Հայ ժողովրդի բոլոր ժամանակների մեծագույն ավանտյուրիստը...«Փաստ» ՎԵՐԼՈՒԾԱԿԱՆ
«Իսկանդերյան հեղափոխություն»․ «Փաստ» ՀԱՐՑԱԶՐՈՒՅՑ
«Թևակոխել ենք մի փուլ, որը մեր երկրի համար շրջադարձային է լի... ՀԱՐՑԱԶՐՈՒՅՑ
Ինչ-որ բան անելու պարզապես ունակ չեն․ «Փաստ» ՎԵՐԼՈՒԾԱԿԱՆ
«Երկրի ավերակ կողմը»․ «Փաստ» ՔԱՂԱՔԱԿԱՆ
Երևան, 27.Փետրվար,
00
:
00
:
00
Փոխարժեք
478.65
$
560.79
Օդապարիկ. ինչպե՞ս մարդն սկսեց «թռչել»․ «Փաստ» Նիկոլ Փաշինյանը նոր նշանակումներ է կատարել Վարչապետը հարգանքի տուրք է մատուցել Սումգայիթի զոհերի հիշատակին Ցինի՛կ, իսկ Եռաբլուրից ի՞նչ էներգետիկա ես ստանում, երբ գիտես, որ այդ հազարավոր տղաները հենց քո նման դավաճանի պատճառով են այդտեղ․ քաղաքագետ ՊԱՏՄՈՒԹՅԱՆ ԱՅՍ ՕՐԸ (27 ՓԵՏՐՎԱՐԻ)․Ակցիա իրականացնող ուսանողները տոնել են իրենց հաղթանակը․ «Փաստ» Ամբողջ բանակն այդ կարծիքին է Հայ ժողովրդի բոլոր ժամանակների մեծագույն ավանտյուրիստը...«Փաստ» Սա ի՞նչ գործ ունի այստեղ. գեներալները խորհրդակցության սենյակից դուրս են հրավիրել Արսեն Թորոսյանին Սպիտակ տունը հայտարարել է, որ առաջիկա շաբաթներին Ռուսաստանի դեմ նոր պատժամիջոցներ է սահմանելու Գերեվարված անձանց թիվն ավելի շատ է, քան ադրբեջանական իշխանությունները հաստատել են. Արման Թաթոյան Հիշեք այս մարդկանց դեմքերը և անունները. նրանք Էրդողանի ու Ալիևի հետ իրենց աջակցություն են հայտնել Փաշինյանին «Իսկանդերյան հեղափոխություն»․ «Փաստ» Արմեն Աբազյանը գիշեր-ցերեկ Օնիկ Գասպարյանին է հսկում Կորոնավիրուսով վարակվածների ու մահացածների թիվն՝ այսօր Վրաստանի ընդդիմությունը մասշտաբային բողոքի ակցիայի է պատրաստվում Քաշաթաղում վերականգնված ՀԷԿ-ը էլեկտրաէներգիա կմատակարարի Աղավնոյին, Բերձորին ու Ստեփանակերտին Օնիկ Գասպարյանի ազատման հետ կապված հանրապետության նախագահի գործառութային լիազորությունների մասին

Ուսանողների թիվը շարունակում է նվազել, իսկ պրոֆեսորադասախոսական կազմն ավելացել է

Ուսումնական տարին ավարտին է մոտենում, և Հայաստանի սոցիալ-տնտեսական վիճակը բնութագրող տվյալներում արդեն հասանելի են 2019/2020 ուստարվա՝ նաև բարձրագույն կրթությանը վերաբերող ցուցանիշները:

 

Որպեսզի հասկանանք, թե ինչպիսին է սովորողների ընդհանուր թվի, անվճար և վճարովի ընդունվածների, ավարտածների, նաև առկա և հեռակա ուսուցման համակարգերում արձանագրված դինամիկան, այս ուսումնական տարվա տվյալները համեմատել ենք 2018/2019 ուսումնական տարվա հետ: Մինչ այդ, նշենք, որ վիճակագրական կոմիտեի հրապարակած տվյալների համաձայն՝ բուհերի քանակը ինչպես նախորդ, այնպես էլ այս ուսումնական տարում չի կրճատվել: Այս պահին Հայաստանում 56 բուհ կա:

Ներկայացնելով 2019/2020 ուստարում բարձրագույն պետական և ոչ պետական ուսումնական հաստատությունների ուսանողների թվաքանակի շարժը բնութագրող ցուցանիշները՝ նկատենք, որ 2019/2020 ուստարում բուհ է ընդունվել 14 631 անձ: 2019 թ.-ին ավարտած ուսանողները 15846-ն են: Բուհերում սովորողների ընդհանուր թիվը նշված ուսումնական տարում կազմել է 64 547:

Համեմատելով 2018/2019թ. ուսումնական տարվա տվյալները՝ նշենք, որ այդ ժամանակահատվածում սովորողների ընդհանուր քանակը եղել է 69 622: Ստացվում է, որ նախորդ ուսումնական տարվա համեմատ 2019/2020 ուստարում ուսանողների թիվը նվազել է 5075-ով:

 Իսկ երբ դիտարկում ենք նաև 2017/2018 թ. ուսումնական տարվա տվյալները, ստացվում է, որ միայն 2019/2020թ.-ին այդ ուստարվա համեմատ ուսանողների ընդհանուր թիվը նվազել է 14 200-ով:

Անդրադառնանք նաև 2018/2019 ուստարվա ընդունվածների և ավարտածների վիճակագրությանը՝ համեմատելով այն 2019/2020 թ.-ի հետ: 2018/2019թ. ուսումնական տարում ընդունվողների թիվը կազմել է 9512, որը 5119-ով ավելի քիչ է 2019/2020 ուստարվա ընդունվողներից: 

Եվ եթե 2019 թ.-ին բուհն ավարտել է 15846 ուսանող, ապա 2018 թ.-ին ավարտողները եղել են 15 540-ը: Այս ցուցանիշները վկայում են, որ թեպետ ուսանողների ընդհանուր թիվը նվազել է, բայց 2019/2020 ուսումնական տարում նախորդի համեմատ ավելացել է և՛ ընդունվողների, և՛ ավարտողների թիվը:

Առանձին դիտարկելով առկա և հեռակաուսուցման ձևերը՝ նշենք, որ առկա ուսուցմամբ ընդունվածների թիվը 2019/2020 ուստարում եղել է 11 392, ավարտածներինը՝ 11 847: 2018/2019 ուստարվա համեմատ առկա ուսուցման համակարգով ընդունված ուսանողների թիվը 2019/2020 ուսումնական տարում ավելացել է 6 596-ով: 2018/2019 ուստարում առկա ուսուցման համակարգով ավարտածները 11 032 են եղել՝ 815-ով ավելի քիչ 2019 թ.-ին այդ համակարգով ավարտածների թվի համեմատ:

2019/2020 ուստարում ավելացել է նաև հեռակա ուսուցման համակարգով ընդունվածների թիվը: Եթե 2018/2019 ուստարում հեռակա ընդունվածները 2 916-ն էին, ապա 2019/2020 ուստարում 3239-ն են եղել:

Ինչ վերաբերում է այս համակարգերով սովորողների ընդհանուր թվին, ապա այստեղ նվազում կա: 2019/2020 ուստարում 2018/2019 -ի համեմատ առկա ուսուցմամբ սովորող ուսանողների թիվը նվազել է 1899-ով, իսկ հեռակա ուսուցմամբ սովորողներինը՝ 3176-ով:

Առանձին անդրադառնալով անվճար և վճարովի ուսուցման համակարգերով բարձրագույն պետական ուսումնական հաստատություններ ընդունվածների տվյալներին՝ նկատենք, որ 2019 /2020 ուսումնական տարում հանրապետությունում անվճար և վճարովի հիմունքներով ընդունվածների ընդհանուր թիվը կազմել է 13 006: Նշված թվից անվճար են ընդունվել 2220-ը, վճարովի՝ 10 786-ը:

2018/2019 ուստարում անվճար և վճարովի հիմունքներով ընդունվածների ընդհանուր թիվը եղել է 8200, որից անվճար է ընդունվել 2008-ը, վճարովի՝ 6 192-ը:

Դիտարկելով անվճար և վճարովի համակարգերով սովորողների ընդհանուր թիվը՝ հավելենք, որ, ի տարբերություն 2018/2019-ի, 2019/2020 ուստարում անվճար հիմունքներով սովորողների ընդհանուր թիվը նվազել է 572-ով, վճարովին՝ 5679-ով:

Միևնույն ժամանակ նշենք, որ վիճակագրական տվյալների համաձայն, 2018/2019 ուստարվա համեմատ 2019/2020 ուստարում 139-ով ավելացել է բարձրագույն պետական և ոչ պետական ուսումնական հաստատությունների պրոֆեսորադասախոսական անձնակազմի թիվը: 

2019/2020 ուստարում ավելացել են նաև 25-ից բարձր տարիք ունեցող սովորողները: Մինչդեռ 17 տարիքային շեմում նվազում կա. եթե 2018/2019-ին այդ տարիքային խմբում սովորողների թիվը 2400 էր, ապա 2019/2020թ. ուստարում դարձել է 1931:

ԱՆՆԱ ԲԱԴԱԼՅԱՆ

website by Sargssyan