ՊԱՏՄՈՒԹՅԱՆ ԱՅՍ ՕՐԸ (4 ՀՈՒՆԻՍԻ). Բողոքի ակցիա՝ ընդդեմ օտարալե... ՀԱՍԱՐԱԿՈՒԹՅՈՒՆ
Կա Սևանա լիճը կորցնելու վտանգ, բայց կանխմանն ուղղված գործողո... ՀԱՍԱՐԱԿՈՒԹՅՈՒՆ
«Անկախության տարիներին ավելի համախմբված էինք, հիմա հակառակը... ՀԱՐՑԱԶՐՈՒՅՑ
«Խաղացողների» բովանդակությունը փոխվեց. մրցակցություն ու դեմպ... ՀԱՐՑԱԶՐՈՒՅՑ
Ինչո՞ւ են իշխանությունների՝ կորոնավիրուսի դեմ պայքարին ուղղվ... ՎԵՐԼՈՒԾԱԿԱՆ
Երևան, 04.Հունիս,
00
:
00
:
00
Փոխարժեք
478.65
$
560.79
Դիմում եմ Արմեն Սարգսյանին, Արարատ Միրզոյանին, Էդուարդ Մարտիրոսյանին, Գարեգին Բ-ին. Վահե Հովհաննիսյան Այս իրավիճակը թողած՝ իշխանությունն ընդդիմության մասին է խոսում․ ի՞նչ կա էդքան խոսալու․ Մարուքյան (տեսանյութ) Պարոն Փաշինյան Դուք եք առաջին մեղավորն ու հիմնական պատասխանատուն այս իրավիճակի համար. Արթուր Ղազինյան ՊԱՏՄՈՒԹՅԱՆ ԱՅՍ ՕՐԸ (4 ՀՈՒՆԻՍԻ). Բողոքի ակցիա՝ ընդդեմ օտարալեզու դպրոցների վերաբացման, ճանապարհի փակում, հանրահավաք մայրաքաղաքում Նոր դեղամիջոց, որ օգնում է կորոնավիրուսի դեմ պայքարում Տիգրան Ավինյանը նոր որոշում է ստորագրել «5-րդ ալիքը» Արցախում Փաշինյանի հրահանգով չի փակվել, դա քայլ էր հայտնի պատգամավորի միջոցով հավատարմություն ցույց տալու, ինչը նողկալի է. Հարություն Հարությունյան. Tert.am Հետայսու ամեն մի մահի պատասխանատուն վարչապետն է․ իր որոշմամբ՝ պետությունը որոշեց պայքարել ոչ թե համաճարակի դեմ, այլ ուշացումով արտակարգ դրություն հայտարարել․ Անդրանիկ Թևանյան Կա Սևանա լիճը կորցնելու վտանգ, բայց կանխմանն ուղղված գործողությունները դանդաղում են Թոշակները փոստատարների միջոցով կփոխանցվեն․ Հակոբ Արշակյան (տեսանյութ) Սոցիալական հեռավորություն, դիմակներ եւ ակնոցներ․ որքանով է այս ամենն արդյունավետ COVID-19-ի կանխարգելման համար «Անկախության տարիներին ավելի համախմբված էինք, հիմա հակառակը՝ կղզիացել ենք» «Նոյեմբերյանի բժիշկներն ասում են՝ վարակված ենք, մեզ թեստեր չեն անում ու այդպես ենք գնում հիվանդներին օգնելու»․ Ն․ Զոհրաբյան «Տաթեւիկ Ադումյանը կարանտինի իմ ձեռքբերումն է». Նարինե Մկրտումյանը նկարահանվում է սերիալում Առողջապահության նախարարն այս իշխանությունների սիմվոլն է, քանի որ դիլետանտ է, մեծամիտ, ինքնահավան, անհարգալից վերաբերմունք է ցուցաբերել դատարանի նկատմամբ. Դավիթ Խաժակյան Հայաստանում հնարավոր է կորոնավիրուսի մեծ բռնկում. Արսեն Թորոսյան (տեսանյութ) | ՍիվիլՆեթ Իշխանությունն «անմեղ» է, եթե նույնիսկ մեկ օրում 700 դեպք է արձանագրվում «Խաղացողների» բովանդակությունը փոխվեց. մրցակցություն ու դեմպինգ՝ ներքին տուրիզմի ոլորտում Աննա Դովլաթյանի և Դավիթ Աղաջանյանի ֆոտոշարքը բալիկի ծննդին ընդառաջ

«Պե­տու­թյան աջակ­ցու­թյան հիմ­քում պետք է լի­նի սո­ցի­ա­լա­կան ար­դա­րու­թյան սկզբուն­քը»

Կառավարությունը վերջին շրջանում ներկայացրել ու կյանքի է կոչում հակաճգնաժամային մի շարք միջոցառումներ՝ փորձելով դրանցում ներառել տարբեր ոլորտների ներկայացուցիչներին: 14-րդ միջոցառման շրջանակներում որոշվեց աջակցություն ցուցաբերել ուսանողներին։ 

Մասնավորապես պետական բուհերի առկա համակարգի բակալավրիատի, մագիստրատուրայի և օրդինատուրայի 90 և ավելի ՄՈԳ ունեցող և ավարտական կուրսում գտնվող ուսանողների կիսամյակի ուսման վարձերը կառավարության կողմից կվճարվեն 100, իսկ 90 և ավելի ՄՈԳ ունեցող ոչ ավարտական կուրսերի ուսանողների կիսամյակային ուսման վարձերը` 75 տոկոսով, կպարզեցվի ուսանողական վարկերի տրամադրման ընթացակարգը և այլն:

Վարչապետ Նիկոլ Փաշինյանը շեշտել էր, որ այս միջոցառման հաստատմամբ կառավարությունը կատարում է իր քաղաքական հանձնառությունն առ այն, որ որևէ լավ սովորող ուսանող ուսման վարձի պատճառով բուհից դուրս չի մնա: 

Սա, իհարկե, կարևոր է, որովհետև բազմաթիվ ուսանողներ անգամ վերջին կուրսում դուրս են մնում բուհերից միայն այն պատճառով, որ չեն կարողանում ժամանակին վճարել ուսման վարձը: 

Սակայն 14-րդ հակաճգնաժամային ծրագիրը հայտնվեց նաև քննադատությունների թիրախում այն պատճառով, որ այն, կարծես թե, կյանքի է կոչվել ոչ թե սոցիալական բարդ պայմաններում հայտնված ուսանողներին, այլ ուսման բարձր առաջադիմություն ունեցողներին աջակցելու նպատակով: 

Բացի դա, շատերը նաև ահազանգում են՝ իսկ ինչո՞ւ այս ծրագրերից չեն օգտվում ոչ պետական բուհերի, ինչպես նաև Հայաստանում օտարերկրյա պետական բուհերի մասնաճյուղերում սովորող ուսանողները:

«Նոր արժեքներ» ՀԿ-ի նախագահ Ռուբեն Սողոյանը նշում է՝ կառավարության հակաճգնաժամային 14-րդ փաթեթը թերի է ու խոցելի: «Ներկայացվում է սոցիալական օգնության հակաճգնաժամային փաթեթ, բայց սոցիալական աջակցությունը տրվում է ըստ կրթական ցենզի. ուսանողներին տրվում են վարձավճարների զեղչեր, հաշվի առնելով նրանց ՄՈԳ-ը: 

Բայց այս ճգնաժամից բոլորն են տուժել, և եթե պետությունը սոցիալական աջակցություն է ցույց տալիս, ապա այն պետք է տրվի սոցիալական արդարության սկզբունքը հաշվի առնելով: Ըստ այդմ, պետք չէ ուսանողների միջև խտրականություն դնել»,- «Փաստի» հետ զրույցում ասում է Սողոյանը: 

Նա նշում է՝ հարցի վերաբերյալ իրենց առաջարկներն ուղարկել են ԿԳՄՍ նախարարությանը և այլ գերատեսչությունների: «Խնդիրների լուծումը պատկերացնում ենք հետևյալ կերպ: Նախ՝ 3-4 ամիս պետք է հետաձգել վարձի վճարումները:

 Այս պահին ունենք խնդիր: Ուսանողներ կան, որոնց ավարտական աշխատանքները ներկայացնելու ժամկետն է մոտենում, իսկ նրանց ասում են՝ մինչև վարձերը չվճարեք, չեք կարող ներկայացնել ձեր աշխատանքները:

 Մյուս դեպքում էլ չեն թողնում քննությունների մասնակցել՝ դարձյալ նույն պատճառաբանությամբ: Հենց սա հաշվի առնելով՝ պետք է հետաձգել վարձերի վճարման ժամկետները և այդ ընթացքում մշակել այնպիսի զեղչային համակարգ, որտեղ որոշիչ գործոնը չի լինի կրթական ցենզը: Եթե մարդն ունի 80-ից պակաս ՄՈԳ, նա չպետք է տուժի և պետությունից օգնություն չստանա»,-նշում է մեր զրուցակիցը: 

Սողոյանը նշում է՝ ցանկության դեպքում համալսարանները կարող են ֆինանսական հավել յալ միջոցներ գտնել, մասնավորապես կան շատ ծախսեր, որոնք ստեղծված պայմաններում համալսարանները չեն կատարում՝ դասապրոցեսների դադարեցման պատճառով: «Խոսքը կոմունալ վճարներից մինչև համալսարանի գույքի փոփոխության ծախսերի մասին է: Կարելի է հաշվարկել դրանք, հասկանալ, թե ինչ չափով կարելի է զեղչել ուսանողների վարձավճարները: Առաջ են քաշում այն միտքը, որ հնարավոր չէ զեղչել բոլոր ուսանողների ուսվարձերն անխտիր, մինչդեռ կարծում ենք, որ հնարավոր է բոլորին էլ ինչ-որ չափով աջակցել: 

Տեսեք՝ համալսարանը որոշ չափով ինքնաֆինանսավորվող է, նախարարությունն էլ համալսարաններին տալիս է ինքնակառավարվելու հնարավորություն: 

Դա սահմանվում է հետևյալ կերպ՝ համալսարաններն իրենք են որոշում, թե որքան պետք է լինեն ուսանողների վարձավճարների զեղչերը, ուսվարձերը և այլ հարցերը: Եվ երբ նախարարությունը հակաճգնաժամային փաթեթ է մշակում, ինքն իր ֆինանսավորման հաշվին է դա անում: 

Համալսարաններն ամենաշատը 70 տոկոսով ինքնաֆինանսավորվող են, այսինքն՝ այդ շրջանակներում իրենք են լուծում իրենց հարցերը, իսկ մնացածն անում է պետությունը: Ստացվում է՝ պետությունն իր ծախսերի հաշվարկով մշակել է հակաճգնաժամային փաթեթ, իսկ համալսարանները չեն ցանկանում զիջման գնալ»,-ընդգծում է ՀԿ-ի նախագահը: 

Հավելում է՝ երբ այս հարցերի հստակ կարգավորումները լինեն, մտադիր են անդրադառնալ կրթական համակարգում առկա տարաբնույթ այլ խնդիրների: 

«Երբ «Բարձրագույն կրթության և գիտության մասին» օրենքի նախագիծն էր քննարկվում, բազմաթիվ հանդիպումների ենք մասնակցել, փոփոխությունների առաջարկներ արել՝ համալսարանի կառավարման համակարգից մինչև Բոլոնյան կրթական համակարգ: Խոցելի հարցեր շատ կան, որոնց կանդրադառնանք առաջիկայում»,-եզրափակում է Ռուբեն Սողոյանը:

ԼՈՒՍԻՆԵ ԱՌԱՔԵԼՅԱՆ

 

website by Sargssyan