստանում դեպքերի թիվը երկրորդն է՝ զիջելով միայն Թուրքիային: 

1 միլիոն բնակչության հաշվարկով մահերի թվով Հայաստանը երրորդն է՝ զիջելով Իրանին ու Թուրքիային: Ու այսպիսի մտահոգիչ իրավիճակում կառավարությունը գնում է հիմնական սահմանափակումների թուլացմանը, միայն պարտադիր դարձնելով դիմակներ կրելը։

 

Սակայն հարցն այն է, որ եթե սահմանափակումների պահպանման պայմաններում հնարավոր չեղավ կանխել վարակի տարածումը, ապա երբ երկիրն անցնում է առօրյա ռեժիմի, որի արդյունքում վերականգնվում են քաղաքացիների միջև շփումները, ապա դիմակներ կրելն ինչքանո՞վ պետք է կանխարգելի վարակի հետագա տարածումը։ Առավել ևս, երբ հայտարարվում է՝ ոչ միայն դիմակ, այլև դիմակին փոխարինող ամեն ինչ, ասենք՝ շարֆ...

Բացի այդ, մարդիկ լուրջ չեն վերաբերվում վարակին, որը գալիս է իշխանությունների կողմից տարվող քաղաքականությունից։ Դա նրանից է, որ վարակի տարածման վտանգի պայմաններում վարչապետ Փաշինյանը շարունակում էր սահմանադրական հանրաքվեի քարոզարշավը և լուրջ չէր համարում վարակի տարածման հետ կապված ընդդիմադիրների և մասնագետների զգուշացումները։

Իսկ մարտի 12-ին Վայոց ձորի մարզի Մալիշկա գյուղում «Այո»-ի քարոզարշավի ժամանակ Փաշինյանն անգամ հայտարարում էր «պինցետով հանելու ու տնական արաղով դեզինֆեկցիա անելու» մասին։ 

Հասկանալի է՝ այլ ենթատեքստում, սակայն կորոնավիրուսը համարելով նվազ վտանգավոր: 

Իսկ արդեն մայիսի 16-ի ասուլիսի ժամանակ, երբ այս հայտարարության հետ կապված հարց է հնչում, վերջինս պատասխանում է, թե ինքը չի հիշում, որ պինցետով հանելու և արաղով ախտահանելու վերաբերյալ հայտարարություն է արել։ Իհարկե, Փաշինյանը չի հիշի, քանի որ դա ձեռնտու չի իրեն։

Նույնը վերաբերում է նաև առողջապահության նախարար Արսեն Թորոսյանին։ Վերջինս կորոնավիրուսի տարածման սկզբնական շրջանում մշտապես հայտարարում էր, որ բժշկական դիմակներ կրելու իմաստ և անհրաժեշտություն չկա, առավել ևս՝ ինքնաշեն դիմակներ կրելու:

 Իսկ այս հայտարարություններից որոշ ժամանակ անց Թորոսյանը սկսեց հանդես գալ դիմակ կրելու կոչով, այդ թվում՝ խրախուսելով ինքնաշեն դիմակների կրումը: Եվ հիմա, երբ դիմակ կրելը (կամ գոնե գրպանում ունենալը) նաև հանրային բաց տարածքներում է պարտադիր լինելու, Թորոսյանն ամեն կերպ հիմնավորում է այդ որոշումը։ 

Երբ առողջապահության համակարգի գլխավոր պատասխանատուն այսպիսի արագությամբ փոփոխում է իր դիրքորոշումը, ապա վարակից պաշտպանվելու միջոցների կիրառումը, այդ թվում և դիմակների կրումը որքանո՞վ կարող է լուրջ ընկալվել քաղաքացիների կողմից։ 

Այնինչ, իշխանությունները պետք է ունենային համավարակի դեմ պայքարի հստակ ռազմավարություն, որի համապատասխան առաջ կշարժվեին, այլ ոչ թե անընդհատ փոփոխեին իրենց դիրքորոշումը։ 

Ստացվում է, որ մենք 2 ամիս տևած սահմանափակումների ժամանակահատվածն արդյունավետորեն չենք օգտագործել, իսկ ներկայիս պայմաններում, երբ վարակի տարածումն ինտենսիվորեն շարունակվում է, մեծանում է վտանգը, որ մեր առողջապահական համակարգը կարող է կոլապսի ենթարկվել, երբ ծանր հիվանդների թիվն այնքան մեծանա, որ առողջապահական համակարգն ի վիճակի չլինի նրանց սպասարկել։

Այս դեպքում այլ տարբերակ, քան նոր և ավելի խիստ սահմանափակումներ կիրառելն է, չի լինելու։ Իսկ համաճարակային իրավիճակն ավելի մեծ ազդեցություն է ունենալու տնտեսության վրա՝ խորացնելով տնտեսական ճգնաժամը։

Մանրամասները՝ «Փաստ» օրաթերթի այսօրվա համարում

 

 

website by Sargssyan